<p>მარტყოფის რაგბის ბაზაზე დღეს 16-წლამდე მორაგბეთა შორის 7-კაცა რაგბის ფესტივალი გაიმართა, რომელშიც მონაკო ორი, ხოლო საქართველო 4 გუნდით (აკადემია, ხარები, არმაზი, ამარანტები) იყო წარმოდგენილი.</p> <p> </p> <p>თამაშებს დაესწრო მონაკოს სამეფო ოჯახის წევრი, პრინცესა შარლინ უოტსტოკი, რომელიც ფესტივალს 10-კაციანი დელეგაციით ესტუმრობდა. მას მარტყოფის ბაზაზე საქართველოს რაგბის კავშირის პრეზიდენტი დავით კაჭარავა მასპინძლობდა.</p> <p> </p> <p>შეხვედრები ისე იყო გაწერილი, რომ ყველა ქართულ გუნდს მოუწია მონაკოელთა წინააღმდეგ თამაში. თამაშის პარალელურად, ყველა მონაწილეს „წითელმა ჯვარმა“ მოედანზევე ჩაუტარა პირველადი სამედიცინო დახმარების სემინარი. პრინცესა შარლინი მოთამაშეებს პირადად მიესალმა, მათთან ერთად რაგბის ბურთით ითამაშა და შეხვედრის ბოლოს ჭაბუკ მორაგბეებს სამახსოვრო საჩუქრები გადასცა.</p> <p> </p> <p>აღსანიშნავია, რომ მონაკოს 7-კაცას ვეტერანი ბორჯღალოსანი დავით ბოლღაშვილი წვრთნის. მარტყოფში შეკრებისა და თამაშების შემდეგ, ის 12 საუკეთესო მოთამაშეს შეარჩევს, რომლებიც დაახლოებით 1 თვეში დუბაის საერთაშორისო ტურნირს ითამაშებენ.</p> <p> </p> <p>დავით კაჭარავა: „მონაკოს ორი გუნდი საქართველოში მოსამზადებელი შეკრების გასავლელად და ამხანაგური თამაშების გასამართად ჩამოვიდა. მოგეხსენებათ, მონაკოს რაგბის კავშირის პრეზიდენტი სამეფო ოჯახის წევრი, პრინცესა შარლინია, რომელმაც საქართველოში სტუმრობის გადაწყვეტილება მიიღო. ჩვენთვის მისი ვიზიტი დიდი პატივია“.</p> <p> </p> <p>„მოხარული ვარ, რომ მასთან სამომავლო გეგმებზეც ვისაუბრეთ. მოგეხსენებათ, „ქართველი ბარბაროსების“ 12-წლამდელთა გუნდი რეგულარულად მონაწილეობს პრინცესა შარლინის მონაკოს ტურნირში, ეს ყველაფერი კი ურთიერთობის გაღრმავებას ემსახურება. ჩვენი მიზანია, რომ მომავალი თაობა გაიზარდოს ჯანსაღ სივრცეში და ბავშვები ადრეული ასაკიდან ეზიარონ რაგბის ფასეულობებს. ვეცდებით, რომ მსგავსი ტურნირები ყოველწლიური გავხადოთ და უფრო მეტ მოზარდს მიეცეს საერთაშორისო მატჩებში მონაწილეობის შესაძლებლობა“.</p> <p> </p> <p>გიორგი ნოზაძე (საქართველოს 7-კაცა ნაკრების მთავარი მწვრთნელი): „მონაკოს ორი და ოთხი ქართული გუნდის მონაწილეობით მარტყოფში გავმართეთ 7-კაცას თამაშები. სტუმართა გუნდების სიძლიერის გათვალისწინებით, ამჯერად აქცენტი ძირითადად ბ ლიგის ვერცხლის ჯგუფის წარმომადგენლებზე გავაკეთეთ. ფესტივალის მიზანია, რომ მოზარდებმა, მწვრთნელებმა, მსაჯებმა თუ კომისრებმა, კიდევ ერთხელ შეიგრძნონ 7-კაცას სპეციფიკა“.</p> <p> </p> <p>„სასიხარულოა, რომ თამაშებს ესწრება მონაკოს პრინცესა, რომლის ოჯახი რაგბის დიდი გულშემატკივარია. სტუმრები აქ გავლილი შეკრებით და თამაშებით კმაყოფილი დარჩნენ და ვიმედოვნებ, რომ გაისად მათი ჩართულობით უფრო მასშტაბური ფესტივალი გვექნება“.</p> <p> </p> <p>დავით ბოლღაშვილი: „უკვე დიდი ხანია მონაკოში ვმოღვაწეობ, სადაც 7-კაცა რაგბს განსაკუთრებული ყურადღება ეთმობა. კარგი ურთიერთობა აქვთ საქართველოსა და მონაკოს რაგბის კავშირებს და გადავწყვიტეთ მოსამზადებელი შეკრება საქართველოში გაგვევლო, რაც ურთიერთობების კიდევ უფრო გაღრმავებას შეუწყობს ხელს. ვემზადებით დუბაის ტურნირისთვის, რომელიც დაახლოებით ერთ თვეში გაიმართება. ასევე გვინდოდა გვენახა რა დონეზე არიან ჩვენი ახალგაზრდები ქართველ თანატოლებთან მიმართებაში. პრინცესა შარლინი მონაკოს რაგბის კავშირის პრეზიდენტია, მას ძალიან უყვარს რაგბი და ვიმედოვნებ ჩვენი მეგობრული ურთიერთობა კიდევ უფრო გამყარდება“.</p> <p> </p> <p><strong> Rugby.ge</strong></p>
.
ბავშვებში 7 კაცა რაგბის ფართოდ დანერგვა და პოპულარიზაცია,15 კაცაში ჩამორჩენის აღმოფხვრის ყველაზე ძლიერი ბერკეტი მგონია.
llcl
გამაცანით, წესიერი გოგო სჩანს, არ ვიქნები უარზე!
რაგბის კავშირმა და მაისაშვილმა თანამშრომლობა დაასრულეს
15-ქალას ელიტური მეტოქე
ნიკა ამაშუკელი - ტოკიო, ლონდონი და გენუა
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"