რა იცვლება "ნაპოლიში", სად გამოჩნდა ხვიჩას არყოფნა და კვერნაძე, რომელსაც გამოცდილება სჭირდება - ოსიმენი აქ კვლავ ბედნიერია...

მართალია, ქართული დუელი არ შედგა, თუმცა "ფროზინონესა" და "ნაპოლის" მატჩზე (1:3) საქართველოში მაინც დიდი ინტერესი იყო. გიორგი კვერნაძის დებიუტთან ერთად, საინტერესო იყო, რუდი გარსიას მხრიდან პირველ ოფიციალურ მატჩში ლუჩანო სპალეტისგან განსხვავებელ რა ცვლილებებს დავინახავდით.როცა წინა წელს გუნდი საუკეთესო იყო, საკადრო გაძლიერება კი თითქმის არ ხდება, რთულია თამაშში ახალი ელემენტები შეიტანო; ამავდროულად, ეს აუცილებელიცაა.<img src="pictures/artimages/original/075b280a2107a76fc359933d2d3e62dc.jpg" border="0" alt="Sportall.Ge" title="რა იცვლება "ნაპოლიში", სად გამოჩნდა ხვიჩას არყოფნა და კვერნაძე, რომელსაც გამოცდილება სჭირდება - ოსიმენი აქ კვლავ ბედნიერია..." />სპალეტის დროისგან განსხვავებით, მოქმედი ჩემპიონები მუდმივად ბურთის ფლობაზე ორიენტირებულები არ ყოფილან. შესაძლოა, ეს მეტოქიდანაც გამომდინარეობდა და იქიდანაც, პირველ ტაიმში ამ მხრივ ნაკლებად გამორჩეულმა, ახალწვეულმა კაიუსტემ რომ ითამაშა, მაგრამ მაინც უნდა ვივარაუდოთ, რომ გარსია სეზონის განმავლობაში ტაქტიკურ მრავალფეროვნებას მიმართავს. ყველაფერი ეს მოწინააღმდეგეებს, რომელთაც "ნაპოლი" შეისწავლეს, საქმეს გაურთულებს.შეხვედრაში საკმაოდ პასიური ლობოტკა ვნახეთ. სლოვაკმა თავი ბურთთან ერთად ტრიალით, მეტოქეების საჯარიმოდან ზემოთ ამოწევითა და შემტევებისთვის თავისუფალი ზონების გახსნით დაგვამახსოვრა, სეზონის მიწურულს კი ეფექტურობა საკმაოდ დაკარგა. ზამბო ანგისას შემოსვლის შემდეგ კარგად გამოჩნდა, რომ ფრანგ მთავარ მწვრთნელს შეტევების წარმართვა უფრო კამერუნელის მეშვეობით წარმოუდგენია, დაცვასა და ნახევარდაცვას ის აკავშირებდა. კვლავ დიდია პიოტრ ზელინსკის როლი.<img src="pictures/artimages/original/1934d38b369e03e4cdf5dfcbf9bdec6a.jpg" border="0" alt="Sportall.Ge" title="რა იცვლება "ნაპოლიში", სად გამოჩნდა ხვიჩას არყოფნა და კვერნაძე, რომელსაც გამოცდილება სჭირდება - ოსიმენი აქ კვლავ ბედნიერია..." />კიდევ ერთი სიახლე ფლანგებზე გამოიკვეთა. მაგალითად, რა ხდებოდა ძირითადად მარცხნივ, სადაც ხვიჩა კვარაცხელია თამაშობს - მარიო რუი ან მატიას ოლივერა ბურთს მაქსიმალურად დიდხანს ატარებდნენ და ცენტრისკენ მიიწევდნენ, ქართველი შემტევი კი ზედმეტად გვერდით ხაზთან ახლოს და კართან მაქსიმალურად შორს მოქმედებდა. "ახალ" "ნაპოლიში" გარემარბები კართან და მინდვრის ცენტრთან უფრო ახლოს უნდა იყვნენ. კვარაცხელიას არყოფნამ, ყველაფერთან ერთად, ერთი რამ გამოაჩინა, "ფროზინონეს" ფეხბურთელები მარჯვენა ფლანგიდან თამამად უტევდნენ. როცა "კვარა" მოედანზეა, მისი პოზიციიდან შეტევას, ფაქტობრივად, ვერ ბედავენ, რადგან შესაძლოა, ეს მათთვის მომაკვდინებელიც კი აღმოჩნდეს.ზოგჯერ შემტევების დაცვაში თამაშზე უცნაურ გამოხმაურებას ვხედავთ. რაღაცები შეიცვლება, მაგრამ თანამედროვე ფეხბურთში ფორვარდების მხრიდან უკანახაზელების დახმარება ჩვეულებრივი ამბავია. გარსიამ ამის გამო ვიქტორ ოსიმენის გარჯა დაიწუნა. "ცხრიანი" კი კვლავ ძალიან შემართული იყო. არის მომენტები, ფეხბურთელს გუნდიდან წასვლის დრო უდგას, წინააღმდეგ შემთხვევაში ეს მის ხასიათსა და განწყობაზე აისახება. ყველაფერი თითქოს იქით მიდიოდა, ნიგერიელს გუნდი უნდა შეეცვლა. ოსიმენი ძვირად დააფასეს, აქ დარჩა, ის კი კვლავ ბომბარდირობაზე და წინა შედეგის გასაუმჯობესებლად ფიქრს ჩვეულებრივ შეუდგა.<img src="pictures/artimages/original/b6fff1df314545452823d9d0644bdfbf.jpg" border="0" alt="Sportall.Ge" title="რა იცვლება "ნაპოლიში", სად გამოჩნდა ხვიჩას არყოფნა და კვერნაძე, რომელსაც გამოცდილება სჭირდება - ოსიმენი აქ კვლავ ბედნიერია..." />რაც შეეხება გიორგი კვერნაძის დებიუტს, ამ ეტაპზე მასზე დეტალურად საუბრისგან თავს იმის გამო შევიკავებთ, რომ გიორგის ამ დონეზე სათამაშოდ აკლიმატიზაცია აქვს გასავლელი. ხვიჩა კვარაცხელიასთან მარტივი პარალელი გავავლოთ - მან ყაზანის "რუბინში" და ზოგადად, რუსეთის ჩემპიონატში საკმაოდ დიდი გამოცდილება მიიღო, ამას დავუმატოთ სანაკრებო მატჩები. ამ ფონზე, კვერნაძეს თავის გამოჩენის შანსი სათანადოდ ბოლოს ეროვნულ ლიგაშიც არ ეძლეოდა. ახლა მთავარია, "ფროზინონეს" ახალწვეულმა საკუთარ თავზე მეტად იმუშაოს, მწვრთნელის შენიშვნები გაითვალისწინოს და მისი პროგრესი თვალსაჩინო გახდეს. გიორგის ჟინს ნამდვილად ვერ წავართმევთ, უბრალოდ ერთ რამეს ვიტყვით, რაც ხვიჩაზეც გვითქვამს - დღეს მწვრთნელები ბურთის დაკარგვას ძალიან უფრთხილდებიან, ნებისმიერი შეუსრულებელი დრიბლინგი მეტოქის საპასუხო შეტევას ნიშნავს. ამავდროულად, დრიბლიორებმა მათ უნარზე უარი არ უნდა თქვან.კვარაცხელიას დაბრუნებასა და კვერნაძის უკეთეს თამაშს ველით!..

მია-ს

სენთვის ლა ალის მნიშვნელოვანი, ლამაზო?
mamia

არიცი შენ ფეხბურთი წადი დაიძინე
რა მაფიაა?

სხვათაშორის კუნთების გადაღლილობის გამო არ უთამაშია კვარას ეხლა
???

თამაშს უყურე საერთოდ შე მიასტინო? კვარას არ უთამაშია საერთოდ. მოგწონს, რომ ახლა ბრიყვის პოზაში ხარ?
თემო

მოდი ვთქვათ სიმართლე კვარა მოამზადა სლუცკიმ მანამდე პალიჩმა კაი ხალხმა კვერნაძე კი გეგუჩაძემ .განსხვავებას ხო ხედავთ
ეეეჰ

რას ბოდავ ნეტავ თუ ხვდები.
მია

ფროზონინე შროზოზინე უფრო მნიშვნელოვანია კვარასთვის , ვიდრე საქართველოს ახალგზარდული ნაკრების თამაში იყო ხო (ისტორიული მომენტი)? ეხლა აღარაა დაღლილი ? ეეეჰ კვარა ეს რა გააკეთე
nk

სამწუხაროდ ძაან სუსტი თამაში ქონდა კვერნაძეს. მესამე გოლიც კი ნაწილობრივ მაგისი ბრალი იყო - ლორენცოს ფარავდა თავიდან და გადაწყვიტა ზემოთ აწეულიყო (ხელით კი ანიშნა ამასთან მიდითო), პასიც გავიდა და საგოლე გადაცემაც გააკეთა ოსიმენზე. ზედმეტად ბევრი დაკარგვაც ქონდა და საბოლოოდ ყველაზე დაბალი შეფასება მიიღო. ნუ დროის და გამოცდილების ამბავია, იმედია 15 წუთს მაინც მიცემენ ხოლმე (ცოტა მეეჭვება 30 წუთი კიდე ათამაშოს, სანამ ხარისხს არ გააუმჯობესებს)
სოსო

კარგი სტატიაა!კვერნაძეს ძალიან უნდოდა,თავი გამოეჩინა,თუმცა ხვიჩას წინააღმდეგ ვარჯიშებზე ნათამაშებ ნაპოლის მცველებთან ბრძოლა,მასზე უფრო გამოცდილ და ტექნიკურ თავდამსხმელებსაც უჭირთ.კვარა,რუსეთში ნათამაშები 3 წლის სტაჟით და შესაბამისი ფიზიკური მომზადებით მივიდა ნაპოლიში,თუმცა აშკარად გამოჩნდა,რომ ძალები,მაქსიმუმ,70 წუთზე ჰკმაროდა.ესწ რუსეთის ჩემპიონატის გუნდის ლიდერის ფიზიკა და ბათუმში სკამზე მჯდომის ფიზიკა,რომ შეუდარებლად დაბალი იქნება,მაგას რაღა ლაპარაკი უნდა?!უცხოეთში ცხოვრების გამოცდილებაც ძალიან დაეხმარა ხვიჩას,კვერნაძისათვის კი,ეს ყველაფერი უცხოა და ასაკიც პატარა აქვს.ასე რომ ჯერჯერობით,მისგან სასწაულებს ნუ ველით.მთავარია იმუშაოს,უნარები დახვეწოს,მწვრთნელებს მიჰყვეს და გიჟივით ივარჯიშოს.ჩემპიონთან თამაშობდნენ,აგებდნენ და მწვრთნელმა გამოუშვა,მაყურებელს გააცნო,თვითონ გიორგისაც აგრძნობინა ატმოსფერო.ჯერჯერობით,ალბათ რაღაცა ხანი,აღარ ათამაშებს და სხვა უფრო გამოცდილს შეუშვებს,შეცვლებზე.თუ რა თქმა უნდა ჰყავთ,ასეთი.თუ არ ჰყავთ,მაშინ მასაც მიეცემა რაღაც დრო და ეს,მის პროგრესს,უფრო დააჩქარებს.ორი წლის წინ,მიქაუტაძეს,დებიუტი ჰქონდა მეცის შემადგენლობაში.პირველი ტურის დამატებული დროის ბოლო წუთზე,შეცვლაზე შეუშვეს,მანაც მეტოქის საჯარიმოსთან,კონტრშეტევაზე მიიღო ბურთი და პირდაპირ კარში დაარტყა,ბურთი მცველს მოხვდა და ისევ მას დაუბრუნდა.კვლავ დარტყმა,კვლავ დაბლოკვა და იქიდან წამოღებული ბურთი,მცველმა,ფაქტობრივად მეცის კარში შეიტანა.მიქაუტაძე არ გამოედევნა მცველს,სხვამ კი არავინ(ვერავინ) დააზღვია,(ყველა გადაღლილი იყო).გიორგის,მხოლოდ ბურთის დაჭერა ევალებოდა.შედეგად,მეცმა ქულები დაკარგა,გიორგი კი,უსიტყვოდ დააბრუნეს სერენში.მხოლოდ ერთი წლის შემდეგ დაიბრუნეს გუნდში და გუნდის ლიდერადაც,ამის მერე გადაიქცა.ეს უნდა ახსოვდეს კვერნაძესაც.ახალბედას,ბევრ ფერობას არავინ დაუწყებს,ამიტომ მკაცრად უნდა დაიცვას სათამაშო დისციპლინა! გიორგის,რა თქმა უნდა სწრაფ პროგრესს, შემადგენლობაში თავის დამკვიდრებას და წარმატებულ თამაშს ვუსურვებ.

მამარდაშვილი "რეალში" კურტუას შესაძლო შემცვლელად - ესპანური გამოცემა საინტერესო ინფორმაციას ავრცელებს

რამაზ სვანაძე: იდეალურ სიტუაციაში არ ვართ - ერთად უნდა გამოვიდეთ ამ რთული პერიოდიდან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

U21. გერმანიასთან მატჩში საქართველოს ნაკრების შემადგენლობა ცნობილია

ვინისიუსი მნიშვნელოვნად გაიაფდა

"ბარსელონამ" რაფინიას კონტრაქტი გაუგრძელა

[VIDEO] ლიპარტელიანი ოქროს ზედიზედ მეორედ შეუტევს! - ეთერი მსოფლიო ჩემპიონატის ფინალშია

[VIDEO] დომინანტურად - ეთერ ლიპარტელიანი მსოფლიო ჩემპიონატის ნახევარფინალშია

შავი ლომი | ორი მოგება და დიდი გამოცდილება თბილისის თასზე

მოვლილი წვერი და უქერტლო თმა - სპეციალურად მამაკაცებისთვის შექმნილი ბრენდი Recipe

თვაური და ვართანოვი ევროსეზონს თურქეთში გახსნიან

მსოფლიოს ჩემპიონატის მესამე საჭიდაო დღეს ტატამზე 3 ქართველი გამოვა

[VIDEO] ისევ უგოლოდ - საქართველოს ნაკრები ბელფასტში მარცხისგან მამარდაშვილმა იხსნა

ჩრდ. ირლანდიასთან მატჩში საქართველოს ნაკრების შემადგენლობა ცნობილია

18 წ. | ევროპის ჩემპიონატს ჩეხეთი უმასპინძლებს

აღარ გვიკვირს - და-ძმა აბეები მსოფლიო ჩემპიონები არიან!

აბეები ისევ ფინალში არიან და ესპანელი მეტოქეები ეყოლებათ

ლუის ენრიკე პსჟ-ში ერთ ცვლილებას ამზადებს

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

"ჩემთვის ეს პრობლემა მარტივად მოგვარებადია" - პორტუგალიის ნაკრების მწვრთნელმა რონალდოსთან კონფლიქტზე ისაუბრა

ფელიქსს "ბარსელონაში" დაბრუნება სურს

"ზოგიერთმა მათგანმა ფეხბურთის შესახებ ბევრი არაფერი იცის" - კვარაცხელიას ჟურნალისტებმა შედარება სთხოვეს

ალეგრი კედელზე მუშტებს ურტყამდა - რატომ აკვირდება "ნაპოლი" კვერნაძეს?

მატჩის დღე! ლოგიკის დროით, საქართველოს გამარჯვების დროა

"წითელი აბი" სვანაძისა და საქართველოს ნაკრებისთვის - როდემდე ვიწუწუნოთ?!

სიომინი: ხვიჩა "ოქროს ბურთის" ნომერი პირველი პრეტენდენტია

"იმსახურებს თუ არა კვარაცხელია "ოქროს ბურთს"? - საფონოვმა ამ კითხვაზე უპასუხა

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEO] კვერნაძე იტალიაში არადა არ გადის მოედნიდან უგოლოდ - "ფროზინონემ" ფაბრეგასის "კომო" დაამარცხა

[VIDEO] "არსენალმა" სტუმრად "ნაპოლის" მოუგო - "სპორტინგმა" "გალათასარაის" თამაში შემოუტრიალა

Alla Kvara - დამანგრეველი კვერნაძე ნეაპოლში მიდის

საქართველოს ნაკრები პირველი გამარჯვებისთვის! - გასაიდუმლოებული დეტალები ბუდაპეშტში

კვერნაძით, რომლის ფასი გაორმაგდა, "რომა", "ნაპოლი" და პრემიერლიგის კლუბი დაინტერესდა

"ფროზინონე" კვერნაძეში დიდ თანხას მოითხოვს - გადაიხდის ამდენს "რომა"?

ლანგს ურთიერთობა ალეგრისთანაც აერია და ბოდიშის მოხდა მოუწია

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

კაკაბაძე ცენტრში და კვერნაძე სასტარტოში? - შეკრებამდელი სიტუაცია ნაკრებში

"კვერნაძე ჩემს ხანდაზმულ დედასაც მოსწონს" - განაცხადა "ფროზინონეს" მწვრთნელმა

შვილის ფეხზე დასაყენებლად დედა "ბეტისში" დამლაგებლად მუშაობდა - ფაბიან რუისმა დედის როლზე ისაუბრა