"ნაპოლი" თასზე ნაადრევად იწყებს - მარცხი სამჯერ, როტაცია და კვარაცხელია, რომელიც სიტუაციას არ ეგუება!..

დიდხნიანი პაუზის შემდეგ, "ნაპოლი" იტალიის თასზე 1/32-ფინალიდან ჩაერთვება (10 აგვისტოს, "მოდენასთან"). ყველაფერი ეს გასულმა წარუმატებელმა სეზონმა განაპირობა. ხვიჩა კვარაცხელიას ვარჯიშის გამოტოვება მოუხდა და იქნებ მას სერია "ა"-ს პირველ ტურამდე (18 აგვისტო) დასვენების საშუალება მიეცეს.ბოლო სამი სეზონი ანალოგიური სცენარი თამაშდებოდა და ნეაპოლური კლუბი თასზე ჩართვისთანავე, მერვედფინალში ეთიშებოდა. უკანასკნელ ორზე მეტი ვთქვათ - ჯერ საჩემპიონოდ შემართულმა ლუჩანო სპალეტიმ, ბოლოს კი ვალტერ მაცარიმ როტაციას მიმართეს, ლიდერების გვიან შემოსვლამ კი შედეგი ვერ მოიტანა. გასული წლის ბოლოს "კვარას" გუნდი გიორგი კვერნაძის "ფროზინონესთან" (0:4) განადგურდა. Sportall.ge კიდევ ერთხელ გთავაზობთ სტატიას, რომელიც 2023 წლის 21 დეკემბერს გამოქვეყნდა..."შეხვედრის გადასარჩენად ლიდერები მაინც ჩაერთნენ. ცუდ ამინდში საქმე პენალტების სერიამდე მივიდა, გუნდის ფსიქოლოგიური განწყობა კი ცოტათი გაფუჭდა, განსაკუთრებით, სტანისლავ ლობოტკასი, რომელმაც პენალტი კარს ააცილა..." - ესაა ამონარიდი ჩვენი სტატიიდან, რომელიც 2023 წლის დასაწყისში, მას შემდეგ გამოქვეყნდა, რაც "ნაპოლი" გადახალისებული შემადგენლობით იტალიის თასს მერვედფინალში, თანაც ზედიზედ მეორედ, გამოეთიშა. ახლა კვლავ იგივე ("ფროზინონესთან" 0:4) განმეორდა, თუმცა, თუნდაც შარშანდელთან შედარებით, როცა გუნდი სკუდეტოსთვის იბრძოდა, დიდი განსხვავებაა, შეცდომები კი - ანალოგიური ხასიათის...ნეაპოლელები ჩემპიონატში წელს ოთხეულს თუ შესწვდებიან (მაშინ ეს უპერსპექტივოდ არ გამოიყურებოდა), გუნდს საკუთარი თამაშის პოვნა უჭირს და ამ ფონზე, იქნებ კარგი განწყობის შექმნა, თასის შემდეგ ეტაპზე ფიქრი და თავდაჯერების ამაღლება მნიშვნელოვანი იქნებოდა. რაც ახლა მივიღეთ, ამის შეტრიალებული ვარიანტია - "სტადიო მარადონაზე" გატეხილ ნავსზე ვსაუბრობდით და აქ მორიგი კრახი ვნახეთ...რა თქმა უნდა, როტაციის გარეშე რთულია - კალენდარი გადატვირთულია, თუმცა ყველა გუნდი ამას პრიორიტეტულად ალაგებს და ვალტერ მაცარის საკუთარი ხედვა უფრო მკაფიო უნდა ჰქონოდა.სხვა შედარებები გასულ სეზონში მარცხთან - იმ მატჩში დაცვის ცენტრში პრობლემები არსებობდა, რაც გვიან შემოსულმა კიმმაც ვერ დაალაგა. ახლა ჯოვანი დი ლორენცოზე შეგვიძლია თქმა, რომ სათადარიგოთა სკამიდან საშინლად ჩაერთო. იქნებ ფსიქოლოგიურად გადაწყობა მისთვის ასე რთულია და ახლა კაპიტანს ხასიათი გაუფუჭდა, ცოტას თვითდაჯერებასაც დაკარგავდა, წინ კი "რომასთან" მატჩია. მაცარის მიზანი დასვენება იყო და ემოციურად გადაღლა მივიღეთ?!<img src="pictures/artimages/original/5a94980085803f3d65b69b93581771e6.jpg" border="0" alt="Sportall.Ge" title="დასვენების ნაცვლად გულდაწყვეტილი და ემოციური კვარაცხელია... - კვერნაძე ახალ პოზიციაზე და "ნაპოლის" იგივე შეცდომები..." />როტაციის დროს მოთამაშეები ცდილობენ, საკუთარ შანსს კარგად ჩაეჭიდონ. ჯაკომო რასპადორისგან მეორე სეზონია, ანალოგიურ პრობლემებს ვხედავთ. ვიქტორ ოსიმენის არყოფნაში მან როცა დრო მიიღო, თანაც ფორვარდის პოზიციაზე, ეს საკმაოდ ნაყოფიერად გამოიყენა, ნიგერიელის დაბრუნების შემდეგ კი, პოზიციაშეცვლილმა, საკუთარი თამაში ვეღარ იპოვა. როგორ ფორმაშიც უნდა იყოს, კიდევ ერთხელ გამოჩნდა, რომ მინდვრის ცენტრში ლობოტკას სათანადო ალტერნატივა არ არსებობს.ზოგიერთი ფეხბურთელისთვის, ჩემპიონატში ცოტას რომ თამაშობს, თასზე წუთების მიცემა ფსიქოლოგიურად სასარგებლოა. სამწუხაროდ, ახლა ამ მხრივ დასამახსოვრებელი ბევრი არაფერია, ჯოვანი სიმეონეს გოლი არ ჩაითვალა...რაც შეეხება ხვიჩა კვარაცხელიას, პრევიუში აღვნიშნეთ - "მწვრთნელმა კარგად უნდა განსაზღვროს, 77-ე ნომრისთვის, რომელმაც ხასიათი გამოისწორა, ახლა უმჯობესი რა იქნება". სამწუხაროდ, მაცარიმ აქაც ვერ "მოარტყა". "კვარა" ამბიციური ფეხბურთელია. მისი და ოსიმენის შემოსვლისთანავე, "ნაპოლიმ", ფაქტობრივად, საკუთარ კარში ორი გოლი მიიღო. თუკი წინა მატჩში გატანის შემდეგ ქართველი გარემარბის სიმშვიდისა და თავდაჯერების მნიშვნელობაზე ვწერდით, ახლა მწარე მარცხით გულდაწყვეტილი და თითოეულ ეპიზოდში ემოციურად ბოლომდე ჩართული 77-ე ნომერი ვნახეთ, რომელიც სიტუაციას ვერაფრით ეგუებოდა, შეცვლისთვის კი საკმარისი დრო და რესურსი არ ჰქონდა... როცა ჩქარობ და ღელავ, შეცდომებიც იმატებს, რაც გუნდს მეოთხე გაშვებულ გოლად დაუჯდა, მაგრამ ის უკვე აღარაფერს წყვეტდა; წარუმატებელი დრიბლინგის შესაძლო უკუშედეგზე ბევრჯერ გვითქვამს. ხვიჩა ერთ ეპიზოდში პენალტს საკმაოდ საფუძვლიანად ითხოვდა, რაც თამაშის სცენარს შეცვლიდა. ახლა მთავარია, როგორც კვარაცხელიამ, ასევე მთელმა გუნდმა დროული გამოფხიზლება შეძლონ და წლის ბოლომდე დარჩენილ ორ მატჩში წარმატებას მიაღწიონ.<img src="pictures/artimages/original/16049f75280f00760b3db8cd74118e2b.jpg" border="0" alt="Sportall.Ge" title="დასვენების ნაცვლად გულდაწყვეტილი და ემოციური კვარაცხელია... - კვერნაძე ახალ პოზიციაზე და "ნაპოლის" იგივე შეცდომები..." />გიორგი კვერნაძეზეც ვთქვათ. მწვრთნელს ყოველთვის დიდი მნიშვნელობა აქვს, მან მინდორზე ოპტიმალური ადგილი უნდა გიპოვოს. ქართველ შემტევს ახლა მთელი ფლანგი ეკავა, ის შეტევაში აქტიური იყო, კუთხურებს აწვდიდა და მაქსიმალურად ცდილობდა, გუნდურ ოპერაციებში მეტი მონაწილეობა მიეღო. გიორგი ახალ პოზიციაზე ათამაშეს, სადაც სხვა დროსაც თუ გამოიყენებენ, დაცვაში თამაშის უნარებსაც უფრო გააუმჯობესებს. სუბიექტურობის გარეშე ვამბობთ, რაც მეტ დროს მიიღებს, კვერნაძის იტალიურ ფეხბურთთან ადაპტირება გაუიოლდება. ეს ქართული დუელი "კვარას" მარცხით და კვერნაძის გამარჯვებით დასრულდა. კიდევ იქნება!..

გიორგი

მართალია. გარსიაც და მაძარიც ისე ათამაშებენ ნაპოლის როგორც 'გრანდს', არა და არ არის, ფაქტია, ასეთი მოკლე სკამით არ გამოვა ეგ საქმე.
ტარიელი

რა ,,სასტავითაც " დაიწყო , იმითვე გავაგრძელებდი მე მაგ თამაშს . რასპადორის მივცემდი შენიშვნას , რომ პასები მიეცა თანაგუნდელებისათვის . დანარჩენი, თამაშიდან გამომდინარე მცირე კორექტირება და დავალებები . კალათბურთია თუ ჰოკეი , რომ თითქმის ერთდროულად 5 გამოგყავს და 5 შეგყავს ? არანაირი საჭიროება ამის არ იყო . თანაც ექსპერიმენტი , მარცხნივ დი ლორენცო .
ფეხბურთის ძველი გულშემატკივარი.

ერთს დავამატებდი, არავითარი ტაქტიკური თუ გუნდური თამაში არ გააჩნიათ. გადავლენ თუ არა მეტოქის მეორე ნახევარზე, იწყებენ ბურთის გაუთავებელ, უკან გორებას. ასეთი ორი თავდამსხმელი გყავდეს და ამ ტაქტიკით ითამაშო? მხოლოდ შემტევი ფეხბურთი. კვარათი და ოსიმენით, ამოსუნთქვის საშუალება, არ უნდა მისცე მეტოქეს. აბა კარგს რას იფიქრებს გულშემატკივარი. აშკარად სჩანს, გუნდს აკლია მწვრთნელის ხელი.
მურთო

დაიმსახურეს ის რაც მოუვიდათ!!!! გეგონება ქვედა ლიგის გუნდს ეთამაშებოდა, რა ეგონა ნეტა, ამ სასტავით მოიგებდა??? მაგიტომაც გადაუარესს გემრიელად! ასე აგდებულად არ უნდა შეაფასო მეტოქე! ეგონა: ამათ მეორე სასტავითაც მოვუგებთო! თასი მეორე ხარისხოვანი ტურნირი არასდროს არ არის ესეთი გუნდებისთვის და ნაპოლიც გეგონება ყოველ წელს იგებდეს ტიტულს და თასი აღარ უნდოდათ!
Gia

Eg tamashi yomari iyo.laurentesi fuls aketebs da macari asrulebs davalebebs. Ubralod nametani mouvida angarishi.napoli kiara grandebi argeben autsaiderebtan,tumca cudi speqtakli iyo.exla wava da romas mougebs da dashoshmindeba baleshikebi.
.

კვარას უკვე მერამდენე ფლანგზე უწევს ლიდერობა და გოლის გატანა… ეჰ, ძნელია მეუღლე და სპორტი თაფლობის თვეებში!…
დათო

სტატიის ავტორის საყურადრებოდ.. სად გინახავს მასეთი კონტაქტისთვის დადებული პენალტი ერთი გამაგებინეთ, ფეხბურთს პირველად უყურეთ თუ რა უბედურებაა?? აი თუ ვინმე დათვურ სამსახურს უწევს კვარას ეს პირველ რიგში ჟურნალისტები არიან ამ სტატიის ავტორის თამადობით, ვაზელინით გაჟღენთილი დამოკიდებულებებით...
დავით

აბა ნაპოლის მოგება უნდოდა და ვერ მოუგო . და აქ ვწეროთ რა უსუსური ყოფილა ნაპოლი. ეგ ზღაპრები თუ ვინმეს გჯერათ და განიცდით რავიცი კომენტარიც ზედმეტია ჩვეულებრივი შოუ დადგეს და ეს პირველი და უკანასკნელი არ არის
ბესო

წლევანდელი ნაპოლის წარუმატებლობას ერთი ადრესატი არ ჰყავს. ყველაზე დიდი წვლილი გუნდის ჩავარდნაში მევახშე ლაურენტესს მიუძღვის და კიდევ დიდხანს მოუწევს გაბანძებული გუნდის ყურება. ახალი მოთამაშეების ტრანსფერებზე და ახალ ხელშეკრულებებზე რომ არაფერი ვთქვათ, თავად ის ფაქტი, რომ არცერთ ნორმალურ მწვრთნელს მასთან მუშაობა არ უნდა, უკვე მრავლისმეტყველია. ვინც დაითანხმა კიდევ, იმ მწვრთნელებმა ვერ იქნა და ვერ დაალაგეს გუნდი, მოთამაშეები არც ფიზიკურად და არც ფსიქოლოგიურად მზად არ არიან, არც ჟინი იგრძნობა და არც რწმენა. მეტ-ნაკლები ჩავარდნა ყველა ფეხბურთელს აქვს, მაგრამ გუნდს შეუძლია დროებით ამის გადაფარვა. ნაპოლში გამოჩნდა, რომ ხვიჩას და ოსიმენის გარეშე კაპიკია ნაპოლის ფასი - საკმარისია ჩვეულ ფორმაში არ იყვნენ და იწყება მათი ლანძღვა-გინება. არადა, საგინებლები თავში უნდა ეძებონ, ჯერ მიზეზი უნდა გაარკვიონ და შედეგის გამოსწორებაზე მერე იზრუნონ.
ვინ არის ჩასაფრებული?

ჩასაფრება კვარას მაქებრებს უფრო გიწევთ, იმდენად იშვიათი კარგი თამაში აქვს ამ სეზონში
ზვიადი

აი, იტალიელები უკეთ რას დაწერენ საინტერესოა. ყოჩაღ, ავტორს
რატი

მეოთხე გოლი გაეტანოს შეცდომის ბრალი იყო, რომელსაც ორ მოწინააღმდეგეს შორის მოქცეული ხვიჩა უნდა დაეზღვია და პასი მიეღო, რის ნაცვლად წინ გაიქცა. შემდეგ კი ნაპოლის სამმა მცველმა მოწინააღმდეგე საპატიო კორტეჟივით მიაცილა კარამდე.
beqa

ცენტრალური მცველები თუარ იყიდეს ზამთარში,მეეჭვება ოთხეულში შევიდეს ნაპოლი
გიას

10000000000000000000000000000000000000000000000% მართალი ხარ!
გია

აბა ჩასაფრებულო სექტავ! დაესიეთ ხვიჩას ყვავ-ყორნებივით და იფხანეთ ერთი ადგილები. ის ვერ გაგიგიათ, რო ფეხბურთია და ხან წააგებ, ხან მოიგებ. ბოღმისტებო! ერთი კარგა დიდი მახათები იშოვეთ და მაგით მაინც გაერთეთ, რო ეგება დაოკდეთ.

"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"

კვერნაძე პირველია - სერია A-ში გიორგის ყველაზე მეტი წარმატებული დრიბლინგი ჰქონდა

მოლაპარაკებები დასკვნით ეტაპზეა - პსჟ კვარაცხელიასა და გუნდის სხვა ლიდერებს კონტრაქტებს უხანგრძლივებს

დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს

მესამე მწვრთნელი სეზონში - "ლანსი" დიდიე დიგარს ჩააბარეს

დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან

18 წ. | შემადგენლობა ევროპის ჩემპიონატის ფინალისთვის

საბა ლაზიშვილი ხვალ RAF-ზე იჭიდავებს!

"ბორჯღალოსნები" | კაპიტნის ვარჯიში ტონგამდე

დვალიშვილი და ლაზიშვილი გაათავისუფლეს - უსმან ნურმაგომედოვსა და მასთან მყოფ პირებს კი ექვსთვიანი პატიმრობა მიესაჯათ

"ეს ცხოველური საქციელია" - UFC-ს ექს-ჩემპიონმა დვალიშვილზე თავდამსხმელები გააკრიტიკა

"ბორჯღალოსნები" | შემადგენლობა მე-300 მატჩისთვის

"ლივერპულში" დარჩენის მოსურნე ალისონმა, დასვენების დრო წარმატებული თევზაობით შეავსო

RAF-ის დაფასება დვალიშვილსა და ლაზიშვილს - ცნობილია ქართველების ჯარიმის ოდენობა, რომელსაც მთლიანად ამერიკული ორგანიზაცია დაფარავს

მერაბ დვალიშვილზე თავდასხმის გამო უსმან ნურმაგომედოვსა და მისი ჯგუფის წევრებს 6-თვიანი პატიმრობა შეეფარდათ

დამწვარი დარბაზიდან - ტანვარჯიშის კლუბამდე

"მომავალი კვარაცხელიაა" - ენრიკემ პსჟ-ის სპორტულ დირექტორს ამ ფეხბურთელის დამატება მოსთხოვა

"ლანსმა" ჩემპიონთა ლიგაზე 1:9 მარცხის შემდეგ, კიდევ ერთი შეხვედრა წააგო და მწვრთნელი ამის შემდეგ გაათავისუფლა

"ახლა ყველანი ციხეში არიან" - UFC-ის პრეზიდენტმა აბუ-დაბიში მომხდარ დაპირისპირებაზე ისაუბრა

"კაცები ასე არ იქცევიან!" - კვარაცხელია დვალიშვილზე თავდასხმას გამოეხმაურა

"იბერია 1999"-დან წასვლის შემდეგ, ანდრეი დემჩენკო ყოფილ გუნდში დაბრუნდა

"აჩვენეთ მსოფლიოს, რას ნიშნავს, იყო ქართველი" - კვარაცხელიამ დვალიშვილს და ლაზიშვილს მხარდაჭერა გამოუცხადა, მას ხაბიბმა "ინსტაგრამზე" გამოწერა გაუუქმა

[VIDEO] "რეალის" 100%-იანი შედეგი, "არსენალის" მორიგი გამარჯვება და "კომოს" 9:1 "ლანსთან"

კონფუზი: წლის ნაკრებში არც კვარაცხელია შეიყვანეს და არც "ოქროს ბურთის" მფლობელი

ალეგრი ორმატჩიანი დისკვალიფიკაციით დასაჯეს

დე ბრუინი "ნაპოლის" დატოვებას აპირებს

"შესაძლოა, თბილისში კვარაცხელიასთან ერთად პიცერია გავხსნა" - "ნაპოლის" ყოფილი ფეხბურთელი თავის გეგმებზე

"კაცები ასე არ იქცევიან!" - კვარაცხელია დვალიშვილზე თავდასხმას გამოეხმაურა

თუ ყოფილ გუნდთან დამარცხდება - სპალეტის სამსახური შესაძლოა, "ნაპოლიმ" დააკარგვინოს

გოგლიჩიძე შეცვალეს - "მონცა" "ნაპოლისთან" დამარცხდა