<p>ზურაბ საკანდელიძისა და მიხეილ ქორქიას მემორიალური ტურნირის ჯგუფური ეტაპი დასრულდა. ბოლო ტურის წინ არც ერთი ნახევარფინალისტი არ იყო გამოვლენილი. 3 მატჩის შემდეგ კი გუნდები ასე დაწყვილდნენ: თსუ – ვსა, ქუთაისი – რუთსავი. დებულების თანახმად, ნახევარფინალის საგზურები ჯგუფებში პირველ ადგილზე გასულებმა მიიღეს, რომლებსაც მეოთხე გუნდად საუკეთესო მეორეადგილოსანი დაემატათ. ეს აღმოჩნდა კლუბი რუსთავი, რომელმაც სხვა ჯგუფებში პარალელურ ადგილებზე გასულ რაშს და მარგვეთს ბურთების შეფარდებით აჯობა.</p> <p> </p> <p>A ჯგუფი – ივერიონი vs ვსა 102:109 (რუსთავი ისვენებდა)</p> <p> </p> <p>ამ მატჩის სპორტული ინტრიგა მიზერული იყო. გორის ივერიონს მინიმუმ 10 ქულით გამარჯვება სჭირდებოდა, ნახევარფინალში გასვლის შანსი რომ ჰქონოდა, თუმცა სატურნირო ვითარება ისეთი იყო, რომ 11 ქულით გამარჯვების შემთხვევაში ჯგუფში პირველ ადგილზე გადიოდა.</p> <p> </p> <p>გორელებს ჯგუფიდან გასვლის იმედი ფაქტობრივად გადაწურული ჰქონდათ, რადგან მესამე პერიოდის მე-7 წუთისთვის 22 ქულით აგებდნენ. მოხდა ისე, რომ ივერიონმა მატჩის ოვერტაიმში გადაყვანა შეძლო. მატჩის ძირითადი დრო 93:93 დასრულდა. ოვერტაიმში ვსა-მ 109:102 გაიმარჯვა და ჯგუფში პირველ ადგილზე გავიდა. გორის ივერიონი კი ბოლო ადგილზე დარჩა.</p> <p> </p> <p>რუსთავი მეორე ადგილზე გავიდა თითო მოგება-წაგებით და ბურთების -1 შეფარდებით. ყველაფერი დარჩენილ მატჩებზე იყო დამოკიდებული, გადაასწრებდა თუ არა რომელიმე მეორეადგილოსანი რუსთავს.</p> <p> </p> <p>B ჯგუფი – ორბი vs თსუ 83:90 (რაში ისვენებდა)</p> <p> </p> <p>ამ ჯგუფში ისეთი ვითარება იყო, რომ თსუ-ს გასვლა თითქმის გარანტირებული ჰქონდა. მიზანი მარტივი იყო – უნივერსიტეტელებს 17 ქულით არ უნდა წაეგოთ, თორემ პირველ ადგილზე ორბი გადავიდოდა, თსუ-ს კი მეორე ადგილიდან ეცდებოდა ნახევარფინალში გასვლას. თამაში ისე დაიწყო და მიმდინარეობდა, რომ ორბს იმედი გაუჩნდა. ერთი ხანობა ტყიბულის გუნდი 12 ქულითაც იგებდა, მაგრამ მესამე პერიოდში ყველაფერი თავის ადგილას დადგა.</p> <p> </p> <p>თსუ-მ მესამე პერიოდი 25:15 მოიგო და ბოლო ათწუთეულის წინ ქულით დაწინაურდა. ლექსო ლაფანაშვილის გაწვრთნილმა უნივერსიტეტელებმა ლიდერობა შეინარჩუნეს და საბოლოოდ 90:83 გაიმარჯვეს. ორიდან 2 მოგებით თსუ პირველ ადგილზე გავიდა, მოუგებელი ორბი კი, ცხადია, მესამე ადგილზე დარჩა. მეორეზე გასულ რაშს ბურთების -5 შეფარდება დაუგროვდა, რუსთავს ჩამორჩა და ნახევარფინალში გასვლის შანსი დაკარგა.</p> <p> </p> <p>C ჯგუფი – მარგვეთი vs ქუთაისი 63:88 (გურჯაანი ისვენებდა)</p> <p> </p> <p>ამ მატჩს უნდა გადაეწყვიტა პირველ ადგილზე გასულის ვინაობა. მარგვეთმაც და ქუთაისმაც წინა ტურებში ჯგუფის მესამე წევრი – გურჯაანის დელტა დაამარცხეს და ერთმანეთს პირველი ადგილისთვის შეერკინნენ. ქუთაისის მდგომარეობა გაცილებით უკეთესი იყო, რადგან წაგების შემთხვევაშიც კი ნახევარფინალში მეორე ადგილიდან გადიოდა.</p> <p> </p> <p>თუმცა როცა საქმე ბურთების შეფარდებას ეხება, ლიმიტი არსებობს და ეს გახლდათ 38. სწორედ ამდენი ქულით არ უნდა წაეგო ქუთაისს, რათა საუკეთესო მეორეადგილოსნის სტატუსი არ დაეკარგა. ეს ფანტასტიკის სფერო იყო და არც მომხდარა. ქუთაისმა დამაჯერებლად აჯობა მარგვეთს, რომელსაც 6 ქულით წაგებაც აძლევდა ხელს, ნახევარფინალში მეორე ადგილიდან გასულიყო. 25 ქულით წააგო და მარგვეთი მეორეადგილოსანთა შორის რუსთავის უკან აღმოჩნდა.</p> <p> </p> <p>ქუთაისი საუკეთესო პირველადგილოსანი აღმოჩნდა, რადგან 2 მატჩი ჯამში 62 ქულით მოიგო და თსუ-ს აჯობა. შესაბამისად, ნახევარფინალში გასული გუნდები შედეგების მიხედვით ამ თანმიმდევრობით განლაგდნენ: ქუთაისი, თსუ, ვსა, რუსთავი. დებულების თანახმად პირველი მეოთხეს შეხვდა, მეორე – მესამეს.</p> <p> </p> <p>ნახევარფინალები 13 იანვარს, დიღმის არენაზე გაიმართება, ხოლო ფინალი – 15 იანვარს.</p> <p> </p> <p><strong>GBF.GE</strong></p>
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
ორბმა ზედიზედ მე-4 გამარჯვება ახალციხესთან მოიპოვა
კსუ-კავკასიამ ივერიონი დაამარცხა და სუპერლიგას დაუმარცხებლად ლიდერობს
სვანაძე: ასე გაგრძელება არ შეიძლება- გულშემატკივრების რეაქციას კარგი თამაშით უნდა ვუპასუხოთ
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა