უნიჭიერესი ფრიმპონგის უიღბლობა

„ლივერპულის“ ყოფილმა ფეხბურთელმა, ჰარი რედნაპის ვაჟმა, ჯეიმსმა პრემიერლიგის მეორე ტურს წერილი უძღვნა „ლელოს“ ფურცლებიდან ხშირად გთავაზობთ სხვადასხვა ინგლისელი სპეციალისტისა და მიმომხილველის ნააზრევს. ისინი ხშირად ზოგად თემას მიმოიხილავენ, ხშირად კი კონკრეტულ საკითხს, მაგალითად, განვლილ ტურს ეხებიან. „ლივერპულის“ ყოფილი ფეხბურთელი, „ტოტენჰემ ჰოთსპურის“ მწვრთნელის, ჰარი რედნაპის ვაჟის, ჯეიმი რედნაპის წერილი პრემიერლიგის მეორე ტურს ეხება.გთავაზობთ რედნაპის მოსაზრებებს, რომლებიც თავად ავტორმა ქვესათაურებით გამოჰყო:უიღბლო ფრიმპონგიემანუელ ფრიმპონგი პირველად რამდენიმე წლის წინ, „არსენალისა“ და „ტოტენჰემის“ აკადემიათა შეხვედრაში ვნახე. ის მოედანზე გამოკვეთილი ლიდერი იყო და მეც, შინ დაბრუნების შემდეგ, მამაჩემს აღფრთოვანებული ველაპარაკებოდი ამომავალი ვარსკვლავის შესახებ. პრემიერლიგის მეორე ტურში ჩემს ფავორიტს არ გაუმართლა. მან იჩქარა, ორთაბრძოლაში სულელურად შევიდა და მსაჯს თავი გააგდებინა. კაცმა რომ თქვას, ეს სველმა მოედანმაც განაპირობა, მაგრამ ამას ახლა რაღა მნიშვნელობა აქვს. გასულ უქმეებზე ფრიმპონგის გაძევება თვალში ძალიან მომხვდა. მინდა დამიჯეროთ, რომ ამ 19 წლის ბიჭს გაცილებით მეტის შემოთავაზება შეუძლია, ვიდრე ჯერჯერობით ახერხებს.რეინჯერსის დაბრუნებაგამარჯვებას ვულოცავ „ქუინზ პარკ რეინჯერსს“. პირველ ტურში ვუყურე, როგორ გაანადგურა ეს გუნდი „ბოლტონმა“ მისავე მოედანზე 4:0, მაგრამ აი, გავიდა ამის შემდეგ სულ რაღაც ერთი კვირა და გუნდმა ლივერპულში „ევერტონი“ დაამარცხა, 1:0. ასეთი შემოტრიალება იმას ნიშნავს, რომ „რეინჯერსს“ კლასი და ოსტატობა აქვს. რა საკვირველია, „გუდისონ პარკზე“ მათ თამაშს ნაკლიც ჰქონდა, მაგრამ ტომი სმიტის გოლმა დაამტკიცა, რომ კლუბს, იმ კვირაში, როდესაც ახალი მეპატრონე გამოუჩნდა, მომავლის იმედი უნდა ჰქონდეს. ვფიქრობ, აგვისტოს დარჩენილ დღეებში მწვრთნელი, ნილ უორნოკი სატრანსფერო ბაზარზეც გამოჩნდება.ყოჩაღ, სამირ!„არსენალი“ იმ კლუბს ჰგავს, რომლის ფეხბურთელებსაც პარაშუტები უკეთიათ და როგორც კი გადახტომის საშუალებას ხედავენ, ხტებიან, რათა იქაურობას მოშორდნენ. ამის ფონზე ის, რაც სამირ ნასრიმ „ლივერპულთან“ შეხვედრაში გააკეთა, სანაქებო საქციელი იყო. მოგეხსენებათ, მას „მანჩესტერ სიტი“ თავისთან გადასვლას სთავაზობს, სატრანსფერო მოლაპარაკებები დასასრულს უახლოვდება და სწორედ ასეთ დროს ბიჭს ეყო გამბედაობა, „მეთოფეთა“ მაისურა ჩაეცვა და მოედანზე გასულიყო. ახლა ყველანი ძალიან საინტერესო საკითხის წინაშე ვდგავართ: ითამაშებს ნასრი, ოთხშაბათს, ჩემპიონთა ლიგაში, „უდინეზეს“ წინააღმდეგ? ეს ფრანგი ფეხბურთელის ამბიციათა ნამდვილი ტესტი იქნება. პირადად მე, არ დაგიმალავთ, ვფიქრობ, რომ ის ამ შეხვედრაში არ ითამაშებს.მხარი დაუჭირეთ ბოსს„ნიუკასლ იუნაიტედის“ მწვრთნელმა, ალან პერდიუმ სანდერლენდში მოგებით დროც მოიგო. პერდიუს კალენდარმა დიდი გამოცდა მოუწყო, მაგრამ აგერ, უკვე ორი ტური ჩატარდა და „კაჭკაჭებს“ ოთხი ქულა აქვთ. ახლა ვნახოთ, რას იზამენ „ჯორდები“ შემდეგ ტურში „ფულჰემის“ წინააღმდეგ. „ნიუკასლ იუნაიტედის“ შემყურეს მრჩება შთაბეჭდილება, რომ ამ გუნდში თამაშობენ პატიოსანი ადამიანები, რომლებიც გულწრფელად, თავდადებით მუშაობენ და ცდილობენ, როგორც კოლექტივმა, ერთსულოვნად მიაღწიონ წარმატებას. ასეთ დამოკიდებულებასა და ადამიანთა ჯგუფს ახლა ხელმძღვანელთა დიდი მხარდაჭერა სჭირდება.დარჩი, კარლოსჩემთვის სრულიად გაუგებარია, რატომ უნდა კარლოს ტევესს „მანჩესტერ სიტის“ დატოვება. „სიტი“ სწორედ ის გუნდია, სადაც ფეხბურთელს ყოფნა და თამაში უნდა უნდოდეს. მერედა, კვირას, ბოლტონში თამაშის დროს ნათლად გამოჩნდა, რომ გუნდში არანაირი წყენა არ არსებობს და „მანჩესტერ სიტი“ დიდი შემტევი პოტენციალის მქონე გუნდია. ტევესს მადრიდის „რეალი“ რომ იწვევდეს მის დამოკიდებულებას კიდევ გავიგებდი, მაგრამ იტალიაში წასვლის გამო „სიტის“ დატოვება?... იტალიური ფეხბურთი ხომ კრიზისშია. „სიტის“ აშკარად შეუძლია გახდეს პრემიერლიგის ჩემპიონი, მაშ, პრობლემა სადღაა? მე ტევესს დარჩენას და ბრძოლას ვურჩევდი.მიდი, ედინგახსოვთ, რა საშინელი პირველი სეზონი ჰქონდა ედინ ჯეკოს „ვოლფსბურგში“, სანამ გარემოს მოერგებოდა და ძლიერად ათამაშდებოდა? ასევე მოხდა იანვარში, როდესაც ის „მანჩესტერ სიტიში“ გადავიდა და აშკარად გამოჩნდა, რომ თავის ადგილას არ არის, მაგრამ აი, დაიწყო ახალი სეზონი და, მართალია, ციდან ვარსკვლავებს ვერ წყვეტს, მაგრამ რასაც აკეთებს, იმედისმომცემია. თან, თავის პოზიციაზე კონკურენტი არ ჰყავს - ყველა ის ფორვარდი, რომლის დატოვებასაც ისტლენდელები აპირებენ, სხვა სტილის ფეხბურთს თამაშობს. ვფიქრობ, ეს გარემოება ჯეკოს ძალიან დაეხმარება.ყოველდღიური სპორტული გაზეთი "ლელო"

[VIDEO] დამაჯერებლად - "ლივერპულმა" "ბრაიტონი" დაამარცხა

"ლივერპულის" ნახევარმცველმა კონტრაქტის გაგრძელების შესახებ ისევ ისაუბრა

სასჯელი უმკაცრესი იქნება? - "სიტი" შესაძლოა, მომავალ სეზონში ჩემპიონშიპში ვიხილოთ

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

დავითაშვილის "სენტ-ეტიენმა" დაძაბულ მატჩში "ნანტს" სძლია

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

ზივზივაძის "ჰაიდენჰაიმმა" "კოტბუსთან" ქულები გაიყო

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

ახალციხემ სუპერლიგაში პირველი გამარჯვება გორის ივერიონთან მოიპოვა

[VIDEO] მამუკელაშვილის 23 წუთი - "ლეიკერსმა" "კლიპერსი" დაამარცხა

Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა

გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა

აბუაშვილის "მეცმა" კაცნაკლულ "დიუნკერკს" ვერ მოუგო

ნიკა ამაშუკელი - ტოკიო, ლონდონი და გენუა