მარკ მარტენსი: ჩემი პაციენტები მეტწილად ხელოვნურ საფარზე მოთამაშეები არიან

სახელგანთქმულმა ქირურგმა "გაგრას" თავდამსხმელს აბაიომი ოვონიკოკოს ოპერაცია საქართველოში გაუკეთა გუშინ გაცნობეთ, რომ თბილისში ცნობილი ბელგიელი ექიმი, დოქტორი მარკ მარტენსია ჩამოსული. შეგახსენებთ, მსოფლიოში სახელგანთქმული ქირურგი საქართველოს იმისთვის ეწვია, რომ "გაგრას" ნიგერიელი თავდამსხმელის, აბაიომი ოვონიკოკოსთვის ოპერაცია გაეკეთებინა.თავდაპირველად მარტენსს მის მგდომარეობაზე ვკითხეთ, თუმცა ბელგიელი სტუმარი საინტერესო მოსაუბრე აღმოჩნდა და სხვა მნიშვნელოვან თემებზეც ენაწყლიანად გველაპარაკა.- როგორ ჩაიარა ოვონიკოკოს ოპერაციამ?- ყველაფერი კარგადაა. ოვონიკოკო კლინიკაში მხოლოდ ერთ ღამეს გაატარებს. როგორც იცით, მან მუხლის ჯვარედინა მყესები გაიწყვიტა და ოპერაციის შემდეგ ფეხბურთელს მოედანზე დასაბრუნებლად მინიმუმ ექვსი თვე სჭირდება. რაკი მას ზედმეტი გართულებები არ აქვს, დიდი ალბათობით შემიძლია გითხრათ, რომ ექვს თვეში ითამაშებს. კარგი იქნებოდა, სარეაბილიტაციო პერიოდის ერთი თვე მაინც გაეტარებინა ბელგიაში, მაგრამ რადგან იქ ჩასვლის უფლება არ აქვს, მითითებებს ელექტრონული ფოსტისა და ტელეფონის მეშვეობით მივაწვდით.- ახლახან ბელგიაში ოპერაცია გაუკეთეთ "ზესტაფონის" ფეხბურთელ გიორგი ხიდეშელს. მისი მდგომარეობა როგორია?- იმის მიუხედავად, რომ გიორგის ჯვარედინ მყესებთან ერთად მენისკიც გაუწყდა, მისი ტრავმა დაახლოებით ოვონიკოკოს სიმძიმისაა. ასე რომ, ნახევარ წელიწადში ხიდეშელის თამაშსაც ნახავთ. მას უკვე შეუძლია ყავარჯნებით სიარული, ექვს კვირაში კი თავისუფლად გაივლის და მსუბუქ ინდივიდუალურ ვარჯიშსაც დაიწყებს.კარგია, რომ იგი ბელგიაში კიდევ ჩამოვა და მისი გამოჯანმრთელების პროცესს ადგილზე დავაკვირდებით.- რა იწვევს ასეთი სიმძიმის ტრავმას, შეიძლება თუ არა მისი თავიდან აცილება?- მუხლის ჯვარედინი მყესები ათიდან ცხრა შემთხვევაში ფეხბურთელებს უწყდებათ, რასაც მარტივი ახსნა აქვს - სპორტის ამ სახეობაში ფეხს ყველაზე დიდი დატვირთვა ადგას და მუხლი, ასე ვთქვათ, "ცვდება". მუხლის სახსარი ყოველწამიერად იხრება, თანაც ყველა შესაძლო მიმართულებით, რასაც სპორტის სხვა სახეობებში ვერ ნახავთ. შესაბამისად, მყესების გაწყვეტა ნებისმიერ მომენტშია შესაძლებელი. აქ დიდი მნიშვნელობა არ აქვს ფეხბურთელის წონას, სიმაღლესა თუ ფიზიკურ მომზადებას. ეს ჩვეულებრივი უიღბლობაა და მეტი არაფერი. თუმცა მნიშვნელობა აქვს მოედნის საფარს. ხარისხიან მინდორზე ტრავმის საფრთხე მცირდება, ხელოვნურსაფარიანი მოედანი კი, პირდაპირ გეტყვით, ფეხბურთელის დიდი მტერია.ჩემი პრაქტიკიდან ერთ ფაქტს გეტყვით - ბოლო წლებში ინგლისის ქვედა ლიგის კლუბებმა საკუთარ სტადიონებზე ხელოვნური საფრის დაგება დაიწყეს და - ჩემს პაციენტებში სწორედ ამ კლუბების ფეხბურთელები მომრავლდნენ.- ქართველი ფეხბურთელებისთვის ადრეც გიმკურნალიათ... - დიახ, ოპერაციები კახა კალაძესა და რატი წინამძღვრიშვილს გავუკეთე და მოხარული ვარ, რომ ისინი კარიერას აგრძელებენ. ნამდვილად არავის ვუსურვებ საქმე საოპერაციოდ გაუხდეს, მაგრამ თუკი საჭირო გახდა, ყველას ყოველთვის სიამოვნებით დავეხმარები.- ქართველ კოლეგებთან შეხვედრას და მათთვის გამოცდილების გაზიარებას ხომ არ აპირებთ?- ამჯერად კონკრეტული ოპერაციის ჩასატარებლად და თქვენი დედაქალაქის ხედებით დასატკბობად ჩამოვედი, მომავალში კი არაფერია გამორიცხული თუ ორმხრივი სურვილი იქნება. ვიცი, რომ საქართველოს ბევრი სახელოვანი ექიმი ჰყავს და თქვენი ქვეყანა ჩემთვის ამ კუთხითაც ძალიან საინტერესოა.- თქვენი პაციენტები კაკა, შევჩენკო და სხვა ცნობილი ფეხბურთელები არიან. წარმოუდგენლად გვეჩვენება, ფეხბურთის დიდი გულშემატკივარი არ იყოთ.- ბევრი თავისუფალი დრო არ მაქვს, მაგრამ ჩემი საყვარელი გასართობი ფეხბურთის ყურება და ფეხბურთის თამაშია. თანაც, არა მხოლოდ გრანდების, ვცდილობ, შედარებით პატარა მასშტაბის მატჩებიც არ გამოვტოვო. სამწუხაროდ, თბილისში "ზესტაფონისა" და "ბრიუგეს" მატჩზე მისვლას ვერ შევძლებ, მაგრამ ბელგიაში ამ გუნდების საპასუხო შეხვედრას აუცილებლად დავესწრები, ოღონდ არ მკითხოთ, ვის ვუქომაგებ (იცინის).ყოველდღიური სპორტული გაზეთი "ლელო"

irakli

მართალია ეს ადამიანი... სწორედ ხელოვნური საფარის ბრალია ჯანოს კოჭის მყესები სულ რომ აწუხებს... გადავიდეს რა დროზე სხვა გუნდში ცოდოა ეგ ბიჭი, თანაც სპარტაკი არამარტო თამაშობს ხელოვნურ საფარზე არამედ ვარჯიშობს კიდეც...

"ახალი ციკლის წინ ნაკრებში მწვრთნელი უნდა შეგვეცვალა" - ლევან სალუქვაძემ ვილი სანიოლზე ისაუბრა

გვარდიოლა და კლოპი გამორიცხულია - საქართველოს ნაკრებთან უკრაინას ისევ რებროვი უხელმძღვანელებს?

"მოდით და წაიღეთ - გაგიჟდნენ!" - სენეგალელმა მცველმა აღშფოთება გამოხატა

VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...

VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე

[VIDEO] ქვილითაიამ საფრანგეთში ზედიზედ მეორე მატჩში გაიტანა

ლოჩოშვილის "ნიურნბერგმა" "მაგდებურგს" მოუგო

ლევანდოვსკის MLS-ში ტრანსფერი ჩაიშალა

თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა

ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს

გოჩოლეიშვილი შეცვლაზე შევიდა - "ჰამბურგი" ისევ დამარცხდა

დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს

პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო

გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს

VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა

"ანჟესთან" მატჩში პსჟ-ს შემადგენლობა ცნობილია

[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება

[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს

კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა

[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო

[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში

"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ

"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა