- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ხვიჩა ამ შანსს მოთმინებით ელოდა... ვინ გახდება იტალიის საუკეთესო ფეხბურთელი?
<p>იტალიის ჩემპიონატში კომფორტული სატურნირო სიტუაციის მიუხედავად, "ნაპოლი" მოდუნებას არ აპირებს და ტროფეის კიდევ ერთი ნაბიჯით მიუახლოვდა. აქაურმა ემოციურმა გულშემატკივრებმა წარსული მწარე გაკვეთილის გამო თავშეკავება მაქსიმალურად გამოიჩინეს, თუმცა უკვე საჩემპიონო ტექსტების ამღერება დაიწყეს...</p><p>ხვიჩა კვარაცხელიასა და ვიქტორ ოსიმენის დუეტი მართლაც აღფრთოვანებას იწვევს. ნიგერიელმა მე-16 გოლი გაიტანა, რითაც საუკეთესო ბომბარდირობისკენ კიდევ უფრო დამაჯერებლად გაიწია. ქართველი გარემარბის მიერ შესრულებული საგოლე პასის სრულად აღქმა კი სიტყვებით რთულია, ის მხოლოდ ექსტრაკლასის შემტევსა (მათგან ეს საქციელი უფრო დასაფასებელია) და პიროვნული თვისებებით გამორჩეულ მოთამაშეს შეუძლია. ხვიჩას 17 მატჩში აქტივში 8 გოლი, 9 საგოლე პასი და 2 მოპოვებული პენალტი აქვს. ჩემპიონთა ლიგასაც თუ ჩავთვლით - 22 მატჩი, 10 გოლი, 12 საგოლე პასი და 3 მოპოვებული პენალტი. რაც შეეხება KO-ს, ანუ კვარაცხელიასა და ოსიმენის საერთო მონაგარს, მათ მონაწილეობა 27 გოლსა და 18 საგოლე მოქმედებაში მიიღეს!..</p><p><img src="pictures/artimages/original/bd7c6a595b10264fc73a7558bca2b666.jpg" border="0" alt="Sportall.Ge" title="ხვიჩა ამ შანსს მოთმინებით ელოდა... ვინ გახდება იტალიის საუკეთესო ფეხბურთელი?" width="600" height="400" style="border: 0px;" /></p><p>"კვარას" ნეაპოლურ კარიერის საწყის ეტაპზე არაერთხელ დაგვიწერია, რომ ხვიჩა სტანდარტულ მდგომარეობებში კარგად მონაწილეობს და მისი ამ კომპონენტში გამოყენება გუნდისათვის სასარგებლო იქნებოდა. შეგახსენებთ, ერთ დროს ქართველ ფეხბურთელს ე.წ. გადმოვარდნილ ბურთებზე ვხედავდით. დროთა განმავლობაში ჯარიმებსა და კუთხურებზე მეტად და შედეგიანად ჩართული კვარაცხელია ვნახეთ. ცალკე საუბარები თერთმეტმეტრიანებზე მიდიოდა. ნიშნულიდან "ნაპოლის" მოთამაშეები საკმაოდ სცოდავდნენ, შორიდან კი ისე ჩანდა, რომ "კვარადონა" საკუთარ მოპოვებულ პენალტებზე და არა მხოლოდ, დარტყმის უფლებას "სათანადოდ" არ ითხოვდა. ერთ-ერთი მატჩის შემდეგ მთავარმა მწვრთნელმა ლუჩანო სპალეტიმ პირდაპირ თქვა, რომ თერთმეტმეტრიანი კვარაცხელიას უნდა შეესრულებინა, თუმცა ბურთთან პოლიტანო მივიდა და ვერ გამოიყენა. ჩემპიონთა ლიგაზე ჩვენებურს ოსიმენმა თითქოს ბურთი დაუთმო, არადა, სპალეტის გადაწყვეტილებით, მასთან ისედაც 77-ე ნომერი უნდა მისულიყო. ხვიჩა თავის შანსს მოთმინებით დაელოდა, თანაგუნდელებთან თუ მწვრთნელთან "საქმის გარჩევა" არ უცდია, 11 მეტრიდან დარტყმის შესაძლებლობა მიიღო და შეგვიძლია ვთქვათ, რომ ეს საქმე უკვე გადაიბარა. ვიმედოვნებთ, მის რეალიზებას მომავალშიც ასეთივე წარმატებით შეძლებს.</p><p><img src="pictures/artimages/original/c1362eaebcf1bc438d52872466cdeb60.jpg" border="0" alt="Sportall.Ge" title="ხვიჩა ამ შანსს მოთმინებით ელოდა... ვინ გახდება იტალიის საუკეთესო ფეხბურთელი?" width="707" height="400" style="border: 0px;" /></p><p>რა თქმა უნდა, "კვარადონას" თამაში, მისი დრიბლინგისა თუ არაორდინარული მოქმედების უნარი სტატისტიკურ მონაცემებზე მაღლა დგას, თუმცა ყოველგვარი მოწიწების გარეშე, დიდია შანსი, კვარაცხელია სერია "ა"-ს სეზონის საუკეთესო მოთამაშედ აღიარონ და ამისთვის მნიშვნელობა ყველაფერს ექნება. აპოკალიფსური სცენარი რომ გამოვრიცხოთ, "ნაპოლი" ნანატრ სკუდეტოს უნდა ეზიაროს, ამ შემთხვევაში კი იტალიის ჩემპიონატის საუკეთესოს წოდება ან ვიქტორ ოსიმენმა უნდა მიიღოს, ანაც ხვიჩა კვარაცხელიამ. ნიგერიელი ძალიან მაგარი ფორვარდია. ის აქაურებს მალე გონსალო იგუაინსაც დაავიწყებს და ედინსონ კავანისაც. "ცხრიანი" ბომბარდირი დამაჯერებელი უნდა გახდეს, თუმცა ჩვენ მაინც სუბიექტური ვართ და მთავარი ჯილდო ჩვენებურისთვის გვსურს. ამაზე საუბარი ადრეა და ჯერ კიდევ დაუჯერებლად გვეჩვენება, მაგრამ ასეა - "კვარას" ევროპის ტოპ-ლიგის სეზონის ფეხბურთელობისა და შესაბამისად, "ოქროს ბურთის" ყველაზე ცოტა, ათეულში მოხვედრის დიდი შანსი აქვს. თუ ჩემპიონთა ლიგაზე მისი გუნდი მაქსიმალურად შორს გავა, მაშინ კიდევ უფრო მეტის შესაძლებლობა იქნება. შედარებისთვის, გასულ სეზონში ლიონელ მესის 14 შედეგიანი პასი ჰქონდა, ახლა მისი ეს მაჩვენებელი ათს შეადგენს. "ბარსელონაში" საუკეთესო პერიოდში არგენტინელის "ასისტები" 21-იც ყოფილა. ეს ძალიან ღირებული და ზოგჯერ გოლზე დიდი მნიშვნელობის კომპონენტიცაა.</p><p>"ნაპოლის" დატვირთული გრაფიკი გრძელდება, მალე ჩემპიონთა ლიგაზე გერმანულ "აინტრახტთან" ორრაუნდიანი დაპირისპირებებიც ელით. უკანასკნელ მატჩში ბოლო დროს დაცვის ხაზში არსებული პრობლემები მინიმუმამდე იყო დასული და დაველოდოთ, უფრო ძლიერ მეტოქესთან რას ვნახავთ. მნიშვნელოვანია, გუნდისთვის ერთ-ერთმა საყრდენმა წერტილმა, სლოვაკმა სტანისლავ ლობოტკამ, თამაში ასეთივე წარმატებით გააგრძელოს და სპალეტის გუნდი მინდვრის ცენტრში არავის არაფერს დაუთმობს, მთავარი შემოქმედებითი ამბები კი ხვიჩა-ვიქტორის დუეტს წარმატებით აბარია!..</p><p><p><p><br></p>
-
გია
ძალიან დიდი მნიშვნელობა აქვს გუნდურობას.არ გვინდა ხვიჩას განსაკუთრებული გამოყოფა. თვითონ ხვიჩა ძალიან თავმდაბალი და სასიამოვნო პიროვნებაა. ყველაფერი თავის სიტყვას იტყვის და შედეგს დადებს. მით უმეტეს არ გვინდა წნეხი 21 წლის ჭაბუკზე. წარმატებას ვუსურვებ, როგორც მთელი საქართველო. ვისურვებდი, რომ პარტნიორებმა ცოტა მეტი იფქრონ მასზე (როგორც ამას ოსიმენი აკეთებს), თუმცა ბურთს თუ ძალიან ხშირადაც არ მიაწოდებენ არც ეგ არის პრობლემა.დატვირთვები, რომლებიც ძალიან დიდია თანამედროვე ფეხბურთში უფრო რბილად და თანაბრად განაწილდება. შედეგიანი მოქმედებები, ხომ საკმარისად დიდია მით უმეტეს დებიუტისათვის.
-
ქ. გ.
პოლონელი გულშემატკივრები: "ნაპოლის ჟელინსკი მიათრევს". ნიგერიელი გულშემატკივრები: "ნაპოლის ოსიმენი მიათრევს". წინა სეზონში სად იყავით? რატომ არ მოიგეთ სკუდეტო? ძალიან მინდა, რომ ManchesterUnited-მა ოსიმენი მალე იყიდოს. იქ ოსიმენი დაიკარგება. ნაპოლი კი უფრო კარგად ათამაშდება. მერე გამოჩნდება, ვინ მიათრევს ნაპოლის.
-
Diego
და რატო უნდა გაყიდონ? ერთი 2-3 წელი მაინც უნდა დარჩეს ნაპოლიში სანამ ნაპოლი მაგარი იქნება. ოსიმენის ყიდვა მხოლოდ ნაპოლის დასასუსტებლად უნდათ "დაინტერესებულ მხარეებს". ეგ იქნება მისი ტრანსფერის ნამდვილი არსი. ტყუილად გააფუჭებენ არც გამოიყენებენ იმიტომ რომ ეს "ინტერესი" მოდის ხელმძღვანელობებისგან კლუბების მმართველებისგან და არა რეალურად მწვრთნელებისგან.ეს არის პოლიტიკური "ინტერესი." იმის მიუხედავად რომ მაგარი ფეხბურთელია, აქამდე სად იყვნენ
-
Spaletti
მთავარია ჩემპიონი გახდეს. ჩემპიონი თუ გახდება აღარ ჭირდება არანაირი სხვა ტიტულები და სტატისტიკები იმიტომ რომ ჩემპიონია და მორჩა. არც ბომბარდირობა არც საუკეთესოობა არც ისა არც ესა, მთელმა გუნდმა ჩემპიონობაზე უნდა იფიქროს და არა ინდივიდუალურ ტიტულებზე. თუ მაინც მოიგებ ოქროს ბუცს ან რაღაცას ეგ უნდა იყოს საჩუქარი ზემოდან და არა პირადი მიზნის მიღწევა ძალისხმევით.
-
ძველ გულშემატკივარს
კაცურად ჭიჭვეიშვილმა რა დაგიშავა?
-
სოსო
ამ ბოლო ხანებში,ამ საიტზე,კარგ ანალიზურ სტატიას რომ წავიკითხავ,სანამ ბოლოში გავალ,უკვე ვიცი,რომ ეს თარგმანი კი არა,ღვთისავარ ანთაძის დაწერილი იქნება და მადლობას ვუხდი,ასე სწრაფი დაოსტატებისათვის.რაც შეეხება საუკეთესოს ტიტულს,ეს დუეტი,ერთობლიობაშია ფანტასტიკური და ვფიქრობ,დიდი მნიშვნელობა არც აქვს,ვის დაასახელებენ,საუკეთესოდ.სწორედ იმიტომ არიან ასე ძლიერები,რომ საერთო საქმისათვის,პირად ინტერესს უკან იტოვებენ და სწორედ ამითი ფასობენ,ორივენი.სეზონის ბოლომდე, ჯერ კიდევ უამრავი მატჩია და ვნახოთ,რა როგორ წარიმართება.თანდათან,ყველაფერი უფრო მკვეთრად გამოჩნდება.ერთი ეგაა,რომ მომდევნო სეზონისათვის,გუნდის რიგ ფეხბურთელებისათვის ისეთ შეთავაზებებს მიიღებენ,რომ მათ შენარჩუნებას ვერ შესძლებენ და შესაბამისად,ჩემპიონთა ლიგის მოსაგებად,მხოლოდ ეს ერთი ცდა აქვთ.ასეთ ბატალიებში გამოუცდელ ფეხბურთელებს,რამდენად ეყოფათ ძალა,ბოლომდე გასასვლელად,ესაა საკითხავი.იმედია, სპალეტი ამ პრობლემის გადაჭრის გზებს იპოვის.მადრიდის რეალს რომ ვუყურებ,ისეთი შთაბეჭდილება მრჩება,თითქოს ჩემპიონთა ლიგისათვის დაიწყო ძალების მოკრება.
-
მამუკა
ნაპოლი გახდება ჩემპიონი, კვარა სერია ა-ს საუკეთესო მოთამაშე, ოსიმენი საუკეთესო ბომბარდირი. მთავარია ეხლა აინტრახტის ბარიერი გადალახონ, მერე კიდევ ვნახოთ ვის შეხვდებიან
-
ჟორა გაბრიჭიძე
კარგია, რომ ხვიჩამ პენალტების დარტყმა დაიწყო და ორივეჯერ ცხრიანში გაუშვა, ოღონდ უფრო მეტი სიმაღლე უნდა მისცეს ბურთს. გუნდი თასზე თამაშობს, ამიტომ 6-7 პენალტისტი უნდა ყავდეთ, ანუ ყველა ვარჯიშზე 8-10 პენალტი ყველამ უნდა შეასრულოს და უნდა დასპეცდონ მეკარის მოძრაობის გამოცნობაში კი არა, არამედ ბურთის ცხრიანში დარტყმაში. როგორც არ უნდა გამოიცნოს მეკარემ ბურთის მიმართულება, ამსიგრძე ნახტომის გაკეთება პრაქტიკულად შეუძლებელია.
-
ასევე ძველი
ვისაც გინდათ, იმას შევადაროთ, მაგრამ ეს სხვისი, თუნდაც მარადონასგან კოპირებული თიკუნი მაინც სასაცილოდ უფრო ჟღერს პირადად ჩემთვის და უკეთეს შემთხვევაში ლეგენდარული ფეხბურთელის ასლად აღიქმება.
-
თემო
ნამდვილად მაგარ ფორმაში არიან და მიქაუტაძე დაგავიწყდათ კიდევ
-
ზურა
მაინც მგონია რომ დაცვაში მოძლიერება გვჭირდება და კანკავას შემცვლელი გვაკლია. კვარა და ფორმაში ჩამდგარი ჩაკვე- ეს უკვე საშინელება იქნება ყველა მოწინააღმდეგისთვის!!!
-
ალექსა
ნაპოლის ჩემპიონობის შემთხვევაში (ამის უდიდესი ალბათობაა), საუკეთესო ან კვარა გახდება, ან ოსიმენი. ამ ეტაპზე კვარას ეკუთვნის, იმედია ბოლომდე ასე იქნება. გააჩნია ვინ როგორ გააგრძელებს და დაამთავდებს ჩემპიონატს.
-
ძველ გულშემატკივარს
მარადონას უნდა შევადაროთ აბა ჭიჭვეიშვილს ხოარ შევადარებთ??ბიჭი საქართველოში ნასწავლი ფეხბურთით მსოფლიოს ანცვიფრებს და უცხოპლანეტელობა მეტი რას ქვია?? 21-წლისაა ჯერ ცოტაც მოითმინეთ და ნახავთ რამხელა სიკაშკაშის ვარსკვლავთან გვაქვს საქმე
-
თენგო
კიტეიშვილი შევა ბოლომდე ფორმაში ზივზივაძეს კაი პრაქტიკა ექნება უკვე დავითაშვილი დათვივით აწვება მაგრად რაც მაგარი სასიხარულოა, ჩაკვე ძლიერ ფორმაშია უკვე დაცვა საიმედო გვყავს მეკარე ხომ უებარი კვარა პლიუს ერთი გუნდია ვინ მოგვერევა? რომელ ნაკრებს არ ეშინია ჩვენი?
-
ქ. გ.
ნაპოლი ოსიმენს რომ გაყიდის, მერე ხვიჩა 100% საგოლე შანსებს თვითონ დაამთავრებს და სხვებს არ მიუგორებს ბურთს. გუშინწინ დავწერე აქ, რომ საგოლე პასების მიწოდების დავალება აქვს მიღებული ხვიჩას მწვრთნელისგან. და ასეც მოხდა.
-
ძველი გულშემატკივარი
ხვიჩა არის ძალიან ძალიან კარგი, ორი აზრი არააა ფეხბურთისთვის 30 წელი არ მიყურებია(ცოტა ზიდანს ვუყურებდი) და მაგისი წყალობით ფეხბურთის ყურება ისევ დავიწყე... მაგრამ ხალხნო უხერხულია მარადონას ნუ ადარებთ---მარადონა უცხოპლანეტელი იყო მარადონამდე ჰააა ჰააა მესიც ვერ მივა და 21 წლის ბიჭი?
-
Mdaa
ყველაფერი ეს კარგია მაგრამ სხვა ფეხბურთელებზე დაწერეთ რამე ერთი კაცით შორს ვერ წავალთ
Rousing The Kop: "ლივერპულს", შესაძლოა, მამარდაშვილის დაკარგვასთან შეგუება მოუწიოს, ვიდრე ის ისეთი პრობლემა არ გახდება, რომელსაც ვერ მოაგვარებენ
განაწყენებული ბარკოლა სასტარტოში - ითამაშებს კვარაცხელია "პარიზთან"?
ლომინაძე შეცვლაზე შევიდა - "ეშტორილი" "ბენფიკასთან" დამარცხდა
სანტანდერში საგიჟეთია, გულიაშვილი სასტარტოშია - "რასინგი" ლა ლიგას უახლოვდება
გოჩოლეიშვილი სათადარიგო იყო - "ჰამბურგი" "ბაიერს" ფრედ ეთამაშა
20 წ. | საერთაშორისო სერიისთვის 30 მოთამაშე შეირჩა
ოფიციალური შეთავაზება მზადაა - ალისონი "იუვენტუსს" სულ უფრო უახლოვდება
ყველა ტრანსფერზე - "ლიონის" შემდეგ რთულ ფინანსურ მდგომარეობაში "მარსელიც" აღმოჩნდა
"აიაქსს" მომავალი სეზონიდან ახალი მწვრთნელი ეყოლება
ასე ხმაურიანად დაბრუნდება? - მოურინიოს "რეალში" "ბარსელონას" ფეხბურთელის მიყვანა სურს
როგორი შეფასებები მიიღო მამარდაშვილმა "ასტონ ვილასთან" მატჩში?
დავითაშვილის "სენტ-ეტიენმა" "როდეზს" მოუგო და ლიგა 1-სკენ ნაბიჯი გადადგა
ზედიზედ მეოთხედ - ვახტანგ ახობაძე ევროპის ჩემპიონია
VIDEO | ეროვნული ლიგა | ტორპედო 2-1 დილა. კორღალიძის მარცხიანი დებიუტი
"ასტონ ვილა" - "ლივერპული". გუნდების შემადგენლობები ცნობილია
თბილისის 7-კაცას "ლოკომოტივის ბაზა" უმასპინძლებს
ითამაშებს თუ არა დღეს მამარდაშვილი? - Liverpool Echo ინფორმაციას ავრცელებს
"ბაიერი" მწვრთნელს გადააყენებს
ქართველი მსაჯები საბერძნეთის სუპერლიგის ბოლო ტურის მატჩს განსჯიან
ზურიკო წინ, დღეს ბუდუს ამბავი და პსჟ-ის ბოლო ტური
"ეს რაგბია და არა ფეხბურთი" - ბერნარდო სილვამ "არსენალი" გააკრიტიკა
მომავალ კვირას ყველაფერი გაოფიციალურდება - ცნობილია რამდენს გადაუხდის "რეალი" "ბენფიკას" მოურინიოს სანაცვლოდ
"ნიუკასლის" შემტევმა "ბაიერნთან" პირადი კონტრაქტი შეათანხმა
განაწყენებული ბარკოლა სასტარტოში - ითამაშებს კვარაცხელია "პარიზთან"?
"ნაპოლი" სახლში "ბოლონიასთან" დამარცხდა
ზურიკო წინ, დღეს ბუდუს ამბავი და პსჟ-ის ბოლო ტური
საქმე სერიოზულადაა - ოსიმენმა და კვარაცხელიამ შეიძლება ისევ ერთად ითამაშონ
კიდევ ერთი კვარაცხელია სერია А-ში - "ნაპოლიში" თუ "ინტერში"?
[VIDEO] კვარაცხელიამ "ლანსს" გაუტანა და პსჟ-სთან ერთად მეორედ გახდა საფრანგეთის ჩემპიონი
როგორი შეფასებები მიიღეს პსჟ-ს ფეხბურთელებმა "ლანსთან" მატჩში?
"კვარაცხელიას ლიგა 1 საერთოდ არ აინტერესებს - მაინც გაიტანა" - რიოლო თავისას არ იშლის
ურთიერთობა მაინც გაუფუჭდათ? - კონტესა და "ნაპოლის" გზები იყრება
ნუთუ დე ლაურენტისი ვაჭრობაზე უარს ამბობს? - "ნაპოლიმ" ლუკაკუს გასაყიდი ფასი დაასახელა
კვარაცხელიასთან და დემბელესთან ერთად შეუტევს - პსჟ-ს ახალი თავდამსხმელი ეყოლება
გადაწყვეტილება მიღებულია - "ნაპოლი" "მანჩესტერ იუნაიტედიდან" ჰოილუნს გამოისყიდის