მაკფადენი დაბრუნდა - საქართველოს ნაკრების 24-კაციანი შემადგენლობა ცნობილია

საქართველოს ეროვნული ნაკრების გაფართოებული შემადგენლობა ცნობილია. ჩვენი ნაკრების მთავარმა მწვრთნელმა, ალექსანდარ ჯიკიჩმა ის 24 მოთამაშე დაასახელა, რომლიდანაც მსოფლიოს 2027 წლის ჩემპიონატის საკვალიფიკაციო მატჩებისთვის ძირითად შემადგენლობას შეარჩევს. გაფართოებულ შემადგენლობაში ნაკრების გამოცდილ ლიდერებთან ერთად ახალი სახეებიცაა.    ჩვენმა ნაკრებმა მსოფლიოს ჩემპიონატზე პირველად 2023 წელს იასპარეზა და მუნდიალზე ზედიზედ მეორედ გასვლას საკვალიფიკაციო ტურნირში წარმატების გზით შეეცდება, რომელიც სტარტს 27 ნოემბერს აიღებს. საქართველოს ჯგუფში ესპანეთი, უკრაინა და დანია ჰყავს, მომდევნო, მეორე ჯგუფურ ეტაპზე კი 3 საუკეთესო გადის. საქართველოს ნაკრები საკვალიფიკაციო ტურნირის პირველი ფანჯრის ფარგლებში 2 მატჩს ჩაატარებს: 27 ნოემბერს თბილისში უკრაინას უმასპინძლებს, ხოლო 30ნოემბერს სანტა კრუზ დე ტენერიფეში ესპანეთის ეროვნულ გუნდს დაუპირისპირდება.    სწორედ ამ მატჩებისთვის თბილისში 20 ნოემბერს სანაკრებო შეკრება იწყება. მთავარი მწვრთნელის, ალეკსანდარ ჯიკიჩის ხელმძღვანელობით თავდაპირველად სუპერლიგაში მოთამაშე კალათბურთელები ივარჯიშებენ და ნაკრებს დღითი დღე ლეგიონერები შეუერთდებიან. მოგეხსენებათ, ევროპის ქვეყნების ჩემპიონატებში მომავალ შაბათ-კვირას ტურის მატჩებია და მათი დასრულების შემდეგ ქართველი ლეგიონერები ნაკრებს მოაშურებენ.   24-კაციან სიაში 4 ისეთი მოთამაშეა, რომლებიც ნაკრებში პირველად გამოიძახეს – ლუკა ალავიძე (ქუთაისი 2010), გიორგი კობახიძე, რომა ჭინჭარაული (ორივე ზესტაფონის მარგვეთი) და ლუკა კალატოზიშვილი (ვსა). ალექსანდრე მერკვილაძე ნაკრებში გამოძახებული იყო, თუმცა ამერიკის სტუდენტურ ლიგაში თამაშის გამო ვარჯიშებზე ჩამოსვლა ვერ შეძლო. ახლა მერკვილაძე ბერძნულ არისში ასპარეზობს და ეროვნულ ნაკრებში დაუბრკოლებლად ჩამოვა.   ნაკრებში გამოძახებული იყვნენ, მაგრამ ტრავმის გამო შეკრებაზე ვერ იქნებიან “ბათუმი 2010”-ის წევრი გიორგი ოჩხიკიძე და ნატურალიზებული ამერიკელი კალათბურთელი, მიუნხენის ბაიერნის უკანახაზელი, კამარ ბოლდუინი. ნატურალიზებული მოთამაშის ადგილი ჩვენს ნაკრებში თად მაკფადენმა დაიკავა, რომელიც საქართველოს ნაკრების ღირსებას 2018-2023 წლებში იცავდა და ჩვენს გუნდთან ერთად არაერთი დიდი გამარჯვების მონაწილე და სულისჩამდგმელიც ყოფილა. მაკფადენი ბოლო წლებში ოკეანგაღმა თამაშობდა, თუმცა ცოტა ხნის წინ სათამაშოდ ევროპაში დაბრუნდა და ბოლდუინის ტრავმის შემდეგ ნაკრების მწვრთნელმა მისი გამოძახება გადაწყვიტა.   გაგაცნობთ მსოფლიოს 2027 წლის ჩემპიონატის საკვალიფიკაციო ტურნირის ფორმატს: პირველ ჯგუფურ ეტაპზე 2 წრე ჩატარდება და საუკეთესო 3 ნაკრები მომდევნო (ჯგუფურ) ეტაპზე გავა, სადაც ასევე 3 საუკეთესო გადმოვა სხვა ჯგუფიდან და შედგება 6-გუნდიანი ჯგუფი. პირველი ეტაპზე ერთმანეთში ნაჩვენები შედეგები გუნდებს მე-2 ჯგუფში გადაჰყვებათ და იქ მხოლოდ იმ გუნდებს შეხვდებიან, რომლებთანაც მანამდე არ უთამაშიათ (მატჩები 2026 წლის აგვისტო-ნოემბერში და 2027 წლის თებერვალში ჩატარდება). საბოლოო ჯამში, ჯგუფების 3-3 საუკეთესო ნაკრები (ჯამში 12) მსოფლიოს ჩემპიონატზე თამაშის უფლებას მოიპოვებს.   შემადგენლობა   თად მაკფადენი (მენიორკა), რატი ანდრონიკაშვილი, გიორგი ოჩხიკიძე (ბათუმი), ლუკა ლიკლიკაძე (ვსა), ლუკა მაზიაშვილი (კავკასია), მათე ხატიაშვილი (ბასკონია), ლუკა ალავიძე (ქუთაისი), დუდა სანაძე (პალმერ ბასკეტი), სანდრო სანაძე (მარგვეთი), ნიკოლოზ გაფრინდაშვილი (კავკასია), გიორგი კობახიძე (მარგვეთი), კახა ჯინჭარაძე (ტადამონ ჰრაჯერი), ალექსანდრე ფევაძე (თსუ), გიორგი სულაბერიძე (ქუთაისი), თორნიკე შენგელია (ბარსელონა), ბექა ბურჯანაძე (გრანადა), გიორგი კორსანტია (გიპუსკოა ბასკეტი), ალესანდრე მერკვილაძე (არისი), გუგა პატაშური (რუსთავი), ილია ლონდარიძე (ორბი), ლუკა კალატოზიშვილი (ვსა), გიორგი შერმადინი (ლაგუნა ტენერიფე), გიორგი ტურძილაძე (თსუ), რომან ჭინჭარაული (მარგვეთი).   GBF

დემე

საბა გიგიბერია ჯერ კიდევ ზუროსის დროს იყო გამოძახებული მაგრამ იქიდან აქ ჩამოსვლა არის შეუძლებელი. კოლეჯის კალათბურთს სერიოზულად უყურებენ ამერიკელები და იქიდან თუ ამოვარდი ადგილის და წუთების დაბრუნება არის ურთულესი. საბა რო დაამთავრებს კოლეჯს უკვე თუ არ დაამთავრა საერთოდ - უნდა წავიდეს ევროპაში როგორც ეხლა მერკვილაძემ ქნა და არანაირი პრობლემა არ ექნება გამოძახების დროს ჩამოვა და ითამაშებს. მე რაც სტატისტიკა ვნახე ნამდვილად ბოლო სეზონები მოკლებული აქვს და თუ დაარესტარტა სადაა ეგეთი მონაცემების კალათბურთელი დასაკარგი 220 არი ლამის.
.

ამერიკიდან აქ ჩამოგივა?ვერ ჩამოვა და გინდაც ჩამოვიდეს,აკლიმიტიზაციას,რამდენიმე დღე უნდა.ერთი კვირით ადრე კი,არავინ არ გამოუშვებს.უკან რომ დაბრუნდება რამდენიმე დღე ახლა იქ დასჭირდება აკლიმიტიზაციისათვის.დროში ძალიან დიდი განსხვავებაა!
მაკო

207სმ სიმაღლის ბავშვი გააფუჭეს...ნეპოტიზმის გამო.არ გაზარდეს აკადწმიებმა. ბიძაშვილი მეგობარი ან ფული უნდა გქონდეს რომ ნაკრებში მოხვდეს. სიმაღლე და გამოცდილება არ აინტეტესებთ.
აზრი

ასეთი კალათბურთელია საბა გიგიბერია, რომელიც წლებია ამერიკის კოლეჯში თამაშობს და ერთხელ არ გამოუძახებიათ. ეს ბიჭი პატარაობიდან თამაშობს და იცის კალათბურთი და სიმაღლესაც ვერ დაუწუნებ👍🙂
zaza

ანდრონიკაშვილი და ლონდარიძე უეჭველი იქნებიან გურასპაულის კადრია ორივე შეიძლება ხატიაშვილი მოტეხონ დანარჩენი ყველაფერი ძველებურად იქნება სახლში სამივეს მოვიგებთ გასვლას სამივეს წავაგებთ. ეგ ჩემი აზრით ნუ როგორც ხდება ხოლმე ბოლო ხუთი წელია ფიფტი-ფიფტი.
გიო

ამ ანდრონიკაშვილზე რა იმედებს ამყარებდნენ დაბათუმს ვერ გახდა, სადაც მივიდა არსად არ ივარგა. ეს ნაკრები კი თავშესაფარი გახდა ყველასი, ვინც დედამ დაწყევლა
გივი

მაკფადენი არ ისა კიდო. ახალი უკეთესი ვერავინ ნახეს. ყველა თამაშსს წავაგებთ. ჩემპიონატი დაბალი დონის გვაქვს. მომავალი თაობა არ იზრდება და ნეპოტიზმი ჭარბობს.
mikamika

ჩვენი ჯგუფიდან გასულები რომელი ჯგუფის სასტავს ვეჯახებით, იცის ვინმემ?

17 წლის ხატიაშვილის 10 ქულა - საქართველოს ნაკრები ესპანეთთან დიდი ანგარიშით დამარცხდა

პირველი ტაიმის შემდეგ საქართველოს ნაკრები ესპანეთთან 14 ქულით მარცხდება

ნაკრების ვარჯიში ტენერიფეზე და ეპანეთთან მატჩის 12-კაციანი განაცხადი

საქართველოს ხელბურთის ეროვნულმა ფედერაციამ 2025 წელი შეაჯამა

საზონოვი არ ათამაშეს - "ტორინო" "კალიარისთან" დამარცხდა

უარი გეჰის და უპამეკანოს - "რეალს" ორი ახალი სამიზნე ჰყავს

ვინგსმა სოხუმი-საქართველო დაამარცხა და “ა” ლიგის ბოლო, მე-6 საგზური მოიპოვა

ტერი შეიძლება ჩემპიონშიფის გუნდს ჩაუდგეს სათავეში

"მანჩესტერ იუნაიტედი" ბელინგემის გადაბირებას შეეცდება

"წიტაიშვილი "ლაციოს" სჭირდება - მისი კარიერა შეიძლება სწრაფად შეიცვალოს" - იტალიური მედია

[VIDEO] ჩაკვეტაძის "უოტფორდმა" ისევ გაიმარჯვა და წინ მიიწევს

კიდევ ერთი ქართველი "ნაპოლიში"? - "პარტენოპეი" გიორგი წიტაიშვილის დამატების ვარიანტს განიხილავს

"რუსეთის მხარდამჭერი ყველა ქვეყანა გარიცხეთ" - შევჩენკოს მოწოდება ოლიმპიურ თამაშებზე

თუ ალონსოს გაათავისუფლებენ - "რეალის" ჩაბარების მთავარი კანდიდატი არვალო არბელოაა

"შეძლებს ალისონის შეცვლას?" - liverpoolecho-მ მამარდაშვილის ტრანსფერი შეაფასა

მწვრთნელს თავი მოაწონა - "ბარსელონა" რაშფორდის გამოსყიდვას შეეცდება

სალაჰი შობის დღესასწაულის მილოცვის გამო კრიტიკის ობიექტი გახდა

დე ლაურენტისს კონტე ძალიან მოსწონს - ხელფასის გაზრდასა და ახალ კონტრაქტს შესთავაზებს

"ხვიჩას ძალიან კარგად ვეწყობი, რუსულად და ინგლისურად საუბარი შეგვიძლია" - საფონოვმა პსჟ-ში თავის მეგობრებზე ისაუბრა

"დრო იწურება, გადარიცხეთ ფული უკრაინის დასახმარებლად!" - დიდი ბრიტანეთიდან აბრამოვიჩს ბოლო გაფრთხილება მისცეს

[VIDEO] გენიალური ნიკოლა იოკიჩის 56 ქულა და სამმაგი დუბლი - "დენვერმა" "მინესოტა" ოვერტაიმში დაამარცხა

პარალელები დონარუმასთან - რა პოლიტიკის დაგეგმვას ცდილობს პსჟ და რატომ შეიძლება არ განაახლოს კონტრაქტი დემბელემ

ჩაქრნენ ვარსკვლავნი, ზეცა იცლება - პელე 3 წლის წინ მონათესავე სულებს შეუერთდა, იქ ფეხბურთი არის?!

ნაკრების ვარჯიში ტენერიფეზე და ეპანეთთან მატჩის 12-კაციანი განაცხადი

ბაგატსკისი: თბილისში თამაში ადვილი არაა - ვაჩვენეთ, რომ მამაკაცები ვართ

"სირცხვილი მოღალატეებს - ადვილი ქულებით მოვიგეთ" - საქართველოს ნაკრების დამარცხებაზე უკრაინელების გამოხმაურება

პირველი ტაიმის შემდეგ საქართველოს ნაკრები ესპანეთთან 14 ქულით მარცხდება

[VIDEO] საშინელი მეორე ტაიმი - საქართველოს ნაკრები უკრაინასთან დამარცხდა