ბოლო წუთებამდე ბრძოლაში - "ბორჯღალოსნები" "ჩიტასთან" დამარცხდნენ

დღეს საქართველოს მორაგბეთა ეროვნული ნაკრები სამხრეთ აფრიკის ქალაქ ბლუმფონტეინში, &bdquo;ტოიოტა სტეიდიუმზე“ იქაურ კლუბს, &bdquo;ჩიტასს“ დაუპირისპირდა და თანაბარ ბრძოლაში დამარცხდა.   ჩიტასი 24-20 საქართველო   ლელოები:19, 74, მახაზა; 31, ბრიცი -- 40+1, 42, აფციაური გარდასახვა:იასპერი(3/3) -- აბჟანდაძე(2/2)ჯარიმა :იასპერი(1/1) -- აბჟანდაძე(2/2)   შეხვედრის პირველი 18-20 წუთი გარდამავალი უპირატესობით წარიმართა. ორივე გუნდი შეცდომებს უშვებდა, მაგრამ ძირითადად ეს ყველაფერი ქართველთა ნახევარზე ხდებოდა. მე-19 წუთზე სამხრეთაფრიკელი გარემარბების წყალობით ანგარიში გაიხსნა: ცენტრში შემოწეულმა ბენი ბრიცმა &bdquo;ბორჯღალოსნების“ დაცვის ხაზი გაარღვია და ბურთი მარჯვნივ ნტოკოზო მახაზას გადააწოდა, რომელსაც ლელოს დადება აღარ გასჭირვებია.   თამაშის განახლებისთანავე ლელოს გატანის შანსი მოგვეცა, რომელიც, სამწუხაროდ, ვერ გამოვიყენეთ. 31-ე წუთზე მარჯვენა ფლანგზე მეტოქის ათიანმა ეთან უენტსელმა ბურთი ფეხით შეგვიცურა, რომელსაც ბენი ბრიცი თავისი კარგი სისწრაფის ხარჯზე დაეწია და ანგარიშში სხვაობა კიდევ უფრო გაზარდა. თითქოს, პირველი ორმოცი წუთი ასეც უნდა დამთავრებულიყო, მაგრამ ბოლო შეტევაში სრული კონცენტრაცია მოვიკრიბეთ და მიძალებების შემდეგ ფრთაზე გატანილი ბურთი შალვა აფციაურმა ჩათვლის მოედანში დაამიწა.   მეორე ნახევრის პირველივე წუთზე მასპინძლები ჩვენს 5-მეტრიან ზონაში აღმოჩნდნენ , მაგრამ შეტევისას მათი პასი აფციაურმა ჩაჭრა და მთელი 80 მეტრის დაფარვის შემდეგ მეორე ლელო მიითვალა. აქედან მალევე ჩვენს ნახევარზე სამხრეთაფრიკელებმა ჯარიმა გამოიმუშავეს და კვლავ წინ გაიჭრნენ, ამჯერად - სამი ქულით. ლელოს დადების წარუმატებელი მცდელობების შემდეგ, &bdquo;ბორჯღალოსნების“ ისტორიაში რიგით 37-ე კაპიტანმა გადაწყვიტა, რომ ქულება თავად გამოემუშავა და თედო აბჟანდაძემ ჯერ 58-ე წუთზე ანგარიში გაათანაბრა, 4 წუთის შემდეგ კი მატჩში პირველად დავწინაურდით.   დანარჩენი წუთები კვლავ გარდამალი უპირატესობით წარიმართა. 74-ე წუთზე აფრიკელებმა მარჯვენა ფლანგზე მეტობა შეიქმნეს და მახაზას შეჩერება ვერც ამჯერად მოხერხდა. მათი დამრტყმელი ქოენ იასპერი ყოველ ჯერზე ზუსტი გამოდგა. ბოლო წუთზე ვუტევდით კიდეც, მაგრამ ბურთი დაიკარგა და &bdquo;ჩიტასმა“ თავისი დაარსებიდან 130 წლის იუბილე გამარჯვებით აღნიშნა.   პირველ ტაიმში &bdquo;ჩიტასის“ მოთამაშეებმა, ხაზზე კარგ თამაშთან ერთად, ფიზიკურ კონტაქტშიც დაგვჯაბნეს: მოლში ბურთს გვიჭედავდნენ და უპირატესობას რაქშიც ფლობდნენ. შესვენების შემდეგ კი &bdquo;ჩიტასი“ ამ კომპონენტშიც შედარებით გავანეიტრალეთ, შეცდომებიც დავაშვებინეთ და ხაზზე თამაშიც გამოვასწორეთ, მაგრამ ეს თამაშის მოსაგებად საკმარისი არ აღმოჩნდა...    საბოლოო ჯამში, იმის თქმა შეგვიძლია, რომ გადახალისებული შემადგენლობით სამხრეთ აფრიკის ერთ-ერთი დომინანტის გუნდის ძირითად ბირთვს ტოლ-სწორად ვეთამაშეთ, რაც ძალზედ დასაფასებელია!   საქართველოს მორაგბეთა ეროვნული ნაკრები ივლისის დასკვნით ტესტ-მატჩს 19 ივლისს, ნელსფრუიტში, &bdquo;მბომბელა სთეიდიუმზე“ მოქმედი მსოფლიო ჩემპიონის, სამხრეთ აფრიკის ეროვნული გუნდის წინააღმდეგ გამართავს, რომელიც თბილისის დროით 19:10 საათზე დაიწყება.   შემადგენლობები:   საქართველო  შერკინება: 1. გიორგი თეთრაშვილი( პერპინიანი), 2. ირაკლი ქვათაძე (შავი ლომი), 3. ალექსანდრე ქუნთელია (ლა როშელი), 4. გურამ ღანიაშვილი (შავი ლომი), 5. დემურ ეფრემიძე (შავი ლომი)*, 6. სანდრო მამამთავრიშვილი (შავი ლომი), 7. გიორგი ცუცქირიძე (შავი ლომი), 8. ილია სპანდერაშვილი (ვალანსი) ხაზი: 9. თენგიზ პერანიძე (შავი ლომი), 10. თედო აბჯანდაძე (ორიაკი, კაპ.), 11. ოთარ მეტრეველი (შავი ლომი)*, 12. გიორგი ხაინდრავა (ბორდო), 13. თორნიკე კახოიძე (შავი ლომი), 14. შალვა აფციაური (შავი ლომი), 15. დაჩი პაპუნაშვილი (ორიაკი) სათადარიგო: 16. ვახტანგ ჯინჭარაძე (მონტობანი)*, 17. ნიკოლოზ ხატიაშვილი (შავი ლომი), 18. ბექა გიგაშვილი (ტულონი), 19. მიხეილ ბაბუნაშვილი (შავი ლომი), 20. ლუკა ივანიშვილი (შავი ლომი), 21. ვასილ ლობჟანიძე (ოიონა), 22. ლუკა მატკავა (კასტრი), 23. დემურ თაფლაძე (შავი ლომი) მთავარი მწვრთნელი: რიჩარდ ქოქრილი(ინგლისი)   ჩიტასი შერკინება: 1. ჰერკუს ვან ვიკი, 2. მარკო იანსე ვან რენსბურგი, 3. ფრენკი დოს რეისი, 4. პიტერ იანსენ ვან ვიურენი, 5. ვიქტორ სეკეკეტე(კაპ.), 6. გიდეონ ვან დერ მერვე, 7. პიერ რაიმონდ იუსი, 8. ნეელს ვოლშენკი ხაზი: 9. რეუან კრუგერი, 10. ეთან უენტსელი, 11. ბენი ბრიცი, 12. ალი მგიჟიმა, 13. მარკო იანსენ ვან ვიურენი, 14. ნტოკოზო მახაზა, 15. ქოენ იასპერისათადარიგო: 16. ვერნონ პაულო, 17. კამერონ დოსონი, 18. ბენ პიტუ, 19. სისონკე ვუმაზონკე, 20. დენიელ მაარტენსი, 21. იანდრე ნელი, 22. კარელ იან კოეტზეე, 23. კლეიტონ ბლუმეტიე მთავარი მწვრთნელი: რუან პიენარი (სამხრეთ აფრიკა)   მსაჯი: კრისტოფერ ალისონი (სამხრეთ აფრიკა), გვერდითი მსაჯები: ტიაან ენგელბრეხტი და ეშტონ ოქჰიუსი (ორივე სამხრეთ აფრიკა), ვიდეო რეფერი: ედრიან ჯეიკობსი (სამხრეთ აფრიკა)   სპეციალურად საიტისთვის მოამზადა ცოტნე ლომსაძემ

.

არაფერი შეგეშალოთ,სამხრეთ აფრიკის ნაკრები,პირველი,მეორე,მესამე და ალბათ მეოთხე ნაკრებიც,საქართველოს ნაკრებზე ძლიერი იქნება.ჩვენგან განსხვავებით,მაღალი კლასის მორაგბეთა ძალიან დიდი რესურსი აქვთ.აგერ,ჩიტასთან თამაშმაც დაგვანახა.
ნიკო

მუდმივად მტირალა პესიმისტებისთვის დავამატებ, იტალიამ, რომელიც 26 სეზონია ექვს ერში თამაშობს, 45-0 ხოლო ჩვენს ლიგაში მოთამაშე პორტუგალიამ 106-7 წააგო ირლანდიასთან. აბა მაგათ თავი უნდა მოიკლან, ან ტყემალაძე მოკლან პირდაპირ:))))
..

ნიკო, რომ ამბობთ, ჩვენები მეორე შემადგენლობით იყვნენო, აფრიკელები პირველით იყვნენ? მათი საუკეთესო მოთამაშეები თავიანთ ნაკრებებში არ არიან ამ ტესტებზე? თუ არ არიან, ალბათ კიდევ უარესი, ასეთ გუნდს რეიტინგსიის მე-11 ნომერი რატომ ვეთამაშებით?
ნიკო

ერთა თასს კოკერელის ხელში ვიგებთ დიდი უპირატესობით, შავმა ლომმა უელსის და საფრანგეთის გუნდს მოუყგო, წინა მსოფლიოზე ჯგუფში ბოლო ადგილზე გავედით, ეხლა ჯგუფიდან გასვლა და მეოთხედფინალია მიზანი. აქ ტირილი და წუწუნი სრულიად უსაფუძვლოა, 2027 წელს მსოფლიოზე გამოჩნდება, შედეგიანია თუ არა ეხლანდელი სამწვრთნელო გუნდი. ისე, სამხრეთ აფრიკულ გუნდთან,მით უმეტეს მეორე შემაფგენლობით როდის მოგვიგია, აქ რომ შემოიხიეთ ტანსაცმელი? ვეღარ დაბრუნდება აბუ და მიშა, გაიგეთ!
ჰაჰა

წაგებას მიეჩვივნენ. წაგებას ეგუებიან. წაგება მისაღები გახდა.
დკ

13 მოთამაშე შავი ლომიდან, სხვა კლუბებიდან ვერ აარჩიეს რეგბისტები? ეს რა გამოდის საქ. ნაკრები თუ შავი ლომი? ამათ ლომობის არაფერი ეტყობათ. საფრანგეთში მგონი 100 რეგბისტი თამაშობს და ნაკრები ვერ შეკრეს.
სურიკ 22-ს

სურიკ, სომხებსაც გყავთ რაგბის გუნდი?
Zaali

ჩვენი გუნდის თამაში კოკერელის ხელში სულ უფრო უსახური ხდება, მოსაცილებელია ეგ კაცი ნაკრებიდან.
zura222

არ ძმაო რაა დამთავრდა 15 წლიანი ზღაპარი ((( ჩვენი რაგბი უკან უკან მიდის ბოლო 7-6 წელი @ არადა რა მაგრები ვიყავით 10-15 წლის წიინ! ნაღდად ვიყავით ათეულის ღირსეული წევრები და იტალია და შოტლანდია რომ შეგვხვედროდა მაგალითად 2007-8-11-12-15 წლებში დავანგრევდით ორივეს და 6 ერს სხვა გზა არ ექნებოდა მიგვიღებდნენ მეშვიდე წევრად!
გგ

იტყვი რამეს და - ჩასაფრებული ხართო, არ იტყვი და - ურემი რომ გადაბრუნდება, მანამდე სად იყავითო… არადა ისეთივე ქომაგები ვართ, როგორიც მსოფლიოს ნებისმიერი ქვეყნის ქომაგია: ჩვენი გუნდის მოგება გვიხარია და წაგება გვწყინს. დინამიკაში თუ დავაკვირდებით, ქოქრილის ხელში უსახურად გამოვდივართ, განსაკუთრებით, - ზედა ეშელონის გუნდებთან. ირლანდიასთან სახლში ასე “კბილების გარეშე” არ უნდა ითამაშო (თან გუნდის მესამედი დებიუტანტი ჰყავდათ!), 6 ერზე რომ აცხადებ პრეტენზიას; აღარაფერს ვამბობ კლუბთან წაგებაზე, რაც არ უნდა “ერთ-ერთი საუკეთესო” იყოს. და ერთ კვირაში რა იქნება მისაღები შედეგი მოქმედ ჩემპიონთან? 20-30 ქულით წაგება? 30-40? ვინმე ხედავთ, საით მიდის ნაკრები, რას ვაშენებთ?
ბოროტი ბეჰემოტი

19-ში ვისიამოვნოთ ბოლო ტესტ-მატჩით უმაღლესი დონის გუნდთან, რადგან მომდევნო წლიდან ბობოლებს ჩვენთვის აღარ ეცლებათ
გიორგ

სირცხვილია!!! შედეგი არა, თამაშის ხარისხი!
რიჩარდ მაკმაისა

რიჩარდ ( დიქ) ქოქ რილ მატჩის და არა მარტო გამორჩეული მოთამასეები ხატიაშვილი და თაფლაძე
ზაზა

ახალ გუნდს ვაშენებთ😀, ვინმემ იცის, როდის აშენდება?
Star lord

თანაბარ ბრძოლაში, გმირულად, წვიმაში. სულ ასე გმირულად როგორ ვაგებთ?

"ბორჯღალოსნები" | ბრონკანმა ნოემბრისთვის გაფართოებული შემადგენლობა დაასახელა

საქართველო, პორტუგალია, რუმინეთი და ესპანეთი ოთხი ერის ალიანსს აფუძნებენ

პიერ-ანრი ბრონკანი: გვჭირდება მკაფიო გზა და ბევრი მუშაობა

"ვინ უნდა ჩაიბაროს "იუნაიტედი"? მათთან მიახლოებაც კი არავის მოუნდება" - ინგლისის ნაკრების ყოფილი მეკარე

ალექს მერკვილაძის შედეგიანი თამაში BNXT ლიგაში — გრონინგენი სტუმრად დამარცხდა

[VIDEO] "ოლდ ტრაფორდზე" კერიკის დღეები დათვლილია - "მანჩესტერ იუნაიტედი" შინ "ბორნმუთთან" 0:3 დამარცხდა

[VIDEO] დამაჯერებლად - "ლივერპულმა" "ბრაიტონი" დაამარცხა

იეგოიანის "ექსელსიორმა" მორიგი მარცხი განიცადა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ

დავითაშვილის "სენტ-ეტიენმა" დაძაბულ მატჩში "ნანტს" სძლია

[VIDEO] კლასია, კლასი - მიქაუტაძემ "ვილიარეალს" "ვალენსიასთან" გამარჯვება მოუპოვა!

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"

"ბორჯღალოსნები" | ერთა თასის ნოემბრის თამაშების განრიგი

საქართველო, პორტუგალია, რუმინეთი და ესპანეთი ოთხი ერის ალიანსს აფუძნებენ

"შავი ლომი" | როტაციით აფრიკული ტურნეს დასკვნით მატჩში

პიერ-ანრი ბრონკანი: გვჭირდება მკაფიო გზა და ბევრი მუშაობა

შტორმის მოლოდინში და სრული დომინაციით - საქართველოს ნაკრებმა ერთა თასზე ჩილესაც მოუგო

"შავი ლომი" | თბილისის თასი "ჩიტასთან" გამარჯვებით დავხურეთ

"ბორჯღალოსნები" | მეორე ტესტი "ვოლაბებთან" - 2029 წელს ავსტრალიაში

"ბორჯღალოსნები" | შეცვლილი შემადგენლობით და დებიუტანტებით "ჩიტასთან"

ძალა არ ეყოთ - კარგი პირველი ტაიმის შემდეგ "შავი ლომი" "ტოიოტა ჩიტასთან" დამარცხდა

როგორ განწყობაზეა ჩვენი მეტოქე? - "ჩიტასის" შემადგენლობა

"შავი ლომი" | ახალი სახეებით "ჩიტასთან"