შოთა ფანცულაიას ვერცხლი ევროპაზე

ვარშავაში ევროპის ჩემპიონატზე თავისუფალი სტილით მოჭიდავე ჭაბუკთა შორის, საქართველოს მონაგარი 1 მედალია ვარშავაში 9 აგვისტოს დაიწყო ევროპის ჩემპიონატი თავისუფალი სტილით მოჭიდავე ჭაბუკთა შორის, რომელშიც თავდაპირველად ხუთი წონითი კატეგორიის ფალავნები ჩაებნენ, ჩვენი ნაკრების მონაგარი კი 1 მედალია - შოთა ფანცულაია (50) მეორეზე გავიდა.მან ფინალამდე სამი შეხვედრა მოიგო, ყველა ძირითად დროში და ექვსივე პერიოდი ერთნაირი ანგარიშით - 1:0. ჩვენებურმა თავდაპირველად ლიტველი ტომას ბარაკევიჩიუსი დაამარცხა, შემდეგ - რუსი ბორის სემენოვი, ნახევარფინალში კი ბელარუს ულადძიმირ იელისეიეუს აჯობა.ფინალში ფანცულაიას მეტოქე თურქი ბარის კაია იყო. ჩვენებურმა წააგო პირველი პერიოდი - 0:2, თუმცა მეორის მოგება და შეხვედრის დამატებით დროში გადაყვანა შეძლო - 1:0, მაგრამ ეს მისი მაქსიმუმი აღმოჩნდა - დამატებითიც 0:2 წააგო და ვერცხლის მედალს დასჯერდა.ჩვენი გუნდის სხვა წევრებიდან სანუგეშო წრეში გადასვლის შანსი მხოლოდ შალვა ჭადაშვილს (69) მიეცა, მაგრამ, მედლისკენ მიმავალი გზა მასაც ქართველმა, ოღონდ ბელარუსის სახელით მოასპარეზე რომან ჩიტაძემ გადაუღობა.ორივე ჩვენებური მომავალ ვიცე-ჩემპიონთან, თურქ მუსტაფა თურქაიასთან დამარცხდა - ჭადაშვილი პირველივე წრეში, ჩიტაძე - მეორეში, დამამშვიდებელში კი ქართველთა დუელი დაძაბული გამოდგა. ჩიტაძემ მოიგო ორივე პერიოდი, თუმცა კი ცხარე ბრძოლაში - 5:4; 3:3. ამგვარად, მედლისთვის ბრძოლაც ბელარუსმა ქართველმა გააგრძელა და აზერბაიჯანელ შამილ სადულაევს პირველი პერიოდი 7;0 მოუგო, მაგრამ მომდევნოები იმდენად უნიათოდ ჩაატარა, იფიქრებდით, ის ერთიც როგორ მოიგოო.საბოლოოდ ჩიტაძეც უმედლოდ დარჩა და ჩვენი გუნდის სხვა წევრებიც, მაგრამ კვარცხლბეკზე ერთი ქართველი მაინც ავიდა, ოღონდ ამჯერად - უკრაინის სახელით მოასპარეზე მურაზ მჭედლიძე. ის 85 კილოგრამ წონით კატეგორიაში მესამეზე გავიდა, თუმცა ვერ გეტყვით, აკავშირებს თუ არა ნათესაობა თავისუფალი სტილით მოჭიდავე გურამ მჭედლიძესთან, რომელიც აფხაზეთიდან დევნილია და ომის შემდეგ ჯერ უკრაინის, მერე კი საქართველოს სახელით გამოდიოდა, სპორტული კარიერის დასრულების შემდეგ კი საცხოვრებლად უკრაინაში დარჩა.85-ში სუსტად გამოვიდა ბექა როჭიკაშვილი - პირველივე შეხვედრა წააგო რუმინელ ვლად ცარასთან და საერთოდ გავარდა, რადგან ფინალში ვერც რუმინელმა გააღწია. დიდი წარმატებით არც ჩვენი გუნდის სხვა წევრები - გიორგი პასიკაშვილი (42) და რაუფ შაკულ-ოღლი (58) გამოსულან. მათ აქტივში მხოლოდ ის თუ ჩაეთვლებათ, რომ თითო შეხვედრა მოიგეს - პასიკაშვილმა უნგრელ კრისტიან ცზოლესთან და მერე მომავალ მესამე პრიზიორთან, რუს რუსტამ კარახანოვთან წააგო, შაკულ-ოღლიმ კი ბელგიელ აბდულა ომაროვთან იმარჯვა (ორივე პერიოდში დიდი ანგარიშით - 7:0; 6;1), მაგრამ მერე ისიც მომავალ პრიზიორთან, თურქ ფერჰატ ასლანთან დამარცხდა.დღეს ჩემპიონატში დარჩენილი ოთხი წონითი კატეგორიის წარმომადგენლები ჩაებმებიან, ჩვენგან კი რამაზ დარჩიძე (46), შოთა ფარტენაძე (54), ომარ გურჯიძე (63), გიორგი ჩხარტიშვილი (76) და გუნდის უდაო ლიდერი, ახალგაზრდებში ევროპის მესამე პრიზიორი გენო პეტრიაშვილი (100) იჭიდავებენ. დარჩიძე თავიდან მოლდოველ ვადიმ საცულტანს ეჭიდავება და ძლიერი გუნდების წარმომადგენლები არც მერე ჰყავს, ნახევარფინალამდე. ფარტენაძე თურქ ემრაჰ გულს ხვდება, გურჯიძე - ასევე მოლდოველ ალექსანდრუ ბუზულანს, ჩხარტიშვილი - გერმანელ გენადი ცუდინოვიჩს, პეტრიაშვილი - უნგრელ ალექს ბაცსოს.ჩვენს ლიდერს წილისყრამაც გაუმართლა - ამ წონაში ჯერ ისედაც 12 მონაწილე გამოდის და ჩვენებურს კი მესამე ნომერი ერგო, რამაც ის ცხრილის ზედა ნაწილში მოახვედრა. ამით პირველ წრეში ჭიდაობაც ასცდა ანუ ერთი წრე თავისუფალია და თან თურქი, რუსი, უკრაინელი და აზერბაიჯანელი მეტოქეები მეორე მხარეს მოხვდნენ. ბადია ამ ნახევარში მხოლოდ 4 ფალავანია - ქართულ-უნგრული წყვილის გარდა, ბულგარელი მარიან ტოდოროვი და სლოვაკი სიმონ ვაისი გამოდიან. ნახევარფინალში გამსვლელი ამ ოთხეულის დავაში გაირკვევა.კვარცხლბეკი42 კგ. 1. ვასილ მუხალოვი (უკრაინა); 2. მეჰმეტ ერცინცანლი (თურქეთი); 3. რუსტამ კარახანოვი (რუსეთი), დავიდ ვოლნი (გერმანია). 8. გიორგი პასიკაშვილი (საქართველო).50 კგ. 1. ბარის კაია (თურქეთი); 2. შოთა ფანცულაია (საქართველო); 3. ბორის სემენოვი (რუსეთი), მაჰამადჰუსეინ ჰასანოვი (აზერბაიჯანი).58 კგ. 1. ელჩინ მამადოვი (აზერბაიჯანი); 2. დმიტრო სლობოდიანიკი (უკრაინა); 3. ტომა ვასცანი (მოლდოვა), ფერჰატ ასლანი (თურქეთი). 9. რაუფ შაკულ-ოღლი (საქართველო).69 კგ. 1. რუსტამ ჯაფარიანი (უკრაინა); 2. მუსტაფა თურქაია (თურქეთი); 3. შამილ აბდულაევი (აზერბაიჯანი), ისდლამ ჯუმაგულოვი (რუსეთი). 14. შალვა ჭადაშვილი (საქართველო).85 კგ. 1. ფარვიზ ახუნდოვი (აზერბაიჯანი); 2. იერლიკ მალაშმაგომედოვი (რუსეთი); 3. მურაზ მჭედლიძე (უკრაინა), ვლად ცარასი (რუმინეთი). 14. ბექა როჭიკაშვილი (საქართველო).ყოველდღიური სპორტული გაზეთი "ლელო"

zuxusha

აზერბაიჯანი აფინანსებს სპორტს და ნახეთ რა წარმატებები აქვთ>

[VIDEO] დვალიშვილი სეხუდოსთან 35 წამში დამარცხდა

[VIDEO] ნუთუ ილიასთან ბრძოლაზე ფიქრობდა? - ცარუკიანი საჩემპიონო ბრძოლაში დამარცხდა

[VIDEO] დიდებული მერაბ დვალიშვილი! - ქართველმა საოცარი ბრძოლა შემოატრიალა და ბრწყინვალე გამარჯვება მოიპოვა

აბეები ისევ ფინალში არიან და ესპანელი მეტოქეები ეყოლებათ

ლუის ენრიკე პსჟ-ში ერთ ცვლილებას ამზადებს

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია დუბაის სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

პორტუგალიამ ნორვეგიას, დანიამ კი უელსს მოუგო

ლაშა დვალი: მხოლოდ ასე შევძლებთ ამ ვითარების შემოტრიალებას

VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა

ქართველი მსაჯები უეფას ერთა ლიგის მატჩს მოემსახურებიან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა

ზესტაფონის მარგვეთმა გორში ივერიონს მოუგო

ესპანეთმა ისევ გაიმარჯვა, ინგლისმა ხორვატია არ დაინდო

"შავი ლომი" | ახალი სახეებით "ჩიტასთან"

"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი