"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ

გაბრიელ სანტიაგო ფერნანდესი, მეტსახელად "ბავშვი" თავის ბავშვობის საფეხბურთო კარიერას იხსენებს. ის ლიონელ მესისთან ერთად "ლა მასიაში", ბარსელონას აკადემიაში თამაშობდა და ძალიან ხშირად ბომბარდირიც ხდებოდა. ცოტა ხნის წინ ფერნანდესმა ცნობილ ესპანურ გამოცემა "მარკასთან" ინტერვიუ ჩაწერა, სადაც აანალიზებს, თუ რატომ ვერ ჩამოყალიბდა მაღალი დონის ფეხბურთელად.   "მე ჩემს კარიერაში ბევრი შესაძლებლობა მქონდა და ყველა ხელიდან გავუშვი...   ამას არ ვნანობ, ცხოვრება ერთ ადგილზე არასდროს დგას და ფეხბურთიც ძალიან რთული და კომპლექსურია. მე მადლობელი ვარ, რადგან მეუღლე და სამი შვილი მყავს.   "ბარსელონამ" ჩემში დიდი პოტენციალი დაინახა. "ბარსაში" ძალიან რთულია, რომ რვა-ცხრა წლის განმავლობაში გუნდის მთავარი ცენტრფორვარდი იყო, რადგან აქ ბავშვები მიდიან და მოდიან. რვა წლის განმავლობაში, შეიძლება სკამის ფეხბურთელიც იყო და მერე ბომბარდირი გახდე. მათ დაინახეს, რომ პოტენციალი მქონდა, მაგრამ, აშკარაა, რომ საკმარისად არ ვიშრომე, რათა უფრო მაღალი დონის მოთამაშე გავმხდარიყავი.   გულწრფელად რომ ვთქვა, ეს "ბავშვის" სახლი იყო და არა - მესის. მე რამდენიმე შეჯიბრზე საუკეთესო გოლეადორი და მოთამაშე ერთდროულად გავხდი, მესი გუნდში ჯერ კიდევ არ იყო, ის შემდეგ წელს მოვიდა და ფაქტობრივად, ჩემს პოზიციაზე კონკურენციას ვერავინ მიწევდა.   აი, როდესაც მესი მოვიდა, ის ათიანზე იდგა, მე კი ცხრიანზე და ასე რომ ვთქვათ, ერთმანეთს ვავსებდით. ჩვენ ყველგან ერთად ვიყავით: მოედანზე, გასახდელში, საძინებელ ოთახში, ავტობუსში... უნდა ვახსენო, რომ ჩვენი ერთად ყოფნა მწვრთნელის, ჰორაციოს დამსახურებაა. მასთან ურთიერთობა წლების შემდეგაც მქონდა...   ერთი შემთხვევა მინდა გავიხსენო: როდესაც "დამში" ვთამაშობდი, ხუთშაბათ დღეს ქორწილი მქონდა, რა დროსაც ჩემს აგენტს დავურეკე და ვუთხარი, რომ მესისთვის ჩემი ქორწილის შესახებ ეთქვა, მაგრამ ლეო ოთხშაბათს ჩემპიონთა ლიგის თამაშზე მიფრინავდა, ასე რომ, ქორწილში ვერ მოვიდა, მაგრამ ის შაბათს ჩემს თამაშს დაესწრო, ამ შანსს კი ხელიდან ვერ გავუშვებდი... ის მატჩი 1-0 მორჩა, ერთადერთი გოლი მე გავიტანე და მესისთან ერთად საჭმელად წავედი.   ახლა კი იმ პერიოდზე, როდესაც გუნდში სამწვრთნელო შტაბის წევრები შეიცვალნენ... ეს ბუნებრივია, ყველგან ხდება, მაგრამ ჩემს შემთხვევაში მე დავიჩაგრე. გესმით, ალბათ, რომ ფეხბურთში არის კავშირები, ნათესაობები და ასე და ამგვარად სათადარიგოზე აღმოვჩნდი - უბრალოდ, ძირითადში არ მაყენებდნენ და მესისაც ჩემს მაგივრად სასტარტო თერთმეტეულში დაყენებული ორიოლ რიერას საგოლე პასებით მომარაგება მოუწია.   მე ეს ყველაფერი უბრალოდ არ მესმოდა, რადგან თავს საუკეთესოდ ვთვლიდი. "ბარსელონა" 8-წლიან კონტრაქტს მაინც მთავაზობდა, მაგრამ მე ჯიუტად უარი ვუთხარი, ამის შემდეგ კი გუნდიდან წასვლა მაიძულეს. ოღონდ ისე, რომ მადრიდის "რეალისკენ" და "ატლეტიკოსკენ" მიმავალი ყველანაირი გზა ჩამიხერგეს. ამ ორ კლუბში არანაირად არ უნდა მეთამაშა.   საბოლოოდ, ექვსი თვით კატალონიურ "დამში" აღმოვჩნდი, მერე კი 17 წლის ასაკში ტიტო ვილანოვას "ფიგერესში" გადავედი, საიდანაც მესამე ლიგის "გავაში" მოვხვდი, იქიდან - "ალმერიაში" და შემდეგ - "მალიორკაში". ეს უკანასკნელი უკეთეს კონტრაქტს მთავაზობდა, მაგრამ რატომღაც მასზე ხელის მოწერა მოგვიანებით ვარჩიე. მალევე კი ისე მოხდა, რომ ტრავმა მივიღე და "მალიორკამ" კავშირის დამყარება თავად აღარ ისურვა. ყველაფერი დავკარგე.   ამ ყველაფრის შემდეგ წელიწად-ნახევრის განმავლობაში დეპრესიაში ვიყავი, ფეხიც საშინლად მტკიოდა... როდესაც ფეხბურთის შიმშილი ვიგრძენი, "ფორმენტერაში" ჩავირიცხე, სადაც ერთი წლით დავრჩი და იმის შემდგომ კატალონიას არ გავცდენილვარ." - ციტირებს "მარკა".

ატმის კურკას

მოკლედ შენზეა ნათქვამი სად ერეკლე და სად ჩემი ხიშტა ხოხლაო
გიო

კაცი წერს მისახვედრად, თუ შენ თვითონ არ ჩაეძიე ყველა წვრილმანში ძალიან გაგიჭირდება ადგილის პოვნაში. გინდა ბარსელონა იყოს და გინდა აიაქსის სკოლა. ყველგან შენ თვითონ უნდა გაიტანო შენიო და თან ვილკების გაყრის გარეშეო... გასაგებია
რა ატმი კურკა, რი ატმი კურკა...

დაგვანებე თავი კაცო, რა გინდა საერთოდ თუ იცი?

"ვინ უნდა მოიგოს "ოქროს ბურთი"? - ინიესტამ საკუთარი მოსაზრება დააფიქსირა

ქართველი მსაჯები უეფას ერთა ლიგის მატჩს მოემსახურებიან

მესიმ განმარტა, თუ რატომ აღნიშნავს გოლს სუპერგმირების სტილში

საქართველოს რაგბის კავშირის განცხადება

"დილამ" ნიდერლანდელი გარემარბი დაიმატა

"იუვენტუსი" "ტოტენჰემისგან" მეკარეს გამოისყიდის

ქალთა ნაკრები მოლდოვაში ორ ამხანაგურ მატჩს გამართავს

"იუვენტუსი" მზადაა თავისი ვარსკვლავი 150 მილიონად გაყიდოს

[VIDEO] ქართული ძიუდოს რეკორდი - ტატო გრიგალაშვილი მსოფლიოს 4-გზის ჩემპიონია!

WU19 | საქართველო 1:0 ბულგარეთი

სეზონის ბოლომდე კვლავ “ლიონში”? - ენდრიკს საფრანგეთში უხმობენ

მამუკელაშვილი "ლეიკერსის" სასტარტო და ბობარდირი "გოლდენ სტეიტთან"

პსჟ "მანჩესტერ სიტის" მარცხენა გარემარბის შეძენას აპირებს

18 ქულა 18 წუთში | შერმადინის შედეგიანობით "ტენერიფემ" ვერ იხეირა

მერინო შეცვლაზე შესვლიდან გოლების გატანის დიდოსტატია

"ნაკრებიდან უნიკალური ფეხბურთელი წავიდა" - მოდრიჩი მესის არგენტინის ნაკრებში კარიერის დასასრულზე

"არა მხოლოდ არგენტინა, არამედ მთელი მსოფლიო მადლობას გიხდის" - ნეიმარი მესის სანაკრებო დასასრულზე

მერკვილაძის გამარჯვების სამქულიანი საკუთარი მოედნიდან | 16 ქულა და 9 მოხსნა

"ასეთ შემთხვევაში, ირაოლას სხვა გზა აღარ ექნება და მამარდაშვილი "ლივერპულის" ძირითადი მეკარე გახდება!" - Football Insider ქართველ კიპერზე წერს

ზედიზედ ოთხი მარცხის შემდეგ - თურქებმა მონტელა დაითხოვეს

"ვინ მართავს უკრაინულ ფეხბურთს?! უსინათლოები და სულელები არიან?!" - ვორონინმა უკრაინის ნაკრების გამოსვლა უმძიმესად შეაფასა

ლუკა გაგნიძემ მოსკოვის "დინამოსთან" კონტრაქტი გაწყვიტა და თავისუფალი აგენტი გახდა

"ძალიან მომენატრებით, ვამაყობ, რომ არგენტინელი ვარ!" - ლეგენდა წავიდა... მესიმ არგენტინის ნაკრებში ბოლო მატჩი ჩაატარა

"მესი თუ რონალდო?" - მიულერმა არჩევანი გააკეთა

იამალი: მუნდიალის ფინალის შემდეგ მესის ეს ვუთხარი

რონალდო: ლეო, შენი მემკვიდრეობა საუკუნეების მანძილზე დარჩება - გეხვევი

ლეგენდარული "ბარსა 87" - დღევანდელი ვარსკვლავების ლამასიური ამბები