"მზად ვართ - ამბიციით და შიშის გარეშე" - ესპანეთთან მატჩის წინ სანიოლმა და მამარდაშვილმა ისაუბრეს

მსოფლიო ჩემპიონატის საკვალიფიკაციო ეტაპის მესამე შეხვედრაში საქართველოს ნაკრები ესპანეთს დაუპირისპირდება.    უამინდობის გამო, საქართველოს ნაკრებმა მატჩისწინა ვარჯიში ფიტნეს დარბაზში გამართა. ვილი სანიოლის და გიორგი მამარდაშვილის პრესკონფერენცია კი, ონლაინ რეჟიმში ჩატარდა.    ვილი სანიოლი (საქართველოს ნაკრების მთავარი მწვრთნელი): "შეკრების ესპანეთში ჩატარება ჩვენთვის უფრო კომფორტული იყო. მნიშვნელოვანი იყო საკლუბო მატჩების შემდეგ, ფეხბურთელებისთვის ძალების აღსადგენად მეტი დრო მიგვეცა. ძალიან კარგი კვირა გვქონდა. ბოლო ორი დღე ცოტა წვიმიანი იყო, თუმცა ეს არ არის დიდი პრობლემა ჩვენთვის.   ვიცით, რომ საქართველოს და ესპანეთს შორის დიდი სხვაობაა. თუმცა, ჩვენი მიზანია, რომ თამაშიდან თამაშამდე შევამციროთ ჩვენს შორის არსებული სხვაობა. გიორგი ჩაკვეტაძის გარდა, ყველა წამყვანი ფეხბურთელი ჯანმრთელადაა. ვფიქრობ, ხვალ მოთამაშეებს ექნებათ იმის ჩვენების სურვილი, თუ რა ისწავლეს გასული თამაშების შემდეგ. ევროპის ჩემპიონატზე, ესპანეთთან ჩატარებული ჩვენი ბოლო მატჩის გადამწყვეტი ეპიზოდი კიტეიშვილის ტრავმა იყო. ვფიქრობ, ფეხბურთელებს სურთ იმის ჩვენება, რომ სხვაობა ესპანეთსა და საქართველოს შორის მცირდება. უნდა ითამაშონ ამბიციით და შიშის გარეშე. კონცენტრაცია უნდა მოვახდინოთ კარგ თამაშზე და ვაჩვენოთ, რომ სწორ გზაზე ვართ.   როდესაც ესპანეთს, პორტუგალიას და მსგავსი უმაღლესი დონის გუნდებს ეთამაშები, რომლებსაც თითოეულ პოზიციაზე 5-6 უმაღლესი დონის მოთამაშე ჰყავს, ტრავმები არაფერს ცვლის. ესპანეთი იგივე დონის ფეხბურთს ითამაშებს, არ აქვს მნიშვნელობა იქნებიან თუ არა მოედანზე იამალი, ოლმო, უილიამსი. იგივე სირთულის თამაში გვექნება და ამისთვის მზად ვართ".   გიორგი მამარდაშვილი (ეროვნული ნაკრების წევრი): "ესპანეთთან უკვე ბევრი მატჩი გვაქვს ჩატარებული და დიდი გამოცდილება შევიძინეთ. ვფიქრობ, ხვალინდელი თამაში განსხვავებული იქნება. გასვლაზე ვთამაშობთ მსოფლიოს ერთ-ერთი საუკეთესო გუნდის წინააღმდეგ და რთულ თამაშს ველით.   მართალია, ესპანეთს რამდენიმე ფეხბურთელი აკლია, თუმცა მათ ნაცვლად იგივე დონის მოთამაშეები გამოვლენ მოედანზე. საკუთარ თავზე უნდა ვკონცენტრირდეთ. თუ გვინდა, რომ კარგ შედეგს მივაღწიოთ თითოეულ მოთამაშეს საუკეთესო დღე უნდა ჰქონდეს. ბევრი უნდა ვიშრომოთ მოედანზე, თავი კარგად დავიცვათ და შეტევაზე ამის შემდეგ ვიფიქროთ. ეს არის ერთადერთი გზა ესპანეთის ნაკრებთან შედეგის მისაღწევად".   ესპანეთი - საქართველოს შეხვედრა 11 ოქტომბერს, ელჩეში, ესტადიო მანუელ მარტინეს ვალეროზე გაიმართება. მატჩი თბილისის დროით 22:45 საათზე დაიწყება და მის პირდაპირ რეპორტაჟს საქართველოს პირველი არხი შემოგთავაზებთ. თურქეთთან და ბულგარეთთან მიღებული ყვითელი ბარათების გამო, ესპანეთთან შეხვედრას ლუკა ლოჩოშვილი გამოტოვებს.   NAKREBI.GE

ჭინჭრაქა

შიში მაინც ოხერი ყოფილა, არა მამარდ?))))) მწვრთნელი და დაცვის ხაზი შეცვალეთ გიორგი, სხვა საშველი არა აქვს ნაკრებს.
ზურა

არ დაივიწყოთ ბიჭებო ერთი ქართველი ათ თურქს ამარცხებდა.
.

ეგრე თურქებმა ითამაშეს და შედეგი ცნობილია.მსოფლიოში ნაკრები არ მეგულება,რომელიც ესპანეთს დაცვაში ჩაჯდომას აიძულებს და ბურთს გაუკონტროლებს.ჩვენც ვცადეთ 4 მცველით თამაში და ის შედეგიც გვახსოვს.იმ ბიჭების ადგილზე,მათზე სულ ოდნავ ნაკლები ბიჭები დაიმატეს,მაგრებიც და ნაკრებში გამოცდილებიც.ასე რომ ჩვენი შეღავათი,მხოლოდ მათი შესაძლო შეუთამაშებლობა იქნება და ეგეც,მხოლოდ შეღავათი.მათთან უკვე აქვთ ნათამაშები და იციან რაც ელით,ამიტომ რეალისტურად მიუდგებიან საქმეს და იმედია რაღაცას გამოვადნობთ.ჩვენი მთავარი მატჩი,თურქებთან გველის.
გელა

ბიჯო, ბურთს თამაშობთ ამხელა კაცები, რა შიშზე ლაპარაკობთ. თქვენხელები ომში იბრძვიან. რა შიში?
ჩემი აზრით

იამალი,უილიამსი და ოლმო სხვა დონის არიან როგორც ჩვენთვის კვარა.ამიტომ გვიჩნდება შანსი.მაგრამ რამდენიმე დღეში მთავარი თამაში თურქებთან გველოდება ამიტომ თავს ვერ შევაკლავთ და იქნებ ფრე გავაგოროთ.
მწარე

ეს ხალხი აშკარად სხვაგან ბანაობს ან სხვა ტელევიზორში უყურებს ფეხბურთს. ესპანეთს ჩვენზე ძლიერი გუნდი ყავს. მეორე კი არა მესამე გუნდსაც ან მოვუგებთ ან არა. ესპანეთის მეორე ნაკრები თავისუფლად მოუგებს ბევრ გუნდს, მაგალითად პოლონეთს, ლატვიას, სლოვაკეთს, ყაზახეთს, სომხეთს, აზერბაიჯანს, უნგრეთს, ბულგარეთს, და სხვა. თანაბრად ეთამაშება დღევანდელ იტალიას, თურქეთს შეიძლება მოუგოს კიდეც. ეს ის თურქეთია ჩვენთან თამაშამდე 3 საათით ადრე რომ ჩამოვიდა, მოგვიგო და ეგრევე გაფრინდა. არავინ არ ამბობს ამას, თვითმრინავიდან გადმოსულმა გუნდმა მოგვიგო. პ.ს. რას იბრიქებით? შევქმნათ ნაკლები მოლოდინები. პესიმიზმი კი არა რეალობა. შედეგი უფრო იქნება, პ.ს.ს. დიდგორის ტაქტიკა იყო სწორი შეფასება, ხაფანგში შეტყუება, მოწინააღმდეგის რიგებში მცირე ძალებით პანიკის დათესვა და გამარჯვება. ეგ უაზროდ შეტევის ტაქტიკა, მარაბდის ბრძოლაში იყო. შედეგად მოყვა ქართველთა მორიგი გენოციდი.
ცისკარა

ეხლა თუ ესპანეთის მეორე შემადგენლობასაც ვერ მოუგეთ, მაშინ საერთოდ რა გინდათ მსოფლიოზე? 3-0 ზე ნაკლები ანგარიში არც განიხილება. უნდა ამოტენოთ ბიჭებო! თან ისე, რომ თურქებისთვისაც გეყოთ ძალები. როგორ უნდა მოვუგოთ თურქებს? გადაახვიეთ და უყურეთ როგორ დაახია ბურთი თავზე ესპანეთმა, მაგაზე უკეთესი სახელმძღვანელო არ არსებობს და ვერც სანიოლი გამოიგონებს ახალ ველოსიპედს. აბა წარმატებები!!! 6 ქულა გვჭირდება და უნდა ავიღოთ!
Giorgi

წარმატებები ბიჭებო. ხვალ მჯერა რომ მოვიგებთ რითი გჯობნიან? მთავარიაა ბოლომდე ბრძოლა, თქვენ შეგიძლიათ მთელი ქვეყანა გაახაროთ და თავი არ დაზოგოთ ამისთვის წინ უფრო მეტი წარმატებები გველის ერთად
Levani

ნუ "ესქპერტობთ" ერთი. 4-4-2 არ არის სუპერშეტევა. იგივე დაცვაა-ოღონდ კარებთან მძორი კაშიას ნაცვლად ცენტრში გყავს გაგნიძე და ზემოთ იწყებ ართმევას. 5-3-2 იყო გაჭირვების,ნელი მცველების გამო. ახლა ყველა დარბის და იქვე,ცენტრშივე უნდა წაართვა ბურთი და არა ავტობუსი (თურქეთთან,ჩეხეთთან,ესპანეთთან)
მალხაზ ჯობავა

მაგი თოფურიაა ჩვენი ჯოკერი მტრის ზურგში. ა, ნახავთ თუ ყველაფერი არ აურია ესპანელებს.
კახა

Ძალიან რᲗულია ესპანეᲗᲗან დადებული Შედეგის მიᲦწევა ცოტა არაორდინალური ტაქტიკას მოსაფიქრებელი ისინი ავტობუსს ელოდებიან და ამ დროს დიდგორის ტაქტიკა იქნებ გამოგვადგეს ეგრევე მᲫაფრი პრესისგან და გონზე მოსვლა არ ვაცალოᲗ მოკლედ ᲩავუხტეᲗ მუხრან ბატონისა ეს ყველაფერი ხუმრობას ბრძოლის ყოველი მოედნის ყოველ გოჯისᲗვის ერᲗმანეᲗისᲗვის Თავი გაწირა და არავიᲗარ ᲨემᲗხვევაᲨი Ძალიან სენი ოᲦონდ მე არ დააბრალეს ეს მიდგომა ანადგურებდა ᲗიᲗქმის ყველა Თაობას და კიდევ რომ ვერ ისწავლა ფლანგიდან ცენტრი დაბალი პასი არ გადის 99 ᲨემᲗხვევაᲨი ანუ Ჩვენ საᲩუქარი არ უნდა გავუკეᲗოᲗ
უშიშარი ტახი

ევრე რა, რა შიში, რის შიში- სადაც 7:1 წაგვიგია ამათთან აწი რითი უნდა შეგვაშინონ. მივაწვეთ ბოლომდე, რას ვკარგავთ:))
გიგი

ბიჭებო,ესპანელებს ეყოლებათ ზამენაზე ილია თოფურია!
კახა

ვინმემ მიაწვდინეთ ხმა სანიოლს რო 5-3-2 ტაქტიქით ითამაშოს. ამ ტაქტიკით მოვიგეთ ერთა ლიგა, ამ ტაქტიკით გავაგდეთ საბერძნეთი და ამ ტაქტიკით დავამარცხეთ რონალდოს პორტუგალია და რომ არა კიტეიშვილის ტრამვა ესპანეთთან რის შემდეგაც გაგვითანაბრა ვინ იცის ფინალშიც გვეთამადა. წარმატებები ბიჭებს და ღვთის წყალობით იქნებ არ წავაგოთ.
მამარდას

ნუ გაიხდით საქმეს ისე რომ თავდაცვა მოგიწიოთ. საუკეთესო თავდაცვა თავდასხმაა. მერე კი ნუ იფიქრებთ, თავიდანვე ამაზე იფიქრეთ და შეუტიეთ.

Geo Team: მამაგეიშვილმა ტერფი მოიტეხა

"საქართველოს დამარცხება შესაძლებელია - უკრაინის ჩამოწერა არ ღირს" - აცხადებს "შახტარის" ყოფილი ფეხბურთელი

ერთა ლიგის საწყისი 4 მატჩის შემდეგ, საქართველოს ნაკრებმა FIFA-ს რეიტინგში უკან დაიხია

[VIDEO] კვარაცხელიამ "ლე მანს" გაუტანა

"ლე მანთან" მატჩში პსჟ-ს შემადგენლობა ცნობილია

"მეხსიერებას მოუხმეთ, ხვიჩა გასულ სეზონში არაჩვეულებრივი იყო" - კანავაროს აზრით, "ოქროს ბურთი" კვარაცხელიამ უნდა მოიგოს

"ეს სრულ ქაოსს შექმნის" - ნევილი "სიტის" ფინანსურ სკანდალსა და შესაძლო ჩემპიონობაზე

არსენ ვენგერი შესაძლოა, FIFA-ს პრეზიდენტობის კანდიდატი გახდეს

"სათანადო ყურადღებას არ აქცევენ და არ ვიცი რატომ" - დავიდ სილვამ "ოქროს ბურთზე" თავისი ფავორიტი დაასახელა

მოლდოვა 1:0 საქართველო

ქვილითაია შეცვლაზე და "ჰოლშტაინის" მარცხი "აინტრახტთან"

ზივზივაძე შეცვლაზე შევიდა - "ჰაიდენჰაიმი" "კაიზერსლაუტერნს" ფრედ ეთამაშა

ხვიჩასავით ტოპ-კლუბში? - მაკტომინეი შეიძლება "ნაპოლიდან" გრანდში გადავიდეს

ლუის ენრიკე: "კვარა" ძალიან მაღალი დონისაა - ფეხბურთელები მანქანები არ არიან

[VIDEO] კარიერაში პირველად - ილია სულამანიძე მსოფლიო ჩემპიონია!!!

[VIDEO] ილია სულამანიძე მსოფლიო ჩემპიონატის ფინალშია

[VIDEO] ილია სულამანიძე მსოფლიო ჩემპიონატის ნახევარფინალშია!

ოლისე "ბაიერნს" მხოლოდ ერთი გუნდის გამო დატოვებს

დარმიანი "ბოლონიას" ფეხბურთელი გახდა

ხვიჩა არ ისვენებს, მაგრამ გოდტსი იწყებს - ქართველებით დახუნძლული დღე

რონალდოს დედა: "კრიშტიანო პორტუგალიისთვის ყოველთვის გმირი იყო, მაგრამ სათანადოდ არ აფასებენ"

22-წლამდელთა ჩემპიონატში ვსა, თსუ და ჰიუნდაი გალიდერდნენ

"ის, რაც მბაპესა და ვინისიუსის თავს ხდება, მესის ბრალია" - ვეტერანმა ესპანელმა ფეხბურთელმა "ლა პულგა" გააკრიტიკა

"წითელი აბი" სვანაძისა და საქართველოს ნაკრებისთვის - როდემდე ვიწუწუნოთ?!

ერთა ლიგაზე ცუდმა სტარტმა შესაძლოა, სანიოლის შემდეგ მონტელას სკამიც იმსხვერპლოს

რამაზ სვანაძე: დრო უნდა გამოვიყენოთ, რომ თვისობრივად სხვა გუნდი გავხდეთ

"ნოემბერში ნაკრებში სხვანაირი სიტუაცია იქნება" - რა თქვეს ფეხბურთელებმა ჩრდილოეთ ირლანდიასთან ნამატჩევს

[VIDEO] იამალმა გაიბრწყინა, ესპანეთმა ხორვატიას სძლია - ინგლისმა ჩეხეთი დაამარცხა

მამარდაშვილი "რეალში" კურტუას შესაძლო შემცვლელად - ესპანური გამოცემა საინტერესო ინფორმაციას ავრცელებს

ესპანეთმა ხორვატიას თამაში შემოუტრიალა - ინგლისმა ჩეხეთს მოუგო

"ასეთ შემთხვევაში, ირაოლას სხვა გზა აღარ ექნება და მამარდაშვილი "ლივერპულის" ძირითადი მეკარე გახდება!" - Football Insider ქართველ კიპერზე წერს

მერინო შეცვლაზე შესვლიდან გოლების გატანის დიდოსტატია

ესპანეთმა ისევ გაიმარჯვა, ინგლისმა ხორვატია არ დაინდო

The Athletic: "რეალი" კურტუას შემცვლელს ეძებს

შვილის ფეხზე დასაყენებლად დედა "ბეტისში" დამლაგებლად მუშაობდა - ფაბიან რუისმა დედის როლზე ისაუბრა

Geo Team: მამაგეიშვილმა ტერფი მოიტეხა

ხვიჩა არ ისვენებს, მაგრამ გოდტსი იწყებს - ქართველებით დახუნძლული დღე

ობიექტურად - ვილის აბსურდიზაცია (გაუშვეს) - მხარდაჭერა ხვიჩას!..

სანიოლი დაითხოვეს - საქართველოს ნაკრების ახალი მწვრთნელის ვინაობა ცნობილია

უკრაინისა და საქართველოს მატჩის მასპინძელი სტადიონი შეიცვალა

სანიოლი: მადლობა ამ ექვსი არაჩვეულებრივი წლისთვის - საქართველოს ჩემს გულში მუდამ განსაკუთრებული ადგილი ექნება

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

ესპანეთმა "უემბლიზე" ინგლისს მოუგო - ხორვატიამ ჩეხეთს სძლია

მატჩის დღე! საქართველოს ნაკრების რადიკალური გარდაქმნის მოლოდინში