როცა ოცნება რეალობად იქცევა — საქართველოში „A.C. Milan-ის“ საფეხბურთო ბანაკი იწყება

სექტემბერში თბილისი იქცევა ადგილად, სადაც ქართველ ბავშვებს საშუალება ექნებათ, თავი ევროპის ერთ-ერთი გამორჩეული კლუბის — &bdquo;A.C. Milan-ის“ — ნაწილად იგრძნონ. ცნობილი იტალიური გრანდი ჩვენს ქვეყანაში პირველად ჩაატარებს მასშტაბურ საფეხბურთო ბანაკს, რომელიც, 8 სექტემბრიდან 14 სექტემბრის ჩათვლით, ნუცუბიძის პლატოზე მდებარე თანამედროვე სპორტულ კომპლექსში გაიმართება. ინიციატივა, სახელად — &bdquo;Milan Junior Camp“, ადგილობრივ მოზარდებს სთავაზობს დაუვიწყარ კვირას, რომელიც არა მხოლოდ პროფესიული გამოცდილების მიღების საშუალებად, არამედ მოტივაციისა და ახალი მიზნების საწყისად შეიძლება იქცეს.   ბანაკის ფარგლებში, იტალიელი მწვრთნელები ერთი კვირის განმავლობაში ადგილობრივ ბავშვებთან იმუშავებენ. გარდა ბავშვებისა, ისინი გამოცდილებას ქართველ მწვრთნელებსაც გაუზიარებენ და &bdquo;A.C. Milan-ის“ მეთოდოლოგიას ქართულ საფეხბურთო სივრცეში დანერგავენ.   &bdquo;Milan Junior Camp-ში“ მონაწილეობა შეუძლიათ 6-დან 15 წლამდე ასაკის ბავშვებს. პროექტი უნიკალურ შესაძლებლობას სთავაზობს როგორც პატარა ფეხბურთელებს, ასევე მათ მშობლებს — მისცენ საკუთარ შვილებს შანსი, მოირგონ &bdquo;A.C. Milan-ის“ მაისური, ისწავლონ ფეხბურთი უმაღლესი სტანდარტებით, ჩაერთონ გუნდურ, დისციპლინირებულ და მხიარულ პროცესში. კლუბის ავტორობით შედგენილი პროგრამა მხოლოდ ტექნიკურ მომზადებას არ მოიცავს — აქ ყურადღება ექცევა გუნდურ მუშაობას, პიროვნულ ზრდასა და გართობას. მთავარი კი ის არის, რომ მთელი პროცესი უსაფრთხო და მამოტივირებელ გარემოში წარიმართება.   <a href="https://tkt.ge/show/23712/ac-milan-junior-camp-georgia" target="_blank" rel="noopener">იხილეთ რეგისტრაციის ბმული.</a>   &bdquo;A.C. Milan-ის“ წარმომადგენლების თქმით, საქართველოში პროექტის დაწყება კლუბისთვის სტრატეგიული მნიშვნელობის ნაბიჯია. როგორც &bdquo;A.C. Milan-ის“ ბრენდის ელჩი, ლეგენდარული დანიელე მასარო აღნიშნავს, მსგავსი ინიციატივები მხოლოდ ფეხბურთის სწავლებაზე არ არის ორიენტირებული — ისინი ახალგაზრდა მოთამაშეების როგორც სპორტულ, ისე პიროვნულ განვითარებაზე ზრუნავენ. ეს არის სივრცე, სადაც იტალიური კლუბი საკუთარ ღირებულებებს ახალ თაობას უზიარებს.   საქართველოში პროექტის ორგანიზატორია Sports Corporation LLC, რომლის დამფუძნებლებიც გიორგი ფოფხაძე, ლორენცო ჩიპრიანი, გურამ კაჭახიძე და მალხაზ მუსერიძე არიან. Milan Junior Camp-ის თბილისში ჩატარება მათთვის დიდი პატივია. როგორც თავად აღნიშნავენ, პროგრამა ელიტარულ საფეხბურთო ტრენინგს და დაუვიწყარ გამოცდილებას აერთიანებს. ბანაკის მონაწილეებს ელით ყოველდღიური ვარჯიშები მილანის ოფიციალური მეთოდოლოგიით; ურთიერთობა საერთაშორისო დონის სპეციალისტებთან და ის ემოციები, რასაც მოზარდს მხოლოდ ფეხბურთი ჩუქნის.   გიორგი ფოფხაძის განმარტებით, პროექტზე მუშაობა წლებია, მიმდინარეობს, კლუბთან ხელშეკრულება კი, ორი თვის წინ ოფიციალურად გაფორმდა. მისი შეფასებით, ეს მხოლოდ დასაწყისია.   &bdquo;&bdquo;Milan Junior Camp“ მხოლოდ პირველი ნაბიჯია მომავალში გაცილებით მასშტაბური პროცესისკენ. ვგეგმავთ &bdquo;A.C.Milan-ის“ აკადემიის გახსნას საქართველოში. ეს ბანაკი წარმოადგენს პლატფორმას, რომელიც ბევრ ბავშვს კარიერაში ახალ გზას გაუხსნის. ამ ბანაკში მონაწილეობის მიღებაც კი, ახალგაზრდა ფეხბურთელისთვის, თავისთავად, უკვე წარმატებაა,“— აცხადებს გიორგი ფოფხაძე.   აღსანიშნავია, რომ &bdquo;A.C. Milan-ის“ მხრიდან ინტერესი საქართველოს მიმართ გასულ წელს დაიწყო, როცა თბილისში &bdquo;A.C. Milan-ის“ლეგენდების ამხანაგური მატჩი გაიმართა. ახალი ბანაკი ამ კავშირის კიდევ უფრო გაღრმავების სიმბოლოა. ეს არ გახლავთ ერთჯერადი ღონისძიება — ეს არის იმ გეგმის დასაწყისი, რომლის მიზანიც ადგილობრივი ფეხბურთის განვითარება, სპორტული განათლებისა და სპორტული კულტურის გაღრმავებაა.   &bdquo;Milan Junior Camp“ მსოფლიოს რამდენიმე ქვეყანაში უკვე ხორციელდება და ათასობით ბავშვს დაუვიწყარ გამოცდილებას აძლევს. ახლა ამის შესაძლებლობა საქართველოსაც აქვს — მშობლები, რომელთაც სურთ, შვილებს ეს საფეხბურთო საჩუქარი გაუკეთონ, პროგრამის შესახებ დეტალურ ინფორმაციას მიიღებენ.    <a href="https://tkt.ge/show/23712/ac-milan-junior-camp-georgia" target="_blank" rel="noopener">იხილეთ რეგისტრაციის ბმული.</a>   R

შაქრო პაპა

აბა კაცო, თურმე ღამეც არ ძინავთ იტალიელებს ქართული ფეხბურთის აღორძინება- განვითარებისთვის. ))) ეგრევე დავიჯერეთ. აარჩევენ მამელუქებს კაპიკებად და კარგ ფულსაც გააკეთებენ. ხვიჩა ამის მშვენიერი მაგალითია. ეხლა რა სახელით შეფუთავთ, მაგას უკვე მნიშვნელობა აღარ აქვს. ქინქლაძემ ხომ ჩაატარა უკვე? რაღაც მაგარი კანალი გაჭრეს ბიჭებმა.

"ვინ უნდა ჩაიბაროს "იუნაიტედი"? მათთან მიახლოებაც კი არავის მოუნდება" - ინგლისის ნაკრების ყოფილი მეკარე

"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

სეოკ-ის პრეზიდენტი ლერი ხაბელოვი სუმოს საერთაშორისო ფედერაციის პრეზიდენტს, ლეგენდარულ იოკუძუნა ჰაკუჰო შოს შეხვდა

ალექს მერკვილაძის შედეგიანი თამაში BNXT ლიგაში — გრონინგენი სტუმრად დამარცხდა

[VIDEO] "ოლდ ტრაფორდზე" კერიკის დღეები დათვლილია - "მანჩესტერ იუნაიტედი" შინ "ბორნმუთთან" 0:3 დამარცხდა

[VIDEO] დამაჯერებლად - "ლივერპულმა" "ბრაიტონი" დაამარცხა

კვერნაძის 65 წუთი - "ფროზინონემ" "ატალანტასთან" უხვგოლიან მატჩში ქულა აიღო

მეტელკინა-ბერულავას წყვილმა საფრანგეთის გრან-პრიზე ოქროს მედალი მოიპოვა

საზონოვი შეცვლაზე შევიდა - "ხეტაფე" "ატლეტიკთან" განადგურდა

"ჰოლშტაინის" პირველ გამარჯვებას სადებიუტო გოლით საფუძველი ქვილითაიამ ჩაუყარა

ცნობილი გახდა სად გაუკეთებენ კვარაცხელიას ოპერაციას

იეგოიანის "ექსელსიორმა" მორიგი მარცხი განიცადა

ნიკოლოზ ბასილაშვილი ალმათის ტურნირის ფინალში დამარცხდა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

"მერაბ, გიჟი ხარ?" - UFC-ის პრეზიდენტი დვალიშვილისა და იანის ბრძოლას გამოეხმაურა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ

"ეს სრულ ქაოსს შექმნის" - ნევილი "სიტის" ფინანსურ სკანდალსა და შესაძლო ჩემპიონობაზე