<p>6 ტურის შემდეგ სუპერლიგის 2 აუტსაიდერი გამოიკვეთა. ეს გუნდებია გურჯაანის დელტა და თბილისის რაში. ორივე მათგანმა დღეს, მე-6 ტურის დარჩენილ მატჩებში მარცხი განიცადა და ცხრილში ექვსიდან ყველა წაგებით ბოლო – X-XI ადგილებს იყოფენ.</p> <p> </p> <p>დღეს გამართული 3 მატჩიდან, რითაც მე-6 ტური დასრულდა, ყველა საკმაოდ პრინციპული იყო. თბილისი არენაზე ამბიციური გუნდები შეხვდნენ. თსუ-მ გორის ივერიონს უმასპინძლა და ერთი ამოსუნთქვით – 95:71 (სტატისტიკა) დაამარცხა. გორელებმა ვიცე-ჩემპიონს წინააღმდეგობა კი გაუწიეს, მაგრამ მხოლოდ პირველ ნახევარში და მესამე პერიოდის დასაწყისში. შემდეგ თსუ-მ მატჩზე სრული კონტროლი დააწესა და გამარჯვებამდე იოლად მივიდა.</p> <p> </p> <p> თსუ-ში ალექსანდრე ფევაძე და კურვოსიე მაკკოლი გამოირჩნენ. მატჩის ერთადერთი ორმაგი დუბლი – 10 ქულა და 10 პასი კვენტინ ჰარდრიქტმა შეასრულა, რომელსაც თსუ-ს შემადგენლობაში დებიუტი ჰქონდა. ბედის ირონიაა – ჰარდრიქტი საქართველში 2 წლის წინ სწორედ ივერიონში თამაშობდა და დღეს თავისი ყოფილი გუნდის ძლევაში თსუ-ს დიდად დაეხმარა.</p> <p> </p> <p>მივადექით აუტსაიდერებს – რაშმა ქუთაისთან ზესტაფონში წააგო და მიმდინარე სუპერლიგაში ისევ გამარჯვების გარეშეა. შეხვედრა ქუთაისელთა უპირატესობით როგორც დაიწყო, ისე დასრულდა. პირველი პერიოდის 14 ქულით მოგების შემდეგ ქუთაისელებს რაში ახლოს აღარ მიუშვია და საბოლოოდ 95:83 (სტატისტიკა) იმარჯვა. ქუთაისელებს 28 ქულთ, 9 მოხსნით და 5 პასით გიორგი სულაბერიძემ ულიდერა. 13 ქულა მაარქუს გილსონმა დააგროვა.</p> <p> </p> <p>დაბოლოს ყველაზე დაძაბული მატჩი, რომლის გამარჯვებულიც ბოლო წუთზე გაიკვა. ერთმანეთს 2 კონკურენტი – რუსთავი და გურჯაანის დელტა შეხვდნენ. კახური გუნდი მოგების გარეშე იყო, რუსთაველებს კი გასული 4 მატჩიდან მხოლოდ 1 ჰქონდათ მოგებული. შესაბამისად, მოგება ორივე გუნდს ჰაერივით სჭირდებოდა და საამისოდ მაქსიმუმი გააკეთეს. </p> <p> </p> <p>უპირატესობას თითქმის მთელი თამაშის მანძილზე რუსთავი ფლობდა, რომელიც ხან 10 ქულით იგებდა, ხან მინიმალური სხვაობით. გურჯაანელები შემადგენლობის როტაციას მიმართავენ – რამდენიმე ლეგიონერი გაუშვეს და ახლები მოიყვანეს, თუმცა ჯერჯერობით შედეგი (მოგება) არ აქვთ.</p> <p> </p> <p>სწორედ ლეგიონერების წყალობით გურჯაანელებმა თამაში ბოლო წუთებზე გაათანაბრეს და ყველაფერი ახლიდან დასაწყები გახდა. გადამწყვეტი სიტყვა თქვა ვახტანგ გაფრინდაშვილმა, რომელიც 3-მატჩიანი დისკვალიფიკაციის შემდეგ დაუბრუნდა რუსთავს და გამარჯვებაში ლომის წილი დაიდო. ყველაზე შედეგიანი გუგა პატაშური გახლდათ, რომელმაც 30 ქულა და 7 მოხსნა მოაგროვა, აი, გამარჯვების ბურთები კი გაფრინდაშვილმა ჩააგდო. ჯერ იყო და ბოლოსწინა წუთზე, როცა რუსთავი მხოლოდ ქულით იგებდა, ზუსტი გარღვევით ბურთი ჩააგდო, შემდეგ კი სამქულიანიც მიითვალა და რუსთაველებს გამარჯვება გაუნაღდა.</p> <p> </p> <p>რევაზ როგავას შორი სამქულიანით ვითარება თითქოს დაიძაბა, მაგრამ მეორე სამიანი რეზომ ვეღარ ჩააგდო და მისი აცილებული კალათში ოთარ ბულიავამ მოათავსა და ეს იყო მაქსიმუმი- 92:91 (სტატისტიკა) რუსთავის სასარგებლოდ და ქვემოქართლელები ცხრილში 2 მოგებითა და 3 მარცხით კსუ-კავკასიას გაუთანაბრდნენ.</p> <p> </p> <p>სუპერლიგაში ახლა შესვენება გამოცხადდება, რისი მიზეზიც სანაკრებო პაუზაა. მე-7 ტურის მატჩები 5, 6 და 7 დეკემბერს გაიმართება. </p> <p> </p> <p><strong>GBF</strong></p>
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
ორბმა ზედიზედ მე-4 გამარჯვება ახალციხესთან მოიპოვა
კსუ-კავკასიამ ივერიონი დაამარცხა და სუპერლიგას დაუმარცხებლად ლიდერობს
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა