ოფიციალურად: ილია თოფურია UFC-ს მსუბუქი წონის ქამრისთვის ჩარლზ ოლივეირას დაუპირისპირდება
<p>გუშინ, 13 მაისს, UFC-ს პრეზიდენტმა, დანა უაითმა განაცხადა, რომ 29 ივნისს ლას ვეგასში ქართველი მებრძოლი ილია თოფურია ორგანიზაციის მსუბუქი წონის (70კგ) საჩემპიონო ქამრისთვის ბრაზილიელ ჩარლზ ოლივეირას შეხვდება.</p> <p> </p> <p>მოგეხსენებათ, რამდენიმე თვის წინ თოფურიამ ქვემსუბუქი დივიზიონის ქამარი დათმო და მსუბუქ წონაში გადაინაცვლა.</p> <p> </p> <p>აღნიშნულ ამბავს თოფურია სოციალურ ქსელ X-ზე გამოეხმაურა:</p> <p> </p> <p>"კიდევ ერთი ოცნება ამიხდება, მსუბუქი დივიზიონის ჩემპიონი გავხდები. ჩარლზ, წინასწარ ბოდიშს გიხდი, მე ჩემი ოცნებებისთვის ვიბრძვი. სამწუხაროა, რომ მახაჩევმა ბრძოლას თავი აარიდა. 17:0', – დაწერა ილია თოფურიამ შეხვედრის ოფიციალურად ჩანიშვნის შემდეგ.</p> <p> </p> <p>თოფურია და ოლივეირა ერთმანეთს UFC 317-ზე დაუპირისპირდებიან.</p>