[VIDEO] მამარდაშვილს შანსი მეორე ტაიმში მიეცა - უხვგოლიან მატჩში "ლივერპული" "მილანთან" დამარცხდა

ჰონგ-კონგში ჩატარებულ ამხანაგურ მატჩში "ლივერპული" "მილანთან" 2:4 დამარცხდა. გიორგი მამარდაშვილი მოედანზე მეორე ტაიმის დასაწყისიდან ვიხილეთ, მან ალისონ ბეკერი შეცვალა. მატჩის პირველი ტაიმი გარდამავალი უპირატესობით წარიმართა. მე-10 წუთზე "ლივერპულის" მცველების შეცდომით იტალიელებმა ისარგებლეს და კონტრშეტევაზე რაფაელ ლეაომ "მერსისაიდელები" დასაჯა.   26-ე წუთზე საჯარიმოს გარედან ეფექტური დარტყმით დომინიკ სობოსლაიმ ანგარიში გაათანაბრა. ამის შემდეგ "ლივერპულმა" არაერთი მომენტი შექმნა, მაგრამ "როსონერის" კარის დარაჯმა მაიკ მენიომ საკუთარი გუნდი გაშვებული გოლისგან არაერთხელ იხსნა.   52-ე წუთზე ლეაოს მორიგი შედეგიანი მოქმედების შემდეგ რუბენ ლოფტუს-ჩიკმა "მილანი" წინ გაიყვანა. მე-60 წუთზე კი ალექსის სალემაკერსის ეფექტური თამაშის შემდეგ ნოა ოკაფორმა მამარდაშვილს გაუტანა.   90+3 წუთზე კოდი გაკპომ სხვაობა შეამცირა, ამის შემდეგ, დაახლოებით ერთ წუთში, კოსტას ციმიკასის მიერ გიორგი მამარდაშვილის მისამართით გაკეთებული არაზუსტი პასის შემდეგ, ოკაფორმა ისარგებლა და მატჩის საბოლოო ანგარიშიც დააფიქსირა.   მომდევნო სპარინგს &bdquo;ლივერპული“ 30 ივლისს იოკაჰამაში ადგილობრივ &bdquo;მარინოსთან“ გამართავს.   ჰონგ-კონგი. &bdquo;კაი ტაკ სპორტს პარკი“ ლივერპული - მილანი 2:4 გოლები: 0:1 ლეაო (10), 1:1 სობოსლაი (26), 1:2 ლოფტუს-ჩიკი (52), 1:3 ოკაფორი (60), 2:3 გაკპო (90+3), 2:4 ოკაფორი (90+4).

.

ლივერპულის მწვრთნელს ვასწავლოთ,რა არის მეკარის მოვალეობა?!მაგარი გული და ამბიცია გქონია!
Natia

მე მგონი მამარდა ნერვიულობდა და ამან იქონია გავლენა მის სადებიუტო მატჩზე. ისე, მოედნის ცნეტრში რატომ იცის ხოლმე გამოსვლა, მართალი რომ გითხრათ ცოტა გაუგებარია? რატომ რისკავს? "კოკა ყოველთვის ვერ მოიტანს წყალს" და სამწუხაროდ ზუსტად ასე დაემართა ამ შემთხვევაშიც. :(
!!

ვერასდროს გახდება ასეთი სამარცხვინო თამაშით ლივერპულის ძირითადი მეკარე
ამაშია საქმე

მოკლედ ლივერპულმა ან ალისონი გაყიდოს ან მამარდა გაანათხოვროს.გუნდში ორი მაღალი კლასის მეკარის ყოლა უაზრობა თანაც საზიანოა.
გიორგი

და თქვენ ფიქრობთ ეხლა რომ ორმოც მილიონათ შეფასებულმა მეკარემ და მსოფლიო ტოპ გუნდმა ბურთი ვერ ამოიტანეს? კიდევ ერთხელ დავრწმუნდი სიმართლე ამ საიტზე ნაკლებად მოსწონთ და შეურაცმყოფელ კომენტარცაც კი მწვანეს უნთებენ
ufrosi

video (orive taimi mtlianad) https://www.youtube.com/watch?v=U7jYEHlLJIE
გიორგი 50-s

ეგრე თამაში მწვრთნელის დავალებაა იუზგარ, აბა თვითონ რომ ეგრე უნდოდეს ნაკრებშიც იზამდა მაგას, უნდა თუ არ უნდა უნდა ისწავლოს ფეხით თამაში მეტი გზა არ ააქ..
.

როცა ჩემი პოსტი დავდე,ვიდეომასალა ჯერ კიდევ არ იყო დადებული.ახლა ვნახე და არც მესამე გოლში ჩანს მამარდას ბრალი.ციმიკასმა ვერც პასი მისცა და თან ბურთი და ორი მოპრესინგე ერთად მიაწოდა გიორგის.ბურთს რომც მისწვდენოდა,მაინც ძალიან საეჭვო იყო,მისი შემტევებისაგან აცილებით მოგერიება.
.

ვან დეიკი არ იდგა და მის გარეშე,რა თქმა უნდა ისეთი ვერ იქნებოდა.
გიორგი 50

მოკლედ ვიტყვი და გულისტკივილით: მამარდას ან მის დამრიგებელს ვინმემ აუხსენით ან ხმა მიაწვდინეთ, მეკარის მოვალეობა არ არის საჯარიმოს გარეთ ან თუნდაც საჯარიმოში, სამკუთხედის ან კვადრატის თამაში... კარის დარაჯმა კარები უნდა დაიცვას და მინიმუმამდე შეამციროს რისკები ... ეს გაკვეთილად უნდა დარჩეს... ან საერთოდ, რა უნდა მეკარეს ცენტრთან? ნოიერსაც კი რამდენი აქვს ამ სიტუაციაში ნაჭამი... გიო, შენს კარებს მიხედე და ნაკლები,,პროფესორობა''...
L.J.

Ras itxov exla alisoni gundidan gaushvan tu rogoraa saqme,???
Gio

ნეტავი არ გაჟუილებდეს)))
გიორგი

ბეკერს ძალიან ეფერებიან პირველ ტაიმში დააყენეს შემდეგ შემადგენლობა დაასუსტეს ცვლილებებით და სამი გოლი მამარდას გაუფორმეს სულ ვამბობ დიდი მნიშვლენობა აქვს მწვრთნელის განწყობას მოთამაშესთან მიმართებაში ბიჭს ვარჯისზე გოლს ვერ უტანენ და მანდამაინც წასაგებ ტაიმში დააყენეს
თემური

კარგი გამოცდილებაც მიღებულია… კარგია, რომ ეს ჩემპიონატის თამაში არ იყო! (რა ლივერპულის და რა ვალენსიას დაცვა…). მამარდა თუ გოლს ან გოლებს გაუშვებს ამდაგვარი ყოფილიყოს! ისე რომ დაუკვირდე პირველი და მეორე გაშვებული გოლი მამარდას ბრალი არ იყო, მესამეზე გარისკვით ითამაშა, ბოლო წუთები იყო და ალბათ გარისკვა ჯობდა! რაც ცუდად იწყება ეს არ ნიშნავს რომ ცუდად მთავრდება! წარმატება მამამარდას!
გიგო პაპა

კარგი იქნებოდა, თუ ხვიჩა დააკვირდება სობოსლაის მიერ გატანილ გოლს და ასეთ მოჭრილ დარტყმებზე ივარჯიშებს. სანამ საჯარიმოს კუთხიდან ცენტრისკენ შეიწევს, 1-2 კაცი ყავს მოსატყუებელი და მერე დარტყმულსაც ხშირ შემთხვევაში უბლოკავენ, ან სიჩქარეში სუსტი და გაგორებული დარტყმა გამოსდის. მშვენიერი გოლი გაუტანა სობოსლაიმ მენიოს, იდეალურად დაარტყა. მამარდას კი გაუჭირდება ძირითადიდან ბეკერის ამოგდება. მაგრამ არა უშავს, ცოტაც რომ ითამაშოს, მაინც ფორმაში იქნება ყოველთვის ნაკრებისთვის და თანაც შეეჩვევა პრემიერლიგას. წარმატებები ჩვენს ლომებს!
უფროსი

ლივერპულის დაცვა არ ვარგა.
.

პირველი ტაიმი არ მიყურებია.მეორე ტაიმში მამარდაშვილი იდგა კარში.ჯერ მილანმა საკუთარ საჯარიმოსთან ,მატცხენა ფლანგზე მოიპოვა ბურთი,ერთი პასით გააყოლეს ლეაოს,რომელმაც საჯარიმომდე იარა,თვითონაც შეეძლო დარტყმა,მაგრამ სრულიად თავისუფალ ლოფტუს ჩიკს მიაწოდა და მამარდას შანსი არ ჰქონდა.მალევე მარჯვენა ფლანგიდან კონტრშეტევას,კარის წინ ჩაწოდება მოჰყვა,დაცვა ისევ ჩავარდა და ოკაფორმაც აუღებელი დაარტყა.ლივერპულმა დამატებულ წუთებში შეამცირა სხვაობა,თუმცა იქვე,მილანმა შეტევა სცადა,ლივერპულის მცველმა ბურთი საჯარიმოს წინ გამოსულ მამარდას მიაწოდა,მან მარცხენა ფლანგზე,მგონი ციმიკასს მიაწოდა ბურთი,თუმცა ის დააპრესინგეს და ბურთი ცუდად დაუბრუნა გიორგის.ბურთი გიორგის გვერდით გასცდა და პრესინგზე წამოსულ,სიჩქარე აკრეფილ ოკაფორს,მამარდა ვერ დაეწეოდა.ოკაფორმა ბურთი ცარიელ კარში შეაგორა.კიდევ ერთ დაცვის უკან გადაგდებულ ბურთზე,წინ გამოსულმა მამარდაშვილმა თავით ითამაშა და პარტნიორს მიაწოდა,თუმცა თამაშგარე დაფიქსირდა.სულ ეს იყო.მილანი ძალიან მაგრად გარბოდა სწრაფ კონტრშეტევებზე.ლეაო,ლოფტუს ჩიკი და ოკაფორი,მაღლები,მძლავრები,სწრაფები და ძალიან საშიშები არიან,ასეთ თამაშში.ლეაოს ტექნიკა და დრიბლინგიც ყველას მოეხსენება.ლივერპულში კი,თითქოს ინიციატივის თავზე აღების ეშინოდათ ფეხბურთელებს და საჯარიმოში პასაობდნენ,დარტყმის ნაცვლად.მოგერიების გარეშე სამ გოლს რომ გაუშვებ,არა მგონია მამარდას პოზიციები გაუმაგრდეს,თუმცა შეუძლებელია ორ გოლში ბრალი წაუყენო.ბოლო გოლში კი,შეეძლო ბურთი ვთქვათ შორს, წინ გადაეგდო,მაგრამ იქ ბურთი დაიკარგებოდა და ბოლო დამატებულ წუთზე დაკარგვა ლივერპულს,გადარჩენის ბოლო შანსს ართმევდა.ეგეც არ იყოს,მისი პასი ზუსტი იყო და დაბრუნებული პასი აღმოჩნდა ცუდი.ციმიკასსაც შეეძლო ბურთის წინ გადაგდება.
გალაქსი

სირცხვილი და თავის მოჭრა!

ოფიციალური შეთავაზება გაკეთებულია - პრემიერ ლიგის გუნდი მიქაუტაძის სანაცვლოდ 45 მილიონს იხდის

"დანაშაული" და საჯელი? - ლუის ენრიკემ დემბელე დასასვენებლად გაუშვა

გიორგი აბურჯანია კარიერას ინდოეთის ჩემპიონატში გააგრძელებს

"მანჩესტერ სიტიმ" მაროკოელი ნახევარმცველი 100 მილიონად შეიძინა

ოქტომბრის სანაკრებო მატჩები | ინფორმაცია ბილეთების შესახებ

ქართველი მსაჯები კონფერენს ლიგის პლეი-ოფის მატჩზე

ხარობს სრულიად აზერბაიჯანი - "საბაჰი" ჩემპიონთა ლიგაზე გავიდა

"იუვენტუსმა" პოლონელი მეკარე დაიმატა

"მიფრთხილდით" - მოურინიო ჟურნალისტს სახალხოდ "დაემუქრა"

"ლივერპული" პსჟ-ს დუბლიორების იმედადაა - შეძლებენ ბარკოლას და მბაიეს შეძენას?

[PHOTO] "ლაციოში" მუსოლინის შვილთაშვილის დებიუტი შედგა - ბოლონიას სტადიონი 100 წლის წინ იტალიის ყოფილმა დიქტატორმა გახსნა

გიორგი აბურჯანია კარიერას ინდოეთის ჩემპიონატში გააგრძელებს

"ვალენსიამ" 23 წლის ნიდერლანდელი მეკარე დაიმატა

ოფიციალურად: სავინიო "ტოტენჰემის" ფეხბურთელია

კიევის "დინამოს" თავდამსხმელი შეიძლება "გალათასარაიში" გადავიდეს

"პსჟ-ში ხელშეუხებელი ფეხბურთელი აღარ არსებობს, ენრიკემ მეთოდები გაამკაცრა" - რას წერს ფრანგული პრესა კვარაცხელიასა და დემბელეს შეცვლის შემდეგ

"ბორნმუთმა" "იუვენტუსის" მეკარე ინათხოვრა

მიქაუტაძის "ვილიარეალმა" კანადის ეროვნული ნაკრების ფეხბურთელი დაიმატა

"არავის სჭირდება კონფლიქტური ვინისიუსი" - ბრაზილიელზე კანისარესმა და მოურინიომ ისაუბრეს

[VIDEO] მეტოქეს შესანიშნავად დაუტრიალდა და ძალიან ლამაზი გოლი გაიტანა - სალიამ ახალგაზრდული პრემიერ ლიგა ბრწყინვალედ დაიწყო

"საბოლოოდ გაგაჩუმებს" - დვალიშვილმა ოქტაგონზე რუსეთის დროშის გამოჩენაზე უკმაყოფილება გამოხატა და მას პასუხი მახაჩევმა გასცა

[VIDEO] მამარდაშვილის უნიკალური შემთხვევა ვარჯიშზე - რა გააკეთა და რა პირობებში იყო "ლივერპულის" ქართველი მეკარე

კვლავ პრემიერ ლიგაში - ნიკო გონსალესმა "სიტი" დატოვა

კვლავ სერია A-ში - დანიელ მალდინი "კალიარის" ღირსებას დაიცავს

ნუთუ ფლიკის გემოვნებაში ჯდება? - "ბარსელონა" ნკუნკუს შეძენის შესაძლებლობას სწავლობს

მუდრიკი სავარაუდოდ, კარიერას საფრანგეთის ჩემპიონატში განაგრძობს

არ დაადგა საშველი - ლეაომ არაბებს უარი შეუთვალა და ევროპიდან ახალი მსურველი ჰყავს

"როდესაც "მილანში" მუშაობ, ტიტულისთვის უნდა იბრძოლო" - ამორიმმა "როსონერის" ფანები დააიმედა

"მამარდაშვილმა ეს აღიარა" - ქართველი მომავალ სეზონშიც "ლივერპულის" მე-2 მეკარე იქნება

[VIDEO] "ლივერპული" "ნიუკასლთან" წაგებას გადაურჩა

"თუ გაკპოს ტრანსფერი არ გამოვა - მუდრიკი ნიდერლანდელის ალტერნატივად განიხილება

ხვიჩას მატჩის დღე! ნაცნობი და ახალი შემტევები - ბევრი ქართველით...

"ჩათვლიან, რომ მამარდაშვილი დუბლიორობით ბედნიერია" - კოლიმორი გიორგის დაუყოვნებლივ იჯარით წასვლას ურჩევს

დაბრუნება ნაცნობ ადგილას - ნკუნკუ კვლავ "ლაიფციგისთვის" შეუტევს

"ნიუკასლის" მწვრთნელს მიაჩნია, რომ მსაჯმა "ლივერპულს" პენალტი აჩუქა

"ალისონმა ვერაფერი გააკეთა, სამაგიეროდ წინდები ეცვა შესანიშნავი" - მედიამ ბრაზილიელს კრიტიკა შეჰბედა

ორმაგ ტრანსფერთან ახლოს - "ლივერპული" პსჟ-იდან შემტევებს იმატებს