"არასდროს მქონია საშუალება, საქართველოს ჰიმნი მემღერა ქართველის გამარჯვებისას" - გაიცანით ემიგრანტი პარიზის გრან-სლემიდან

5 თებერვალს, პარიზის გრან-სლემის ბოლო საშეჯიბრო დღეს, 81 კგ წონით კატეგორიაში მოასპარეზე ტატო გრიგალაშვილმა ოქროს მედალი მოიპოვა. გამარჯვებიდან რამდენიმე წუთში ოლიმპიურმა ჩემპიონმა ლაშა ბექაურმა სოციალურ ქსელში გამოაქვეყნა ვიდეო, სადაც დარბაზში ჩანს მამაკაცი საქართველოს დროშით, რომელსაც საქართველოს ჰიმნის გაგონებაზე ცრემლები მოსდის და გულზე გამარჯვების მუშტს ირტყამს...სოციალურ ქსელში ყველა კითხულობდა, ვინ იყო ემიგრანტი კაცი, რომელიც თანამემამულის საგულშემატკივროდ დარბაზში მივიდა და გრიგალაშვილის გამარჯვების ემოციები მთელი საქართველოს სახელით გამოხატა. ეს კაცი ესპანეთში მცხოვრები გოგიტა შამუგიაა, რომელმაც ბავშვობის ოცნება აისრულა და იმ დროს იმღერა საქართველოს ჰიმნი, როდესაც ჩვენი ქვეყნის დროშა ყველაზე მაღლა იყო აწეული... ოცნება აუსრულდა მის უფროს ვაჟსაც, დავითს, რომელიც თავადაც ძიუდოში ვარჯიშობს და საყვარელი სპორტსმენი პირადად გაიცნო...<iframe src="https://www.facebook.com/plugins/video.php?height=317&href=https%3A%2F%2Fwww.facebook.com%2Fambebi.ge%2Fvideos%2F937260351047458%2F&show_text=false&width=560&t=0" style="border:none;overflow:hidden" width="560" height="317" scrolling="no" frameborder="0"></iframe>- ჩემპიონატზე როგორ მოხვდით, შვილთან ერთად ჩახვედით საფრანგეთში ესპანეთიდან?- ძალიან მიყვარს ძიუდო. აქაური მეგობრები ხშირად მეკითხებოდნენ ქართველ სპორტსმენებზე, არავის იცნობდნენ. ყველას ვეუბნებოდი, ოლიმპიადას უყურეთ და ნახეთ ქართველების ძიუდო-მეთქი. ეს არის ჩემთვის, როგორც საქართველოს სიმბოლო. მაგიტომ შემიყვარდა, რომ ყველაზე წარმატებულები ვართ ამ სპორტში. ბავშვმა თავიდან ფეხბურთი აირჩია, მაგრამ შემდეგ ორივე ძიუდოზე შევიყვანე. ერთ დღესაც უფროსმა მითხრა, მამა, ჩემი დაბადების დღის საჩუქარი იქნება, თუ ქართველ ძიუდოისტებს გავიცნობო. 10 თებერვალს არის დაბადებული. ყველაზე მეტად მიყვარს ტატო გრიგალაშვილი, ჩემი სტილის არისო. ეს მოხდა ოქტომბერში. მაშინ გადავწყვიტეთ, რომ ისრაელში ჩავსულიყავით. ნიკო შერაზადიშვილთან ვმეგობრობ, რომელიც იქ ასპარეზობს, მაგრამ მისივე რჩევით, ცოტა დაძაბული სიტუაციაა და არ გინდა ბავშვთან ერთად, პარიზში ჯობიაო. მაშინვე ვიყიდე პარიზის ბილეთები. აქამდე არასოდეს მქონია საშუალება, რომ საქართველოს ჰიმნი მემღერა, როდესაც ქართველი იმარჯვებს. ეს იყო ჩემი ბავშვობის ოცნება... პარიზში რომ ჩავედით, ცოტა პრობლემა იყო დარბაზში, საფრანგეთის დროშის გარდა, არავის აძლევდნენ საშუალებას, თავისი ქვეყნის დროშა ჰქონოდა. პირველ დღეს ამის გამო ცოტა უხეშად შენიშვნაც მომცეს. ვუთხარი, მამაჩემი ამ დროშის გამო მოკვდა და გთხოვთ, დროშა უნდა დავიცვა, რამეში კი არ გეჯიბრებით-მეთქი. მეორე დღეს მითხრეს, გქონდეს, მაგრამ სულ დროშით არ იდგეო. არც ვიცოდი, რომ კამერაში მოვხვდი და ამ დროს ყველამ ნახა, რომ გულზე ხელს ვირტყამდი.- თქვენი ოცნება ასრულდა და თქვენმა შვილმა თუ გაიცნო ქართველი სპორტსმენები?- დიახ, ტატო პირადად გაიცნო, მაგრამ ძალიან გართულებული იყო მიახლოება, დაცვა გამკაცრებული იყო უკრაინის მოვლენების გამო. ასევე გაიცნო საქართველოს ძიუდოს ნაკრების მწვრთნელი, რომელიც საუკეთესო მწვრთნელად აღიარეს. მე კი ჩემი ოცნება ავისრულე და ვიმღერე ჩემი ქვეყნის ჰიმნი, მაშინ, როდესაც ყველაზე მაღლა ფრიალებდა საქართველოს დროშა. გმირები არიან ის ბიჭები, რომლებმაც ამის საშუალება მომცეს...<a href="https://www.ambebi.ge/article/289011-bavshvobis-ocneba-avisrule-vutxari-mamachemi-am/" target="_blank">განაგრძეთ კითხვა</a>

ჟორა

ეს ყველაზე ნაკლებად ემართებათ ქართველებს.
გულშემატკივარი

ძალიან ამაღელვებელია და ყოჩაღ ამ ადამიანს, მაგრამ მოდი სიმართლეს თვალებში შევხედოთ. თუ ამის შვილები საქარტველოში არ დაბრუნდნენ საცხოვრებლად, მისი შვილიშვილები დიდი ალბათობით უკვე ესპანელები იქნებიან ისევე, როგორც მრავალი ქარტული წარმოშობის ახალგაზრდა არის ფრანგი, იტალიელი, ამერიკელი და ასე შემდეგ. ადამიანი სადაც დაიბადა, გაიზარდა და სადაც მეგობრები, შეყვარებული, და ასე შემდეგ ყავს ის ხდება მისი სამშობლო 100 დან 90 შემთხვევაში. ოჯახმა შეიძლება ძალიანაც სცადოს ქართულად გაზრდა, მაგრამ გარემო თავისას შვება.
გიუშა

ერთ ათ წელიწადში შენი შვილების გამარჯვება გეზეიმოს ასე საქართველოს სახელით
მალხაზ ჯობავა

სი ქუგგალე ჯიმა. (შენ შემოგევლე ძმა.)
ლადო

ეს კაცია ქართველი ადამიანის სახე. დარწმუნებული ვარ, ვინც ამ კომენტარს კითხულობს, ყველას აცრემლიანებია თვალები ქართველი სპორტსმენების წარმატებით. ეს პატრიოტიზმია მეგობრებო, გვაჯერებენ რომ ცუდი ერი ვართ, მაგრამ არა/ვერა. სანამ ასე გვიხარია ჩვენი ქვეყანა, მანამ არაფერი გვემუქრება
rembo

გენაცვალე ჯიგრში ქართველოო

მოვლილი წვერი და უქერტლო თმა - სპეციალურად მამაკაცებისთვის შექმნილი ბრენდი Recipe

თბილისში მატჩზე ან სპორტულ ღონისძიებაზე დასასწრებად მოგზაურობა: სად ვიქირაოთ ბინა და როგორ დავზოგოთ საცხოვრებელზე

ერექციული დისფუნქცია მამაკაცებში - რა უნდა ვიცოდეთ?

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

ზივზივაძის "ჰაიდენჰაიმმა" "კოტბუსთან" ქულები გაიყო

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

ახალციხემ სუპერლიგაში პირველი გამარჯვება გორის ივერიონთან მოიპოვა

Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა

გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა

აბუაშვილის "მეცმა" კაცნაკლულ "დიუნკერკს" ვერ მოუგო

VIDEO | ეროვნული ლიგა| ნინუას სტანდარტი და არაფრისმომცემი ქულები

ქართველები რუმინეთსა და ინგლისში; იტალიელი, შოტლანდიელი და სამხრეთ აფრიკელი საქართველოში

უკრაინა - საქართველო | ინფორმაცია ბილეთების შესახებ

კლოპმა განმარტა, რატომ უგულშემატკივრებს ელ კლასიკოში "ბარსელონას"

"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"

დაბრუნდება ინძაგი იტალიაში? - "იუვენტუსს" მთავარი მწვრთნელის პოსტზე ახალი კანდიდატი ჰყავს

მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის

პსჟ-ის დასაფასებელი საქციელი - ახალი კონტრაქტი კვარაცხელიას და კვლავ ყველაზე მაღალანაზღაურებად ფეხბურთელებში

როტენი: კატასტროფაა - "კვარას" გარეშე პსჟ ვერასდროს ვერ მოიგებდა ჩემპიონთა ლიგას

ნიკა ამაშუკელი - ტოკიო, ლონდონი და გენუა

ხვიჩა გვაკლია და სიცარიელეს აჩენს... პსჟ-ის მატჩია, მაგრამ...