ვის დარჩება მესამე გრანდტური?

ესპანეთში წლევანდელი სეზონის მესამე "გრანდ-ტური" - "ვუელტა" დაიწყო შაბათს, ესპანეთში წლევანდელი სეზონის მესამე "გრანდ-ტური" - "ვუელტა" დაიწყო. ბოლო წლებში დამკვიდრებული ტრადიციის თანახმად, ესპანური ველომარათონი გუნდური რბოლით გაიხსნა - ველომრბოლებს ბენიდორმში 13.5 კილომეტრი უნდა დაეფარათ.ეს მოკლე დისტანცია მარტივი სულაც არ ყოფილა. მაგალითად, პირველი ოთხი კილომეტრი მონაწილეებს მთებში რბოლა მოუწიათ, ასე რომ, მათ მოსაწყენად ნამდვილად არ ეცალათ.ლუქსემბურგულმა Leopard-Trek-მა ერთ-ერთმა პირველმა აიღო სტარტი. "ვუელტაზე" ამ გუნდის ლიდერები იქნებიან დანიელი იაკობ ფუგსლანგი, შვეიცარიელი ფაბიან კანჩელარა და იტალიელი დანიელე ბენატი. სწორედ მათი კარგი მუშაობით გუნდმა აჩვენა დრო, რომელიც შემდეგ ვერც ერთმა კონკურენტმა ვერ გააუმჯობესა. პირველმა ფინიშის ხაზი ფუგლსანგმა გადაკვეთა, რაც იმას ნიშნავს, რომ სწორედ დანიელი დაიწყებს მეორე ეტაპს ლიდერის წითელი მაისურით.ეტაპი ჩააგდო ორმა ძლიერმა გუნდმა. ამერიკული "რედიოშეკი" იმის გამო დაზარალდა, რომ მისი ერთ-ერთი ლიდერის იანეც ბრაიკოვიჩის ველოსიპედი გამოვიდა მწყობრიდან და ბევრი დრო დაიკარგა. რაც შეეხება ბრიტანულ "თიმ სქაის", რომელსაც ბრედლი უიგინსი უდგას სათავეში, ერთ მომენტში მან მეხუთე მრბოლელი დაკარგა და ამან ფავორიტი ველოსაჯინიბო ძალიან დააზარალა.* * *მოკლედ, ესპანური ველომარათონი ძალიან საინტერესოდ დაიწყო, ჩვენ კი გადავწყვიტეთ გაგაცნოთ წლევანდელი "ვუელტას" მთავარი ფავორიტები. იმის გამო, რომ რბოლა ჩვეულებრივზე ადრე დაიწყო და ის ვადებში მაქსიმალურად იყო მიახლოებული ტურ დე ფრანსთან, აქ ვერ ვიხილავთ ფრანგული მარათონის გმირებს - კეიდელ ევანსს, ძმებ შლეკებს, ალბერტო კონტადორსა და სხვებს. სამაგიეროდ, აქ არიან ჯირო დ'იტალიას ლიდერები და ტურზე ხელმოცარულები.პირველ კატეგორიას განეკუთვნებიან "ვუელტას" მოქმედი ჩემპიონი ვინჩენცო ნიბალი, ჯიროს ვიცე-ჩემპიონი მიკელე სკარპონი და, რა თქმა უნდა, ამ ველომარათონის მთავარი ფავორიტი იგორ ანტონი. შარშან, ეს ნიჭიერი ბასკი იქამდე ატარებდა ლიდერის წითელ მაისურას, სანამ ერთ-ერთ თანაგუნდელს არ დაეჯახა და დაცემისას ლავიწის ძვალი არ გაიტეხა.რაც შეეხება ტურ დე ფრანსზე დაზარალებულ ველომრბოლებს, ამ სიას ხსნის ბრიტანელი ბრედლი უიგინსი. საფრანგეთში მის ამბიციებს ხაზი გადაუსვა ერთ-ერთ ეტაპზე დაცემამ და ახლა ის რეაბილიტაციას "ვუელტაზე" აპირებს, თუმცა მისი ნაკლი ის არის, რომ ესპანურ ტრასებს ცუდად იცნობს.ტურის ყველაზე უიღბლო გუნდი იყო ამერიკული "რედიოშეკი", რომელმაც საფრანგეთის გზებზე ერთმანეთის მიყოლებით ოთხი ლიდერი დაკარგა. ამ ოთხიდან ორი "ვუელტაზე" აპირებს რევანშის აღებას. თუმცა პირველ ეტაპზე ისევ მოხვდა გაუგებრობაში ბრაიკოვიჩი, ამიტომაც გერმანელი ვეტერანის ანდრეას კლიონედის შანსებს უფრო მაღლა აყენებენ.ასევე მოიხსენიებენ ფავორიტებს შორის რუსული "კატიუშას" ლიდერს, ესპანელ ხოაკინ როდრიგესს, რომელმაც ცოტა ხნის წინ დუბლი შეასრულა "ვუელტა ბურგოსზე" და ამით კარგი მზადყოფნა დაამტკიცა. ფავორიტთა სიას კი ასრულებს გუნდ Geox-ის ორი წევრი - ტურ დე ფრანსის ყოფილი ჩემპიონი კარლოს სასტრე და დენის მენშოვი. ეს დუეტი ყველაზე დასვენებული შეხვდა წლევანდელ "ვუელტას", რადგან Geox-ს ტურზე გამოსვლა აკრძალული ჰქონდა.I ეტაპიბენიდორმი. 13.5 კმ1. Leopard-Trek; 2. Liquigas - +0:05; 3. HTC-Highroad - +0:10; 4. ასტანა - +0:10; 5. Movistar - +0:15; 6. Quick Step - +0:15; 7. Omega Pharma-Lotto - +0:18; 8. Skil-Shimano - +0:18; 9. Garnin-Cervelo - +0:25; 10. კატიუშა - +0:26; 11. Euskaltel-Euskadi - +0:28; 12. BMC Racing Team - +0:28; 13. SaxoBank - +0:28; 14. RadioShack - +0:29; 15. Rabobank - +0:30; 16. Lampre-ISD - +0:32; 17. Cofidis - +0:33; 18. Vacansoleil - +0:39; 19. Ag2r - +0:42; 20. Team Sky - +0:42; 21. Geox - +0:44; 22. Andalucia-Caja Granada - +1:03.ყოველდღიური სპორტული გაზეთი "ლელო"

საერთაშორისო აღიარება - საქართველოს ხმა მსოფლიო ველოსპორტის არჩევნებში

ინგლისში ტრანსგენდერები ქალთა ტურნირებიდან მოკვეთეს

ველოფესტივალი BIKE FEST-ი 15 ოქტომბერს დაარსებიდან უკვე მესამედ გაიმართება

კვლავ პრემიერ ლიგაში - ნიკო გონსალესმა "სიტი" დატოვა

15-წლამდე გოგონათა ნაკრები უეფას განვითარების თასზე იასპარეზებს

"მანჩესტერ იუნაიტედი" ახალგაზრდა ნახევარმცველის შეძენასთან ახლოსაა

აქვსენტი გიორგაძე ქართულ რაგბს დაუბრუნდა

"ამაზე საუბარი გვჭირდება" - რა თქვა ფლიკმა ფორვარდის შესაძლო დამატებაზე?

"თუ გაკპოს ტრანსფერი არ გამოვა - მუდრიკი ნიდერლანდელის ალტერნატივად განიხილება

"ბოლომდე ბედნიერი არ ვარ" - ფერან ტორესი დუბლის შემდეგ

როგორი შეფასებები მიიღეს პსჟ-ს ფეხბურთელებმა "რენთან" მატჩში?

[VIDEO] პსჟ სეზონს მძიმედ იწყებს - ზედიზედ მეორე მარცხისგან დუბლით დებიუტანტმა ტორესმა იხსნა

კვერნაძის "ფროზინონე" "იუვენტუსთან" დაძაბულ მატჩში დამარცხდა

"რენთან" მატჩში პსჟ-ს შემადგენლობა ცნობილია

გენერალური რეპეტიცია შედგა - საქართველოს ნაკრებმა ისრაელი დაამარცხა

[VIDEO] "ლივერპული" "ნიუკასლთან" წაგებას გადაურჩა

[VIDEO] ომი "მეტროპოლიტანოზე". მატჩის MVP მიქაუტაძემ მცველი გააგდებინა და ობლაკს გაუტანა - კაცნაკლულმა "ატლეტიკომ" ფრეს მიაღწია

რა უშლის ხელს ოსიმენის "არსენალში" გადასვლას?

მამუკელაშვილი დონჩიჩის კემპიდან დაბრუნდა - საქართველოს ნაკრები ისრაელთან სრული შემადგენლობით ითამაშებს

[VIDEO] ზივზივაძემ პენალტი ვერ გაიტანა - "ჰაიდენჰაიმი" თასიდან რეგიონული ლიგის გუნდმა გამოაგდო

"მარსელს" სატრანსფერო ფანჯრის დასრულებამდე, მინიმუმ სამი ფეხბურთელი დატოვებს

ნოიერმა არ გამორიცხა - ლეგენდარულმა მეკარემ შესაძლოა, ამ სეზონის მერე კარიერა დაასრულოს

"ეს მისი დანაკარგია" - კურტუა როდრის მიერ "ბარსელონას" არჩევაზე