<p><p></p><p>ბულგარეთი-საქართველო. ქართველთა თვალით</p> <br> <p>პორტუგალიასთან მატჩის შემდეგ საქართველოს ნაკრებმა ერთი დღე თბილისში გაატარა და 13 აგვისტოს, ღამით მიუნხენისკენ აიღო გეზი. გუშინ, დილით ქართველები გერმანიიდან ბულგარეთში ჩაფრინდნენ და სასტუმრო "ტრიადაში" დაბინავდნენ.</p><p>ჩვენმა კრებულმა გუშინვე სოფიის არენა "უნივერსიადაზე" ივარჯიშა და... დღეს, თბილისის დროით 19 საათზე ბულგარეთის ნაკრების წინააღმდეგ საბრძოლველად გავა.</p><p>ამავე გვერდზე შეგიძლიათ გაეცნოთ ბულგარეთთან დაპირისპირებათა ისტორიას და მეტოქის მწვრთნელის მოსაზრებებს. აქ კი შემადგენლობებს შევავლოთ თვალი და გავარკვიოთ, თუნდაც მოთამაშეთა კლასით ვჯობივართ თუ არა ბულგარელებს.</p><p>მასპინძლებს საწყის სამ მატჩში ფილიპ ვიდენოვი მიუძღოდათ. მას საშუალოდ 20.3 ქულა აქვს (21-დან 10 სამქულიანი). სწორედ ფილიპის ხუთი სამქულიანის წყალობით დაამარცხეს ბულგარელებმა პოლონელები. ვიდენოვი 2007 წელს ნიკა ცქიტიშვილის გვერდით ესპანურ "კახასოლში" ასპარეზობდა, ამჟამად სერბული "რაბოტნიჩკის" წევრია. 196 სმ. სიმაღლის ფილიპის მეურვეობა, ალბათ, ამავე სიმაღლის მანუჩარ მარკოიშვილს დაევალება. მანუ შეტევაშიც არანაკლებია. თამამად შეგვიძლია ვთქვათ, რომ ბულგარელთა სნაიპერი "საიმედო ხელში" აღმოჩნდება.</p><p>ტყუპი ივანოვებიდან ერთი იტალიაში თამაშობს, მეორე - ესპანეთში. მარკოიშვილი და სანიკიძე "მონტეგრანაროს" ფორვარდ დეიან ივანოვს კარგად იცნობენ. მისი ტყუპისცალი კალოიანი ვოვა ბოისას გვერდით ესპანურ "მენორკაში" თამაშობდა. "ესპანელი" ივანოვის წინააღმდეგ არაერთი მატჩი ჩაუტარებია ნიკა ცქიტიშვილს და ერთხელ უთამაშია თორნიკე შენგელიას (2009 წლის ზამთარში). ასე რომ, ბულგარელთა ნაკრების ტყუპ ფორვარდებს სანიკიძის, ცქიტიშვილის და შენგელიას სახით კარგი მცველები ეყოლებათ.</p><p>მასპინძელთა ნაკრებში კიდევ ერთი მაღალი კლასის მოთამაშეა - ერლ კალუეი, რომელსაც ბულგარეთის მოქალაქეობა წლეულს მისცეს. კალუეი ტაირონ ელისის თანაგუნდელია (ესპანურ "კახასოლში") და ბულგარეთის ნაკრებში დიდი მოცულობის სამუშაოს ასრულებს. ცინცაძემ, გამყრელიძემ და გრინმა მისი შეჩერება თუ მოახერხეს, გამარჯვების შანსიც საგრძნობლად გაიზრდება.</p><p>ბულგარეთის ნაკრებში ზემოთ ნახსენები ოთხეულის გარდა ყველა "აბორიგენია" (ადგილობრივი გუნდებიდან არიან), თუმცა ბულგარელებს კარგი ჩემპიონატი აქვთ და კოსტოვ-გეორგიევებიც სახიფათონი არიან.</p><p>მეტოქის წამყვანი კალათბურთელების ჩამოთვლისას მათი სავარაუდო მეურვეები დავასახელეთ. საქართველოს ნაკრებს პირველ რიგში სწორედ დაცვაში მართებს დამაჯერებელი თამაში. თუ ჩვენმა გუნდმა ამ საქმეს კარგად გაართვა თავი, შეტევაში ბულგარეთს ნამდვილად აჯობებს - კალუეის, ივანოვებსა და ვიდენოვზე უკეთესი თუ არა, არანაკლები მსროლელები გვყავს.</p><p>არ დაგვავიწყდეს ჩვენი მთავარი კოზირი - ზაზა ფაჩულია. ბულგარეთის ნაკრებში ორი ცენტრია, ნიკოლაი ვრბანოვი და სტეფან გეორგიევი. მათზე ბევრი რამ სულაც არ არის დამოკიდებული...</p><p>მოკლედ, შემადგენლობით ბულგარელებს ვჯობივართ, მთავარია მატჩისთვის სათანადო განწყობა, მობილიზება, სწორი თამაში და ვახტანგ ნაცვლიშვილის სიტყვების გამართლება: სტუმრად გამარჯვება უნდა ვისწავლოთ... იმედია, ამ საქმეს ბულგარეთიდან მოვკიდებთ ხელს.</p><p>ბოლოს შემოგთავაზებთ მცირე ინტერვიუს საქართველოს ნაკრების მთავარი მწვრთნელის ასისტენტ <strong>დავით უსტიაშვილთან</strong>.</p><p><strong>- როგორი განწყობით ჩახვედით ბულგარეთში?</strong></p><p>- განწყობა საბრძოლოა და ყველა მხოლოდ გამარჯვებაზე ფიქრობს. ბიჭები კარგ ხასიათზე არიან, საღამოს ვარჯიშისთვის ვემზადებით.</p><p><strong>- როგორ იმგზავრეთ?</strong></p><p>- ბულგარეთში გერმანიის გავლით ჩამოვფრინდით და სასტუმროში დილას დავბინავდით. ბიჭებმა დაისვენეს და საღამოს 6 საათზე ვივარჯიშეთ. გუნდი ძალიან არ დაგვიტვირთავს. შედარებით მსუბუქი ვარჯიში გვქონდა. თამაშის დღეს, ტრადიციულად, ყველა მსუბუქ წვრთნას გადის. დარბაზში დილის 11 საათზე შევალთ და ძირითადად სროლებზე წავიმუშავებთ.</p><p><strong>- ყველა ჯანმრთელადაა?</strong></p><p>- გიორგი ცინცაძეს წელი ოდნავ აწუხებს. მან თბილისში არ ივარჯიშა, ექიმებმა გადაწყვიტეს, რომ დაესვენა.</p><p><strong>- თქვენს ჩასვლას ჟურნალისტებისგან როგორი დაინტერესება მოჰყვა?</strong></p><p>- რამდენიმე ჟურნალისტი დაგვხვდა, კამერით იყვნენ და ალბათ ტელევიზიითაც გააშუქეს ჩვენი ჩასვლა.</p><p><strong>- როგორ სასტუმროში დაგაბინავეს?</strong></p><p>- ნორმალური სასტუმროა და პირობებს არ ვუჩივით.</p><p><strong>- ბელგიაში ბევრი ქართველი გქომაგობდათ. ბულგარეთშიც ხომ არ ელით ქართველ მხარდამჭერებს?</strong></p><p>- ამის შესახებ არანაირი ინფორმაცია არ გვაქვს. ბევრი ქართველი, ალბათ, არ მოვა, რადგან ბულგარეთში მცირერიცხოვანი დიასპორა გვყავს. კარგი იქნებოდა, ბელგიის დარი გულშემატკივრობა რომ გვქონოდა.</p><p><strong>- შანსებზე რას იტყვით?</strong></p><p>- სტუმრად, მით უმეტეს, ბულგარეთში თამაში ძალიან ძნელია. თუ ბიჭები კარგად შეასრულებენ მწვრთნელის დავალებებს, მოგება რეალურია. დანარჩენი მოედანზე გამოჩნდება.</p><p><em>ლელო</em> </p> <p> </p></p>
შედეგმაც არ დააყოვნა - საქართველოს ნაკრები უკვე ფიბას ოცეულშია
[VIDEO] ზღაპრული თავგადასავალი დასრულდა - საქართველოს ნაკრები ფინეთთან დამარცხდა და ევრობასკეტს გამოეთიშა
პირველი ტაიმის შემდეგ საქართველოს ნაკრები ფინეთთან 17 ქულით მარცხდება
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
საქართველო 3:2 ყირგიზეთი
39 დღე გაძლო - "ნოტინგემმა" პოსტეკოღლუ გაათავისუფლა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?
ხვიჩა შეცვლაზე და პსჟ-ს საბრძოლო ფრე "სტრასბურგთან"
"შავი ლომი" | არის რევანში - "ჩიტასი" დამარცხებულია
მიქაუტაძემ შეიძლება "ბეტისთან" ვერ ითამაშოს - ცნობილი გახდა მიზეზი
"სტრასბურგთან" მატჩში პსჟ-ს შემადგენლობა ცნობილია
ფუტსალი | საქართველოს ნაკრები ორ ამხანაგურ მატჩს გამართავს
კანტე ევროპაში ბრუნდება? - ფრანგს სერიოზული მსურველი ჰყავს