<p>გრძელდება კალათბურთის მაგიდის მსაჯთა რაოდენობის ზრდა, რაც საქართველოში საკალათბურთო გეოგრაფიის გაფართოების ლოგიკური, უფრო ზუსტად კი ჯაჭვური პროცესია. ბოლო წლებში უფრო მეტ და მეტ ქალაქში აღმოცენდა საკალათბურთო კერა – შეიქმნა გუნდები, რომლებიც ასაკობრივ ჩემპიონატებში, “ა” ლიგასა და სუპერლიგაშიც კი თამაშობენ. აქტივობის ზრდამ მოთხოვნილება გაზარდა მატჩების მომსახურე პერსონალზე, რაზეც კალათბურთის ეროვნული ფედერაციის მაგიდს მსაჯთა დეპარტამენტი ზრუნავს.</p> <p> </p> <p>2 კვირის წინ გორში, შიდა ქართლის რეგიონის 5 ადამიანს გადაეცა მაგიდის მსაჯის სერტიფიკატი. მათ წარმატებით გაიარეს სპეციალური გადამზადების პროგრამა და უფლება მიიღეს, იმუშაონ როგორც ასაკობრივ, ისე სუპერლიგის მატჩებზე. დღეს კი მაგიდის მსაჯთა კორპუსს კიდევ 6 – ამჯერად თელაველი წევრები შეემატნენ. </p> <p> </p> <p>სპეციალური გადამზადების პროგრამის განხორციელებას მაგიდის მსაჯთა დეპარტამენტის უფროსი, გაგი კვერენჩხილაძე და მისი თანაშემწე, გიგა ეფრემიძე ხელმძღვანელობენ. დეპარტამენტის უფროსი დღეს თელავში იმყოფებოდა და სერტიფიკატების გადაცემის ცერემონიალს კახეთის კალათბურთის ფედერაციის პრეზიდენტ სოსო იაგორაშვილთან ერთად დაესწრო. პროგრამის წარმატებით გავლის შემდეგ სერტიფიკატები გადაეცათ ოთარ მდივნიშვილს, მარიამ დათულიშვილს, ანიტა ბეჟანიშვილს, მარიამ მრელაშვილს, სალომე და ეთერ მაისურაძეებს. მათ სერტიფიკატები კალათბურთის ეროვნული ფედერაციის საშეჯიბრო დეპარტამენტის ხელმძღვანელმა, კობა კობიაშვილმა გადასცა.</p> <p> </p> <p>რეგიონის მსხვილ საკალათბურთო ქალაქებში – ქუთაისში, რუსთავში, ბათუმში – ათწლეულებია, ჰყავთ ადგილობრივი მაგიდის მსაჯები, თუმცა კალათბურთის მხრივ ბოლო წლებში მოღონიერებულ ქალაქებსა და დაბებს ამის ფუფუნება არ აქვთ. ამიტომაც, სხვა საკითხებთან ერთად, ფედერაცია ამ მიმართულებითაც აქტიურად მუშაობს. შეგახსენებთ, რომ 2022 წელს ფედერაციის მიერ ორგანიზებულ მატჩებს მთლიანობაში 35 მაგიდის მსაჯი ემსახურებოდა, ხოლო ამ მომენტისთვის მათმა რიცხვმა 90-ს გადააჭარბა, რაც ფედერაციის შესაბამისი დეპარტამენტის ნაყოფიერი მუშაობის შედეგია.</p> <p> </p> <p>მაგიდის მსაჯების გადამზადების პროგრამა გრძელდება და ახლო მომავალში საქართველოს სხვა რეგიონებიც შეიმატებენ კომპეტენტურ, პროფესიონალ მატჩის მომსახურე პერსონალს. </p> <p> </p> <p><strong>GBF</strong></p>
საქართველოს 3×3 ნაკრებებმა ევროპის თასის საკვალიფიკაციო ეტაპი დაასრულეს
თანამედროვე საკალათბურთო ტაბლო და ახალი შესაძლებლობები ახმეტელი მოზარდებისთვის
ვსა საქართველოს 22-წლამდელთა ჩემპიონატის გამარჯვებულია!
პსჟ მალე ორი შემტევის გარეშე დარჩება
"ბარსელონაში" ტრანსფერი დაუბლოკეს - ალვარესს პრემიერ ლიგაში დაბრუნების ვარიანტი შერჩა
"მილანმა" პსჟ-ს თავდამსხმელის ტრანსფერზე მიმართა
20 წ. | გამარჯვებული შემადგენლობით უელსთან
ჯიქია დეპოშია. "ის არაფერს წარმოადგენს" - ყოფილი რუსი ფეხბურთელი მას აკრიტიკებს
ესპანური ვერცხლი შენგელიას | საქართველოს ნაკრების კაპიტანმა საკლუბო სეზონი დაასრულა
"ტორპედომ" ხორვატი ფეხბურთელი დაიმატა
20 წ. | ლუკა ნარსია: ჩვენი მიზანი ისტორიის დაწერაა
პსჟ-ს ნახევარმცველი ატლეტიკოში გადასვლაზე დათანხმდა
ოიარსაბალი: ფეხბურთი ცირკითაა გარემოცული
"რეალი" ფრანგებს გაასხვისებს? - "სამეფო გუნდიდან" შესაძლო წამსვლელები ცნობილია
აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე
მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება
"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე
მამარდაშვილის "ლივერპული" არ ნებდება - 100 მილიონზე მეტის შეთავაზებას გააკეთებენ
პირველად 2022 წლის შემდეგ - FIFA-მ რუსეთის ახალგაზრდული ნაკრები საერთაშორისო ტურნირზე დაუშვა
"მატჩის შემდეგ ვიტირე..." - ნეიმარის ემოციური კომენტარი მიმდინარე მუნდიალზე დებიუტის შემდეგ
[VIDEO] სენსაცია. სამხრეთ აფრიკა პლეი-ოფშია, ჩეხეთი ჯგუფში ჩარჩა
[VIDEO] სულ სხვა ბრაზილია ვინისიუსის წინამძღოლობით და ნეიმარის დაბრუნება - შემდეგ ეტაპზე სელესაოსთან ერთად მაროკო გავიდა
"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს