კონტადორმა გაისროლა

ტურის ალპური ნაწილის პირველი ეტაპი რთული არ ყოფილა - 162 კილომეტრის განმავლობაში მრბოლელებს მხოლოდ მეორე კატეგორიის სირთულის ერთი მთა ელოდათ ტურის ალპური ნაწილის პირველი ეტაპი რთული არ ყოფილა. 162 კილომეტრის განმავლობაში მრბოლელებს მხოლოდ მეორე კატეგორიის სირთულის ერთი მთა ელოდათ. მასზე დაშვება საკმაოდ სახიფათო იყო - 2003 წელს სწორედ ამ დაღმართზე დაესვა წერტილი შესანიშნავი ესპანელი ველომრბოლის ხოსება ბელოკის კარიერას.ეტაპი რამდენიმე ველმორბოლის უშედეგო შეტევებით დაიწყო. პელოტონმა საათში 50 კილომეტრი სიჩქარე განავითარა და არავის აძლევდა გაქცევის საშუალებას. ბოლოს, როგორც იქნა, ველომრბოლების სოლიდურმა ჯგუფმა მაინც შეძლო მცირე ჰანდიკაპის შექმნა და თანდათან დაშორდა პელოტონს. დაწინაურებულებს შორის იყვნენ: ევალდ ბოასონ ჰაგენი, ტორ ჰუშოვდი, ტონი მარტინი, მიხაილ იგნატიევი, ჟერემი რუა და რამდენიმე ცნობილი ველომრბოლი. მათი გაქცევის შემდეგ პელოტონმა პაუზა აიღო და ფინიშამდე 40 კილომეტრით ადრე ლიდერებს ექვსი წუთით ჩამორჩა.ყვითელი მაისურის ყოფილი მფლობელი ჰუშოვდი ბონუსურ ქულებს არ გამოკიდებია და საშუალედო ფინიში წააგო ბელგიელ დრის დევენეინსთან. ერთ-ერთი დაღმართი კარგად გაიარა იგნატიევმა და მარტო გაუდგა ფინიშისკენ გზას. ის კარგა ხანი ლიდერობდა, მაგრამ შემდეგ სკანდინავიური წარმოშობის კანადელი რიუდერ ჰეშედალი წამოეწია.პელოტონიდან მოულოდნელად შეუტია ალბერტო კონტადორმა. ეს ბოლო მთაზე მოხდა. პირენეებში ესპანელს დაცვითი ტაქტიკა ჰქონდა არჩეული, მაგრამ თანდათან ფორმაში შევიდა და ახლა ორჯერ დაშალა ძირითადი ჯგუფი. მეტოქეები რეაგირებდნენ ამ შეტევებზე, მაგრამ ისიც ჩანდა, რომ ძმები შლეკები და ივან ბასო მთლად მხნედ ვერ გამოიყურებოდნენ. ერთ-ერთი ასეთი გარღვევისას კონტადორმა თან წაიყოლა კეიდელ ევანსი და სამუელ სანჩესი და ნახევარი წუთით გაექცა გენერალური კლასიფიკაციის სხვა ლიდერებს.როგორც ჩანს, ორმა ესპანელმა ამ ეტაპის ერთმანეთში გათამაშება გადაწყვიტა: ჯერ კონტადორს უნდა აეყვანა მთაზე სანჩესი, შემდეგ კი დაშვებისას ეს უკანასკნელი გზას გაუკვლევდა თანამემამულეს. მაგრამ წვიმამ ძალიან დაასველა ტრასა და "მეამბოხეებს" ჩანაფიქრი არ გამოუვიდათ. დაშვებისას სანჩესი ისევ მესამე იყო, ხოლო ეს ჯგუფი ყოფილ მაუნტინბაიკერ ევანსს მიჰყავდა.ამასობაში, გაქცეულთა ჯგუფში იგნატიევს ჰუშოვდი და ჰაგენიც დაეწივნენ და ეტაპზე გამარჯვებისთვის სამი ნორვეგიული გვარის მფლობელი იბრძოდა. სავარაუდოდ, ეს დამთხვევა არ ყოფილა და ჩრდილოელებს მართლაც უადვილდებათ წვიმაში და ცივ ამინდში რბოლა. ბოლო კილომეტრებზე ჰუშოვდი და ჰაგენი მორიგეობით ლიდერობდნენ ჯგუფს და საფირმო სპურტზე აკეთებდნენ აქცენტს. კანადელი ჰეშედალი ამ ბრძოლაში არ ჩარეულა და გვერდზე გადგა, ჰუშოვდს კიბოლო შეტევისთვის მეტი ძალა დარჩა და მსოფლიოს ჩემპიონმა იოლად მოიგო ამ ტურზე მეორე ეტაპი.გენერალური კლასიფიკაციის ლიდერებს შორის პირველი ფინიშთან ევანსი მივიდა - მან ბოლოსკენ შეუტია და ესპანელ თანამგზავრებს ორი წამი მოუგო. ყვითელი მაისურის ჯგუფმა ამ ტრიოსთან 20 წამი წააგო. ეს ბევრი არ არის, მაგრამ კონტადორმა და ევანსმა მორალური გამარჯვება მოიპოვეს. "პისტოლერომ" (კონტადორის მეტსახელი) პირველი გასროლა შეასრულა და ეს არ იქნება მისი ბოლო შეტევა. ასე რომ, ალპებში საინტერესო ეტაპებს უნდა ველოდოთ.XVI ეტაპი1. ტორ ჰუშოვდი (ნორ, GRM) - 3.31,38; 2. ედვალდ ბოასონ ჰაგენი (ნორ, SKY) - იგივე დრო; 3. რიუდერ ჰეშედალი (კან, GRM) - +0,02; 4. ტონი მარტინი (გერ, THR) - +0,38; 5. მიხაილ იგნატიევი (რუს, KAT) - +0,52; 6. ალან პერესი (ესპ, EUS) - +1,25... 11. კეიდელ ევანსი (ავსტრა, BMC) - +4,23; 12. ალბერტო კონტადორი (ესპ, SBS) - +4,26; 13. სამუელ სანჩესი (ესპ, EUS) - იგივე დრო... 18. ტომას ვიოკლერი (საფ, EUC) - +4,44... 22. ფრანკ შლეკი (ლუქ, LEO) - იგივე დრო... 23. დამიანო კუნეგო (იტა, LAM) - იგივე დრო... 30. ივან ბასო (იტა, LIQ) - +5,17... 36. ანდი შლეკი (ლუქ, LEO) - +5,32... 68. ლევი ლაიპჰაიმერი (აშშ, RSH) - +8,08...საერთო ჩათვლა1. ტომას ვიოკლერი (საფ, EUC) - 69.00,56; 2. კეიდელ ევანსი (ავსტრა, BMC) - +1,45; 2. ფრანკ შლეკი (ლუქ, LEO) - +1,49; 3. ანდი შლეკი (ლუქ, LEO) - +3,03; 5. სამუელ სანჩესი (ესპ, EUS) - +3,26; 6. ალბერტო კონტადორი (ესპ, SBS) - +3,42; 7. ივან ბასო (იტა, LIQ) - +3,49; 8. დამიანო კუნეგო (იტა, LAM) - +4,01... 26. ლევი ლაიპჰაიმერი (აშშ, RSH) - +20,12...ყოველდღიური სპორტული გაზეთი "ლელო"

საერთაშორისო აღიარება - საქართველოს ხმა მსოფლიო ველოსპორტის არჩევნებში

ინგლისში ტრანსგენდერები ქალთა ტურნირებიდან მოკვეთეს

ველოფესტივალი BIKE FEST-ი 15 ოქტომბერს დაარსებიდან უკვე მესამედ გაიმართება

იეგოიანის "ექსელსიორმა" მორიგი მარცხი განიცადა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ

დავითაშვილის "სენტ-ეტიენმა" დაძაბულ მატჩში "ნანტს" სძლია

[VIDEO] კლასია, კლასი - მიქაუტაძემ "ვილიარეალს" "ვალენსიასთან" გამარჯვება მოუპოვა!

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

ზივზივაძის "ჰაიდენჰაიმმა" "კოტბუსთან" ქულები გაიყო

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

"ვიმეგობებთ თუ არა მე და დვალიშვილი?" - იანმა შეკითხვას უპასუხა

ახალციხემ სუპერლიგაში პირველი გამარჯვება გორის ივერიონთან მოიპოვა