<p>საქართველოს კალათბურთელთა ეროვნული ნაკრების გენერალური შეკრება დაიწყო. დღეს, თბილისი არენაზე ალეკსანდარ ჯიკიჩმა ჩვენი ნაკრები სრული შემადგენლობით ავარჯიშა. ბოლო წლებში პირველად ხდება, რომ ევროპაში მიმდინარე საკალათბურთო სეზონის დროს ეროვნულ გუნდში მოთამაშეები რამდენიმე დღით ადრე სრულად იკრიბებიან. ცხადია, ეს არ ეხება ამერიკის ნაციონალურ საკალათბურთო ლიგაში მოასპარეზე კალათბურთელებს. არ არსებობს პრეცედენტი, ნბა-ს მიმდინარე სეზონის დროს კალათბურთელი ეროვნულ ნაკრებში სათამაშოდ წასულიყოს. ასე, უბრალოდ, არ ხდება.</p><p>ნაკრებში დროულად ჩამოსვლას რომ ვახსენებთ, ძირითადად თორნიკე შენგელიას ვგულისხმობთ. ბოლო წლებში ის ნაკრებში ჩარტერული რეისით უფრო ხშირად დაფრინავდა, ვიდრე რეგულარულით და ეს იმის გამო, რომ ევროლიგაში მისი თამაშები ნაკრების მატჩებთან 1 დღის დისტანციაზე იყო და რომ არა ჩარტერი, საქართველოს ნაკრების კაპიტანი ხშირ შემთხვევაში ეროვნული გუნდის თამაშს ელემენტარულად ვერ ჩამოუსწრებდა.</p><p>ამჯერად, ევრობასკეტ 2025-ის საკვალიფიკაციო ტურნირის დასკვნით ფანჯარას ევროლიგის თამაშები არ ეკვეთება. შესაბამისად, გათავისუფლდა თუ არა თორნიკე, ნაკრებისკენ გამოეშურა და დღეს, თბილისი არენაზე ყველა დანარჩენ ლეგიონერთან და სუპერლიგის მოთამაშეებთან ერთად ივარჯიშა. სამწვრთნელო შტაბიც ბოლომდე შეივსო. მთავარ მწვრთნელთან – ალეკსანდარ ჯიკიჩთან და მის ასისტენტებთან – ანატოლი ბოისასა და ფილიპ მიხაილოვიჩთან ერთად დღევანდელ ვარჯიშზე თავიანთი ევროპული კლუბებიდან ჩამოსული მანუჩარ მარკოიშვილი და მარკო ესპოზიტოც იყვნენ.</p><p>მწვრთნელთა შტაბის განკარგულებაში 15 კალათბურთელია. ლეგიონერები – თორნიკე შენგელია, გიორგი შერმადინი, დუდა სანაძე, ბექა ბურჯანაძე, რატი ანდრონიკაშვილი, კამარ ბოლდუინი და მათე ხატიაშვილი. სუპერლიგის მოთამაშეები – ალექსანდრე ფევაძე, კახა ჯინჭარაძე, ლუკა ლიკლიკაძე, გიორგი ოჩხიკიძე, ლუკა მაზიაშვილი, ილია ლონდარიძე, გიორგი კორსანტია და სანდრო სანაძე.</p><p>დღევანდელი ვარჯიში შედარებით მსუბუქი იყო იმის გათვალისწინებით, რომ არ ყოფილა კონტაქტი. მწვრთნელმა მოთამაშეებს კომბინაციები მეურვეების გარეშე დაამუშავებინა, რასაც საკალათბურთო ენაზე 5-0 ჰქვია, როცა კომბინაციას იმისთვის ამუშავებ, რომ კარგად დაისწავლო და თავდაპირველად დაცვითი ბარიერი ხელს არ გიშლის. ცხადია, პროცესი ნელ-ნელა გართულდება და კომბინაციური თამაშიც დაიხვეწება. ისე, რომ 21 თებერვლისთვის როგორც მოთამაშეები, ისე – ჩვენი გუნდის თამაშის სტრატეგია მზადების პიკში იყვნენ.</p><p>კიდევ ერთხელ შეგახსენებთ დანიასთან 21 თებერვლის მატჩის მნიშვნელობას: მოგებით ევრობასკეტზე (ზედიზედ მეექვსედ) გავდივართ, ხოლო წაგება ფაქტობრივად მის მიღმა დარჩენას ნიშნავს. რჩება მხოლოდ თეორიული შანსი. ამიტომაცაა, დანია თამაშამდე 5 დღით ადრე რომ ჩამოვიდა და უმნიშვნელოვანესი მატჩისთვის მზადება დაიწყო. ჩვენამდე, თბილისი არენაზე დანიელებმა ივარჯიშეს, რომელთა შემადგენლობაშიც არ ყოფილა ნატურალიზებული ამერიკელი კალათბურთელი, შეივონ შილდსი. თუმცა უკვე ცნობილია, რომ ის დანიის ნაკრებს თამაშამდე შეუერთდება და საქართველოს წინააღმდეგ ითამაშებს.</p><p>დანიის შემდეგ, საკვალიფიკაციოს ბოლო მატჩს საქართველო 24 თებერვალს, ბელგრადში, სერბეთის წინააღმდეგ გამართავს. დანიასთან მატჩის ბილეთების გაყიდვა TKT.GE-ზე მიმდინარეობს. გადამწყვეტი მატჩი 21 თებერვალს, 20:50 საათზე გაიმართება.</p><p><strong>GBF</strong><br></p>
BOSS
იმედია მოვიგებთ მარტივად,თუ კარგ დაცვას ვითამაშებთ.
ნუ გეშინიათ!
ქარბორბალა ლონდარიძე გვყავს, რისა გეშინიათ? კიდევ ბოისა შეუძახებს, დავაი, დავაი ბიჭებოო და სოფელიც აშენდება.)))
ამო
ასეთი დამოკიდებულებით რაც მიმდინარეობს ფედერაციიდან და ტურნირების მიმართ ბეწვის ხიდზე გავდივართ...
მასტერს
ახლა უკანდასახევი გზა აღარ გვაქვს და საკუთარ მოედანზე ვთამაშობთ! პლუს კარგი ნატურალიზებული კალათბურთელი დავიმატეთ! ყველა ეს ფაქტორი ბონუსია და უნდა გამოვიყენოთ. წარმატება ნაკრებს!
romo
არ ვიცი რა გაცილებით სუსტმა ისლანდიამ მოგვიგი, ამ დანიამ შილდსის გარეშე დაგვახია ბურთი, ახლა შილდსიც ყავთ, მე მეშინია და თქვენი არ ვიცი.
uuuulls
აააალლლს
ნრნრ
ველოდებიით 21 თებერვაააალს
+5 პოზიცია და გუნდური გარდასახვა: საქართველო FIBA-ს Power Rankings-ში მე-11 ადგილზეა
დიდებული მეორე ტაიმი - საქართველოს ნაკრებმა პორტუგალიას სტუმრად მოუგო
საქართველოს ნაკრები პორტუგალიაში ჩაფრინდა
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა