საზონოვი რუსეთში რჩება და მიქაუტაძის თანხა აფერხებთ? - "ბაიერნის" თემა არ დახურულა, ქართველებისგან უკეთეს ტრანსფერებს ველ(ოდ)ით...

ზაფხულის სატრანსფერო ბაზარზე ქართველი ფეხბურთელების უკეთეს გუნდებში გადასვლას ველით. გიორგი მამარდაშვილისა და ხვიჩა კვარაცხელიას კარიერულმა პროგრესმა ამ მხრივ ოპტიმისტები გაგვხადა. მიმდინარე აგვისტოშიც უფრო მეტის მოლოდინი გვქონდა და გვაქვს. დრო ჯერ საკმარისზე მეტია, თუმცა ამა თუ იმ ქვეყნის მედიაში გავრცელებული ჭორ-მართალის მიხედვით, საქმე გაცილებით უკეთ უნდა ყოფილიყო.ევროპის 21-წლამდელთა ჩემპიონატზე წარმატებულად გამოსვლის შემდეგ დავწერეთ, რომ თანამედროვე ფეხბურთში ახალი მოთამაშის შეძენა მხოლოდ კონკრეტული მატჩით ან ტურნირით არ ხდება და დაკვირვება უფრო დიდი ხანი გრძელდება. ამას კლუბებს შორის მოლაპარაკება, სატრანსფერო თანხა, კონკრეტული ფეხბურთელის სურვილი, მისი პირადი კონტაქტი, დაინტერესებულ გუნდში სამწვრთნელო ცვლილება და სხვა ფაქტორები ემატება.თბილისში ჩატარებულ პირველობაზე საბა საზონოვი ყველამ ერთხმად გამოარჩია. მოსკოვის "დინამოს" ცენტრალურმა მცველმა ფიზიკური სიძლიერეც გამოავლინა, თამაშის წაკითხვაც, შეტევაში პასებით ამოსვლის უნარიც, სტანდარტულის შემდეგ გაიტანა და როცა საჭიროება იყო, სისწრაფის დემონსტრირებაც მოახერხა. საზონოვი "ლიონს" აქტიურად დაუკავშირეს. ფრანგული კლუბიდან ვეტერანი ჟერომ ბოატენგი წავიდა და მისი შემცვლელის ძიება დაიწყო. ტრანსფერი თითქოს გადაწყვეტილი იყო, მაგრამ იქნებ ამისთვის კიდევ უფრო მეტი დროა საჭირო. იწერებოდა "ფროზინონეზეც".<img src="pictures/artimages/original/206ae9a75e414d5925fde992ec17a5c6.jpg" border="0" alt="Sportall.Ge" title="საზონოვი რუსეთში რჩება და მიქაუტაძის თანხა აფერხებთ? - "ბაიერნის" თემა არ დახურულა, ქართველებისგან უკეთეს ტრანსფერებს ველ(ის)ით..." />21 წლის საზონოვს დასვენების საშუალება მისცეს და უკანასკნელ ტურში დაბრუნდა. ის "ზენიტთან" გამარჯვებით ძალიან ბედნიერია, კარიერას ხომ ამ გუნდში იწყებდა. საბამ იცის, რომ მას პერსპექტივა აქვს, კარგი ევროპული კარიერა ჰქონდეს და იმედია, ამისათვის ოპტიმალური გუნდი შეირჩევა. იმავეს თქმა კიდევ ერთ მოსკოვის "დინამოელ", 20 წლის ლუკა გაგნიძეზე შეგვიძლია. ის პოლონურ "რაკუვს" ვერ მოერგო, თუმცა ახლა გაცილებით სრულყოფილია.ახალგაზრდული ნაკრების თემა რომ ამოვწუროთ, იქ ივა გელაშვილის თამაში ძალიან მოგვეწონა. მას ბოლოს ტრავმა რომ არ მიეღო, 22 წლის მცველს "საბურთალოში" ნაკლებად გააჩერებდნენ. თანაც, მისი საფეხბურთო აგენტი მამუკა ჯუღელია, რომელმაც იტალიურ გზას უკვე გიორგი კვერნაძეც გაუყენა.ევროტურნირებზე წარუმატებლობის მიუხედავად, თბილისის "დინამოს" ის წევრები, რომლებიც კონტინენტის ახალგაზრდულ ჩემპიონატზე კარგად გამოვიდნენ, სხვადასხვა გუნდის ინტერესის ქვეშ არიან. ასეთია ცენტრალური მცველი ალექსანდრე კალანდაძე, რომელიც თურქეთში გადასვლასთან დააკავშირეს. ასევე, საბა ხვადაგიანი; როგორც წერდნენ, იტალიური კლუბების დაკვირვების ქვეშ ანზორ მექვაბიშვილიც იყო. გაბრიელ სიგუა კი იმედია, შვეიცარიის ჩემპიონატში გაამართლებს. აქვე, გვახარებს გიორგი ჩაკვეტაძის კარგი დებიუტი ინგლისის ჩემპიონშიპში.<img src="pictures/artimages/original/bb2d1beb686968c0c149d6647ea3560b.jpg" border="0" alt="Sportall.Ge" title="საზონოვი რუსეთში რჩება და მიქაუტაძის თანხა აფერხებთ? - "ბაიერნის" თემა არ დახურულა, ქართველებისგან უკეთეს ტრანსფერებს ველ(ის)ით..." />სამწუხაროა, რომ ზურიკო დავითაშვილის "ბორდო" საფრანგეთის ელიტურ ლიგაში ვერ დაწინაურდა. ჩვენებურს გასული სეზონის ბოლო მშვენიერი ჰქონდა, ამას კი ნიდერლანდების 21-წლამდელთა კარში გატანილი შედევრი დაემატა. ამ ეტაპზე, ზურიკო აქ რჩება და იმედია, ჟირონდელები აღზევებისთვის ისევ იბრძოლებენ, ისე კი, ახლა ცუდად დაიწყეს. სიტუაციის უკეთ შეფასებისთვის, ერთ-ერთი ნიდერლანდელი მცველი, რომელმაც დავითაშვილის წინააღმდეგ ითამაშა, მიკი ვან დე ვენი, ლონდონის "ტოტენჰემში" გადავიდა, თუმცა ის უკვე ორი სეზონის განმავლობაში "ვოლფსბურგში" იყო და აქტიურად აკვირდებოდნენ.ვის ტრანსფერსაც ყველაზე მეტად ველოდით, ეს მაინც გიორგი მიქაუტაძე იყო. მას პრემიერლიგის "ბარნლისა" და იტალიურ "ლაციოს" აქტიურად უკავშირებდნენ. ისე ჩანს, აქ მთავარი ხელშემშლელი ფაქტორი სატრანსფერო ფასი გახდა, "მეცი" ქართველ ბომბარდირს 20 მილიონზე ნაკლებად ვერ ელევა, ამდენის გადახდა კი მსურველებს უჭირთ. გიორგის შეუძლია, გატანა ლიგა 1-შიც გააგრძელოს და თავისი ღირებულება კიდევ უფრო გაზარდოს. ამ შემთხვევაში მეტსაც გადაიხდიან, ამ ეტაპზე კი ლიგა 2-ში საუკეთესოობა მათთვის საკმარისი არაა."რაიო ვალეკანოში" ველოდით ლუკა ლოჩოშვილს, რაც მისი კარიერული პროგრესისთვის მნიშვნელოვანი იქნებოდა. წინააღმდეგ შემთხვევაში მას იტალიის სერია "ბ"-ში თამაში მოუწევს. ჯერჯერობით ისევ ღიაა საკითხი, გიორგი მამარდაშვილი "ვალენსიადან" "ბაიერნში" ხომ არ გადავა, რაც შთამბეჭდავი გარიგება იქნება.დაველოდოთ აგვისტოს მიმდინარეობას, იქნებ მოულოდნელი ტრანსფერიც ვნახოთ. ნამდვილად გვყავს ფეხბურთელები, რომელთაც შეუძლიათ, უკეთესი კარიერული გაგრძელება ჰქონდეთ!

!!

რუსი ღრუსეთში უნდა დარჩეს
სიმართლე

ღვთისავარ და დანარჩენო ჟურნალისტებო! იმედი მაქვს, გამოაქვეყნებთ ახლა რასაც დავწერ. შეიგნეთ რომ ქართველი ფეხბურთელები არ არიან მოთხოვნადი ევროპულ საფეხბურთო ბაზარზე! არა იმიტომ რომ კლასი გვაკლია ან ვინმეს ჩამოვუვარდებით, არამედ აქ მოქმედებს შემდეგი ფაქტორების ერთობლიობა: 1) არაევროკავშირელობა. არ ვართ ევროკავშირის წევრები და ჩვენი ფეხბურთელები არ არიან ევროკავშირის რომელიმე ქვეყნის მოქალაქეები. ეს ნიშნავს იმას, რომ მსურველ კლუბს ზოგჯერ ექმნება პრობლემები ჩვენი მოთამაშის რეგისტრაციისას ან გაცილებით მეტი თანხის გადახდა უწევს ადგილობრივ საგადასახადოში, რაც იწვევს ინტერესის კლებას; 2) ქართველი ფეხბურთელების აგენტები. ხშირ შემთხვევაში, ჩვენს ფეხბურთელებს ჰყავთ უვარგისი აგენტები რომლებიც მხოლოდ საკუთარ ჯიბეზე ფიქრობენ და არა ფეხბურთელის შემდგომ კარიერაზე. გარდა ამისა, ჩვენი აგენტები არ არიან ცნობადი სახეები სატრანსფერო ბაზარზე და მათთან საქმის დაჭერას ევროპელები ხშირად ერიდებიან; 3) ეროვნული ნაკრების და ჩემპიონატის რეიტინგი. გვაქვს ძალიან სუსტი ჩემპიონატი, რომელიც 47-ეა უეფას წევრ 55-მდე ქვეყანას შორის. რაც შეეხება სანაკრებო რეიტინგს, ის კი გაიზარდა უკანასკნელ პერიოდში, თუმცა ჯერ კიდევ არაა საკმარისი. საჭიროა რომ ტოპ-70 ნაკრებში მაინც ვიყოთ, ხოლო თუ ევროპის ჩემპიონატის ფინალურ ეტაპზე გავალთ, ეს უკვე საკმაოდ გაზრდის ქართველ ფეხბურთელებზე მოთხოვნას. ვფიქრობ, დეტალურად ჩამოვაყალიბე მიზეზები და მადლობა თუ გამოაქვეყნებთ
გიუშა

გეტყობა)
ზურა

მკითხაობა მხოლოდ.......... წიწილწბს შემოდგომაზე ითვლიან
სოსო

ხორვატია ევროკავშირის წევრი ქვეყანაა და იქიდან წასული ფეხბურთელი,ლეგიონერად არ ითვლება.საქართველო არ არის ევროკავშირის წევრი და აქაური,ლეგიონერების კვოტაში შედის.ეგეც არ იყოს,ლეგიონერებზე დამატებითი გადასახადია და რეალურად კლუბს მისი შეძენა უფრო ძვირი უჯდება.სწორედ ამის გამო ვერ შედგა ჯანოს ტრანსფერი,თავის დროზე.რა თქმა უნდა ლიგის რეიტინგიც მოქმედებს, ნდობაზე.ჩვენი კლუბების უმსგავსი გამოსვლები,ევროტურნირებზე,ქართველი ფეხბურთელების ავტორიტეტზე,კარგ გავლენას ნამდვილად ვერ იქონიებს.
Levani

ყავდეთ აბა ჰარი კეინი მათემატიკის მასწავლებლის სიფათით,რაც არ უნდა კარგად ითამაშოს სიფათზე ისე არ მევასება ინგლისის ნაკრების თამაშებს არ ვუყურებ(არადა არ მიყვარს ადამიანების გარეგნობით შეფასება)
დავით 67

ჯერჯერობით ხვიჩას გარდა, არავინ გვყავს ტოპ კლასის ფეხბურთელი, არც მიქაუტაძე. ადრე ამბობდნენ არსებობს ერთი მანქანა მერსედესი და დანარჩენები. ასეა საქართველოშიც არსებობს ხვიჩა და დანარჩენები. მე პირადად და ბევრსაც უნდა რა თქმა უნდა, რომ გვყავდეს ძლიერი ფეხბურთელები, მაგალითად ნორვეგიის ნაკრების ან დანიის, ასევე შვედეთის დონის ფეხბურთელები, მაგრამ არაა ჯერ . ასე რომ თავის მოტყუება კარგია ზოგჯერ, მაგრამ არა ამ შემთხვევაში, მითუმეტეს როცა ზედაპირზე ყველაფერი სჩანს.
ჯონდო

ჭორების ოკეანე, არადა გაინტერესებს ...
G

ოოჰ ჰამლეტ...
სიმართლე!!

რატო არა გადმოიყვანენ საქართველოში 3 თვე და მერე იყიდიან აქედან.ანუ რომ უნდოდეთ.არ გაუკეთებიათ ეს ფოკუსები თუ რა? არამგონია გაუჩირდეთ!!!
გიორგის

ხო რა იყო "გავარდნა" არ იცი რომ ფეხბურთშიც არსებობს და ბევრ საშუალო თუ საშუალოზე დაბალი დონის ფეხბურთელს "გავარდნია"? "გავარდნად" რომ არ ჩაითვალოს მაშინ სისტემატურად უნდა ითამაშო მაღალ დონეზე. დავითაშვილი თამაშობს ასე თუნდაც საფრანგეთის მეორე დივიზიონში? ხოდა ნუ გამოხტებით ეს ნათესავები თუ უბრალოდ ურა გულშემატკივრები
გიუშა

რომ ვიძახით ხორვატი რომ იყოს 50 მილიონს გადაიხდიან უბრალო ფეხბურთელშიო ეს ხორვატებს ციდან არ დაცემიათ,მათ ჟინით და მონდომებით მოიპოვეს ეს უფლება,შეხედეთ როგორ თამაშობს ხორვატიის ნაკრები და მიპასუხეთ რატომ უნდა ღირდეს ჩვენ ჩ..ულ მენტალიტეტიანი ფეხბურთელები მათზე მეტი?!როცა გვჭიდება მაკედონიას ვერ ვუგებთ,ერთი ორი ფინტი და თამაში არაა ფეხბურთი,ფეხბურთი ისაა როცა მოედანზე ყველა თამაშში სულს დებ,არა ის რომ სადღაც იღლები ან გუშინ ითამაშებ და ზეგ რაღაც დაავადება დაგემართება...ჯერ ვისწავლოთ ხორვატებივით სამშობლოს სიყვარული და და დამიჯერეთ ჩვენაც დაგვაფასებენ P.S.ვიცი არ დაბეჭდავთ მაგრამ მაინც)
Gambler-ს

რა მაგრად გიჭირს! საცხოვრებლად თბილისიც არანაკლებია,თუ ფული გაქვს ( მითუმეტეს ეხლანდელი ღრუსეთის პირობებში) მაგრამ კარგი ფეხბურთელები გუნდებს ქალაქების მიხედვით არ ირჩევენ ! მაგარ ანეკდოტებს ყვები მოსკოვის დინამოს და ფროსონინეს შედარებებზე )))))))))
რრრ

ჯერ კიდევ არ ჯერათ ჩვენი, ჩვენ გვეგონა ხვიჩას წარმატებული თამაშის მერე დაიხსნებიდა გრანთა კარები ყველა ქართველისათვის, მარა არაა ეგრე, ერთი წელი კი არა წლებია უკვე ტოპ ლიგებში წარმატებით გამოდის მხითარიანი, მარა ამით რა დანარჩენ სომეხ ბეხბურთელებს? არავინ ეძახის გრანდებში? თუ გვინდა ჩვენი მართლა ირწმუნონ სტაბილურად წარმატება უდა გვქონდეს ნაკრებში და შოტლანტიის და ნორვეგიის დონის გუნდებს შეშინებული თვალებით არ უნდა ვუყურებდეთ, ან საკლუბო დონეზე კი სანამ მალტას, ფარერებს და ა.შ ჩამოვრჩებით ვინ შეგვხედავს სერიოზულა?
Status quo

რამდენი ჭორი და ტყუილი იწერება როგორც ჩვენთან, ისე მსოფლიო პრესაში, გაგიჟდები კაცი.
გუსანი

ჩვენი ფეხბურთელები პირველ რიგში მენტალურად უნდა გაიზარდონ, პროფესიონალური პასუხიმგებლობაც ასამაღლებელი აქვთ, მერე უკვე ამაში, სწავლაში ევროპაც დაეხმარება. მაგის გარეშე იქ ვერ მოხვდებიან, მაგალითები ბევრი გვაქვს, კი მშობლებს უნდა უცბად მწვერვალზე მოხვდენენ შვილები, ქომაგებსაც მაგრამ....
ქ. გ.

ჰარი კეინის ტრანსფერი თუ ჩაიშლება, მერე ბაიერნი ფულს სხვა ფეხბურთელებზე დახარჯავს. კეინმა ბაიერნს უთხრა: "ერთ კვირას გაძლევთ. ან რამე ქენით, ან თავი დამანებეთ".
გიორგი

ეს გაუვარდა რა მაგრად იცით რააა. შენ სად და როდის რა გაგივარდა ? თუ თამაში იცი აკეთებ იმას რაც იცი. ეგ შენაირებს შეიძლება გაუვარდეთ როცა თამაში და ფეხბურთი არ ესმით. ჯერ გაერკვიე რა სახეობას უყურებ და სლოტებში და თამაშებში ნუ გერევათ ყველაფერი.
გ.შ.

გეთანხმები ძმაო, ყველაფერში, ერთი მინდა შევავსო შენი ნათქვამი, მიქაუტაძე ჯობია დარჩეს ეს 1 სეზონიც , იმიტომ რომ მთელი გუნდი მასზეა აწყობილი, და კიდევ ბევრს გაიტქნ, და დამეთანხმებით ლიგა 2 ში გატანა და ლიგა 1 ში გატანა(თან ბევრის) ერთი და იგივე არ არის , აი შემდეგ კი მართლა გრანდში გადავა და ეგ გათვლაა აქვთ ზუსტად მისი მეცსის ბოსებს, აი ნახავთ შემდეგ სეზონში მინიმუმ 30-40 მილიონი ეღირება ჟორჟი, დაიმახსოვრეთ და გაგახსენებთ, და ის რომ ბევრს გაიტან ამაში წინა სასეზონნო მატჩებში მისი შედეგი მეტყველებს ...
Gambler

ფროსინონეს ვარიანტს კი ჯობია მოსკოვის დინამო. და საცხოვრებლად მოსკოვი არც ისეთი ცუდი ადგილია, ამიტომ ძალიანაც ნუ ნერვიულობ ბიჭებზე. კარგად არიან.
Givi

ამ ეტაპზე ტოპ 5 ის 4 მოთამაშე გვყავს, ამას ემატება მეორე ლიგის ისეთი გუნდები: უოტფორდი,ლევანტე, ბორდო,კრემონეზე, რომლებიც აუცილებლად იბრძოლებენ გადმოსვლაზე, კიდევ დაუმატეთ შახტარი,ცვრენა ზვეზდა,ბაზელი...მოსკოვის დინამოს ქართველები თან სულ 21-22 წლის ბიჭები და მე დიდი იმედით ვუყურემ მომავალს...
არა რუსეთს

ეტყობა რისებს ბევრი ფულო უნდათ. საბქმ უნდა უეფას წესით ისარგრბლოს და უფასოდ მოხიოს ევროპაში.
SOSO

საზონოვით დავიწყებ და კიდევ გეტყვით,რომ მოსკოვის დინამოდან მისი გადასვლა ევროპის რომელიმე ქვეყნის გუნდში გამორიცხულია-ამ გაქანებული სანქციების დროს რუსულ კლუბს ფულს არავინ გადაუხდის. დავითაშვილი კი სულ ეგ არის რაც არის და საფრანგეთის მე-2 ლიგა მისთვის მაქსიმუმი მგონია, კი ბატონო! გაუვარდა ყარაულის თოფივით ახალგაზრდულში ერთხელ და სულ ეს იყო-პასი მაგან არ იცის და გუნდური თამაში.მიქაუტაძეს, კვარას და მამარდას იმხელა ფასი დაადეს მინიმალური ხელფასის და ხანგძლივი პირადი კონტრაქტის ფონზე რომ მათი კლუბები მაინც და მაინც დიდათ არ არიან დაინტერესებული მათი გაყიდვით-ისედაც მინიმალურ ხელფას უხდიან,თუ სარფიანად გაყიდიან ხომ კარგი,მაგრამ არა მგონია მათში ვინმემ ის ფასი გადაიხადოს,რასაც სატრასფეროდ ადებენ. კალანდაძე,მექვაბიშვილი და ხვადაგიანი კი რასაც წარმოადგენენ კი ვნახეთ ჩვენც და პოტენციულმა მყიდველებმაც, ასტანასთან და იმ მალტულ კლუბთან თამაშებში-ნული... მარტო პირველი არხის კომენტატორების და ჟურნალისტების მოჩვენებითი აღფრთოვანება მათი თამაშით და შემოდგომის აზნაურებივით ბაქი-ბუქი არაფერს ნიშნავს საერთოდ. მხოლოდ ასაკით მანიპულირება,რომ 19-20 წლისანი და პესპექტიულები გვყავს პაჭკობით რაც გამოდის კი ვნახეთ ევრო მაჩანჩალების მიმდინარე კომფერეც ლიგაზე-მესამე რაუნდის წინ მხოლოდ გორის დილა შემოქვრჩა,ისიც ლეგიონერი ფეხბურთელების და უცხოელი სამწრთვნელო შტაბის დამსახურებით.
bejo

ყველაზე მეტად მინდა საზანოვის და გაგნიძის წამოსვლა რუსეთიდან , როგორმე იქნებ დაეხსნან ღრუსეთს , სხვა დანარჩენები ასე თუ ისე თამაშობენ ევროპაში და თუ კარგად ითამაშებენ არცერთ შემთხვევაში არ დაიკარგებიან მაინც ...
ლაშა

ყველაფერ საუკეთესოს ვუსურვებ ჩვენებს! გიორგი მიქაუტაძისთვის ლიგა 1-იც კარგია, რადგან ტოპ ლიგაა და თუ მოუმატა, მსურველთა რიცხვი გაეზრდება. საზონოვს თუ არ ყიდულობენ, გაისად საერთოდ უფასოდ წავა და წესით ეს მის ამჟამინდელ კლუბს არ უნდა აწყობდეს... მამარდას მიმართ გასაკვირი სიტუაციაა. ის ნამდვილად ღირს 30 მილიონზე მეტი, მაგრამ ისევდაისევ საქართველოს ნაკრების დაბალი რეიტინგის გამო იკავებენ თავს ფეხბურთელი შეძენის მსურველნი, რადგან ნაკრების დაბალი რეიტინგი სამწუხაროდ გარკვეულწილად ერთ-ერთი განმსაზღვრელი ფაქტორია და არა ერთადერთი! ზურიკოს ბორდო იმედია გამოფხიზლდება, რადგან ბორდო საკმარისად სახელოვანი კლუბია და ნამდვილად არ იმსახურებს თუ ამჯერადაც ვერ აღზევდება ლიგა 1-ში! რაც შეეხება თბილისის და ბათუმის დინამოებში მოთამაშე ახალგაზრდული ნაკრების წევრებს, მათი კლუბების ევროთასებიდან ნაადრევმა გამოვარდნამ, ფეხბურთელების მსურველთა ინტერესი საკმაოდ შეანელა... ამ ქვეყანაში ფეხბურთში ფული უნდა ჩაიდოს, მაგრამ ჭკვიანი მენეჯმენტის გარეშე არაფერი გამოვა. ის, რომ ვინმე გაფაფხურდეს და მაშინვე გაყიდო არაფერში წერია და ამას წინ რომ ვერ აღუდგები და კიდევ რაიმე წარმატებაზე ფიქრობ, თავს იტყუებ. ფიფიას ეხება ეს, რომ იძახდა არავის გავყიდი მანამდე ევროთასებზე შორს არ გავალო, რითაც პრინციპში უფრო მოიგებდა, მაგრამ ეს არ გააკეთა. კიბატონო, სიგუა კარგ კლუბში გადავიდა, მაგრამ ასე თუ ყიდე ყველა პერსპექტიული, მაშ რაღად გინდა კლუბი საინტერესოა თუ მისი წარმატებებით არ დატკბი? ეს ხომ თავის მოტყუებაა. კარასკო გაატარებს კია თავის პოლიტიკას. თუ მას მშობლების თუ პრეზიდენტის ახირებით გაუყიდეს ფეხბურთელები მეეჭვება ამგვარი კლუბის მესაჭეობას მისი მხრიდან რაიმე პერსპექტივა ჰქონდეს თუ არა წყლის ნაყვა!

"ახალი ციკლის წინ ნაკრებში მწვრთნელი უნდა შეგვეცვალა" - ლევან სალუქვაძემ ვილი სანიოლზე ისაუბრა

გვარდიოლა და კლოპი გამორიცხულია - საქართველოს ნაკრებთან უკრაინას ისევ რებროვი უხელმძღვანელებს?

"მოდით და წაიღეთ - გაგიჟდნენ!" - სენეგალელმა მცველმა აღშფოთება გამოხატა

VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...

crocobet დიდი 10 | "ბათუმი" საქართველოს ჩემპიონია!

VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე

[VIDEO] ქვილითაიამ საფრანგეთში ზედიზედ მეორე მატჩში გაიტანა

საქართველოს ნაკრებმა ევროპის ჩემპიონატზე რვა მედალი მოიპოვა

ლოჩოშვილის "ნიურნბერგმა" "მაგდებურგს" მოუგო

ლევანდოვსკის MLS-ში ტრანსფერი ჩაიშალა

თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა

ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს

გოჩოლეიშვილი შეცვლაზე შევიდა - "ჰამბურგი" ისევ დამარცხდა

დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს

პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო

VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა

"ანჟესთან" მატჩში პსჟ-ს შემადგენლობა ცნობილია

[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება

კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა

[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო

[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში

"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ

"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა

ფრე წაგების შემდეგ - გოგლიჩიძემ და ჩაკვეტაძემ შეუცვლელად ითამაშეს

ღია ჭრილობა გაუკერეს - რამდენი ხანი გაუცდება მამარდაშვილს?

მიქაუტაძის 85 წუთი - "ვილიარეალმა" "სელტას" მოუგო

დავითაშვილი შეთავაზებებს განიხილავს - გადავა თურქულ გრანდში?

მიქაუტაძემ ამჯერად ვერ გაიტანა - "ვილიარეალი" "ჟირონასთან" დამარცხდა

მატჩის დღე - კვარაცხელიამ უნდა დაიწყოს!

მამარდაშვილის ტრავმის ფონზე - ალისონის დაბრუნების სავარაუდო თარიღი დასახელდა

ალისონი უკვე "ლივერპულის" სერიოზული პრობლემაა - ბოლოს და ბოლოს მიდის თუ რჩება?

ჩაკვეტაძის 62 წუთი და "უოტფორდის" ზედიზედ მესამე მარცხი

"სწორედ ამიტომ, შერკი იამალზე უკეთესი ფეხბურთელია" - მიქაუტაძემ თავისი მოსაზრება ახსნა

"ტორინომ" მოიგო - საზონოვი ისევ არ ათამაშეს

"ეს მამარდაშვილისთვის მისაღები არ იქნება" - This Is Anfield-ი განმარტავს, რა უშლის ალისონის "იუვენტუსში" გადასვლას ხელს

ჩაკვეტაძე და გოგლიჩიძე შეცვალეს - "უოტფორდი" "ქუინზ პარკთან" დამარცხდა

როგორია მამარდაშვილის პერსპექტივა. "იუვენტუსს" ალისონის მუქთად წაყვანა სურს - "ლივერპული" გაღიზიანებულია

მიქაუტაძის ერთი ტაიმი და "ვილიარეალის" ფრე "ოვიედოსთან"

[VIDEO] ლოჩოშვილმა "კაიზერსლაუტერნთან" გატანილი გოლი პატრიარქის ხსოვნას მიუძღვნა

საზონოვი ტრანსფერზეა - "ტორინო" ზამთარში ქართველის გაყიდვას შეეცდება

[VIDEO] ლოჩოშვილმა დუბლი შეასრულა - გოლი პატრიარქის ხსოვნას მიუძღვნა

"რუსეთში დაბრუნების ვარიანტს არ განვიხილავთ" - საზონოვის მამა შვილის შესაძლო ტრანსფერზე

ლოჩოშვილის სრული მატჩი - "ნიურნბერგი" "არმინიას" ფრედ ეთამაშა

[VIDEO] დავითაშვილმაც გოლი პატრიარქის ხსოვნას მიუძღვნა - საგოლე პასიც გააკეთა

[VIDEO] გოგლიჩიძე შეუცვლელად და ჩაკვეტაძე შეცვლაზე - "უოტფორდმა" სახლშიც წააგო

ლოჩოშვილის "ნიურნბერგი" დრეზდენის "დინამოსთან" დამარცხდა

დავითაშვილის "სენტ-ეტიენის" ცხრამატჩიანი წაუგებელი სერია კორსიკაში შეწყდა

გოგლიჩიძე და ჩაკვეტაძე შეცვალეს - "უოტფორდი" "ოქსფორდთან" დამარცხდა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] დავითაშვილმა პენალტი ვერ გაიტანა - "სენტ-ეტიენი" წაგებას გადაურჩა

[VIDEO] ზურიკომ გამარჯვების გოლი გაიტანა და რა გოლი - "სენტ-ეტიენი" ლიგა 1-სკენ მიიწევს

საკადრო ცვლილება "ტორინოში" - საზონოვის მაგივრად გოგლიჩიძე?

[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს

"ტორინოს" ახალი მწვრთნელი ჰყავს - რა შეიცვლება საზონოვისთვის?

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

[VIDEO] მიქაუტაძეს რომ ის ბურთი გაეტანა - "ვილიარეალმა" "ატლეტიკს" მაინც მოუგო

ლოჩოშვილის "ნიურნბერგმა" "მაგდებურგს" მოუგო