სადაც ხვიჩაა, იქ ჩემპიონობა ისევ შესაძლებელია - საუკეთესოს ახლა კვარაცხელიასა და ლუკაკუს შორის აარჩევენ?!

როცა "ნაპოლიმ" ახალი სეზონი საშინლად დაიწყო, დავწერეთ - აგვისტოში მარცხს ის უპირატესობა აქვს, რეაგირებისა, სწავლისა და შესაბამისი ტრანსფერებისთვის დრო ჯერ კიდევ არის; ვინმე თუ წასვლას ძალიან მოინდომებს, მაგისთვისაც!.. ამაზე ერთ-ერთი მკითხველისგან ასეთი კომენტარი მივიღეთ - "აგვისტოს მარცხს არავითარი უპირატესობა არცერთ თვესთან ჩემპიონატისა არ აქვს, მარცხი მარცხია, ფეხბურთის ცოტა უნდა ესმოდეს, ექსპერტობას ვინც ცდილობს, ტრანსფერები უკვე გაზაფხულზე უნდა დასრულებულიყო"... კი, იდეალური მანამდე იქნებოდა, თუმცა უკვე თამამად შეგვიძლია თქმა, რომ სასტარტო მღელვარებამ ნეაპოლელებზე დადებითად იმოქმედა; ამბიციურმა მწვრთნელმა ანტონიო კონტემ გუნდი სწრაფად გააძლიერა, კონკურენცია გაზარდა, რაც ხშირად ხარისხის მატებას ნიშნავს და გამოსაფხიზლებელი დროულად გამოაფხიზლა. ფაქტია, საუბარი უკვე გუნდის საჩემპიონო შანსებზე დაიწყო, მინიმუმ კი - მაღალ ამბიციებზე.ის, რომ ნეაპოლში სპექტაკლი არ დასრულდება და ფარდა არ დაეშვება, ყოველგვარი სუბიექტურობის გარეშე, დიდწილად კვლავ ხვიჩა კვარაცხელიას უკავშირდება. როცა გუნდში ამ დონის, გაქანებისა და შესაძლებლობების აღიარებული ლიდერი გყავს, ყველაფრის დაგეგმვა შესაძლებელია. "კვარა" დიდი ფაქტორია და ეს უკვე მსაჯის სასტარტო სასტვენამდე; ნებისმიერი მოწინააღმდეგის მწვრთნელის გეგმა და სტრატეგია მიზნამდე ქართველის გავლით მიდის. მოედანზე ხვიჩას ნებისმიერი გადაადგილებაც კი თამაშზე მნიშვნელოვან გავლენას ახდენს, მეტოქის ფეხბურთელებს ხომ სწორება მის შესაძლებლობებზე აქვთ. ამიტომაცაა, უხეშობასაც რომ მოუმატეს. ბოლო მატჩი რომ გავიხსენოთ, პირველივე წამებიდან ეცადნენ, კვარაცხელია დაეძაბათ, მას სიფრთხილეზე ეფიქრა, თუმცა უარეს შედეგებს იღებენ. ამ დროს 77-ე ნომერში ზაზა ფაჩულიას ხასიათი იღვიძებს, პასიურ შეხვედრაში გაბრაზება შეუჩერებელს რომ ხდიდა...<img src="pictures/artimages/original/af23bcedfa600036c14ff39766912d9d.jpg" border="0" alt="Sportall.Ge" title="სადაც ხვიჩაა, იქ ჩემპიონობა ისევ შესაძლებელია - საუკეთესოს ახლა კვარაცხელიასა და ლუკაკუს შორის აარჩევენ?!" />"კალიარისთან" შეხვედრის შემდეგ საუკეთესოს დასახელება ლუკაკუსა და კვარაცხელიას შორის გაუჭირდათ. ეს იქნებ წარმატებული სეზონის ბოლოსაც ასე იყოს... ასე იყო ოსიმენის შემთხვევაშიც, ნანატრი სკუდეტოს მოგებისას... რა თქმა უნდა, ბელგიელის მნიშვნელობა დიდია, ისე ხვიჩას ლამაზი და დიადი პასებიც დაკარგავს ძალას და ვერავინ ისე ვერ შეუწყობს ხელს ხვიჩას შედეგიანობას, როგორაც რომელუ. ამის მიუხედავად, ისევე, როგორც ორი სეზონის წინ, ხვიჩას ფაქტორი ყველაზე დიდი გვგონია!.. ჯერჯერობით ვნახეთ ეპიზოდები, როცა ბელგიელს ქართველი მეტად და დაუფიქრებლად უნდა შეემჩნია, როგორც ამას ვიქტორი აკეთებდა, თუმცა დრო ყველაფერს სჭირდება.წარმოვიდგინოთ ნეაპოლელი გულშემატკივრების დამოკიდებულება ქართველის მიმართ - ის ასოცირდება მონატრებული (33-წლიანი) სკუდეტოს დაბრუნების ერთ-ერთ მთავარ შემოქმედად. ამის შემდეგ "კვარა" განსაცდელის ჟამსაც გუნდისთვის ბოლომდე იხარჯება, ისევ აქაა ისე, რომ მისი ხელშეკრულება არ უმჯობესდება და თუკი ახლა "ნაპოლი" კვლავ ამბიციურია, უპირველესად, სწორედ ხვიჩა კვარაცხელიასა და მის აქ დარჩენას უკავშირდება, მათ "კვარადონასა" და "კვარავაჯოს".გალაკტიონის ლექსი "გზა გამარჯვების":ძველი მუხის ხეჩვენთანაა, ვით ძველისძველი,ვით ძველისძველიმეგობარი, მომსწრე ომების.მას განუცდიადა წარშლია მრავალი წელი,მრავალი წელიგანშორება-დამშვიდობების!რაც შეეხება იტალიის ჩემპიონატში არსებულ ვითარებას, შეუძლებელი არაფერია - "ინტერი" ძველებურად მძლავრი აღარ ჩანს, "იუვენტუსი" კი ტიაგო მოტასთან ერთად რაღაც შთამბეჭდავს იწყებს. მის საბოლოო სახეს ამ სეზონშივე რამდენად ვიხილავთ, ისევე, როგორც თურქი ილდიზის დელ პიეროს გზით სვლას, გადაჭრით თქმა რთულია.<img src="pictures/artimages/original/0ead4e0c13fe8fe6dfa9002641406803.jpg" border="0" alt="Sportall.Ge" title="სადაც ხვიჩაა, იქ ჩემპიონობა ისევ შესაძლებელია - საუკეთესოს ახლა კვარაცხელიასა და ლუკაკუს შორის აარჩევენ?!" />ვაკვირდებით და მოგვწონს, კვარაცხელია საკუთარ თავზე ბევრს რომ მუშაობს. მაგალითად, გასული სეზონის ერთი პრობლემა მოჭარბებული გაფრთხილებები იყო, რომელიც ნაწილობრივ მალევე მოგვარდა, ახლა კი ეს საკითხი აქტუალური საერთოდ აღარაა. არადა, რა რთულია მოითმინო, როცა გამეტებით გირტყამენ და მსაჯს ამაზე შესაბამისი რეაგირება არ აქვს; დავაკვირდეთ, როგორ მუშაობდა დაცვაში თუნდაც საჩემპიონო სეზონში და რა უნარები აქვს ახლა; ყურადღება მივაქციოთ "კვარას" თამაშში გუნდურობის ელემენტების გაზრდას...ყველაფრის მიუხედავად, 77-ე ნომერი მუდამ სიახლეებსა და საკუთარი თავის სრულყოფაზე უნდა ფიქრობდეს და ასეცაა. მას შეუცვალეს პოზიცია, მის წინააღმდეგ მცველები თუ მეკარეები განსაკუთრებული დაკვირვებითა და მრავალფეროვნებით მოქმედებენ. მთავარი მაინც ისაა, რომ ხვიჩა აქაა, სკუდეტოს მოგება ისევ შესაძლებელია!..

დათო

მანდამდე ოსიმენი ორი წელი თამაშობდა და რატომღაც მაშინ ვერ გახდა საუკეთესო ფორვარდი, საჩემპიონო ტიტული რომ მოიპოვეს მაშინ ოსიმენი როგორც გატანილ გოლებში ლიდერობდა ასევე სახიფათო მომენტების გამოუყენლობითაც ლიდერობდა, მას ძალიან ბევრ მომენტს უქმნიდნენ პარტინიორები მაგრან 3 დან 1 ს იტანდა.
ქართველი

ნაპოლის ამ 33 წელში თუ უფრო მეტში რა ფეხბურთელები არ გამოუცვლია , რომელიმეს მოუგია სკუდეტო ? არა კვარას მიმართ კითხვებს ნუ სვავთ , ბიჭმა ერთხელ მოაგებინა და ახლაც აგებინებს. ი თქვენი ოსიმენი, ასევე იქნება ლუკაკუც. კვარაა მხიდ კვარა ფენომენი
ფორინერი

რომელიღაც წელს, გუცაევს ყველაზე მეტი წითელი და ყვითელი ბარათები ჰქონდა დინამოში. სწორედ მაგ მიზეზით - მცველები რომ ეუხეშებოდნენ, მსაჯები ატარებდნენ და არ სჯიდნენ. გუცაევს რომ ყელში ამოუვიდოდა და გააპროტესტებდა, მსაჯები მას აძლევდნენ გაფრთხილებას. აბა, ბუბნოვი და მისი მსგავსები მინდორზე რომ გამოვიდოდნენ, უკვე ყვითელი ეკუთვნოდათ მოედანზე გამოსვლაში. ფეხბურთის თამაში მაგათ არ შეეძლოთ და მოწინააღმდეგის მწყობრიდან გამოყვანაში იღებდნენ ხელფასს.
ქ. გ.

ლუკაკუ 31 წლის არის. წონა 93 კგ. სიმაღლე 191 სმ. სეზონის ბოლომდე ვერ გაძლებს. დაიღლება. დღესაც უჭირს ბევრი სირბილი.
707

დიდი ხანია, ვანდა ნარაზე არ დაწერილა და ხომ მშვიდობაა?
K-ს

ეს ალბათ ის აკომენტარებს, ვისი კომენტარიც სტატიაშია და აეწვა. აგვისტოში რაღა ტრანსფერები უნდა მოესწროსო, ავტორს რომ დასცინოდა და ნაპოლიმ ლამის ყველა ტრანსფერი მერე გააკეთა. მართლა დროულად გამოფხიზლდნენ
k

ასეთი სტატიები ბევრი წაგიკითხავთ? საერთოდ წაგიკითხავთ რამე? რა ბლა-ბლა, არ გრცხვენიათ? მოტივაციას ნუ უკარგავთ კარგ კაცსა და კარგ მოქართულეს!
707

ზვიად ზახარიჩ, არ გასვენებს, ხომ, გამჩენი? ლეღვის ფოთლობა სასიამოვნოა შენთვის, ხომ?
ზვიადი

და სტატიაზე რა თქვით? ავტორს აკადემიური წერაც გამოსდის და ემოციურიც. ბლა-ბლა რომელი სიტყვა იყო მაინც? ბლა-ბლა მაშინ იყო, როცა ჩვენი ფეხბურთელების დიდი იმედი ჰქონდათ და ბოლოს მარად პერსპექტიულები რჩებოდნენ
ვაჟა მასწავლებელი

საუკეთესო ძირითადად ხვიჩა-კვარა იქნება, რადგან თამაშის ლოკომოტივი - შემოქმედი და შემქნელია, ხოლო ლუკა-სკუა უფრო მიმყოლი, ხვია-კვარაზე მიბმული სატვირთო ვაგონია!
უსახელოს 707-სგან

სტატიაზე ვთქვი, ხვიჩა კი ყიფიანზე და გუცაევზე დიდი ფეხბურთელი მგონია.
707-ს

მოგიძველდათ ეგ ლექსიკონი, ძაან კი გინდოდათ ხვიჩა მხოლოდ ბლა-ბლა ყოფილიყო, მაგრამ "ჩემი ფეხები, არ გამოგივიდათ"(ზახარიჩი)
707

ბლა-ბლა-ბლა...

რამაზ სვანაძე: იდეალურ სიტუაციაში არ ვართ - ერთად უნდა გამოვიდეთ ამ რთული პერიოდიდან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

სიომინი: ხვიჩა "ოქროს ბურთის" ნომერი პირველი პრეტენდენტია

ჩრდ. ირლანდიასთან მატჩში საქართველოს ნაკრების შემადგენლობა ცნობილია

18 წ. | ევროპის ჩემპიონატს ჩეხეთი უმასპინძლებს

აღარ გვიკვირს - და-ძმა აბეები მსოფლიო ჩემპიონები არიან!

აბეები ისევ ფინალში არიან და ესპანელი მეტოქეები ეყოლებათ

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

ვაჟა მარგველაშვილი მსოფლიო ჩემპიონატს პირველი წრიდან გამოეთიშა

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

პორტუგალიამ ნორვეგიას, დანიამ კი უელსს მოუგო

"შავი ლომი" | თბილისის თასი "ჩიტასთან" გამარჯვებით დავხურეთ

ლაშა დვალი: მხოლოდ ასე შევძლებთ ამ ვითარების შემოტრიალებას

ჩრდილოეთ ირლანდიის მწვრთნელი: წინ კარგად მივიწევთ და მგონია, ხვალ საღამოსაც წარმატებას მივაღწევთ

VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა

ქართველი მსაჯები უეფას ერთა ლიგის მატჩს მოემსახურებიან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEO] გიორგი სარდალაშვილმა მსოფლიო ჩემპიონატზე ბრინჯაოს მედალი მოიპოვა!

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

მატჩის დღე! ლოგიკის დროით, საქართველოს გამარჯვების დროა

"მესი თუ რონალდო?" - მიულერმა არჩევანი გააკეთა

"ზოგიერთმა მათგანმა ფეხბურთის შესახებ ბევრი არაფერი იცის" - კვარაცხელიას ჟურნალისტებმა შედარება სთხოვეს

ალეგრი კედელზე მუშტებს ურტყამდა - რატომ აკვირდება "ნაპოლი" კვერნაძეს?

მატჩის დღე! ლოგიკის დროით, საქართველოს გამარჯვების დროა

სიომინი: ხვიჩა "ოქროს ბურთის" ნომერი პირველი პრეტენდენტია

"იმსახურებს თუ არა კვარაცხელია "ოქროს ბურთს"? - საფონოვმა ამ კითხვაზე უპასუხა

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEO] "არსენალმა" სტუმრად "ნაპოლის" მოუგო - "სპორტინგმა" "გალათასარაის" თამაში შემოუტრიალა

საქართველოს ნაკრები პირველი გამარჯვებისთვის! - გასაიდუმლოებული დეტალები ბუდაპეშტში

კვერნაძით, რომლის ფასი გაორმაგდა, "რომა", "ნაპოლი" და პრემიერლიგის კლუბი დაინტერესდა

ლანგს ურთიერთობა ალეგრისთანაც აერია და ბოდიშის მოხდა მოუწია

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

შვილის ფეხზე დასაყენებლად დედა "ბეტისში" დამლაგებლად მუშაობდა - ფაბიან რუისმა დედის როლზე ისაუბრა