20 წ. | ბოლო რეპეტიცია მსოფლიომდე

მსოფლიო რაგბის 20-წლამდელთა ჩემპიონატის დაწყებამდე, უმცროსი ბორჯღალოსნები 14 ივნისს ბოლო გასახურებელ თამაშს თბილისში &bdquo;ავჭალაზე“, 18 საათზე გამართავენ. მეტოქე მოქმედი ჩემპიონი ინგლისია.   ბოლო სამი წელია საქართველო წლის მთავარ ტურნირზე გამგზავრებამდე ინგლისს საქართველოში ეთამაშება და ქომაგებს გუნდის გაცილების შესაძლებლობა ეძლევათ. წინა წლებში მათთან ორ-ორი შეხვედრა გვქონდა ხოლმე და მეორე ჩვენი გუნდის გამარჯვებით სრულდებოდა, ახლა კი ბრიტანელებს მხოლოდ ერთხელ ვერკინებით.   რადგან სატურნირო რაზმის დასახელებამდე ეს ბოლო საკონტროლო თამაშია, უმცროსი ბორჯღალოსნების მთავარ მწვრთნელს ლადო კილასონიას საქმეში მაქსიმალური რაოდენობის მოთამაშეების ხილვა სურს და ინგლისელების წინააღმდეგ 36 მორაგბე ითამაშებს. მათგან 10 ლეგიონერია (9 საფრანგეთიდან, 1 ინგლისიდან), დანარჩენები კი ქართულ კლუბებს წარმოადგენენ: 10 ‘ლელოს’, 7 ‘აიას’, 5 ‘არმიას’, ორი ‘ხვამლს’ და თითო-თითო ‘ბათუმს’ და ‘შავი ლომს’.   20-წლამდელთა ჩემპიონატს წელს იტალია (მესამედ 2011 და 2015 წლების შემდეგ) უმასპინძლებს. ის 29 ივნისს დაიწყება და 19 ივლისს დასრულდება, თამაშები კი ლომბარდიისა და ვენეტოს ოთხ ქალაქში გაიმართება: კალვიზანო, როვიგო, ვერონა და ვიადანა.   საქართველო გ ჯგუფში მოხვდა და 29 ივნისს კალვიზანოში ირლანდიას შეხვდება; 4 ივლისს ახალ ზელანდიას ვიადანაში ეთამაშება; 9 ივლისს კი იტალიას კალვიზანოში შეერკინება. ნახევარფინალური თამაში 14 ივლისს ვერონაში, ან ვიადანაში გვექნება, ხოლო ფინალური თამაშები 19 ივლისს კალვიზანოსა და როვიგოში გაიმართება.   20-წლამდელთა ჩემპიონატის ა ჯგუფში ინგლისი, ავსტრალია, სამხრეთ აფრიკა და შოტლანდია; ხოლო ბ ჯგუფში საფრანგეთი, არგენტინა, უელსი და ესპანეთი მოხვდნენ.   2016 წლიდან მოყოლებული, საქართველო 12-გუნდა ელიტის უცვლელი მონაწილეა და საუკეთესო შედეგი 2023 წელს აჩვენა (მე-8 ადგილი), შარშან და 2018 წელს მე-9 ადგილი დაიკავა, ხოლო 3-ჯერ მე-10-ე (2016, 2017 და 2019) იყო. 2020-2022 წლებში ტურნირი კოვიდ-პანდემიის გამო ვერ ჩატარდა.   14 ივნისი. 20-წლამდელთა ამხანაგური მატჩი თბილისი. &bdquo;ავჭალა“. 18:00 საქართველო - ინგლისი საქართველო   ხაზი: 15. ლუკა თაყაიშვილი (ხვამლი), 14. ლუკა ტაბატაძე (არმია), 13. დათა ახვლედიანი (ლელო), 12. სანდრო სესიაშვილი (არმია), 11. ლუკა კეშელავა (არმია), 10. გიგი სირბილაძე (ლელო), 9. გიორგი სპანდერაშვილი (შავი ლომი);   შერკინება: 1. ბაჩუკი ბარათაშვილი (აია), 2. მიხეილ ხახუბია (ლელო), 3. მათე ღურწკაია (კასტრი), 4. თემურ წულუკიძე (ოიონა), 5. ნიკოლოზ ჩხორთოლია (მონპელიე), 6. ნიკა აბესაძე (ლელო), 7. ლუკა ნარსია (აია), 8. ანდრო დვალი (პერპინიანი).   მარქაფა: 16. შოთა ხელაძე (ლელო), 17. არჩილ ნოზაძე (აჟენი), 18. გიორგი ძაგანია (ნარბონი), 19. გაგი მარგველაშვილი (რასინგი), 20. გიორგი მეფარიშვილი (აია), 21. თემურ ძოძუაშვილი (აია), 22. გიორგი ჯაში (არმია), 23. სანდრო მესხიძე (არმია), 24. გიორგი ტურაშვილი (იფსვიჩი), 25. გიორგი მესხიძე (პერპინიანი), 26. გიორგი არძენაძე (ბათუმი), 27. ლუკა საღინაძე (ლიონი), 28. საბა ლაღაძე (აია), 29. გიორგი ხუროშვილი (ლელო), 30. ნიკოლოზ ხალვაში (ლელო); საბა შარვაშიძე (აია), ნუგზარ ქევხიშვილი (ლელო), ანზორ სარალიძე (აია), დავით არჩვაძე (ლელო), დათა ჭილაია (ლელო), დავით წიკლაური (ხვამლი).   მთავარი მწვრთნელი: ლადო კილასონია   Rugby.ge

.

ამ ბიჭებს კატასტროფულად არ ჰკმარათ ძლიერ მეტოქეებთან თამაშის პრაქტიკა და ეს,ძალიან გვაფერხებს,ტურნირების მსვლელობაში.სანამ შეეჩვევიან,სანამ ალღოს აუღებენ მაღალ ტემპს,ტურნირი უკვე ბოლოშია გასული.წარმატებას ვუსურვებ ამ თამაშშიც და მსოფლიოს ჩემპიონატზეც.

18 წ. | ევროპის ჩემპიონატს ჩეხეთი უმასპინძლებს

15-ქალა რაგბი ევროპის ალაფაზე აღზევდა

U18. საქართველოს ნაკრებმა ირლანდია დაამარცხა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

ზივზივაძის "ჰაიდენჰაიმმა" "კოტბუსთან" ქულები გაიყო

ახალციხემ სუპერლიგაში პირველი გამარჯვება გორის ივერიონთან მოიპოვა

Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა

გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა

აბუაშვილის "მეცმა" კაცნაკლულ "დიუნკერკს" ვერ მოუგო

VIDEO | ეროვნული ლიგა| ნინუას სტანდარტი და არაფრისმომცემი ქულები

ქართველები რუმინეთსა და ინგლისში; იტალიელი, შოტლანდიელი და სამხრეთ აფრიკელი საქართველოში

უკრაინა - საქართველო | ინფორმაცია ბილეთების შესახებ

კლოპმა განმარტა, რატომ უგულშემატკივრებს ელ კლასიკოში "ბარსელონას"

"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"

დაბრუნდება ინძაგი იტალიაში? - "იუვენტუსს" მთავარი მწვრთნელის პოსტზე ახალი კანდიდატი ჰყავს

მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის

პსჟ-ის დასაფასებელი საქციელი - ახალი კონტრაქტი კვარაცხელიას და კვლავ ყველაზე მაღალანაზღაურებად ფეხბურთელებში

[VIDEO] მოქმედება, რომელიც ყველაფერს ამბობს - როგორი იყო დუეს რეაქცია, როდესაც კვარაცხელიას ტრავმის შესახებ შეიტყო

როტენი: კატასტროფაა - "კვარას" გარეშე პსჟ ვერასდროს ვერ მოიგებდა ჩემპიონთა ლიგას

Marca-მ გასულ სეზონში საუკეთესოდ კეინი ცნო - მერამდენე ადგილი დაიკავა ხვიჩა კვარაცხელიამ

ბასილაშვილმა მანარინოსაც ადვილად მოუგო და ალმათის ტურნირის ნახევარფინალშია!

ნიკა ამაშუკელი - ტოკიო, ლონდონი და გენუა

ხვიჩა გვაკლია და სიცარიელეს აჩენს... პსჟ-ის მატჩია, მაგრამ...