ქართული ზეიმის დროა - მარადონასთან გადაჯაჭვული ხვიჩა და დუეტი განსხვავებული დიზაინით...

რამდენჯერ გაგვიმართლებია თავი იმით, რომ ესა თუ ის საქმე ჩვენ ძალებს აღემატებოდა; რომ ვცადეთ, მაგრამ თავს ზემოთ ძალა არ იყო. ისიც გვითქვამს, ამ დონისთვის შესაფერისი გამოცდილება დაგვაკლდა, თორემ უნარები საკმარისად გაგვაჩნდა. ახლა წარმოვიდგინოთ, რომ ხვიჩა კვარაცხელია ამ ყველაფერზე მაღლა დადგა და უმოკლეს დროში საწადელს მიაღწია - შესაძლებლობების სრულად გამოვლენა, ამის შედეგებში ასახვა და ადამიანური ფასეულობების წარმოუდგენლად დიდი აუდიტორიისთვის ჩვენება!..<img src="pictures/artimages/original/5c4832b3391b89ca2c18a34f636d8cb2.jpg" border="0" alt="Sportall.Ge" title="ქართული ზეიმის დროა - მარადონასთან გადაჯაჭვული ხვიჩა და დუეტი განსხვავებული დიზაინით..." />ფეხბურთს რამდენიმე აღიარებული პერსონა ჰყავს. ერთ-ერთი მთავარი დიეგო მარადონაა. "კვარამ" მოახერხა, მისი წარმატების გზა ლეგენდარულ არგენტინელთან გადაჯაჭვულიყო - სკუდეტო ემოციებით გაჯერებულ ქალაქ ნეაპოლში დაბრუნდა. ხალხის 33-წლიანმა მოლოდინმა ვულკანის სახით ამოხეთქა. ათწლეულები გავა და ეს გამარჯვება ადგილობრივებისთვის ყოველთვის განსაკუთრებულ ადგილს დაიკავებს, დიდხნიანი პაუზის შემდეგ კვარაცხელიამ და ოსიმენმა რომ აჩუქეს.შესაძლოა, ზოგჯერ ფეხბურთი ბოლომდე სამართლიანი არაა, შეტევა და გოლი ყველაფერზე მაღლა დგება და ვინმეს გარჯა ცოტათი იკარგება, კიდეც, თუმცა "ნაპოლის" ეს ტრიუმფი დიდი დოზით ქართველსა და ნიგერიელზე მოდის. სეზონის საუკეთესო ვინ უნდა გახდეს? საჩემპიონო ქულის მომტანი გოლის შემდეგ, ვიქტორის შანსები იქნებ გაიზარდა, მაგრამ როგორ მოხდა ეს? ხვიჩამ კუთხურის დროს, მისთვის უკვე ჩვეულ ე.წ გადმოვარდნილ ბურთზე თამაშისას ისევ მახვილგონიერად იმოქმედა და მორიგი საგოლე ეპიზოდი შექმნა. "კვარადონამ" მშვენივრად დაარტყა, რასაც ოსიმენის ასევე სწრაფი რეაგირება და გოლი მოჰყვა. მსგავსი ეპიზოდი "იუვენტუსთანაც" გვახსოვს, როცა ჩვენებურმა "მაკრატელა" შემოგვთავაზა, შემდეგ კი "ცხრიანმა" მეტოქის კარის ბადე შეარხია. ამ წყვილის შეთამაშება მართლაც სხვა მასშტაბებზეა. როცა ოსიმენმა "რომასთან" შედევრი შექმნა, მოხდენილი და ზომიერი პასი ხომ ქართველი გარემარბისა იყო. ვნახეთ "ასისტი" ცარიელი კარის წინ. ყველაფერ ამის შემოქმედებასთან ერთად, კვარაცხელიამ მიმდინარე სეზონი გაალამაზა - ბევრი ფინტით, არაორდინალური მოქმედებით და მთელი ამ მოულოდნელი შემოჭრით, დამატებითი ინგრედიენტით, რომელმაც კერძი უბრალოდ უფრო მადისაღმძრველი კი არ გახადა, საბოლოო და წარმატებული სახე მისცა.<img src="pictures/artimages/original/a38405df0df7d87c5744e49775a82b1c.jpg" border="0" alt="Sportall.Ge" title="ქართული ზეიმის დროა - მარადონასთან გადაჯაჭვული ხვიჩა და დუეტი განსხვავებული დიზაინით..." />ოსიმენიც მრავალმხრივ დაჯილდოვებულია - განსხვავებული ტექნიკა, რომელიც ზედმეტად ნატიფი და "ხელოვნურად გამოყვანილი" სულაც არაა,გოლის ალღო, შეუპოვრობა და განსაკუთრებული ბრძოლისუნარიანობის ხარჯზე მოპოვებული ბურთების გოლად ქცევა. ნიგერიელს 22 შედეგიანი დარტყმა აქვს.ხვიჩასა და ვიქტორის ურთიერთობა უფრო მეტი უნდა გახდეს, ვიდრე დროებით ერთ გუნდში თამაშია. შესაძლოა, ის რაულისა და მორიენტესის გზით წავიდეს და საბოლოო სახე მიეცეს. სეზონის წინ იტალიელები აქტიურად წერდნენ, რომ შესაბამისის მეწყვილის პირობებში, ოსიმენი უკეთ ათამაშდებოდა და ორჯერ მეტს გაიტანდა. ასეც მოხდა. "ლივერპულის" მრისხანება ხომ მაშინ ჩამოყალიბდა, როცა იან რაში კენი დალგლიშის მეწყვილე გახდა. ასე იწერება დიდი ისტორიები!.. ეს დუეტი ცბიერიცაა, მხიარულიც, მახვილგონიერი და მეტოქეებისთვის საზიზღარიც კი. მათ განსხვავებული დიზაინი შექმნეს, როგორც ერთმანეთის, ასევე ადგილობრივების მიმართ კი დიდ პატივისცემას ამჟღავნებენ. ისინი ერთმანეთს ხშირად ამხნევებენ...<img src="pictures/artimages/original/bd72659444b8208c31ab39f4157617f8.jpg" border="0" alt="Sportall.Ge" title="ქართული ზეიმის დროა - მარადონასთან გადაჯაჭვული ხვიჩა და დუეტი განსხვავებული დიზაინით..." />ზეიმის დროა და ეს ეს მათ შორის საქართველოს ეხება. სულ სხვა მასშტაბებზე ვართ, რისიც ცოტა ხნის წინ ბევრს არ სწამდა. მთავარი მაინც ისაა, რომ "კვარადონასთვის" ყველაფერი ეს მხოლოდ დასაწყისია. მას ძალიან დიდი მიზნები აქვს და მის განსახორციელებლად არაფერს დაიშურებს. ხვიჩა ყოველთვის ყურს უგდებს მწვრთნელებს, რომელთაც მის სრულყოფაში დახმარება შეუძლიათ. ჩვენებური ყოველდღიურად სწავლობს, ახალს იმეცნებს, მიღწეულით არ კმაყოფილდება!..

კაპიტან გარდენბურგი

ამ სტატიას 3 დისლაიქი რომ აქვს ეს ალბათ ჩრიდილომაკედონიელები წერენ, ელმასის გამოგზავნილი ხალხი ალბათ
ხოოო?

სანაიააა... ნეაპოლელებმა მოგიკითხეეეს..
Skeleton

კიდე ბევრი ბედნიერი და წარმატებული თამაშები გვენახოს კვარას ჩატარებული. ის თაობაც ვტირივართ სიხარულისგან, ვისაც არ გვინახავს ის ფეხბურთელები ვინც ჩამოთვალეთ. უბრალოდ წარმოუდგებელია რაც ხვიჩამ გააკეთა, ჩვენ 90 იანების ან 2000 იანების მერე დაბადებული ხალხი სულ სხვა ქვეყნების გუნდებს ვიყვარებდით და ვგულშემატკივრობდით ბავშვობიდან, ახლა ყველაფერი შეიცვალა. კვარა რომ გოლს იტანს,ასე მგონია ყველა მიყვარს, ყველაფრის მიუხედავად და ამ სიხარულის გაზიარება ყველასთან მინდება. ასეთი ერთიანობის განცდა ალბათ მხოლოდ ფეხბურთს შეუძლია.
თემო

ნუთუ როდესმე ფარსადანოვიჩის დინამოს შემდეგ სიხარულით ვიტირებდი? დღეს ვზივარ და ცრემლები სიხარულისა მახრჩობს. მადლობა შვილო, იხაროს შენმა გამზრდელმა. მეგონა დინამოს შემდეგ ვეღარ ვუყურებდი ფეხბურთს და არც მიყურებია, რა ვქნა ვერ გავხდი იმათი ფანი ვისაც დინამო ისე გადაუვლიდა, რომ არც შეიმჩნევდა. ახლა ხვიჩას და ნაპოლის ისე ვუცდი, როგორც დინამოს, დათოს ვოვას, საშას. რამაზს, ვიტალის, მანუჩარს, ტუხას(ჩემს საყვარელ ფეხბურთელს). აღსდგა ის ემოციები, ისევ ხარობს ქართული ჯიში და ჯილაგი. აღარ მინდა სიკვდილი, მე ნაპოლის და ხვიჩას ველოდები.
!!

სერია ა ს ოფიციალურმა გვერდმა დადო ფოტო, სადაც მარადონა მეფის გვირგვინს ადგამს კვარას. გადახედეთ კომენტარებს, ააფეთქეს ნიგერიელებმა იქაურობა, რასისტები არიან იტალიელებიო, ოსიმენი რადგან შავია მაგიტომ არ აღიარებენო,ისაა საუკეთესო და არა კვარაო. ქართველებმა როგორ შევიყვარეთ ოსიმენი და ეგენი როგორ იბოღმებოდნენ თურმე კვარაზე. პატარა ერის კომპლექსები ჩვენ კი გვაქვს მაგრამ ჩვენზე უარესები ყოფილან. ეს მენტალიტეტი ყალიბდება ჩაგრულ ადამიანებში, მერე სულ ჰგონიათ რომ ჩაგრავენ და არაადეკვატური რეაქციები აქვთ. ობიექტურად რომ ვიმსჯელოთ სამი წელია ოსიმენი ნეაპოლშია და ამხელა შედეგი რატომ ვერ დაიდო, რა შუაშია მისი კანის ფერი აქ, იგივენაირად რასისტულად იქცევიან კვარას მიმართ, ბევრი არიან ნიგერიელები და მთელი სივრცე დაიკავეს უაზრო კომენტარებით. უბრალოდ არ იმსახურებს კვარა ამას და სირცხვილია, ოსიმენსაც უხერხულ მდგომარეობაში აყენებენ.
ზურაბ

რამდენი წარმატებული სპორტსმენიც გვეყოლება, იმდენით ვიამაყებთ. ღმერთმა გვიმრავლოს
Charley

ისტორია დაწერილია ნაპოლი ნამდვილად არარის ყველაზე მდიდარი კლუბი თუნდაც იტალიის მაშტაბითაც კი და ესეთი პირობებში ჩემპიონობა ყოველთვის გმირობის ტოლფასია. ყოველ წარმატებას თავისი გმირები ყავს და რა თქმა უნდა ამ ნაპოლის ჩემპიონობას ყავს ორი მთავარი შემოქმედი. კვარამ გუნდში მიიტანა ის რაც ყველაზე მეტად აკლდა ამ კლუბს ჩემპიონის მენტალიტეტი, მისმა სოლორეიდებმა, ასისტებმა თუ გოლებმა გუნდს პირველივე ტურიდან იმედი, თავდაჯერება, გამბედაობა მისცა რისი გუნდმაც ირწმუნა მომდევნო შეხვედრებში და კვარას ეს ისკრა ცეცხლად აგიზგიზდა აპენინის მწვანე მოედნებზე, ოსინენი რომელიც აქამდეც ორი სეზონი იყო ნაპოლში მაგრამ ის არ იყო სუპერ გამტანი ფორვარდი, მას ჭურვები ჭირდებოდა რომ გაესროლა, ამ სეზონში კი კვარამ უხვად უზრუნველყო ის ამით და ოსიმენი როგორც ზარბაზანი ხვრეტდა მეტოქეთა კარის ბადეს. თუ დელაურენტისს უნდა ტიტული გუნდმა მომავალ სეზონშიც დაიცვას, და ნაპოლი ისეთივე მძლავრი იყოს ყველა ღონე უნდა იხმაროს ფინანსებზე არ დახარბდეს და ეს დუეტი არ დაშალოს. თავის მხრივ კი თუ ეს ასე მოხდა, კიდევ უფრო ჰარმონიულად შეთამაშებული კვარა ოსის დუეტი ორმაგად დამანგრეველი იქნებიან მეტოქეებისთვის ყველა ტურნირზე.
???-ს

ასევე შენც, გადაყევი და გადაყევი, ვისაც გინდა და რასაც გინდა:) ო კ ე ი .
???

თუ იუმორი იყო ოკ, თუ არადა ... მე პირადად არველაძის გოლების მერე (კობი, კალაძე, ხიზანა ... არანაკლები იყვნენ, მაგრამ სხვა ემოციაა შეტევაში წარმატებული თამაში) ასეთი ემოცია არ მიმიღია ქართველი ფეხბურთელისგან. ეს თან სულ სხვა სიმაღლეა, უგოლოდაც სასწაულად თამაშობს და სულ ტერორში ყავს მოწინააღმდეგე. ასე რომ მე აქამდეც ფეხბურთს "გადავყევი" და ახლა კვარასთან ერთად ვაგრძელებ, ვისაც არ მოგწონთ, გადაყევით ვისაც და რასაც გინდათ სხვას :)
შალოს

ზუსტად ეს თქვა სანიოლმაც. ამ საიტზე დაიწერა რომ ტრავმა ჰქონდა და რადგან ჯუღელმა თქვა, არ დაიჯერეს
შალო

ამ ტინგიცა ქართველებმა ხომ ესე იციან? ხვიჩა როცა რუბინში იყო და ვერ ეხმარებოდა ნაკრებს ავადმყოფობის გამო, მიწასთან ასწორებდნენ. ზუსტად ეს ხალხი იყო, ვინც ეხლა ხოტბას ასხამს და ეხლა კი ყანწებით ცლიან ღვინოს, ხვიჩას ხსენებით. აფერისტ მამაძაღლებო!
ვახო სანაია.

ნაპოლი არა კვარაცხელიამ, არამედ ოსიმენმა გააჩემპიონა! და ეს ფაქტია! და საერთოდაც ნუ გადაგვაყოლეთ ამ კვარაცხელიათი.

კვერნაძის 65 წუთი - "ფროზინონემ" "ატალანტასთან" უხვგოლიან მატჩში ქულა აიღო

საზონოვი შეცვლაზე შევიდა - "ხეტაფე" "ატლეტიკთან" განადგურდა

"ჰოლშტაინის" პირველ გამარჯვებას სადებიუტო გოლით საფუძველი ქვილითაიამ ჩაუყარა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

დავითაშვილის "სენტ-ეტიენმა" დაძაბულ მატჩში "ნანტს" სძლია

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

ზივზივაძის "ჰაიდენჰაიმმა" "კოტბუსთან" ქულები გაიყო

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

"ვიმეგობებთ თუ არა მე და დვალიშვილი?" - იანმა შეკითხვას უპასუხა

ახალციხემ სუპერლიგაში პირველი გამარჯვება გორის ივერიონთან მოიპოვა

[VIDEO] მამუკელაშვილის 23 წუთი - "ლეიკერსმა" "კლიპერსი" დაამარცხა

Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა

გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა

ნიკა ამაშუკელი - ტოკიო, ლონდონი და გენუა

[VIDEO] "მანჩესტერ სიტიმ" აეკ-ი გაანადგურა - ფოდენმა ჰეთ-თრიკი შეასრულა

[VIDEO] კვერნაძის სრული მატჩი და "ფროზინონეს" მარცხი "ნაპოლისთან"

ხვიჩასავით ტოპ-კლუბში? - მაკტომინეი შეიძლება "ნაპოლიდან" გრანდში გადავიდეს

"ოქროს ბურთის" "კვარას" ეკუთვნის - ეს მისთვის მეტისმეტად მცირე ნუგეში და აღდგენაში დახმარება იქნება" - ამბობს ცნობილი ფრანგი ჟურნალისტი, რომელიც ფეხბურთელის დაბრუნების სავარაუდო დროს ასახელებს

პსჟ-ის დასაფასებელი საქციელი - ახალი კონტრაქტი კვარაცხელიას და კვლავ ყველაზე მაღალანაზღაურებად ფეხბურთელებში

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

"გამოჯანმრთელდი, ხვიჩა, ნეაპოლში შენი ისტორია დაუვიწყარია" - "ნაპოლი" და ტიფოზები კვარაცხელიას ამხნევებენ

ცნობილი გახდა სად გაუკეთებენ კვარაცხელიას ოპერაციას

[VIDEO] მიქაუტაძემ "ნაპოლის" გაუტანა - ვილიარეალი" 2:1-ს იგებს

[VIDEO] მიქაუტაძის კოხტა გოლი - "ვილიარეალმა" "ნაპოლის" მოუგო