- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მიშელ პლატინი: შეასრულეთ რეკომენდაციები და განვიხილავთ...
<p>გუშინ საქართველოს უეფას პრეზიდენტი მიშელ პლატინი ეწვია. ის უკვე მეოთხედაა ჩვენს ქვეყანაში, აქედან მეორედ - უეფას პირველკაცის რანგში...</p><p><br> <strong>გუშინ საქართველოს უეფას პრეზიდენტი მიშელ პლატინი ეწვია. ის უკვე მეოთხედაა ჩვენს ქვეყანაში, აქედან მეორედ - უეფას პირველკაცის რანგში. დაგვეთანხმებით, არ არის ეს პატარა ამბავი. პლატინი ამით საქართველოსადმი პატივისცემას ადასტურებს...</p><p></strong>...ზუსტად 16:50 საათზე მიშელ პლატინის კერძო თვითმფრინავი თბილისის საერთაშორისო აეროპორტში დაეშვა. უეფას პრეზიდენტი გენერალური მდივნის მოადგილე თეოდორის თეოდორიდისის, უეფას სტადიონებისა და ეროვნული ასოციაციების კომიტეტის მენეჯერ ტიერი ფავრისა და პირადი სტუმრის ჟან ლუი ჟენოვეზის თანხლებით ჩამობრძანდა. აეროპორტში მათ საქართველოს ფეხბურთის ფედერაციის პრეზიდენტი ზვიად სიჭინავა და გენერალური მდივანი რევაზ არველაძე დახვდნენ.</p><p>"თქვენს ქვეყანაში პირველად არ ვარ და მიხარია, რომ კიდევ ერთხელ მომეცა საქართველოში სტუმრობის საშუალება. ბევრი მსმენია თქვენს ქვეყანასა და ფეხბურთზე. ვიცი, რომ საქართველო საფეხბურთო ქვეყანაა... 2012 ან 2013 წელს ევროპის ლიგის ფინალის თბილისში ჩატარება ჩემი იდეა არ არის, ეს თქვენი ფედერაციის ინიციატივაა. ბუნებრივია, ჩემი ვიზიტისას ამ საკითხზეც გვექნება შეხვედრები და მსჯელობა. სწორედ ამ ვიზიტისას ადგილზე გავეცნობი ინფრასტრუქტურას და გადაწყვეტილებასაც მივიღებთ. თუმცა ეს გადაწყვეტილება ასე უცებ კი არა, მოგვიანებით იქნება. მანამდე კი ამ თემას გავეცნობით და შევისწავლით. ასე რომ, ჯერჯერობით ყველაფერი გაცნობის სტადიაშია", - აეროპორტშივე განაცხადა მუსიე პლატინიმ.</p><p>იქიდან სტუმრებმა "თბილისი მარიოტს" მიაშურეს. სხვათა შორის, პლატინი სწორედ იმ ნომერში დაბინავდა, სადაც 2006 წლის ვიზიტისას ცხოვრობდა. უეფას თავკაცმა მცირე ხანს მოისვენა და 19 საათისთვის ტექნიკურ ცენტრ "ბასას" ეწვია. სიჭინავამ და არველაძემ პლატინისა და მის თანმხლებთ "ბასაში" მიმდინარე სამუშაოები და ტექნიკური ცენტრის დამტკიცებული ესკიზი დათვალიერებინეს. ხელოვნურსაფარიანი მოედანი უკვე გაკეთებულია, ბუნებრივზე კი მუშაობა ახლაც მიმდინარეობს. იქვე მოეწყობა 3 ათას მაყურებელზე გათვლილი ტრიბუნები. ამას გარდა, ადმინისტრაციულ კორპუსს კიდევ ერთი შენობა დაემატება. ამ სამუშაოების დასრულების შემდეგ "ბასაში" 23 ორადგილიანი და 8 VIP-ნომერი იქნება. საბოლოოდ, ცენტრი 54 პერსონას დაიტევს, რაც ორი გუნდის ერთობლივი მომზადებისთვის სრულიად საკმარისია.</p><p>უეფას პრეზიდენტს ტექნიკურ ცენტრში კომენტარი არ გაუკეთებია, სიჭინავამ კი ეს თქვა: "მიშელ პლატინი ხვალ (ანუ დღეს, სამშაბათს - ავტ) ხელისუფლების წარმომადგენლებს შეხვდება და კონკრეტულად ევროპის ლიგის ფინალის თბილისში ჩატარებაზე ილაპარაკებენ. უეფას პრეზიდენტმა დაადასტურა, რომ მზად არის, ამ და სხვა საკითხებში ჩვენთან ითანამშრომლოს".</p><p>"ბასადან" სტუმრებმა იმ სტადიონს მიაშურა, რომელმაც, შესაძლოა, ორ-სამ წელიწადში ევროპის ლიგის ფინალს უმასპინძლოს. "ბორის პაიჭაძეზე" პლატინისა და მის თანმხლებთ არენის დირექტორი სანდრო შახოვი დახვდა. უეფას ემისრებმა მოედნის საფარს მოავლეს თვალი და გასახდელებში შევიდნენ. პლატინის გამომეტყველებით თუ ვიმსჯელებთ, ნანახით უკმაყოფილო არ უნდა ყოფილიყო, თუმცა გარკვეული შენიშვნებიც გამოთქვა, რისი გამოსწორებაც აუცილებელი იქნება, თუ გვინდა, რომ დიდ ჩანაფიქრს რეალურად შეესხას ხორცი.</p><p>"ტექნიკურ ცენტრში მდგომარეობა დამაკმაყოფილებელია. სამუშაოები მიმდინარეობს და იმედი მაქვს, ყველაფერი სათანადოდ გაკეთდება, ყველა პირობა იქნება საიმისოდ, რომ იმ ბაზაზე მწვრთნელებმა ფეხბურთელები კარგად მოამზადონ. რაც შეეხება სტადიონს, ჩინებული არენაა, მაგრამ გარკვეული შენიშვნები მქონდა, რომელიც გავუზიარე კიდეც ფედერაციის ხელმძღვანელებს. ზოგი რამ უფრო სხვა მასშტაბით არის გასაკეთებელი.</p><p>იმედს გამოვთქვამ, ქართული მხარე ჩვენს რეკომენდაციებს გაითვალისწინებს და ამის შემდეგ უეფა უკვე მზად იქნება, ამ სტადიონზე ევროპის ლიგის ფინალის ჩატარების საკითხი განიხილოს", - თქვა ბატონმა მიშელმა სტადიონის დათვალიერების შემდეგ.</p><p>დავინტერესდით, რა აზრის იყო უეფას სტადიონებისა და ეროვნული ასოციაციების კომიტეტის მენეჯერი ტიერი ფავრი:</p><p>"საქართველოს ადრეც ვსტუმრობდით. ტექნიკური ცენტრის პროექტს გავეცანით და ვფიქრობ, ეს გაცილებით უკეთესი იქნება. რაც შეეხება სტადიონს, აქ არის გარკვეული ნიუანსები, რომელიც დახვეწას საჭიროებს", - განაცხადა მუსიე ფავრიმ.</p><p>სტადიონის შემდეგ ესკორტი დაბრუნდა "მარიოტში", სადაც პლატინიმ, სიჭინავამ და არველაძემ ჯერ ისაუბრეს, ხოლო შემდეგ ვახშამი გამართეს...</p><p>მოკლედ, შესაძლებელია, რომ ყველა საჭირო მოთხოვნა დავაკმაყოფილოთ და ევროპის ლიგის ფინალს ვუმასპინძლოთ. საამისოდ, საჭირო იქნება განათების გაძლიერება, სამ ათეულზე მეტი ვიდეოკამერის დამონტაჟება, VIP-სექტორი, მედიაცენტრი, კვების ობიექტების, ავტოსადგომის, საპირფარეშოების, მედიასერვისის სათანადო რაოდენობა, უსაფრთხოების საკითხი... გარდა ამისა, აეროპორტების სათანადო რაოდენობა და გამტარიანობა, რათა არ შეფერხდეს სტუმართა მიღება. ბუნებრივია, საკმარისი უნდა იყოს სასტუმრობიც...</p><p>ბუნებრივია, ხელისუფლების მხარდაჭერის გარეშე ფეხბურთის ფედერაცია ამხელა მასშტაბებს ვერ გასწვდება. და იმედია, ხელისუფლებისგან ეს მხარდაჭერა აუცილებლად იქნება, მით უფრო, რომ ეს ქვეყანას სჭიროდება...</p><p>მიშელ პლატინის ვიზიტი დღეს დასრულდება. უეფას პრეზიდენტი დილით თბილისის მერ გიგი უგულავასთან და სპორტისა და ახალგაზრდობის მინისტრ ლადო ვარძელაშვილთან ერთად ისაუზმებს. შემდეგ უეფას ხელმძღვანელობა ფეხბურთის ფედერაციის გარემონტებულ ოფისსა და გასარემონტებელ ვაკის სტადიონს მოინახულებს, მერე კი პრემიერ-მინისტრ ნიკა გილაურს შეხვდება. საქართველოდან გამგზავრებამდე პლატინი "თბილისი მარიოტში" პრესკონფერენციას.</p>
"ახალი ციკლის წინ ნაკრებში მწვრთნელი უნდა შეგვეცვალა" - ლევან სალუქვაძემ ვილი სანიოლზე ისაუბრა
გვარდიოლა და კლოპი გამორიცხულია - საქართველოს ნაკრებთან უკრაინას ისევ რებროვი უხელმძღვანელებს?
"მოდით და წაიღეთ - გაგიჟდნენ!" - სენეგალელმა მცველმა აღშფოთება გამოხატა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
"ანჟესთან" მატჩში პსჟ-ს შემადგენლობა ცნობილია
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ
ბენზემამ გამორიცხა - კარიმი ფეხბურთელის რანგში მშობლიურ გუნდში არ დაბრუნდება
"მილანი" ძლიერდება - "როსონერი" ორი ტრანსფერის განხორციელებასთან ძალიან ახლოსაა
"არ ვცდილობთ, რომ მსოფლიოში ყველაზე მდიდარი ადამიანები ვიყოთ" - ბრუნომ ახსნა, რატომ არ წავიდა საუდის არაბეთში
"თუ გააბედნიერებს, წავიდეს" - ფაბრეგასს "ჩელსისკენ" გზა ეხსნება
სკანდალის დასასრული - UEFA-მ პრესტიანი 6 მატჩით დასაჯა
მბაპე ტრავმირებულია - "რეალს" მორიგი პრობლემა აქვს
დაბრუნება "რეალში" თუ კვლავ "ბენფიკაში" მუშაობა - მოურინიომ თავის მომავალზე ისაუბრა
[VIDEO] 41 წლის ლებრონ ჯეიმსი შეუჩერებელია - "ლეიკერსმა" "ჰიუსტონს" მესამე მატჩიც მოუგო
[VIDEO] მარკოიშვილის გაწვრთნილმა "მონაკომ" შენგელიას "ბარსელონას" სძლია და პლეი ოფში გავიდა
[VIDEO] "რეალმა" "ბეტისთან" გამარჯვება ხელიდან 90+4-ე წუთზე გაუშვა
0:3-დან - "ლანსმა" "ბრესტთან" თითქმის წაგებულ მატჩში ქულა მოიპოვა
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა
მატჩის დღე - პსჟ "ბაიერნამდე" ლიდერობის გასამყარებლად!