"დაცვაში ადრე ამდენს არ ვმუშაობდი... ზოგი ამბობს, რომ ლიგა 1-ში თამაში მარტივია, მაგრამ..." - რა თქვა კვარაცხელიამ "ტოტენჰემთან" მატჩის წინ?

ხვალ, 26 ნოემბერს, თბილისის დროით 23:59 საათზე, ჩემპიონთა ლიგის ჯგუფური ეტაპის მე-5 ტურში "პარი სენ ჟერმენი" "ტოტენჰემს" უმასპინძლებს. პარიზელთა მატჩისწინა პრესკონფერენციაზე ლუის ენრიკესთან ერთად ხვიჩა კვარაცხელია წარსდგა:   "ჟოაო ნევეში ამჟამად გუნდში ერთ-ერთი საუკეთესო ფეხბურთელია. არ აქვს მნიშვნელობა გოლს ვინ გაიტანს, მთავარი გამარჯვებაა.    კიდევ ბევრი ასპექტია რომლის გაუმჯობესებაც მსურს. მაგალითად გოლების გატანა და მეტი საგოლე პასების გაკეთება. ვცდილობ, ყოველდღე საკუთარი თავის საუკეთესო ვერსია ვიყო. თანმიმდევრულობა? ეს ყველაზე რთულია, თუმცა ჩვენი საქმის სამუშაო ნაწილია.   დაცვაში ადრე ამდენს არ ვმუშაობდი. წარსულში შეტევაზე უფრო ვიყავი ორიენტირებული, მაგრამ ახლა ვიცი, რომ ყველა მოთამაშემ დაცვით ფაზაში მონაწილეობა უნდა მიიღოს. მწვრთნელის წყალობით ამ მხრივ პროგრესი მაქვს. მოედანზე 100%-ით ვიხარჯები და ვცდილობ, გუნდს ყველა ასპექტში დავეხმარო, როგორც მოედანზე, ასევე მის გარეთ.   სეზონის სტარტი რთული გამოგვივიდა, რადგან ამ ზაფხულს დიდი ხნით არ დაგვისვენია. ახლა უკეთეს ფორმაში ვართ, პირადად მე, თავს ძალიან კარგად ვგრძნობ.   რაც შეეხება ჩვენს მეტოქეს, "ტოტენჰემი" კონტრშეტევებზე ძალიან კარგად თამაშობს და თავს კარგად იცავენ. ზაფხულში მათთან 0:2-ს ვმარცხდებოდით და მატჩის გადარჩენა ბოლო წუთებზე მოვახერხეთ. რთული მატჩი იქნება, მაგრამ მათ წინააღმდეგ სათამაშოდ მზად ვართ.   აშრაფ ჰაკიმის ტრავმა? მისი შეცვლა ურთულესია. გასულ სეზონში მსოფლიოს ერთ-ერთი საუკეთესო ფეხბურთელი იყო. აფრიკის წლის საუკეთესო ფეხბურთელის ჯილდოს მოგება ნამდვილად დაიმსახურა. მწვრთნელმა მისი შეცვლა სცადა და რამდენიმე ხერხს მიმართა, მაგრამ ვიცით, რომ აშრაფის გარეშე ძალიან რთულია და იმედია, მალე დაბრუნდება. ის წარმოუდგენელი მოთამაშე და შესანიშნავი ადამიანია.   რა მასწავლა პსჟ-ში თამაშმა? ზოგი ამბობს, რომ ლიგა 1-ში თამაში მარტივია, ეს ასე არ არის, რადგან საფრანგეთში ფეხბურთს სწრაფად და დიდი მონდომებით თამაშობენ. პსჟ-ს დამარცხება ყველას განსაკუთრებულად სურს, ლიგა 1 კი ევროპის საუკეთესო ხუთეულშია.   რაც შეეხება ჩემს ოპტიმალურ პოზიციას, ყველამ იცის, რომ მარცხენა ფლანგზე თამაში მომწონს, მაგრამ ფეხბურთელს ადაპტაცია უნდა შეეძლოს. რა თქმა უნდა, მარტივი არ არის, თუმცა ფეხბურთელს რამდენიმე პოზიციაზე თამაში უნდა გამოსდიოდეს. იმედი მაქვს, მალე როგორც მარცხნივ, ასევე მარჯვენა ფლანგზეც კარგად თამაშს შევძლებ", - განაცხადა კვარაცხელიამ.

დავით სალუქვაძე

ერთი რამ ვიცი, პასი, პასი, დროული პასი და მომენტალურად ათამაშდები, - მაგრამ პსჟს ახალგაზრდებს ეს არ... ნუ არ ვიტყვი, შენი მთავარი "ნაკლი" ორია, - დროულ პასს გამადლიან და დაბალ ბურთებს ნაკლებად ურტყამ. შენ თუ თავისუფლებას მოგცემენ, - :ნიჭსა გზა ფართო," - გენია შენში, მომენტალურად აფეთქდება, ნებისმიერ მეტოქესთან. დალოცვილო, გეხაროს და გვეხაროს კიდევ მრავალჯერა!😍😍😍😍
alexandre

სულ წარმატებებს გისურვებ, ხვიჩა! ბევრი სიხარული მოგეტანოს შენი ოჯახისთვის და შენი სამშობლოსთვის!
ვანო

ხვიჩა, შენი მთავარი სამიზნე შეტევა და გოლებია! დაცვის მოხმარება ძალების დაზოგვით! სპალეტიმაც იგივე გირჩია. სასწრაფოდ კორექტირება უნდა მოახდინო შენს თამაშში,თორემ რა გამოდის, ყველაზე მთავარს მოუკელი -გოლებს! შენზე მეტი მცველებს და ნახევარმცველებს გააქვთ!არაფრით ჩამორჩები ჰოლანდს,მესის და რნალდუს...ის,რომ მცველებმა შეგისწავლეს სისულელეა! ტალანტებს ვერ სწავლობენ! შენი გვჯერავს და მიდი ვაჟკაცურად, გაგვახარე ქართველები, როგორც ნაპოლიში აკეთებდი, წარმატებები!
Levani

შეტევაში მეტი გააკეთე აწი,ეგ გჭირდება ოქროს ბურთისთვის. დაცვაში ჩემი მეზობელი მამუკაც მუშაობს,მაგრამ რა ხეირი ბანკის ვალებსაც ვერ იხდის დაცვის ხელფასით
Mamuka

საერთოდ გაყიდული ფეხბურთელები არუნდა ათამაშონ იმიტო რო მაგრა ახატიათ ტიტული რამე ტრანვა რო მიიღონ პრობლემებში იჩითებიან და ამიტო სულ არაფერ გუნდებთან აგებენ ეგ საქართველოს სპორტის ფედერაციას ეხება არიან მათზე უკეთესი ფეხბურთელები
კაი ერთი

გიორგი-ს გაპრავებაში და ხავსზე ჩაჭიდებაში 10-ანი გაქვთ )) ...და ნაკრებში რა უშლის ხელს, ხომ ვერ გვეტყვით?! ააა, სანიოლი არაა? დდ
Porto

ხვიჩაზე ისეთი ხალხი წერს კომენტარს, მაღაზიაში დედის გარეშე პურის ამოსატანადაც, რომ ვერ ჩადიან :)))
მე ის თამრო აღარა ვარ)))

ამბობს ხვიჩა რომ ბევრს შრომობს. დაივიწყეთ რაც იყო და როგორც თამაშობდა. 10 მილიონს უხდიან რომ გუნდს როგორც დაჭირდება -- ისე ითამაშოს. მორჩა ხვიჩას 8-9 დრიბლინგი და კარში დარტყმა ყოველ თამაშში.
.

ნაპოლიში სულ წინ იყო,მაგრამ ფლანგის თავდამსხმელი,უფრო საგოლე პასებზეა ორიენტირებული,რადგან მისი პოზიციიდან,ძალიან ბევრის გატანა უძნელესი საქმეა,განსაკუთრებით კი,ძლიერ ლიგებში.სეზონში 10-12 გოლი,უკვე ბრწყინვალე შედეგიანობად ეთვლებათ,მაგრამ ამავე დროს,პასებიც უნდა გააკეთონ.ჩვენც გვწყინდა და გვწყინს,კვარას პასს რომ არ აწვდიდნენ.კვარასაც უმცირდება გოლების რაოდენობა და გუნდის შედეგზეც ცუდად მოქმედებს.კვარაც ასევე რომ მოიქცეს,ეს ხომ კიდევ უფრო უარესი იქნება გუნდისათვის.მბაპე იმიტომ გაუშვეს და კვარა დაიმატეს,რომ ენრიკემ,მირჩევნია სამმა ფეხბურთელმა 50 გოლი გაიტანოს,ვიდე ერთმა მბაპემ,45 გოლიო!მთავარი ჯამური შედეგია და უკვე მერე,სტატისტიკა.სპეციალისტები გუნდისთვის სარგებლიანობას აფასებენ და ფანი,პირად გამოსვლას.ვის აზრს უფრო დიდი ძალა აქვს,კითხვაც აღარაა საჭირო.
გიორგი

გეთანხმებით ის ხვიჩა არ არის უფრო აკადემიური გახდა მეტს შრომობს როგორც ვნახეთ კარის ხაზიდანც კი გამოიტანა ბურთი უბრალოდ ნაპოლში მარტო ხვიჩა და ვიქტორი ჩანდენ პარიზში კი თითქმის ყველა ვარსკვლავია ვნახეთ ხომ ოქროს ბურთის ნომინაციაში ცხრა კაცი იყო წარდგენილი
ძველი ხვიჩა მენატრება

ჩვენთვის მთავარი ის არის რომ შენ ის ხვიჩა აღარა ხარ თან კვარადონაც რომ იყავი და შენ სანახავად საქართველოდან უამრავი ხალხი ჩამოდიოდა იტალიაში.დანარჩენი ყველაფერი მეორეხარისხოვანია.
შალვა კვარაცხელია

შეტევაზე უფრო აქცენტირებულ უნდაიყოს თავდამსხმელი, ყველგან სირბილი ძირითად კონცენტრაციას გაკარგვინებს, ძალებიდან გფიტავს...
ხვიჩა

ნევეში რა არ ეხმარება დაცვას? ნახევარმცველია და გუნდის ბომბარდირია, მითუმეტეს რომ ტრავმის გამო ბევრი გაუცდა
ხვიჩა მაგარია!

მაგიტომაც ვეღარ ხარ შედეგიანი თავდასხმაში, რომ დაცვას ეხმარები. სულ წინ რომ ყოფილიყავი, გექნებოდა უკვე 10 გატანილი გოლი, ეხლა კი გაქვს ერთი. 10 რომ გაგეტანა, ზამენაზე დასმას უბრალოდ ვერ გაგიბედავდნენ, შეხედე ბარკოლას და დემბელეს როგორ ცდილობენ სულ გატანას. როდის გაგიკეთეს ბოლოს საგოლე პასი? შენ კი არიგებ აქეთ-იქეთ. ენრიკე, ოღონდ გუნდმა გაიმარჯვოს, კარშიც ჩაგაყენებს. სხვათა შორის სპალეტიც ეგრე გექცეოდა. მწვრთნელი შედეგს ითხოვს, ვინ რამდენს გაიტანს, სულ არ აინტერესებს. დამრიგებლად არ გამოვდგები, მაგრამ ფაქტია რომ დაცვაში სირბილით პირადი სტატისტიკაც გაგიუარესდა წლიდან წლამდე და ძირითადშიც ვეღარ ხვდები ყოველ თამაშში. ერთ დროს ასეთი რამ ნამდილად წარმოუდგენელი იყო ჩვენთვის. გისურვებ წარმატებებს!

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] ბითაძე "ორლანდოს" როტაციაში დაბრუნდა - გოგამ "ფინიქსთან" 9 წუთი ითამაშა

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

[VIDEO] 7 გოლი, გაძევება და ქამბექი - "გალათასარაიმ" სპალეტის "იუვენტუსი" გაანადგურა

"რთულ სიტუაციაში ვიყავით, თუმცა წნეხს გავუმკლავდით" - ლუის ენრიკეს კომენტარი "მონაკოსთან" გამარჯვების შემდეგ

"ასეთი გოლი თანაგუნდელებთან ერთად უნდა აღნიშნო" - მოურინიომ ვინისიუსი გააკრიტიკა

ჩემპიონთა ლიგის დაბრუნება და მთავარი ინტერესი კვარაცხელიას მიმართ

[VIDEO] ოთხი ქართველი "პარკ დე პრენსზე" ჩატარებულ მატჩში - პსჟ-მ "მეცს" ადვილად მოუგო

როგორი შეფასებები მიიღეს ქართველმა ფეხბურთელებმა პსჟ-სა და "მეცის" მატჩში?

სუპერკომპიუტერმა ჩემპიონთა ლიგის მოგების ფავორიტი დაასახელა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

"ეგონათ, სიგიჟე გავაკეთეთ! პსჟ-ის ეს ფეხბურთელი 250 მილიონად არ მივყიდეთ" - ლაპორტამ დღემდე უცნობი ამბავი გაამხილა

როცა დუმილი ოქროა - ლუის ენრიკეს რეაქცია ვინისიუსთან დაკავშირებულ რასისტულ სკანდალზე დასმულ კითხვაზე

"მისი თამაშით ძალიან კმაყოფილი ვარ" - ლუის ენრიკემ შეგირდი შეაქო

"გაგვიმართლა. მეორე მატჩში უნდა შევუტიოთ" - "ბოდო გლიმტის" მწვრთნელის კომენტარი "ინტერთან" გამარჯვების შემდეგ

ენრიკეს ახალი ტაქტიკა ჟურნალისტებთან - რა უპასუხა ესპანელმა პირველი მეკარის სტატუსზე დასმულ შეკითხვას

ლუის ენრიკე: კვარაცხელია სრულიად განსხვავებული ფეხბურთელია