<p>მე-11 ტურის ბოლო შეხვედრა დასრულდა, თუმცა პირველი წრე 28 დეკემბერს დასრულდება. დარჩენილია ერთადერთი – პირველი ტურის მატჩი, რომელიც გორის "ივერიონსა" და თბილისის სახელმწიფო უნივერსიტეტის გუნდს შორის ოქტომბერში უნდა გამართულიყო, თუმცა თსუ-ს ევროთასზე ასპარეზობის გამო გადაიდო.</p><p>მე-11 ტურის ბოლო მატჩში სწორედ "ივერიონი" მონაწილეობდა, რომელმაც გორში სუპერლიგის აუტსაიდერ ზესტაფონის "მარგვეთს" უმასპინძლა და 69:80 (სტატისტიკა) დამარცხდა. ორივე გუნდს ძალიან სჭირდებოდა გამარჯვება, თუმცა განსაკუთრებით მოტივირებული ზესტაფონელები იყვნენ, რომლებსაც მიმდინარე სუპერლიგაში ყველაზე ცოტა – 2 გამარჯვება ჰქონდათ მოპოვებული.</p><p>ნიკოლოზ ჩერქეზიშვილის გაწვრთნილმა "მარგვეთმა" ამ გამარჯვებით ხასიათი გამოიკეთა და ოპტიმისტურად განაწყო. მეორე წრიდან დაგეგმილია, რომ მარგვეთი საშინაო მატჩებს ზესტაფონში უმასპინძლებს და ჩერქეზიშვილის გაწვრთნილ გუნდს, ცხადია, მხურვალე ქომაგობაც არ მოაკლდება, რაც დამატებითი სტიმული და მოტივაცია იქნება.</p><p>რაც შეეხება გორში დღეს გამართულ მატჩს, იგი მასპინძელთა უპირატესობით დაიწყო და პირველი პერიოდის შემდეგ დარბაზში მისული ქომაგებიც ოპტიმისტურად განეწყვნენ. 25:15 დაწინაურებული "ივერიონი" ხელსაყრელ სიტუაციაში იმყოფებოდა, მაგრამ სწორად შერჩეული ტაქტიკით, ცალკე საკალათბურთო ფორტუნის წყალობით, "მარგვეთმა" მეორე ათწუთეულში თამაშზე სრული კონტროლი დაამყარა. ზესტაფონელებს მთავარ მექულედ მაიკლ მეისი ჰყავდათ, რომელიც შორი სროლებითაა განთქმული, თუმცა ამჯერად მხოლოდ 2 სამქულიანი ჩააგდო. მისი ქულების უმეტესობა საჯარიმო ხაზზე მოდის, საიდანაც მაიკლმა 10-დან ყველა სროლა ჩააგდო.</p><p>"მარგვეთმა" მეორე პერიოდი 25:6 მოიგო და 10-ქულიანი ჩამორჩენა 9-ქულიან ლიდერობად აქცია. ამის შემდეგ გორელებმა არაერთ გზას მიმართეს, რათა ვითარება გამოესწორებინათ, მაგრამ გამართულად მოთამაშე ზესტაფონელებს ეფექტური ვერაფერი დაუპირისპირეს. თამაში ისე დასრულდა, "მარგვეთის" ლიდერობას საფრთხე არაერთხელ დაემუქრა, თუმცა ჩერქეზიშვილის შეგირდებმა მასპინძელთა ყველა მიძალება მოიგერიეს და სუპერლიგაში რიგით მე-3 გამარჯვება მოიპოვეს.</p><p>მოგების მთავარი შემოქმედი მაიკლ მეისი გახლდათ, რომელმაც თავი 28 ქულას მოუყარა. 15 ქულა და 12 მოხსნა ტაიშონ კროუფორდმა დააგროვა, 16 ქულითა და 9 მოხსნით გამოირჩა მარტი ჯექსონი. გორის გუნდში 30 ქულით, 6 მოხსნითა და 5 პასით საუკეთესო იყო კვენტინ ჰარდრიქი. 15 ქულა და 12 მოხსნა გეგო ბაქრაძის ანგარიშზეა.</p><p>სუპერლიგის წლევანდელი ბოლო მატჩი 28 დეკემბერს გაიმართება, რომელშიც თსუ გორის "ივერიონს" უმასპინძლებს.</p><p>GBF<br></p>
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
ორბმა ზედიზედ მე-4 გამარჯვება ახალციხესთან მოიპოვა
კსუ-კავკასიამ ივერიონი დაამარცხა და სუპერლიგას დაუმარცხებლად ლიდერობს
სვანაძე: ასე გაგრძელება არ შეიძლება- გულშემატკივრების რეაქციას კარგი თამაშით უნდა ვუპასუხოთ
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა