კვარაცხელია გამთამაშებლად? - რა შეიძლება შეცვალოს სპალეტიმ "ლეჩესთან" და "მილანისთვის"...

"მილანთან" საკუთარ მოედანზე კატასტროფული (0:4) მარცხის შემდეგ, "ნაპოლის" გულშემატკივრებს, მათ შორის, საქართველოში, საფიქრალი მოემატათ. თითქოს სანერვიულო რა უნდა იყოს - 33-წლიანი ლოდინის შემდეგ გუნდს სკუდეტო გარანტირებულად მოგებული აქვს, თუმცა პრინციპულ მეტოქესთან წაგება მაინც საწყენია. მნიშვნელოვანია, რომ ჩემპიონთა ლიგის მეოთხედფინალში ეს გუნდები მალევე ერთმანეთს უნდა დაუპირისპირდნენ და ამ კონტექსტში უსიამოვნება უფრო საგრძნობია. მართლაც მადისა და ჭამის ამბავია, ნეაპოლელებს დიდი ამბიციები უეფას ყველაზე პრესტიჟულ საკლუბო ტურნირზეც გაუჩნდათ. აბა, სეზონის წინ ამ ქალაქის მცხოვრებლებისთვის გეთქვათ, ქვეყნის ჩემპიონები გახდებითო და სხვა სურვილს არც არავინ დაასახელებდა...<img src="pictures/artimages/original/ff1ebe0a98c334bf107cc8012ab6cc74.jpg" border="0" alt="Sportall.Ge" title="კვარაცხელია გამთამაშებლად? - რა შეიძლება შეცვალოს სპალეტიმ "ლეჩესთან" და "მილანისთვის"..." />მწვრთნელის ხვედრი მაინც ესაა, მარცხის დროს, პირველ რიგში, ხელს მისკენ იშვერენ, რა სეზონზეც უნდა ვსაუბრობდეთ. ლუჩანო სპალეტის სასწრაფო ზომების მიღება სჭირდება, რათა გუნდი ჩვეულ კალაპოტს დაუბრუნდეს. მილანელებთან ორრაუნდიანი დაპირისპირების წინ საფიქრალი მართლაც ბევრია.როგორ აგვარებდა აქამდე კრიზისებს "ნაპოლის" დამრიგებელი? ის მაქსიმალურად ცდილობდა, გუნდისთვის მნიშვნელოვან ფეხბურთელებს მეტი შანსი მიეღოთ, რათა სათანადო ფორმაში დაბრუნებულიყვნენ. ასე მოგვარდა კიმ მინ ჯეს რთული პერიოდი თუ ზამბო ანგისას სუსტი თამაში. "ლეჩესთან" მატჩი პარასკევს, 7 აპრილსაა (21:00 სთ). დრო საკმაოდ ცოტაა, მას კი "მილანთან" საჩემპიონთალიგო სტუმრობა მოჰყვება. სპალეტის სტილიდან გამომდინარე, ნაკლებად უნდა ველოდოთ იმას, რომ უახლოესი ტურის მატჩში ბევრ ცვლილებას ვნახავთ. ყველაფერთან ერთად, გუნდს განსაკუთრებული საკადრო რესურსი არ აქვს და დამატებითი მატჩით არსებულმა კონტინგენტმა თვითრწმენა უნდა დაიბრუნოს. სტანისლავ ლობოტკას მატჩი ჩაუვარდა, თუმცა ის ამ გუნდის ხერხემალია. სლოვაკს დატვირთული სეზონის აქვს, მაგრამ ახლა დასვენებაზე მეტად ჩვეულ ტონუსში დაბრუნება ესაჭიროება. ცუდი იყო ამირ რაჰმანი. მან ძალები უნდა მოიკრიბოს და ლეაო-ჟირუს წყვილს დიდი წინააღმდეგობა გაუწიოს.<img src="pictures/artimages/original/1774e999f49513c09ca07270cc3bf613.jpg" border="0" alt="Sportall.Ge" title="კვარაცხელია გამთამაშებლად? - რა შეიძლება შეცვალოს სპალეტიმ "ლეჩესთან" და "მილანისთვის"..." />ე.წ. ჯოკერზე საუბარი მაინც შეუძლებელია, ნეაპოლელთა განაცხადში ახლა ამ სტატუსის მოთამაშე ნაკლებადაა, თუმცა გარკვეული ტაქტიკური ცვლილებებით სიახლის შეტანა შესაძლებელია. ვთქვათ, რომ ეს ხვიჩა კვარაცხელიას სრულიად განსხვავებულ პოზიციაზე თამაშიც კი იყოს. რა თქმა უნდა, ქართველი გარემარბი მატჩის დროს ბევრს მოძრაობს და თითქმის ყველგანაა, თუმცა, ძირითადად, მაინც მარცხენა ფრთას იკავებს. მისი უფრო მეტად ცენტრში, გამთამაშებლის პოზიციაზე თამაში კი მოულოდნელობის ეფექტის მატარებელი იქნება. "კვარას" შესაბამისი უნარები ნამდვილად აქვს. კარგად ჩანს, რომ პიოტრ ზელინსკი ბოლო დროს ამ ფუნქციებს სათანადოდ ვერ ითავსებს, ელიფ ელმასისთვის კი იდეალური პოზიციის მოძებნა გართულებულია, პოლონელს ვერც ის ცვლის. არ ვიცით, იტალიურ მედიაში ახლა ამას რამდენად განიხილავენ, მაგრამ საქართველოში მსგავსი მსჯელობის უფლება ნამდვილად გვაქვს, ჩვენებური ხომ ამ გუნდის წარმატების ერთ-ერთი მთავარი განმსაზღვრელია!..შემტევი ალესიო ძერბინი "ფროზინონეს" შემადგენლობაში საკმაოდ შედეგიანი იყო. ის "ნაპოლის" აკადემიის აღზრდილია, თუმცა ახლა ობიექტური მიზეზებით ცოტა დრო ეძლევა და თავდაჯერება აკლია. ის 24 წლისაა და თუ ვინმეს შეუძლია, "კულისებიდან" აფეთქდეს, ნამდვილად ძერბინია. სპალეტი ბოლო დროს როტაციაზე, ფაქტობრივად, უარს ამბობს და "მეორე ეშელონის" ფეხბურთელებს დრო, ფაქტობრივად, არ ეძლევათ.ჯაკომო რასპადორი "მილანთან" ენერგიულად შემოვიდა და სავარაუდოა, რომ "ლეჩესთან" სასტარტოში დაიწყებს. გატანა მასაც შეუძლია და ჯოვანი სიმეონესაც, ეს კარგად დავინახეთ, თუმცა, როცა ვიქტორ ოსიმენი "დაფრინავს" და ცოტა დრო გაქვს, ბევრს ვერაფერს გააწყობ. ახლა ნიგერიელი ტრავმირებულია და "მილანამდე" რომც მომჯობინდეს, იდეალურ კონდიციებში ვერ იქნება.სპალეტის არსებული კონტინგენტით ტაქტიკური ცვლილებების განხორციელება შეუძლია. ერთი ჩავარდნის გამო ამაზე რამდენად წავა,რთული სათქმელია. ორი ფორვარდით თამაში ერთ-ერთი ვარიაციაა, თუმცა შუა ხაზში ერთით ნაკლები ფეხბურთელით თამაში სპალეტისა და დღევანდელი "ნაპოლის" პირობებში წარმოუდგენელი ჩანს.<img src="pictures/artimages/original/e05f0dcd7820c7e5d5d2ad40da554e6b.jpg" border="0" alt="Sportall.Ge" title="კვარაცხელია გამთამაშებლად? - რა შეიძლება შეცვალოს სპალეტიმ "ლეჩესთან" და "მილანისთვის"..." />ასეა თუ ისე, "ლეჩესთან" შეხვედრა ჩემპიონთა ლიგის პლეი-ოფის გენერალური რეპეტიცია ვერაფრით იქნება, თანაც, თუკი მოულოდნელობაზე ვსაუბრობთ, ის ვარჯიშებზე დამუშავებული უნდა იყოს და მოწინააღმდეგის მწვრთნელმა ალღო გვიან უნდა აუღოს.შეგახსენებთ, 7-დან 18 აპრილამდე ნეაპოლელები 4 შეხვედრას ჩაატარებენ, მათ შორის ორს კი ჩემპიონთა ლიგის მეოთხედფინალში, "მილანის" წინააღმდეგ.

ნიკო

პოლიტანო არის ზარალი ნაპოლისთვის,ჩვენ თუ ვხვდებით უბრალო გულშემატკივარი,სპალეტის სძინავს ან ლაურენტესს ნეტა,ძალიან სუსტია,მოაშორეთ,გაუშვით დოღლიგაში,აგე კრისტალ პალასი ან ვულვზი,ევერტონი ან ჩლენსი,ნიუკასლი ან ბრაიტონი,ფულემი ან ტუტენჰემი სიამოვნებით გადაიხდის ჩვეულებრივ 60-70 მილიონს და 2 ნორმალური ფეხბურთელი მოგივათ,თქვენც დაისვენებთ და ჩვენც,ვფიქრობ ზელენსკიც გასაყიდია,მარიო რუიც,უკვე ღრუბლებში აფრენილი კიმიც მისაყოლებელია,ძაან ათამაშებს ერთ ადგილს და დაავიწყდა რომ 0 იყო და მაგარ ადგილას მოხვდა შემთხვევით,მაგის ბოლოც დოღლიგაა,ერთი წლის მერე ხვიჩა მიუნხენში,მერე კი პირდაპირ მადრიდში ალბათ მთავარია უსუსურ დოყლიგაში ან მეცხვარეთა ჩემპიონატში არ წავიდეს...ბაიერნი/რეალი სხვა არც ერთი გუნდი არ განიხილება...
ტორპედოელი

ჩემი აზრით კარგად იცის სპალეტიმ რა უნდა დაუპირისპიროს მილანს.0:4 წაგებით შთაბეჭდილება დაუტოვა თითქოს ფორმა დაკარგა ნაპოლიმ, მაგრამ ......
ბესო

სადაც არ უნდა დააყენოს მწვრთნელმა , ყველგან ბრწყინვალე იქნება კვარა , მარა თუ დატვირთავენ , ანუ პასებით მოამარაგებენ . ეს უნდა დაავალოს მწვრთნელმა თავის ფეხბურთელებს .
პატრიოტი

ვერ დაგეთანხმები, ხვიჩა უფრო თავდასხმელია, ის კარგი იქნება ორ თავდამცხმელიან სისტემაში, მაგრამ წინ უნდა იყოს, უფრო მარცხნივ, აქედან ეხერხება გამწვავება, იმასაც ვიტყვი, რომ მას ბოლო თამაში არ ჩაუგდია, რა პასი მისცა, მარიო რუის
ჟორა

სხვათაშორის ეს წინადადება ნაკრების მიერ მოედნის ცენტრის წაგების შემდეგ დავწერე და სწორედ აქაა ხვიჩას ტალანტის ადგილი და არა ფრთაზე, სადაც მანევრირების ნაკლები შანსია. ხვიჩას ამისთვის აქვს მოედნის ხედვა და ბურთის დაჭერის უნარი. დაიმახსოვრეთ, ხვიჩას ბოლო, ნახევარდაცვის ცენტრია.
dato

ხვიჩა ცენტრში ჯობია მგონია რადგან ძან მიჯაჭვულია კუთხურის ალამთან და დრიბლინგებსაც უკლო .
გულშემატკივარი

უეჭველი უნდა გადავიდეს ცენტრში..ყველაფერი აქ ამისთვის...სისწრაფე..დრიბლინგი..დარტყმა..პასი. აზროვნება..სპორტული სითავხედე..გაიხსენეთ ზიდანი..ყველგან იყო..შეზღუდვა არ ქონდა..მინიმუმ ორჯერ გაზრდის მის ეფექტიანობას..
ზაზა

უფრო ეფექტური იქნება თუ თავისუფალი შემტევი იქნება,წინ ოსიმენი ხვიჩა ყველგან,სადაც საჭიროდ ჩათვლის თამაშის მსვლელობისას,სრული თავისუფლება,ერთ ადგილზე მისი განწესება შეცდომაა,წავა ხვიჩა გაჰყვება ორი სამი მეტოქე,ოღონდ მასთან მიდის პასების უმეტესობა,ის და ლობოტკაც აი დომინანტი ნახევარდაცვა,მარცხნივ კიდევ ელმასი გაუშვან!
1

სკუდეტოზე ჯერ არავინ გამოვლენილა და ვის რა აქვს გარანტირებული? 4-5 ტურში გაირკვევა.
aburjga

არ ვვიცი ყურადღება მიაქციეთ თუ არა, ნაკრების თამაშის წინ დავწერე, რომ კარგი იქნებოდა თუ სანიოლი ხვიჩას დააყენებდა ცენტრში, მთავარი შემტევის უკან, შეტევის შემქმნელად და ჩაკვეტაძეს განამწესებდა მარცხენა ფლანგზე, კვარას პოზიციაზე! მაგრამ... კი ნახეთ რაც იყო?!
david

ემასი რომ დააყენოს კვარაცხელიას ადგილას და კვარაცხელია ზელენსკის ადგილას კარგი ვარიანტი იქნება, მაგრამ პოლიტანო თუ არ შეცვალა ლოზანოთი არაფერს აზრი არ აქვს. მართლა ტატამიდან გამოქცეულივით დარბის, რა უნდა ნაპოლიში ეგეთ ,,ფეხბურთელს'' ვერ ვხვდები
თბილისელი

საიტერესოა ვარიანტია, რაც შეიძლება ნაკრებშიც გათამაშდეს. დინამოში ასეთი რამ ადრე მოხდა და ძალიან გაამართლა, როცა თავის დროზე ცენტრფორვარდად მოთამაშე კახი ასათიანი ნახევარდაცვაში, ხოლო ასევე ჩივაძე ნახევარდაცვიდან ცენტრალურ მცველად გადავიდა.
marko

ლეჩესთან ძაან რთული თამაში ექნება ნაპოლის ხუთი წაგებით მოდის ლეჩე და თავს შეაკლავს რასაც ქვია
მწვრთნელი

ლეჩესთა სულ სხვა სასტარტო შემადგენლობა გამოვა! შეიძლება მეკარეც კი შეცვალოს სპალეტიმ! მილანთან გაიდირკა მერეტი და ფსიქოლოგიურად უნდა დაისვენოს! კვარაცხელია შეიძლება შეცლაზე შევიდეს! ძირითადში ელმასი იქნება! რაც შეეხება ლიგას მე მჯერავს, რომ ლიგაზე სულ სხვა ნაპოლის ვიხილავთ და კარგია, რომ პირველ თამაშს სტუმრად ატარებს! ნაპოლო გამოაგდებს მილანს ლიგიდან და ამით გადაუხდის 0-4 მოგებას!
zura222

ხვიჩას ცენტრში გადმოწევა კარგი აზრია იღონდ თავიდანვე კი არა უკვე თამაშის დროს უნდა შეცვალონ ადგილები იგივე ზელინსკისთან მაგრამ ზელინსკი ფლანგზე ვერაფერს ვერ გააკეთებს და ამიტომ ელმასმა უნდა დაიწყოს მაგის მაგივრად თამაში და მერე უკვე ხშირად შეცვალონ ხვიჩამ და მაგან ადგილები მარცხენა ფლანგზეც შეიძლება ხშირად გადავიდეს ხვიჩა და ამ გადაადგილებებით აირევა ის ხაფანგები უკვე ყველა გუნდი რომ უგებს ნაპოლის და ყველამ შეისწავლა ამათი ტაქტიკა ! დაუყენებენ ხვიჩას პერსონალურად ვინმეს და ის რომ ამოკეტავს მერე მთელი გუნდის ტაქტიკა იშლება ხუხულასავით იმიტომ რომ მთელი თამაში იმაზეა აგებული რომ ხვიჩას 2-3 კაცი რომ დარაჯონდა დანარჩენებს გამოთავისუფლებული ადგილები გამოეყენებინათ ! დამთავრდა ის კაი ცხოვრება და დროა სპალეტიმ ახალი სქემები შეიმუშაოს (თუ შეუძლია) თორემ სკუდეტო კი მოგებული აქვთ მაგრამ წინ ლიგის თამაშებია (თუ უნდათ მინიმუმ ფინალში გასვლა) და თუ არ უნდათ მაშინ დარჩენილი ტურები საერთოდ მეორე შემადგენლობა ათანაშონ @

კვერნაძის 65 წუთი - "ფროზინონემ" "ატალანტასთან" უხვგოლიან მატჩში ქულა აიღო

საზონოვი შეცვლაზე შევიდა - "ხეტაფე" "ატლეტიკთან" განადგურდა

"ჰოლშტაინის" პირველ გამარჯვებას სადებიუტო გოლით საფუძველი ქვილითაიამ ჩაუყარა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

დავითაშვილის "სენტ-ეტიენმა" დაძაბულ მატჩში "ნანტს" სძლია

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

ზივზივაძის "ჰაიდენჰაიმმა" "კოტბუსთან" ქულები გაიყო

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

"ვიმეგობებთ თუ არა მე და დვალიშვილი?" - იანმა შეკითხვას უპასუხა

ახალციხემ სუპერლიგაში პირველი გამარჯვება გორის ივერიონთან მოიპოვა

[VIDEO] მამუკელაშვილის 23 წუთი - "ლეიკერსმა" "კლიპერსი" დაამარცხა

Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა

გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა

ნიკა ამაშუკელი - ტოკიო, ლონდონი და გენუა

[VIDEO] "მანჩესტერ სიტიმ" აეკ-ი გაანადგურა - ფოდენმა ჰეთ-თრიკი შეასრულა

[VIDEO] კვერნაძის სრული მატჩი და "ფროზინონეს" მარცხი "ნაპოლისთან"

ხვიჩასავით ტოპ-კლუბში? - მაკტომინეი შეიძლება "ნაპოლიდან" გრანდში გადავიდეს

"ოქროს ბურთის" "კვარას" ეკუთვნის - ეს მისთვის მეტისმეტად მცირე ნუგეში და აღდგენაში დახმარება იქნება" - ამბობს ცნობილი ფრანგი ჟურნალისტი, რომელიც ფეხბურთელის დაბრუნების სავარაუდო დროს ასახელებს

პსჟ-ის დასაფასებელი საქციელი - ახალი კონტრაქტი კვარაცხელიას და კვლავ ყველაზე მაღალანაზღაურებად ფეხბურთელებში

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

"გამოჯანმრთელდი, ხვიჩა, ნეაპოლში შენი ისტორია დაუვიწყარია" - "ნაპოლი" და ტიფოზები კვარაცხელიას ამხნევებენ

ცნობილი გახდა სად გაუკეთებენ კვარაცხელიას ოპერაციას

[VIDEO] მიქაუტაძემ "ნაპოლის" გაუტანა - ვილიარეალი" 2:1-ს იგებს

[VIDEO] მიქაუტაძის კოხტა გოლი - "ვილიარეალმა" "ნაპოლის" მოუგო