დელ პოტროს კომპლექსი დაძლეულია

ცინცინატის მასტერსზე როჯერ ფედერერისა და ხუან მარტინ დელ პოტროს დაპირისპირებაში გამარჯვება შვეიცარიელს დარჩა ცინცინატის მასტერსის მეორე დღეს პირველი წრე დასრულდა და პარალელურად მეორე წრიდან ჩაებნენ ბრძოლაში პირველ რვა ნომრად განთესილი ჩოგბურთელები.რა თქმა უნდა, დღის ცენტრალური მატჩი იყო როჯერ ფედერერისა და ხუან მარტინ დელ პოტროს დაპირისპირება. ურთიერთშეხვედრებში შვეიცარიელი დამაჯერებლად ლიდერობდა - 6:2, მაგრამ ბოლო ორი შეხვედრა სწორედ არგენტინელს დარჩა.მატჩის წინ როჯერმა გაიხსენა ის ორი მარცხი: "ბოლო ორ შეხვედრაში ძალიან კარგად ვთამაშობდი. ორივენი ახლოს ვიყავით გამარჯვებასთან. იმ შეხვედრებში ბევრი რამ წყდებოდა: წლის შემაჯამებელი ტურნირის ნახევარფინალში გასვლა და "დიდი სლემის" ჩემპიონატის ტიტული. ამერიკის ღია პირველობის ფინალში მარცხი ერთ-ერთი ყველაზე მტკივნეულია ჩემს კარიერაში, რადგან მაშინ გამარჯვების ყველა შანსი მქონდა".ხშირად როჯერი ამა თუ იმ ტურნირის მსვლელობისას თანდათან შედის ფორმაში და ბოლომდე არ იხარჯება კლასით დაბალი მეტოქეების წინააღმდეგ. მაგრამ დელ პოტროსთან ამის გაკეთება არ შეიძლებოდა და შვეიცარიელმა თავიდანვე ძალიან ხარისხიანი ჩოგბურთი აჩვენა. ფედერერი კარგად უტევდა, იშვიათად ცდებოდა და მეტოქეს მიღებაზე შანსს არ უტოვებდა - მსოფლიოს მესამე ჩოგანმა პირველი მოწოდების სიზუსტის 84 პროცენტი დააფიქსირა. მთელი პირველი სეტის განმავლობაში ფედერერმა ორჯერ მეტი "ვინერსი" დააგროვა, ვიდრე უნებლიე შეცდომა და დამსახურებულად გაიმარჯვა - 6:3.მეორე პარტიაში როჯერმა ოდნავ უკლო თამაშს, შეცდომებიც გახშირდა, მაგრამ დელ პოტრო მაინც გრძნობდა ზეწოლას. არგენტინელს სეტის შუაში გაუჩნდა მატჩში ინიციატივის ხელში ჩაგდების საშუალება, მაგრამ ფედერერი მოწოდებამ არ დააღალატა. გარკვეული ხანი არგენტინელი ახერხებდა მეტოქის შეჩერებას, მაგრამ მე-11 გეიმში ბრეიკ-პოინტზე ვერაფერი გააწყო როჯერის ბრწყინვალე კროსის წინააღმდეგ და ამან ფაქტობრივად გადაწყვიტა მატჩის ბედი. საბოლოოდ 7:5 და ფედერერი მესამე წრეში ჯეიმს ბლეიკს შეხვდება.სხვათა შორის როჯერი და ჯეიმსი ცინცინატიში 2007 წელს შეხვდნენ ფინალში და მაშინ შვეიცარიელმა გაიმარჯვა. სულ ეს ჩოგბურთელები 10-ჯერ დაუპირისპირდნენ ერთმანეთს და ფედერერი 9:1-ს იგებს. ერთადერთი მარცხი ამერიკელისგან პეკინის ოლიმპიადის მეოთხედფინალში იგემა.* * *სხვა მატჩებიდან აღსანიშნავია ჩეხი რადეკ შტეპანეკის მოგება ჯონ ისნერთან მატჩში. შტეპანეკისთვის ეს იყო მე-300 გამარჯვება პროფესიულ ტურში. ამისთვის ჩეხს 2 საათისა და 46 წუთის განმავლობაში სამი სეტის ჩატარება დასჭირდა - 7:5, 5:7, 7:6(4).ისნერს არ უშველა 21-მა ეისმა. ამერიკელს შეეძლო თავის სასარგებლოდ დაესრულებინა მატჩი, მაგრამ გადამწყვეტ სეტში სამი ბრეიკ-პოინტი გაანიავა.გაიმარჯვა კიდევ ერთმა ჩეხმა ჩოგბურთელმა - ტომაშ ბერდიხმა ორი სეტში იოლად მოუგო არგენტინელ ხუან მონაკოს - 7:6, 6:0, რაც არ იყო გასაკვირი, რადგან უიმბლდონის შარშანდელ ფინალისტს მონაკოსთვის ხუთიდან ხუთი მატჩი აქვს მოგებული.ამჯერად ვერ გადალახა პირველი წრის ბარიერი ხორვატმა ივან დოდიგმა, ვინც წინა კვირას მონრეალის მასტერსზე რაფაელ ნადალი გამოთიშა ბრძოლას. დოდიგს ორ სეტში მოუგო ლოს ანჯელესის ტურნირის ჩემპიონმა ერნესტ გულბისმა.იმ დღეს კიდევ ერთი ხორვატი გამოეთიშა ბრძოლას - მარინ ჩილიჩი უშანსოდ იყო ჟო-ვილფრიდ ცონგას წინააღმდეგ. ფრანგი ბრწყინვალედ აწვდიდა - ცხრა ეისი დააგროვა და თავის გეიმებში ჯამში მხოლოდ ექვსი ქულა დათმო. გარდა ამისა, ცონგამ სამი ბრეიკიც მიითვალა და შემდეგ წრეში გავიდა.რაც შეეხებს მესამე ხორვატს ივო კარლოვიჩს, მან იმ დღეს ყველაზე იოლ გამარჯვებას მიაღწია. 32 წლის ვეტერანმა 19 ეისის დახმარებით 52 წუთში გაანადგურა გერმანელი ფლორიან მაიერი - 6:1, 6:3.დღის მთავარი მოულოდნელობა ყაზახი ანდრეი გოლუბევის სახელს უკავშირდება. მან სამ სეტში მოუგო შვეიცარიელ სტანისლას ვავრინკას, რომელმაც წინა კვირას მონრეალის მასტერსში მეოთხედფინალამდე მიაღწია. წელს გოლუბევი საშინლად თამაშობს და გაზაფხულზე 18-მატჩიანი წაგებათა სერია ჰქონდა, რის გამოც რეიტინგის საუკეთესო ასეულის მიღმა აღმოჩნდა. მიუხედავად ამისა, გოლუბევმა ვავრინკასთან მატჩი აღმავლობით ჩაატარა, განსაკუთრებით მესამე სეტი, როცა მხოლოდ ერთი გეიმი დაუთმო მეტოქეს.I წრეჟო-ვილფრიდ ცონგა (საფ, 15)-მარინ ჩილიჩი 6:3, 6:4; რადეკ შტეპანეკი (ჩეხ)-ჯონ ისნერი (აშშ) 7:5, 5:7, 7:6(4); იანკო ტიპსარევიჩი (სერ)-ედუარდ როჟე ვასელენი (საფ) 6:0, 3:6, 7:6(5); ჟილ სიმონი (საფ, 10)-იურგენ მელცერი (ავსტრია) 6:7(3), 6:3, 7:5; ნიკოლაი დავიდენკო (რუს)-სერგეი სტახოვსკი (უკრ) 6:2, 7:6(5); მიკაელ ლოდრა (საფ)-მიხაილ იუჟნი (რუს, 13) 7:5, 3:6, 7:6(4); კევინ ანდერსონი (ს. აფრ)-ქსავიე მალისე (ბელ) 6:3, 7:6(6); ანდრეი გოლუბევი (ყაზ)-სტანისლას ვავრინკა (შვეიც, 16) 3:6, 6:4, 6:1; ივან დოდიგი (ხორ)-ერნესტ გულბისი (ლატ) 6:3, 7:6(3); ჟულიან ბენეტო (საფ)-გილერმო გარსია ლოპესი (ესპ) 6:3, 1:0 ლოპესის უარი; ივო კარლოვიჩი (ხორ)-ფლორიან მაიერი (გერ) 6:1, 6:3; ნიკოლას ალმაგრო (ესპ, 9)-ალბერტ მონტანიესი (ესპ) 7:6(5), 6:4.1/16 ფინალიროჯერ ფედერერი (შვეიც, 3)-ხუან მარტინ დელ პოტრო (არგ) 6:3, 7:5; ჯეიმს ბლეიკი (აშშ)-ფაბიო ფონინი (იტა) 6:4, 6:2; ტომაშ ბერდიხი (ჩეხ, 8)-ხუან მონაკო (არგ) 7:6(2), 6:0.ყოველდღიური სპორტული გაზეთი "ლელო"

"ამაზე აქამდე არასდროს მისაუბრია" - მსოფლიოს ყოფილმა ნომერ პირველმა ჩოგანმა რთული პერიოდი გაიხსენა

ტოტი: სინერი რომ ასეთი მაგარი ჩოგბურთელია, ჩემი დამსახურებაა

გამარჯვება 2 სეტში - ბასილაშვილმა ბაშტადში მოგებით დაიწყო

ტრაპიზონში საგიჟეთია - სალაჰს 25 ათასი ფანი დახვდა

18-წლამდელები სამხრეთ აფრიკაში ჩავიდნენ

ტყვიის სროლა. დიდი წარმატება ვროცლავში

კვლავ აფრიკაში - ერვე რენარი ნაცნობ ადგილას დასაქმდა

კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო

ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა

Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე

20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა

ქართველი მსაჯები ევროპა ლიგის მატჩს განსჯიან

[VIDEO] მძიმე მატჩი, შედეგი სასურველი - "იბერია 1999"-ს მომდევნო რაუნდში გასვლის კარგი შანსი აქვს

"ლარნესთან" მატჩში "იბერია 1999"-ის შემადგენლობა ცნობილია

ნორვეგიის ნაკრების მეკარე "ლაიფციგში" დაბრუნდა

ოფიციალურად: საბა საზონოვი “ხეტაფეს” ფეხბურთელია

ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა

ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

გადადის თუ არა ფერან ტორესი პსჟ-ში?

მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?

"რეალმა" ვინისიუსს წლიურ გასამრჯელოდ 22 მილიონი შესთავაზა - ბრაზილიელი მეტს ითხოვს

"ბარსელონამ" ტერ შტეგენი "აიაქსში" გაუშვა