[წინათქმა და ფაქტები. ეროვნული ლიგა. XXXVტური] ...მათ სჩვევიათ ხოლმე კარის გაჯახუნება!

<p><strong>ორი ტურიც და ეროვნული ლიგის 2025 წლის მარათონი ისტორიის კუთვნილება გახდება. ის, რასაც ბეჭედი უკვე დაესვა, არის ფოთის "კოლხეთის" გავარდნა. </strong></p> <p> </p> <p><strong>წყალი აღარ გაუვა იმასაც, რომ "თელავი" პლეი-აუტში ითამაშებს და ამ გზით ეცდება ქართული საკლუბო ფეხბურთის ელიტაში დარჩენას.</strong></p> <p> </p> <p><strong>ბათუმის "დინამოს" კი ერთი ქულაც ეყოფა, დასარჩენ მატჩებში მონაწილეობის თავიდან ასაცილებლად...</strong></p> <p> </p> <p> </p> <p>...სწორედ ამ კუთხით არის ძალიან მნიშვნელოვანი "სამგურალისა" და ბათუმის "დინამოს" ჯახი. წყალტუბოელებს, "გარეჯისგან" საფრთხე რომ აიცილონ თავიდან, დარჩენილ ორ ტურში ერთი მატჩის მოგება მართებთ...</p> <p> </p> <p>ოღონდ, აქ არის ერთი ნიუანსი - "გარეჯი" რამდენიმე საათით ადრე თამაშობს (ისე, რატომ არ შეიძლებოდა ამ ხარვეზის არდაშვება?) და თუ ვერ მოიგო, რისი ალბათობაც მაღალია, "სამგურალსაც" და ბათუმის "დინამოსაც" შეეძლებათ, შვებით ამოისუნთქონ და მომავალ სეზონზე იფიქრონ.</p> <p> </p> <p>ტური კი დაიწყება ორი მატჩით, რომელშიც ლიდერები ითამაშებენ. "იბერიას" ძალიან დიდი წინააღმდეგობა ექნება მისი ყოფილი მწვრთნელის, <strong>გიორგი მიქაძის</strong> "გარეჯისგან". კახური გუნდი ცდილობს, როგორმე პლეი-აუტის გარეშე დარჩეს ეროვნულ ლიგაში და რა გამოუვა ამისგან, ამას ყველა ერთად ვნახავთ.</p> <p> </p> <p>ფინალის ტოლფასი მატჩია ჯერაც მოქმედი ჩემპიონისთვისაც. ადრეც დაგვიწერია და ერთხელაც გავიმეორებთ - თუ <strong>გუგა ნერგაძის</strong> შეგირდები დარჩენილ ორივე მატჩს მოიგებენ, ტიტულს დაიცავენ.</p> <p> </p> <p>"დილას" კი წაფორხილების უფლება არ აქვს, რადგან "იბერიასთან" მკვეთრად უარყოფითი მაჩვენებლები აქვს ურთიერთშეხვედრებში - ოთხივე თამაში წააგო (მათ შორის, ერთი - 0:6 გორში) და მხოლოდ ერთი გოლი გაუტანა.</p> <p> </p> <p>უბრალოდ, "დილა" ნაკლებად კარგავდა გაუთვალისწინებელ ქულებს და ამიტომაც დარჩა საჩემპიონო რბოლაში. ისე კი, გორელები მაინც ფრთხილად უნდა იყვნენ ფოთში - უმოტივაციო გუნდებს სჩვევიათ ხოლმე კარის გაჯახუნება.</p> <p> </p> <p>"ტორპედოს" ფრეც აძლევს ხელს, რომ თბილისის "დინამოსთან" უშუალო დავაში მე-3 პოზიცია დაიმტკიცოს. ქართული "კლასიკოს" ფაქტორი და დაპირისპირების პრინციპულობა ისედაც არ აძლევს გუნდებს მოდუნების უფლებას.</p> <p> </p> <p>რა თქმა უნდა, "ტორპედო" ფავორიტია. ჯერ ერთი, რომ <strong>დირკ შუსტერის</strong> გუნდი მასპინძელია, და მეორეც - ამ დროისთვის ჩინებულ ფორმაშია, "დინამოს" კი ტრავმების გამო ბევრი წამყვანი მოთამაშე აკლია.</p> <p> </p> <p>ტური დასრულდება ორშაბათს "გაგრასა" და "თელავის" დაპირისპირებით, რომელშიც მოტივაცია მხოლოდ სტუმრებს აქვთ. კახურმა გუნდმა უნდა სცადოს და მე-8 ადგილი დაიკავოს, რათა პლეი-აუტში ეროვნული ლიგა 2-ის მესამეადგილოსანს (იმიტომ, რომ მეორეადგილოსანი "სპაერია") შეხვდეს.</p> <p> </p> <p>ვნახოთ, რამდენად უღირთ თელაველებს ამ მიზნისთვის თავის მოკვლა. შეიძლება, ურჩევნიათ, წამყვან მოთამაშეებს აქედანვე მაქსიმალურად გაუფრთხილდნენ უმნიშვნელოვანესი ორრაუნდიანი ბრძოლის წინ. "გაგრამ" კი სეზონის მთავარი ამოცანა უკვე გადაჭრა - მომავალ წელსაც ეროვნულ ლიგაში ითამაშებს.</p> <p> </p> <p> </p> <p><span style="color: #7e8c8d;"><strong>ფაქტები</strong></span></p> <ul> <li><strong>"გარეჯმა" ვერ მოიგო ბოლო 3 საშინაო მატჩი (2 წაგება და ფრე).</strong></li> <li><strong>"გარეჯმა" ბოლო 2 მატჩში 7 გოლი გაუშვა.</strong></li> <li><strong>"იბერიამ" მოიგო ზედიზედ 5 მატჩი.</strong></li> <li><strong>"იბერიამ" მოიგო ეროვნული ლიგის ბოლო 8-დან 7 მატჩი (პლუს 1 მარცხი).</strong></li> <li><strong>"იბერიას" არ გაუშვია გოლი ბოლო 4 შეხვედრაში.</strong></li> <li><strong>"იბერიასა" და "გარეჯს" შორის მიმდინარე ჩემპიონატის ბოლო 2 დაპირისპირება 1:1 დასრულდა.</strong></li> <li><strong>"კოლხეთს" არ გაუტანია გოლი ბოლო 2 მატჩში.</strong></li> <li><strong>"კოლხეთმა" წააგო ზედიზედ 4 საშინაო მატჩი.</strong></li> <li><strong>"დილამ" მოიგო ზედიზედ 4 მატჩი.</strong></li> <li><strong>"დილამ" მოიგო ბოლო 2 გასვლითი მატჩი.</strong></li> <li><strong>"დილამ" დაამარცხა "კოლხეთი" ბოლო 5-დან 4 გასვლით მატჩში.</strong></li> <li><strong>თბილისის "დინამომ" წააგო ზედიზედ 2 მატჩი.</strong></li> <li><strong>"ტორპედომ" მოიგო ბოლო 3-დან ერთი გასვლითი მატჩი.</strong></li> <li><strong>"ტორპედომ" მოიგო ზედიზედ 3 მატჩი საერთო ანგარიშით - 13:3.</strong></li> <li><strong>თბილისის "დინამომ", ყველა ტურნირის ჩათვლით, დაამარცხა "ტორპედო" ბოლო 7-დან მხოლოდ ერთ მატჩში.</strong></li> <li><strong>"სამგურალმა" წააგო ზედიზედ 3 მატჩი.</strong></li> <li><strong>"სამგურალმა" ვერ მოიგო ბოლო 2 საშინაო მატჩი.</strong></li> <li><strong>ბათუმის "დინამომ" წინა ტურში დაასრულა 13-მატჩიანი მოუგებელი სერია.</strong></li> <li><strong>ბათუმის "დინამომ" დაამარცხა "სამგურალი" ბოლო 6-დან ერთ მატჩში.</strong></li> <li><strong>"გაგრამ" მოიგო ბოლო 2 მატჩი საერთო ანგარიშით - 8:3.</strong></li> <li><strong>"გაგრას" არ უთამაშია ფრედ ბოლო 8 საშინაო მატჩში.</strong></li> <li><strong>"თელავს" არ მოუგია ბოლო 5 მატჩი.</strong></li> <li><strong>"გაგრამ" დაამარცხა "თელავი" ბოლო 4 საშინაო მატჩში.</strong></li> <li><strong>"თელავს" არ გაუტანია გოლი "გაგრასთან" ბოლო 3 გასვლით მატჩში.</strong></li> <li><strong>"თელავს" სტუმრად არასოდეს დაუმარცხებია "გაგრა".</strong></li> </ul> <p> </p> <div style="text-align: center;"><span style="color: #a71232;"><strong>კვირა, 30 ნოემბერი</strong></span></div> <div style="text-align: center;"><span style="color: #172bcb;"><strong>გარეჯი</strong></span> <span style="background-color: #fcf266;"><strong>13:30</strong></span> <span style="color: #172bcb;"><strong>იბერია 1999</strong></span></div> <div style="text-align: center;"><span style="font-size: 10pt;"><em>თბილისი. მიხეილ მესხი 2</em></span></div> <div style="text-align: center;"><span style="font-size: 10pt;"><strong>არბიტრი</strong>: ა. აფციაური</span></div> <p style="text-align: center;"> </p> <div style="text-align: center;"><strong><span style="color: #172bcb;">კოლხეთი 1913</span></strong> <span style="background-color: #fcf266; color: #000000;"><strong>13:30</strong></span> <span style="color: #172bcb;"><strong>დილა</strong></span></div> <div style="text-align: center;"><span style="font-size: 10pt;"><em>ფოთი. ფაზისი</em></span></div> <div style="text-align: center;"><span style="font-size: 10pt;"><strong>არბიტრი</strong>: გ. ავაზაშვილი</span></div> <p style="text-align: center;"> </p> <div style="text-align: center;"><span style="color: #172bcb;"><strong>დინამო (თბ)</strong></span> <span style="background-color: #fcf266; color: #000000;"><strong>19:00</strong></span> <span style="color: #172bcb;"><strong>ტორპედო</strong></span></div> <div style="text-align: center;"><em><span style="font-size: 10pt;">თბილისი. დინამო არენა</span></em></div> <div style="text-align: center;"><span style="font-size: 10pt;"><strong>არბიტრი</strong>: გ. მაჩიტიძე</span></div> <p style="text-align: center;"> </p> <div style="text-align: center;"><span style="color: #172bcb;"><strong>სამგურალი</strong></span> <span style="background-color: #fcf266; color: #000000;"><strong>20:00</strong></span> <span style="color: #172bcb;"><strong>დინამო (ბთ)</strong></span></div> <div style="text-align: center;"><em><span style="font-size: 10pt;">წყალტუბო. საფეხბურთო ცენტრი</span></em></div> <div style="text-align: center;"><span style="font-size: 10pt;"><strong>არბიტრი</strong>: კ. რევაზაშვილი</span></div> <p style="text-align: center;"> </p> <div style="text-align: center;"><span style="color: #a71232;"><strong>ორშაბათი, 1 დეკემბერი</strong></span></div> <div style="text-align: center;"><span style="color: #172bcb;"><strong>გაგრა</strong></span> <span style="background-color: #fcf266;"><strong>19:00</strong></span> <strong><span style="color: #172bcb;">თელავი</span></strong></div> <div style="text-align: center;"><em><span style="font-size: 10pt;">თბილისი. დავით პეტრიაშვილი</span></em></div> <div style="text-align: center;"><span style="font-size: 10pt;"><strong>არბიტრი</strong>: ი. შენგელია</span></div> <p style="text-align: center;"> </p> <div>    <span style="color: #7e8c8d; font-size: 10pt;">                                            თ           მ           ფ             წ               ბ                 ქ</span></div> <div>1. იბერია 1999               34        22        8          4          54:23         74</div> <div>2. დილა                            34        24        2          8          57:32         74</div> <div>3. ტორპედო                    34        17        8          9          59:38         59</div> <div>4. დინამო (თბ)              34        15        10        9          47:28         55</div> <div>5. გაგრა                            34        12        7          15        42:51         43</div> <div>6. დინამო (ბთ)              34        10        10        14        37:53         40</div> <div>7. სამგურალი                 34        11        6          17        50:50         39</div> <div>8. გარეჯი                         34        7          13        14        40:48         34</div> <div>9. თელავი                        34        7          9          18        31:58         30</div> <div>10. კოლხეთი 1913       34        5          7          22        30:64         22</div> <p><span style="font-size: 10pt;"><strong>ბომბარდირები</strong>: ბ. იონსენი (ტორპედო) - 19 / 2; გ. ფანცულაია (სამგურალი) - 16 / 1.</span></p>

VIDEO | ეროვნული ლიგა| სამგურალი 1:1 დინამო ბთ. ფრეებს დაეჩვივნენ...

VIDEO | ეროვნული ლიგა | დინამო თბ 0:0 რუსთავი. ვერგატანილი პენალტი, გაუქმებული წითელი ბარათი...

VIDEO | ეროვნული ლიგა. თბილისის "დინამომ" ინერვიულა, მაგრამ მაინც მოიგო!

მერკვილაძის ბრწყინვალე ორმაგი დუბლი და "გრონინგენის" დრამატული გამარჯვება ENBL-ში

ბითაძის დაცვითი სამუშაო და "ორლანდოს" ზედიზედ მეორე მოგება იუტაში

შერმადინის 13 ქულა და "ტენერიფეს" გამარჯვება შიაულიაიში

მარკის რიდის "ბაჰჩეშეჰირის" უძლიერესი თამაში და იოლი გამარჯვება ევროთასზე

მაურიდეს როკე ჯუნიორს ფინეთში წარმატებული ოპერაცია ჩაუტარდა

"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს

შეკრების მესამე დღე | ნაკრებმა 23 ფეხბურთელით ივარჯიშა

"პასუხს აგებთ" - ილია თოფურია მერაბ დვალიშვილზე თავდასხმას გამოეხმაურა

U17 | საქართველო 0:0 ავსტრია

[VIDEO] ვრცელდება კადრები, სადაც ჩანს როგორ დაესხა თავს უმარ ნურმაგომედოვი და მისი გარემოცვა უკნიდან მერაბ დვალიშვილს

"კვერნაძემ შეიძლება "ფროზინონე" ნაახალწლევს დატოვოს" - ჟურნალისტი მიზეზს განმარტავს

[VIDEO] არასპორტული და ლაჩრული საქციელი - უსმან ნურმაგომედოვი მერაბ დვალიშვილს უკნიდან თავს დაესხა

40 წლის ნოიერი კარიერას ჯერ არ დაასრულებს

უკრაინელი ფეხბურთელი შეიძლება "ბრენტფორდიდან" "ტრაპზონსპორში" გადავიდეს

იამალმა პიკეს და შაკირას ყოფილი სახლი 11 მილიონად შეიძინა

ქართველი მსაჯები და კომისარი FIBA-ს მორიგ სანაკრებო მატჩებზე

შეთანხმება მიღწეულია - პოჩეტინო დიდი ალბათობით, "მანჩესტერ იუნაიტედს" ჩაიბარებს

"ასე ჩემპიონთა ლიგის მოგება ძალიან გაუჭირდებათ" - კროოსმა "ბარსელონაზე" ისაუბრა

"19 წლის იამალი თავის ასაკში მესისა და რონალდოზე ძლიერია" - სტივენ ჯერარდი

"ასეთი რაღაცების გაკეთება არ შემიძლია" - ბელინგემმა საკუთარ უნარებზე ისაუბრა

VIDEO | ეროვნული ლიგა | დილა 0-2 დინამო (თბ). ჰაერივით საჭირო 3 ქულა

VIDEO | ეროვნული ლიგა | მეშახტე 2-3 ტორპედო. გამარჯვებულებს არ ასამართლებენ, მაგრამ ერთი კითხვა მაინც უნდა დავსვათ...

VIDEO | ეროვნული ლიგა | სპაერი 3-2 დინამო (ბთ). ასკურავას გოლი-შედევრი - ლიდერი შეუჩერებელი აღარ არის

VIDEO | ეროვნული ლიგა | რუსთავი 2-0 სამგურალი. დამსახურებული გამარჯვება, ბრძოლა გრძელდება!

VIDEO | ეროვნული ლიგა | იბერია 1999 1-0 გაგრა. გეგმა ძაგანიამ ჩაშალა!

VIDEO | ეროვნული ლიგა | ტორპედო 2-1 დილა. ...და შეინარჩუნებენ ადგილს ელიტაში