სულ სხვა მატჩის დღე - თავდაჯერებული "მილანი" და "ნაპოლი" კანონზომიერების დამტკიცებისთვის!..

ჩემპიონთა ლიგა ძალიან საინტერესო ეტაპამდე მივიდა. ქართველი გულშემატკივრების მთელი ყურადღება მილანისკენაა, სადაც დღეს, 12 აპრილს (23:00 სთ), მეოთხედფინალის პირველ მატჩში, "მილანი" "ნაპოლის" "სან სიროზე" დაუხვდება.ნეაპოლური კლუბი მიმდინარე სეზონის აღმოჩენაა და ეს, მიუხედავად იმისა, დღევანდელ მეტოქესთან ცოტა ხნის წინ საკუთარ მოედანზე რომ (0:4) განადგურდა. ჩავარდნები სტეფანო პიოლის გუნდსაც აქვს, თუმცა ისინი სერია "ა"-ს ჯერ კიდევ მოქმედი გამარჯვებულები არიან და პერიოდულად დიდი თამაშების ჩატარება შეუძლიათ.<img src="pictures/artimages/original/a301c06de37172fac51e258d86fcc03c.jpg" border="0" alt="Sportall.Ge" title="სულ სხვა მატჩის დღე - თავდაჯერებული "მილანი" და "ნაპოლი" კანონზომიერების დამტკიცებისთვის!.." />ცოტა ხნის წინ გამართულ მატჩში მილანელთა ნახევარდაცვამ შთამბეჭდავად იასპარეზა და ლუჩანო სპალეტის გუნდი მოედნიდან გააქრო - სანდრო ტონალისა თუ ისმაელ ბენასერს კარიერაში ერთ-ერთი საუკეთესო შეხვედრა გამოუვიდათ. "მილანს" თავდაჯერება გაზრდილი ექნება, თუმცა შეუძლებელია ყველა მატჩი იმ დონეზე ჩაატარო. ამავდროულად, "ნაპოლი" რევანშზე იფიქრებს და იმის დამტკიცებას ეცდება, 33-წლიანი ლოდინის შემდეგ სკუდეტოს მოპოვება კანონზომიერად რომ ხდება.ამ გუნდებს შორის უკანასკნელი 32 მატჩიდან ნეაპოლელებმა 13-ში გაიმარჯვეს (8-ის წინააღმდეგ). ბოლო დროს ისე ხდება, რომ სტუმრები უფრო იგებენ, თუმცა ეს ჩემპიონთა ლიგაა, სულ სხვა განზომილება და ტიტული, რომელიც მილანელებმა 7-ჯერ მოიპოვეს.<img src="pictures/artimages/original/0cc5b1c06548738ac9436950338a79d1.jpg" border="0" alt="Sportall.Ge" title="სულ სხვა მატჩის დღე - თავდაჯერებული "მილანი" და "ნაპოლი" კანონზომიერების დამტკიცებისთვის!.." />"მილანმა" იტალიურ გუნდებთან ევროპის მასშტაბით 9 მატჩი ჩაატარა და მხოლოდ ერთში დამარცხდა. 2005 წელს მილანურ დერბიში მათ "ინტერს" აჯობეს. თუკი "ნაპოლი" ჩემპიონთა ლიგის ამ ეტაპზე პირველადაა, მათ დღევანდელ მოწინააღმდეგეს აქ 2011-12 წლების შემდეგ არ უთამაშია, როცა პეპ გვარდიოლას "ბარსელონას" დაუპირისპირდა.<img src="pictures/artimages/original/97c2a50fce413a1d84f3a4890fe2e277.jpg" border="0" alt="Sportall.Ge" title="სულ სხვა მატჩის დღე - თავდაჯერებული "მილანი" და "ნაპოლი" კანონზომიერების დამტკიცებისთვის!.." />სპალეტის გუნდის დანაკლისი უდიდესია, ვერც ვიქტორ ოსიმენი ითამაშებს და ვერც ჯოვანი სიმეონე. ჯაკომო რასპადორის არასათანადო მომზადება იმას გვაფიქრებინებს, რომ ხვიჩა კვარაცხელია, რომელსაც ლიგის მიმდინარე სეზონში 2 შედეგიანი დარტყმა აქვს, ფორვარდის პოზიციაზე ითამაშებს. ჩვენებური ყველგან სახიფათოა. ამ შემთხვევაში საინტერესოა, ნახევარდაცვა როგორ დაკომპლექტდება.თუკი ტაქტიკა არ შეიცვლება, შუა ხაზის სამეულს პიოტრ ზელინსკი უნდა დაუბრუნდეს, მარცხნივ კი ელიფ ელმასი ითამაშებს. თუმცა საყრდენ ზონაში ცოტა ხნის წინ ეს შემადგენლობა ძალიან დაიჩაგრა და ლუჩანოსგან იქნებ სიახლეები ვნახოთ. დიდია ბრაჰიმ დიასისგან წამოსული ხიფათის მოლოდინიც და მარიო რუის ნდობა რამდენად ექნება, რთული სათქმელია. "კვარას" ცენტრფორვარდობის პირობებში, ერთ-ერთი ვარიანტი რუი-ოლივერას ფლანგზე ერთდროულად გამოყენებაც კი შეიძლება იყოს. მარჯვნივ მატეო პოლიტანოს უფრო ველით, ვიდრე ირვინ ლოსანოს. ისე კი, მექსიკელის არც ოსიმენის პოზიციაზე ხილვაა გამორიცხული."მილანს" ზლატან ობრაჰიმოვიჩი დააკლდება. შეხვედრას 38 წლის რუმინელი იშტვან კოვაჩი განსჯის, რომელიც ძალიან მკაცრი არბიტრია და გაფრთხილება-გაძევებებს არ ერიდება. მისი ბოლო საერთაშორისო მატჩი 17 მარტს, ევროპა ლიგაზე, "რეალ სოსიედადსა" და "რომას" შორის იყო, სადაც წითელი ბარათი გამოიყენა, სულ კი ბოლო 5 მატჩიდან სამში ფეხბურთელს მოედანი ვადაზე ადრე დაატოვებინა.შეგახსენებთ დღეს გასამართ კიდევ ერთ მეოთხედფინალურ წყვილს - მადრიდის "რეალი" "ჩელსის" უმასპინძლებს.

megreli

რა ფორმაშია მილანი ?? სასუოლოსთან მილანში 5 - 2 წაგო ... ბოლოს ემპოლისთან ფრე ითამაშა.. რა ფორმაშია ?? და სერია ა ში 20 ქულით ჩამორჩება ნაპოლის ,,, ამას თუ ფორმას ეძახით ამაზე უკეტეს ფორმაში არ მენახიოს არასდროს და სულ 20 ქულით ყოფილიყოს უკან .. ტქვენ კი იძახეთ მაგრ ფორმაში არისო
სოსო

დღევანდელი მდგომარეიბით,მილანი შესანიშნავ ფორმაშია,ნაპოლის კი ტრავმების და ფორმიდან ამოვარდნილი ფეხბურთელების სიმრავლის გამო,შედარებით ჩავარდნა აქვს.ნაპოლის შანსი,უაღრესად გუნდურ თამაშსა და იმ ფეხბურთელების მაქსიმალურად გამოყენებაშია,რომლებსაც თამაში წაუვათ.ერთი თამაშისათვის მაქსიმალურად მობილიზება,ნაპოლის ფეხბურთელებს,ნამდვილად შეუძლიათ,ხოლო როცა სრული ძალით და მობილიზებით თამაშობდნენ,კი ვნახეთ რომ ნებისმიერი მეტოქის წამოქცევა,მათთვის პრობლემა არ იყო.
თენგო

ფრე მაინც უნდა წამოვიღოთ
სვანსკი

დღეს ხვიჩას გულშემატკივრების გული უფრო ძლიერად ძგერს ვიდრე ოდესმე ყოფილა, იმედია სპალეტი ხვიჩაზე პასების შესრულებაზე იზრუნებს, და არა ისე როგორც მარიო რუი აკეთებს, ხვიჩაზე პასის ნაცვლად შეტევის ტემპს აგდებს და საერთოდაც მეკარეს უბრუნებს. ასეთი თამაში მილანთან არ გამოვა,ნაპოლის მხოლოდ სწრაფი თამაში ცენტრში, ყურადღებით დაცვაში საჯარიმოსთან და ხვიჩაზე პასები იხსნის
დავით 67

რთული სათქმელია ვინ გავა1/4 ფინალში. ვფიქრობ ნეაპოლში გადაწყდება ყველაფერი. დღეს არ იქნება ისეთი ანგარიში, რომ მეორე თამაშს აზრი არ ჰქონდეს
Charley

წინ კვარა დღეს შენი დღეა. ამ საღამოს ბევრი "პროჟექტორი" არის შენზე მონათებული და თვალი არ უნდა მოგჭრას. ჩვენ ყველამ ვიცით ვინ არის ამ გუნდის "ტვინი" და ლიდერი ეს ყველაფერი კი მილიონობით აუდიტორიას უკვე ყველაზე უპრინციპულეს შეხვედრაში უნდა დაუმტკიცო, მე მჯერა შენი შესაძლებლობების ვიცი ძალიან მოტივირებულიც ხარ იმედია გუნდიც მხარს აგიბამს და მატჩის შემდეგ კიდევ ერთ დიდებულ მონაკვეთს გადაფურცლავს შენი საფეხბურთო კარიერა.
Charley

წინ კვარა დღეს შენი დღეა. ამ საღამოს ბევრი "პროჟექტორი" არის შენზე მონათებული და თვალი არ უნდა მოგჭრას. ჩვენ ყველამ ვიცით ვინ არის ამ გუნდის "ტვინი" და ლიდერი ეს ყველაფერი კი მილიონობით აუდიტორიას უკვე ყველაზე უპრინციპულეს შეხვედრაში უნდა დაუმტკიცო, მე მჯერა შენი შესაძლებლობების ვიცი ძალიან მოტივირებულიც ხარ იმედია გუნდიც მხარს აგიბამს და მატჩის შემდეგ კიდევ ერთ დიდებულ მონაკვეთს გადაფურცლავს შენი საფეხბურთო კარიერა.
giorgi 3

მილანი ისეთ კარგ ფორმაშია ნაპოლისთან შედარებით და თან ოსიმენის გარეშე. მინიმალური ანგარიშითაც წაგება პირველ მატჩში მისაღებია,, ფრე ხომ საერთოდ მიღწევა იქნება
L.J.-ს

რომ გაყვითლდება მილანი შემოდგომის ფოთლებივით, აი იქიდან. :)
ლაშა

ჩემპიონთა ლიგას არ ვგულისხმობ, სერია ა ვიგულისხმე, 0:4 რომ დათმო ნაპოლიმ. იქ იყო უხეშობების კასკადი და უამრავ უხეშობაზე მსაჯი თვალს ხუჭავდა...
იღბალო

ასეთი დაძაბულობა, როგორც ამ მატჩის წინ მაქვს, კარგა ხანია არ მქონია...
L.J .

Milantan pirvel tamasshi msajma sami yveteli misca xvichaze uxeshobistvis,saidan gamogaq eseti azri ????
კაპიტან გარდენბურგი

მთავარი "მიგნება" და გამარჯვების დიდი შანსი ის იქნება, რომ ხვიჩაზე არგაკეთებული პასებიბგაარჩიოს სპალეტიმ და ამ თამაშში არც ერთხელ არავინ არ დაუგვიანოს პასი, ვახ. ასეთი დაკომპლექსებულები რანაორად არიან ნაპოლიში. გადაეცით სპალეტის ჩემგან :)
გულშემატკივარი

წარმატებები ხვიჩას და ნაპოლის!!!
მიშა

მართლა აბსოლუტურად არაპროგნოზირებადი სიტუაციაა ნაპოლის შემადგენლობის მხრივ. ერთი ვიცი, რომ რუი ან არ ითამაშებს, ან როგორც სტატიაშია ნახსენები, ოლივერასთან შეწყვილებით (თუ სპალეტის ასწობს ასეთი გაძლიერებული დაცვითი ვარიანტი)
beqa

ანგისამ და ზელინსკიმ თუარ მოუმატეს გლახად დასრულდება!
ლაშა

ჰოდა რუმინელი მსაჯი მილანელთა "უხეშობებზე" თვალს არ დახუჭავს გამოცდილი იტალიელი მსაჯებივით!

[VIDEO] კაბო-ვერდე ეძახე და ესპანეთს ფრე გაუგორა

[VIDEO] აკრძალვის მიუხედავად - საფონოვის ცოლმა ჩემპიონთა ლიგის ფინალზე რუსეთის დროშა მაინც შექმნა

[VIDEO] მბაპე მეძავის შვილია - სკანდირებდნენ პსჟ-ს გულშემატკივრები. კომენტარი ანრიმ გააკეთა

"ბარსელონაში" ტრანსფერი დაუბლოკეს - ალვარესს პრემიერ ლიგაში დაბრუნების ვარიანტი შერჩა

"მილანმა" პსჟ-ს თავდამსხმელის ტრანსფერზე მიმართა

20 წ. | გამარჯვებული შემადგენლობით უელსთან

ესპანური ვერცხლი შენგელიას | საქართველოს ნაკრების კაპიტანმა საკლუბო სეზონი დაასრულა

20 წ. | ლუკა ნარსია: ჩვენი მიზანი ისტორიის დაწერაა

პსჟ-ს ნახევარმცველი ატლეტიკოში გადასვლაზე დათანხმდა

აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე

მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება

"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე

პირველად 2022 წლის შემდეგ - FIFA-მ რუსეთის ახალგაზრდული ნაკრები საერთაშორისო ტურნირზე დაუშვა

[VIDEO] სენსაცია. სამხრეთ აფრიკა პლეი-ოფშია, ჩეხეთი ჯგუფში ჩარჩა

[VIDEO] სულ სხვა ბრაზილია ვინისიუსის წინამძღოლობით და ნეიმარის დაბრუნება - შემდეგ ეტაპზე სელესაოსთან ერთად მაროკო გავიდა

საქართველოს ნაკრები აფრიკის ჩემპიონთან დამარცხდა

[VIDEO] B ჯგუფი: შვეიცარია და კანადა პლეი-ოფში გავიდნენ

20 წ. | ვინ მოდის საქართველოში - სამხრეთ აფრიკა

VIDEO | ეროვნული ლიგა | გაგრა 0-0 სამგურალი. რომ არა ეს, მატჩის სცენარიც და საბოლოო შედეგიც იქნებ სულ სხვა ყოფილიყო...

აი, რატომ ვერ ივარგა კეინმა - თურმე, შამანს შეულოცია

ტაბიძე გუნდში გადადის, რომელმაც უკეთესი პირობები შესთავაზა

ნეიმარი ბრუნდება და ვნახოთ, რამდენად დაეხმარება ბრაზილიის ნაკრებს

"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს

დუბლიორი თუ კონკურენტი კვარაცხელიასთვის - პსჟ ნიდერლანდების ნაკრების გარემარბის დამატებას გეგმავს

"ბედნიერი ვარ, რომ "ნაპოლის" კონტე აღარ გაწვრთნის" - კევინ დე ბრუინი

"მოდის სექტემბრის მატჩები და გუნდს ვერ ვხედავ. მხოლოდ ერთი მაგარი მოთამაშე გვყავს" - გუცაევმა ნაკრებზე ისაუბრა

ელმასს "ნაპოლის" დატოვება ისევ მოუწევს

მამარდაშვილთან მიდის თუ კვარაცხელიასთან - დიომანდეს მომავალი თითქმის გაირკვა

იწყებენ "რენით", მაგრამ იქამდე 2 ტიტულის მოგება კიდევ შეუძლიათ - ლიგა 1-ის ახალი სეზონის კალენდარი ცნობილია

"ეს რა დაბრკოლება იქნება?!" - დე ლაურენტისმა დე ბრუინისა და ლუკაკუს მომავალზე საინტერესო განცხადება გააკეთა

რა შარში გაყო თავი - "ნაპოლის" ალეგრი ჩაიბარებს

"ხვიჩას გამო, მსოფლიო ჩემპიონატზე ამ ნაკრებს ვუქომაგებ" - ზაზა ჯანაშია

"ეს მატჩები არ გვჭირდება, რატომ ღელავთ ამ გუნდებზე?!" - რიოლო, რომელიც კვარაცხელიას აკრიტიკებდა, ახლა მუნდიალითაა უკმაყოფილო

"მას ეს არ ეშლება"- პირლომ კვარაცხელიაზე ისაუბრა

“ნაპოლი” “ბენფიკას” ნახევარმცველის ტრანსფერით ინტერესდება