- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ეს თასი ვის სჭირდება? მთავარი პრესტიჟია!
<p>რურის დიდი დერბი სუპერთასზე: თასის მფლობელი "შალკე" ჩემპიონი "ბორუსიას" წინააღმდეგ <br> ჯერ სუპერთასი რა ოხრობაა და მით უმეტეს არაოფიციალურიო - გერმანიაში თასის მფლობელისა და ჩემპიონის დაპირისპირებას დასცინიან. მაგრამ ასეა თუ ისე, უნდა ვაღიაროთ, რომ დღეს გერმანიაში სეზონის პირველი ტიტული გათამაშდება.</p><p>თუმცა მატჩის მონაწილეები დღევანდელ დაპირისპირებას ძალიან სერიოზულად უყურებენ - არა იმიტომ, რომ სუპერთასის მოგებაზე ოცნებობენ, არამედ იმის გამო, რომ სასწორზე პრესტიჟი დევს. არ შეიძლება, გამორიცხულია, რომ „შალკესა“ და დორტმუნდის „ბორუსიას“ მატჩს სიმძაფრე აკლდეს. ისინი ხომ მოსისხლე მტრები არიან და ერთმანეთთან ყოველთვის ანგარიში აქვთ გასასწორებელი.</p><p>„ჯერ ერთი, სუპერთასს ძალიან ბევრი ფული მოაქვს. მეორე: ვეთამაშებით „შალკეს“ და ამით უკვე ყველაფერი ნათქვამია. და მესამეც: რაც არ უნდა იყოს, ერთმანეთს გერმანიის ჩემპიონი და თასის მფლობელი ხვდებიან. შესაბამისად, ყველას, ვინც ხელოვნურად ცდილობს ამ შეხვედრის მნიშვნელობის დაწევას, შემიძლია ვთქვა, რომ ბუნდესლიგა და ზოგადად ფეხბურთი არ ესმის, - ეს დორტმუნდელთა გენერალური მენეჯერის, ჰანს-იოახიმ ვატცკეს სიტყვებია, რომელიც იქვე დასძენს, - ჩვენ ყველაფერს გავაკეთებთ ამ თამაშის მოსაგებად.“</p><p>რურის დიდი დერბი ემოციურად ყოველთვის გადატვირთულია ხოლმე, ამ შემთხვევაში კი, მუხტი „შალკეს“ უფრო აქვს, რასაც გუნდის მთავარი მწვრთნელი რალფ რანგნიკიც ადასტურებს - „დორტმუნდის“ დამარცხების სურვილი გერმანიის სუპერთასის მოგების სურვილზე გაცილებით დიდი და მნიშვნელოვანი რამ არისო.</p><p>ესეც რომ არ იყოს, გასულ სეზონში „შალკე“ ჩემპიონ „დორტმუნდს“ 13 ადგილით ჩამორჩა, რაც გელზენკირხენული კლუბისთვის, მოსისხლე მტერ „ბორუსიასთან“ ბრძოლაში ისტორიული მარცხია. ამდენი ადგილით შალკელები დორტმუნდელებს ბუნდესლიგის ისტორიაში მანამდე მხოლოდ ერთხელ, 1965 წელს ჩამორჩნენ.</p><p>„პროფესორმა რალფმა“ კარგად იცის, რა მოეთხოვება. მისი ამოცანა ზედმეტად ძვირი და უმაქნისი „ვარსკვლავების“ თავიდან მოშორება და „ბორუსიას“ ახალგაზრდული სტილის კოპირებაა. რაც ყველაზე მთავარია, რანგნიკს მთელი გელზენკირხენი დერბის მოგებას ავალდებულებს. და მერე რა, რომ დღეს საქმე არც ქულებს ეხება და სუპერთასიც არ არის ისეთი ტიტული, რომლისთვისაც თავის მოკვლა ღირს - რანგნიკი ამბობს, „დორტმუნდთან“ ბრძოლაში სასწორზე ჩვენი პრესტიჟი დაიდება, რაც იმას ნიშნავს, რომ ამ თამაშის მოსაგებად ყველაფერი უნდა გავაკეთოთო.</p><p>ამ ყველაფრიდან გამომდინარე, ვერც რანგნიკი და ვერც „ბორუსიას“ თავკაცი იურგენ კლოპი ვერ მისცემენ თავს იმის უფლებას, რომ დღევანდელ დერბიში ექსპერიმენტებს მიმართონ.</p><p>„60 000 მაყურებელი სტადიონზე იქნება, მის მიღმა კი მილიონობით ფანმა უნდა გვიყუროს. მართალია, სეზონის ბოლოს იმის თქმა, რომ გუნდმა თავისი საუკეთესო მატჩი სუპერთასზე აჩვენა, სასაცილო და არაფრისმთქმელია, მაგრამ რაკი ამ შემთხვევაში ჩვენი მეტოქე „შალკეა“, ეს ბრძოლა აუცილებლად უნდა მოვიგოთ,“ - ეს კლოპის სიტყვებია.</p><p><strong>დორტმუნდში ტრავმიანობაა</p><p></strong>კლოპს საკადრო პრობლემები თავზესაყრელად აქვს და გარკვეულწილად ექსპერიმენტირება მაინც მოუწევს. იურგენი მიიჩნევს, რომ ზოგადად მისი გუნდი ახლა უფრო კარგადაა დაკომპლექტებული, ვიდრე შარშან იყო - მიუხედავად იმისა, რომ „ბორუსია“ ნური შაჰინმა დატოვა - მაგრამ ხუთი წამყვანი ფეხბურთელის არყოფნა მაინც სერიოზული დანაკლისია.</p><p>მარცხენა მცველი მარსელ შმელცერი 99 პროცენტით ვერ ითამაშებს. კითხვის ნიშნის ქვეშაა სვენ ბენდერის, მარიო გიოტცეს და კევინ გროსკროიტცის ასპარეზობაც. დიდი შანსია, რომ მოედანზე გასვლა ვერც ნევენ სუბოტიჩმა შეძლოს - ამ უკანასკნელმა „ლიგა ტოტალის“ თასზე, „ჰამბურგთან“ მოგებულ ფინალში ტვინის შერყევა მიიღო.</p><p>„შალკესთვის“ დამატებითი მოტივაცია იქნება ფულიც - შემოსავლის 50 პროცენტს გამარჯვებული მიიღეს, დამარცხებულს კი 40 პროცენტი დარჩება. დანარჩენი ათი პროცენტი ორგანიზატორებისაა. ზუსტად არავინ იცის, რამდენია გერმანიის სუპერთასის შემოსავალი, მაგრამ თუ იმას გავითვალისწინებთ, რომ შეხვედრას 60 000 მაყურებელი დაესწრება და თანაც მატჩის პირდაპირი რეპორტაჟი 175 ქვეყანაში გადაიცემა.</p><p><strong>სავარაუდო შემადგენლობები</strong></p><p>შალკე (4-1-3-2): ფერმანი - უჩიდა, პაპადოპულოსი, ჰიოვედესი, ფუხსი - მატიპი (ან კლუგე) - ბაუმიოჰანი, ჰოლტბი, დრაქსლერი - ჰუნტელაარი, რაული.</p><p>ბორუსია დ. (4-2-3-1): ვაიდენფელერი - პიჟჩეკი, ფელიპე სანტანა, ჰუმელსი, ლიოვე - კელი, გიუნდოგანი - გიოტცე (ან ლაიტნერი), კაგავა, პერიშიჩი - ლევანდოვსკი.</p><p><strong>ყოველდღიური სპორტული გაზეთი "ლელო"</strong></p>
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
"ნაპოლიმ" "კრემონეზე" გაანადგურა
მთავარი სამიზნეა - "ბაიერნი" ენტონი გორდონის შეძენას შეეცდება
VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...
crocobet დიდი 10 | "ბათუმი" საქართველოს ჩემპიონია!
VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე
[VIDEO] ქვილითაიამ საფრანგეთში ზედიზედ მეორე მატჩში გაიტანა
საქართველოს ნაკრებმა ევროპის ჩემპიონატზე რვა მედალი მოიპოვა
ლოჩოშვილის "ნიურნბერგმა" "მაგდებურგს" მოუგო
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
"ანჟესთან" მატჩში პსჟ-ს შემადგენლობა ცნობილია
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ
ბენზემამ გამორიცხა - კარიმი ფეხბურთელის რანგში მშობლიურ გუნდში არ დაბრუნდება
"მილანი" ძლიერდება - "როსონერი" ორი ტრანსფერის განხორციელებასთან ძალიან ახლოსაა
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა