"ასე იწყებდა ხვიჩა" - კვერნაძის უპირატესობები და სირთულეები, რაც დებიუტშივე გამოჩნდა...

ზუსტად ერთი წლის წინ ხვიჩა კვარაცხელიას "ნაპოლის" რიგებში სასტარტო, ამხანაგურ მატჩებში გაჰქონდა. მაშინ ჯერ კიდევ არსებობდა განცდა, რომ ეს ბევრს არაფერს ნიშნავდა და ქართველ გარემარბს თავისი შესაძლებლობები მნიშვნელოვან შეხვედრებში უნდა დაემტკიცებინა. კარგი დასაწყისი საქმის ნახევარიაო - გვინახავს ფეხბურთელები, აკლიმატიზაციის პროცესი ძალიან რომ გაეწელათ და მათი კარიერა ამან მნიშვნელოვნად შეცვალა, "კვარა" კი სიტუაციას თავიდანვე თამამად და ენერგიულად მოერგო, მოწინააღმდეგეებს შიშის ზარს სცემდა; მოულოდნელობის ეფექტიც დიდი იყო. ამის შემდეგ კვარაცხელიასთვის საგანგებო დაცვითი ტაქტიკის შემუშავება დაიწყო. "ასე იწყებდა ხვიჩა" - ამ გამოხმაურებებს წააწყდებოდით გიორგი კვერნაძის სადებიუტო მატჩზე. "ფროზინონესაც" სუსტი მეტოქე ჰყავდა, თუმცა ეს ქართველი ასევე მარცხენა გარემარბის მშვენიერ დებიუტს საერთოდ არ აკნინებს.<img src="pictures/artimages/original/fff562221f0e4bb61bc4c9802f03ae6b.jpg" border="0" alt="Sportall.Ge" title=""ასე იწყებდა ხვიჩა" - კვერნაძის უპირატესობები და სირთულეები, რაც დებიუტშივე გამოჩნდა..." />20 წლის კვერნაძემაც ყველას დაანახა, მის კოზირებად რა მიიჩნევა და თავიდანვე მათ გამოყენებას შეუდგა. საქმე მხოლოდ გოლში არაა, გიორგის სხვა სასარგებლო აქტივობებიც ჰქონდა და მზადების საწყის ეტაპზევე მთავარ მწვრთნელს აგრძნობინა, მისი იმედი რომ შეიძლება ჰქონდეს. აგვისტოს ბოლომდე ჯერ კიდევ დიდი დროა და ჩვენებურმა ასევე უნდა განაგრძოს. ისიც თავიდანვე გამოჩნდა, ამ ტიპის შემტევებს ფეხებში რა ხშირად ხვდება, კვერნაძე სიფრთხილის მიზნით მოედნიდან გაიყვანეს.ძალიან გვინდა, გიორგი, ხვიჩას მსგავსად, ფიზიკურადაც ბოლომდე მზად იყოს, გამოწვევებს გაუძლოს. წინა სეზონის დასაწყისში კვარაცხელიას კონდიციებსაც გარკვეული დრო დასჭირდა, შეუცვლელად რომ ეთამაშა, სპალეტის ტაქტიკურ სქემაში ბოლომდე ჩამჯდარიყო, დაცვაში თამაში კიდევ უფრო გაეუმჯობესებინა. კვერნაძეს ძალიან კარგი "მასწავლებელი" ჰყავს - "კვარას" განვლილი სეზონი, მისი დამოკიდებულებები. რა თქმა უნდა, ისიც, თუკი ძლიერ საფრთხეს იგრძნობენ, მოწინააღმდეგეთა დამრიგებლები ეცდებიან, კვერნაძის მიმართ დაცვითი ზღუდეები უფრო გაამყარონ. "კვარას" ირგვლივ მინიმუმ ორი მცველის ყოფნა ჩველებრივი ამბავი იყო, რასაც ის წარმატებით უმკლავდებოდა!..<img src="pictures/artimages/original/9c525a1da6fb7f0ab8da37fdd6511057.jpg" border="0" alt="Sportall.Ge" title=""ასე იწყებდა ხვიჩა" - კვერნაძის უპირატესობები და სირთულეები, რაც დებიუტშივე გამოჩნდა..." />არ გვსურს, კვერნაძე ზედმეტად დავძაბოთ. ამავდროულად, მან ზუსტად იცის, რა დონის ლიგაში მოხვდა და რაა საკმარისი, რათა აქ წარმატებული იყოს. მისი თანამემამულის აწეული თამასა ძალიან მაღალია, რაც პასუხისმგებლობას ისედაც უზრდის, თუმცა გიორგიმ უნდა ითამაშოს ლაღად, საკუთარ ძალებში დარწმუნებულად!.. დიდი იქნება მწვრთნელის როლი, რა რეაგირება ექნება მას, როცა შემტევებს ყველა დრიბლინგი ერთნაირი წარმატებით არ გამოუვათ, რამაც შესაძლოა, საკუთარ კართან შეტევა გამოიწვიოს; რა დავალებები ექნება გიორგის. ეუსებიო დი ფრანჩესკოსგან მაინც 3-4-2-1 ტაქტიკურ სქემაში ველით, სადაც ძლიერი ნახევარდაცვის პირობებში, ჩვენებური შეტევაზე მეტად იფიქრებს.სერია "ა" უფრო "ქართული" და საინტერესო ხდება!..

koba

კარგი სტატიაა, მოზომილი, კეთილგანწყობილი და პროფესიონალური.
გიორგი

ნიჭიერია, მონდომებულია და ჭკვიანია. ცოტა იღბალიცაა აუცილებელი ფეხბურთში, და გამოუვა!
....

კი პუტინის ავანტიურამდე რუსეთის ლიგას რასაც ვერ დაუკარგავდი ეს ფიზიკური ორთაბრძოლები და მუდმივი ჯახი იყო მოედნის ყველა მონაკვეთზე რაც ერთი ორად უწყობს ხელს ფეხბურთელს რათა ფიზიკური კონდინციები უფრო აიმაღლოს და მზად იყოს მომავალში ტოპ ლიგების ფიზიკური დატვირთვებისთვის სწორედ ეს დაეხმარა კვარას ეს ფაქტია მაგრამ გიორგის ეხლა უწევს ვარჯიშებზე ამ დატვირთვების გავლა უშუალოდ მწვრთნელის ხელში. და არ მინდა ვიფიქრო ეს მცირე ტრამვა ამ უფრო დიდმა დატვირტვებმა გამოიწვია ვიდრე ეს საქართველოს ჩემპიონატში ქონდა.
გ.შ.

მომენტები ვნახე, და ერთ ეპიზოდში თითქოს ძალიან მძიმედ გაიქცა, მგონია თქვენც შეამჩნევდით , ანუ სისწრაფე ნელა აკრიფა, მოუმატოს უნდა აუცილებლად
Charley

კიდევ ერთხელ ვიტყვი მთავარია ამ ბიჭს ტრამვებისკენ არ ქონდეს მიდრეკილება ყველაზე მთავარი ეს არის დიდი კარიერის შექმნაში. თორემ თვალს ვერ მოატყუებ კი სამუშაოც ძალიან ბევრი ექნება მაგრამ რაც ჩანს აქვს მონაცემები იმისა რომ კვალი დატოვოს ისეთ ტოპ ლიგაში როგორიც სერია აა. აგერ წელს ამ აუტსაიდერ ფროსინონეში გამოიჩენს თავს? მომავალ სეზონში უფრო მაღალი კალიბრის პირობითათ უდინეზე ლაციო, ფიორენტინას რადარზე აღმოჩნდება და განვითარების კიდევ ერთ დიდ ნაბიჯს გადადგამს მის კარიერაში. უბრალოდ ვისურვოთ რომ სამწუხარო ქართული გამოცდილებიდან გამომდინარე ამ ბიჭსაც არ ქონდეს ტრამვებთან პერმანენტული "მეგობრობა".
სოსო

იტალიაში გადასულ კვარას,რუსეთში გატარებული წლების გამოცდილება უმაგრებდა ზურგს და ადაპტაციაც,შესაბამისად სწრაფად გაიარა!გიორგისათვის,იტალია პირველი ქვეყანაა,საქართველოს შემდეგ,ასაკიც და სათამაშო გამოცდილებაც ნაკლები აქვს.ხვიჩას შემდეგ კი,მის მიმართ მოლოდინები გაზრდილია და ამ მხრივაც ზეწოლა ექნება.ხვიჩა,ბოლოს უკვე მიათრევდა რუბინს და მასაც კი,70 წუთზე მეტხანს თამაში,უჭირდა.გიორგის,ბათუმშიც აკლდა სათამაშო პრაქტიკა,რაც ცხადია,მისი ფიზიკურ მზადყოფნას,საეჭვოდ ხდის.ასე რომ, მიუხედავად ცხადად გამომჭვირვალე ნიჭისა,დასაწყისშივე მის აფეთქებას,არ უნდა ველოდოთ.ფლანგზე თამაშთან ერთად,დარწმუნებული ვარ,საჯარიმოში მაღალ ბურთებზე ბრძოლაში,მისი სიმაღლიდან გამომდინარე,გიორგი,კვარაზე პროდუქტიული იქნება.ვფიქრობ,მისი ფიზიკური მზადყოფნის ზრდასთან ერთად,მის სათამაშო დროსაც თანდათან გაუზრდიან.ვნახოთ,სეზონი მალე დაიწყება და შარშან,არც ხვიჩასგან ველოდით,დასაწყისიდანვე,ასეთ დინამიტად ქცევას.წარმატებები,ჩვენს ბიჭებს!
გადასარევი გიორგი

კვარას კიდევ ერთი და მაგარი თვისება ისაა, რომ მეგობრულია, თავმდაბალი და ადამიანების მიმართ კეთილგანწყობილი. კვერნაძეს ძალიან ვგულშემატკივრობ და ამას მიაქციოს ყურადღება. მოწინააღმდეგეებსაც უნდა მოსწონდე
Kutaisi

Martals ambob kvaras chemi azrit rusetis chempionati daexmara ik sul chzxavden da upro viruli pexburti midioda
ჰაჰა

კვარას პლიუსი არის ის რომ, ის არის ძალიან პოზიტიური ადამიანი. ფეხბურთსაც ასე თამაშობს, ხალისიანად, ლამაზად, პატიოსნად.ამიტომ დაიმსახურა ასეთი დიდი სიყვარული.
ჰენრი

კვარას ერთერთი ძალიან დიდი პლიუსი არის მისი ძლიერი და მსხვილი ფეხები, მან იმდენ და ისეთ "მოჩეხვებს" გაუძლო რომ სხვა ქართველ ფეხბურთელს ფეხი თუ არ მოტყდებოდა მინიმუმ 6თვიან პაუზაზე გავიდოდა. ვიმედოვნებ კვერნაძეც არ ჩამორჩება ამ ასპექტში მიუხედავად იმისა რომ პირველივე შეხვედრაში ტრამვა მიიღო. თან კვარასგან განსხვავებით მას თავით თამაშიც უკეთ გამოსდის.

"შეძლებს ალისონის შეცვლას?" - liverpoolecho-მ მამარდაშვილის ტრანსფერი შეაფასა

"ხვიჩას ძალიან კარგად ვეწყობი, რუსულად და ინგლისურად საუბარი შეგვიძლია" - საფონოვმა პსჟ-ში თავის მეგობრებზე ისაუბრა

დეკემბერში პსჟ-ს საუკეთესო ფეხბურთელად საფონოვი დაასახელეს

თუ ალონსოს გაათავისუფლებენ - "რეალის" ჩაბარების მთავარი კანდიდატი არვალო არბელოაა

"შეძლებს ალისონის შეცვლას?" - liverpoolecho-მ მამარდაშვილის ტრანსფერი შეაფასა

დე ლაურენტისს კონტე ძალიან მოსწონს - ხელფასის გაზრდასა და ახალ კონტრაქტს შესთავაზებს

"კორინთიანსმა" "მილანს" ბრაზილიის ნაკრების მეკარე არ მიჰყიდა

20 წ. | ორი ტესტი მოქმედ ჩემპიონ სამხრეთ აფრიკასთან

ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა

იმედები ვერ გაამართლა - "ატლეტიკო" სორლოტის გაყიდვას ეცდება

"გიორგი რუსეთის ნაკრებში დაბრუნებაზე ოცნებობს, ამხანაგურ მატჩში მაინც..." - ჯიქიას აგენტი

"პსჟ მადრიდის "რეალის" მცველს სარფიან კონტრაქტს შესთავაზებს" - ესპანური გამოცემა

"მიქაუტაძე "ვილიარეალს" წიტაიშვილის შეძენას ურჩევს, საქმეში სხვა კლუბებიც არიან" - რას წერს ფრანგული გამოცემა ქართველზე?

[VIDEO] რონალდოს ლამაზი საგოლე პასი და ფელიქსის ბრწყინვალე გოლი

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

ფუტსალი | საქართველოს ნაკრები სომხეთთან დამარცხდა

დამძიმებული ფეხებით - ჩაკვეტაძემ "ლესტერთან" მატჩამდე ისაუბრა

"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია

"ბარსელონა" ბოლო წამებზე დამარცხდა - თორნიკეს ისევ არ უთამაშია

"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

ხელფასის შემცირებაზე თანახმაა - ლევანდოვსკის მომდევნო სეზონშიც "ბარსელონაში" თამაში სურს

კვერნაძის "ფროზინონემ" მორიგი გამარჯვება მოიპოვა

კვერნაძე შეცვლაზე შევიდა - "ფროზინონე" "მონცასთან" დამარცხდა

100 საუკეთესოში მე-14 ადგილზე - ხვიჩა The Guardian-ის რჩეულებს შორის მოხვდა

[VIDEO] კვერნაძის დუბლი იტალიაში - "ფროზინონე" სერია A-სკენ მიიწევს

ნაახალწლევს პსჟ-ს და "კვარას" მარათონი იწყება - იხილეთ კალენდარი

კვერნაძე ერთმატჩიანი დისკვალიფიკაციით დასაჯეს

დეკემბერში პსჟ-ს საუკეთესო ფეხბურთელად საფონოვი დაასახელეს

[VIDEO] კვერნაძის საგოლე პასი - "ფროზინონემ" გალიდერების შანსი დაკარგა

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

კვერნაძე შეცვალეს, "ფროზინონემ" ისევ გაიმარჯვა