- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჯოკო ახალ რეკორდს უმიზნებს
<p>სერბ ჩოგბურთელს ნოვაკ ჯოკოვიჩს აქვს შანსი წელს მეხუთე მასტერსი მოიგოს, რაც აბსოლუტური რეკორდი იქნება <br> წინა ეტაპებისგან განსხვავებით, მონრეალის მასტერსის მეოთხედფინალმა სენსაციების გარეშე ჩაიარა. ერთადერთი მოულოდნელობა იყო ტომაშ ბერდიხის მარცხი იანკო ტიპსარევიჩთან მატჩში. წლევანდელი ცუდი შედეგების ფონზე ჩეხმა თითქოს მოუმატა კანადურ მასტერსზე თამაშს, მაგრამ ეს საკმარისი არ აღმოჩნდა სერბის დასამარცხებლად.</p><p>ტიპსარევიჩმა პირველ სეტში სამი ბრეიკ-პოინტის მოგერიების შემდეგ ერთადერთი შანსი მიიღო მეტოქის მოწოდებაზე, რომელიც გამოიყენა და სეტებს შორის დაწინაურდა. მეორე პარტიის დასაწყისში სერბმა გაიმეორა წარმატება, რის შემდეგაც საკუთარ გეიმებში იდეალურად ითამაშა - სეტის განმავლობაში ბერდიხმა მიღებაზე მხოლოდ სამი ქულა აიღო. ასეთი თამაშით ჩეხს წარმატების მინიმალური შანსიც არ ჰქონია.</p><p>ნახევარფინალში ტიპსარევიჩთან თამაშის უფლება მოიპოვა მარდი ფიშმა. ამერიკელმა მეტად დრამატული მეორე სეტი წააგო სტანისლას ვავრინკასთან. ფიში სეტებს შორის დაწინაურდა, მეორე პარტიაში კი ოთხჯერ გავიდა წინ ბრეიკით და ოთხივეჯერ გაათანაბრებინა ანგარიში შვეიცარიელს, რომელმაც ტაი-ბრეიკში 10:8 გაიმარჯვა და გადამწყვეტი სეტი დაინიშნა. იქ კი ფიშის უპირატესობა აშკარა იყო და მასპინძელმა "მშრალი" ანგარიშით მოიგო პარტია. აღსანიშნავია, რომ ამ მატჩში ფიშმა 10 ბრეიკი (!) გააკეთა, ვავრინკამ ხუთი, რაც მამაკაცთა ჩოგბურთში იშვიათი მოვლენაა.</p><p>წინა დღეს როჯერ ფედერერის მძლეველმა ჟო-ვილფრიდ ცონგამ იოლად მოუგო ნიკოლას ალმაგროს, რომელიც წელს სამჯერ დაამარცხა მის საყვარელ გრუნტზე. ფრანგმა თითო სეტში თითო ბრეიკის წყალობით აჯობა ესპანელს და ნახევარფინალში გავიდა, სადაც მისი მეტოქე სეზონის ლიდერი ნოვაკ ჯოკოვიჩი უნდა ყოფილიყო.</p><p>ნოვაკისა და გაელ მონფილსის მეოთხედფინალში ბრძოლა მხოლოდ რამდენიმე გეიმში იყო. ფრანგს მატჩის დასაწყისში ბრეიკ-პოინტიც კი ჰქონდა, მაგრამ ვერ გამოიყენა, რის შემდეგაც ინიციატივა მთლიანად ჯოკოვიჩის მხარეს გადავიდა. სერბი მხოლოდ მაშინ მოდუნდა, როცა ტაბლოზე ასეთი ანგარიში იყო დაფიქსირებული - 6:2, 5:0. მონფილსმა ჯერ ანგარიში გაქვითა, შემდეგ კი ორი ბრეიკ-პოინტი მიიღო, მაგრამ ჯოკოვიჩმა ისევ შეძლო კონცენტრაცია და მატჩის გახანგრძლივების საშუალება არ მისცა მეტოქეს.</p><p><strong></p><p>* * *</strong></p><p>ნახევარფინალურ ეტაპზე ყველაზე დიდ ინტერესს, რა თქმა უნდა, ჯოკოვიჩისა და ცონგას დაპირისპირება იწვევდა. ამ ჩოგბურთელთა ურთიერთშეხვედრები საინტერესოდ ვითარდება. ფრანგი სერბისთვის უხერხულ მეტოქედ არის მიჩნეული, რადგან აქამდე რვიდან ხუთჯერ ჰყავდა დამარცხებული ჯოკოვიჩი, მაგრამ ყველაზე მნიშვნელოვანი მატჩები სერბს რჩებოდა. მაგალითად, 2008 წელს ავსტრალიის ღიას ფინალი ან წელს უიმბლდონის ნახევარფინალი...</p><p>პირველივე წუთებიდან აშკარად ჩანდა, რომ ცონგას ძალიან გაუჭირდებოდა სერბის მეექვსედ დამარცხება. ფრანგი დიდი ხანი ინარჩუნებდა თანაფადობას კარგი მოწოდების ხარჯზე, მაგრამ პირველი სეტის ბოლოს ნოვაკმა მაინც გააკეთა ბრეიკი. მეორე პარტიის დასაწყისში ჯოკოვიჩმა კიდევ ერთხელ აიღო მეტოქის მოწოდება და 0:3-ზე ცონგამ მარჯვენა ხელის ტრავმის გამო შეწყვიტა შეხვედრა.</p><p>მონრეალის მასტერსზე ფრანგის გამოსვლას ფუჭად არ ჩაუვლია - ის 11-თვიანი შესვენების შემდეგ ბრუნდება ATP-ის რეიტინგის პირველ ათეულში.</p><p>მეორე ნახევარფინალში მარდი ფიშმა კიდევ ერთხელ დაამტკიცა, რომ შემთხვევით არ გამხდარა წელს ამერიკული ჩოგბურთის ახალი ლიდერი. 30 წლის ასაკში ამერიკელი პირველად შევიდა რეიტინგის ტოპ-ათეულში და მონრეალის მასტერსის ფინალში გასვლით კიდევ უფრო გაამყარა თავისი პოზიციები.</p><p>ტიპსარევიჩთან დაპირისპირებაში მარდიმ თავიდანვე სერიოზულად მიხედა საქმეს. ის ძალიან დამაჯერებლად მოქმედებდა და იანკოს არანაირ იმედს არ უტოვებდა. ფიშმა ორივე სეტის სტარტზე ნაადრევი ბრეიკი გააკეთა, მაგრამ თუ პირველ პარტიაში ეს უპირატესობა ბოლომდე შეინარჩუნა, მეორეში ტიპსარევიჩმა შეძლო საპასუხო ბრეიკის შესრულება, მაგრამ სერბის სიხარული დიდხანს არ გაგრძელებულა და მალე ფიშმა ისევ დაიბრუნა მატჩზე კონტროლი - 6:3, 6:4.</p><p>ამერიკელი კარიერაში მეოთხედ გავიდა მასტერსის ფინალში. ეს ფინალები ამერიკის ტერიტორიაზე გაიმართა და მარდიმ ყველა წააგო. სავარაუდოდ, იგივე ელის მას ჯოკოვიჩის წინააღმდეგ. სერბს აქვს შანსი წელს მეხუთე მასტერსი მოიგოს, რაც აბსოლუტური რეკორდი იქნება.</p><p>ATP</p><p>Rogers Cup</p><p>ტორონტო (კანადა). ჰარდი</p><p>საპრიზო ფონდი: 398 250 ევრო</p><p><em>1/4 ფინალი</em></p><p>ნოვაკ ჯოკოვიჩი (სერ, 1)-გაელ მონფილსი (საფ, 5) 6:2, 6:1; ჟო-ვილფრიდ ცონგა (საფ, 13)-ნიკოლას ალმაგრო (ესპ, 8) 6:4, 6:4; მარდი ფიში (აშშ, 6)-სტანისლას ვავრინკა (შვეიც, 14) 6:3, 6:7(8), 6:0; იანკო ტიპსარევიჩი (სერ)-ტომაშ ბერდიხი (ჩეხ, 7) 6:4, 6:4.</p><p><em>1/2 ფინალი</p><p></em>მარდი ფიში (აშშ, 6)-იანკო ტიპსარევიჩი (სერ) 6:3, 6:4; ნოვაკ ჯოკოვიჩი (სერ, 1)-ჟო-ვილფრიდ ცონგა (საფ, 13) 6:4, 3:0 უარი.</p><p><strong>ყოველდღიური სპორტული გაზეთი "ლელო"</strong></p>
"უიმბლდონის" ყოფილ ჩემპიონს 4-წლიანი დისკვალიფიკაცია მიუსაჯეს
ბასილაშვილმა სონეგო დაამარცხა და ჰალეს ტურნირის ძირითად ბადეში ითამაშებს
ბასილაშვილმა ბალახის სეზონი მარცხით დაიწყო
20 წ. | ახალგაზრდული ჩემპიონატის მასპინძელი - საქართველო
27 ივნისს სუპერთასის ნახევარფინალური მატჩები გაიმართება
თბილისის "დინამოში" კიდევ ერთი ახალწვეულია
"ბარსელონაში" ტრანსფერი დაუბლოკეს - ალვარესს პრემიერ ლიგაში დაბრუნების ვარიანტი შერჩა
"მილანმა" პსჟ-ს თავდამსხმელის ტრანსფერზე მიმართა
20 წ. | გამარჯვებული შემადგენლობით უელსთან
ჯიქია დეპოშია. "ის არაფერს წარმოადგენს" - ყოფილი რუსი ფეხბურთელი მას აკრიტიკებს
ესპანური ვერცხლი შენგელიას | საქართველოს ნაკრების კაპიტანმა საკლუბო სეზონი დაასრულა
"ტორპედომ" ხორვატი ფეხბურთელი დაიმატა
20 წ. | ლუკა ნარსია: ჩვენი მიზანი ისტორიის დაწერაა
პსჟ-ს ნახევარმცველი ატლეტიკოში გადასვლაზე დათანხმდა
ოიარსაბალი: ფეხბურთი ცირკითაა გარემოცული
"რეალი" ფრანგებს გაასხვისებს? - "სამეფო გუნდიდან" შესაძლო წამსვლელები ცნობილია
აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე
ირანმა და ეგვიპტემ მათი მატჩისას სტადიონზე LGBTQ+ თემის მხარდამჭერი სიმბოლკის აკრძალვა მოითხოვეს - FIFA-ს პასუხი ცნობილია
მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება
"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე
მამარდაშვილის "ლივერპული" არ ნებდება - 100 მილიონზე მეტის შეთავაზებას გააკეთებენ
პირველად 2022 წლის შემდეგ - FIFA-მ რუსეთის ახალგაზრდული ნაკრები საერთაშორისო ტურნირზე დაუშვა
"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს