რაშმა ორბი ბოლო წამებზე დამარცხა | თსუ-მ ქუთაისს სძლია | რუსთავმა გორში იმარჯვა

სუპერლიგის მატჩები დაიძაბა. ეს ლოგიკურია: რაც უფრო ახლოვდება რეგულარული ჩემპიონატის დასასრული, მით უფრო მძაფრდება სატურნირო ვითარება. ცხრილის ქვედა ნახევარში, უფრო კი ბოლო ადგილებზე მყოფი გუნდები ძალ-ღონეს არ იშურებენ, გამარჯვების მოსაპოვებლად და ლიგაში ადგილის შესანარჩუნებლად. თუკი გუშინ ბოლოადგილოსან დელტას გურჯაანში მცირედი დააკლდა მორიგი გამარჯვების მოსაპოვებლად, დღეს მისმა კონკურენტმა რაშმა მორიგი 2 ქულა იზეიმა.    რაშს მეორე წრეში გამართული 3 მატჩიდან 2 მოგება ჰქონდა და თბილისი არენაზე ტყიბულის ორბს მასპინძლობდა. ორბს 7 მოგების წილ 6 მარცხი ჰქონდა და ცხადია, ფავორიტად ითვლებოდა. რაშის ლეგიონერმა, ევან მილიგანმა ფენომენალურად დაიწყო მატჩი და პირველ პერიოდში 20 ქულა ჩააგდო.  რაში ჯერ 17:2 იგებდა, თუმცა ორბმა ჩამორჩენის გაბათილება იწყო და ბოლო პერიოდში წინაც გავიდა.    როცა ტყიბულის გუნდის უპირატესობამ ბოლო პერიოდში 13 ქულას მიაღწია (84:71) და დასრულებამდე 6 წუთი რჩებოდა, ყველაფერი გადაწყვეტილი ჩანდა, თუმცა რაშის გამარჯვება იმითაა ორმაგად დასაფასებელი, რომ ასეთი წნეხის შემდეგ თამაშის შემოტრიალება შეძლო და ბოლო წამებზე ჩაგდებული საჯარიმოებით გაიმარჯვა – 91:89    მილიგანმა შეხვედრა 30 ქულით დაასრულა, ბოლო წუთების გმირები კი ლუკა ზაქრაძე, ტრევონ ტომასი და დენგ გაკი გახდნენ, რომლებმაც არაერთი ბურთი ჩააგდეს და რაშს სუპერლიგაში მე-4 გამარჯვება მოაპოვებინეს.   თბილისი არენაზე გამართული მეორე მატჩი ყველაზე ამბიციური გუნდების დაპირისპირება იყო – შარშანდელი ფინალისტები: თსუ და ქუთაისი. იმერულ კლუბს ტრავმების გამო ტაირი ბოიკინი, ლუკა ალავიძე და ბაქარი ბერეკაშვილი აკლდა, რამაც ხელი შეუშალა, ბოლომდე ებრძოლა. ქუთაისელებმა მესამე პერიოდში 10-ქულიანი უპირატესობა გააბათილეს, შემდეგ ჩამორჩენილებმა კიდევ მოახერხეს ბოლო პერიოდში გათანაბრება, მაგრამ ეროვნული ნაკრების მოქმედმა და ყოფილმა წერვებმა – შესაბამისად, ალექსანდრე ფევაძემ და გიორგი ცინცაძემ შეძლეს თსუ-სთვის გამარჯვების და ცხრილში პირველი ადგილის განაღდება. თსუ-მ 71:67 იმარჯვა და პირველი ადგილი დაიბრუნა, რომელიც დროებით, გუშინდელი გამარჯვების შემდეგ მარგვეთს დასაკუთრებული.    7 მარტის ბოლო მატჩი გორში გაიმართა, სადაც სათამაშოდ რუსთავი ჩავიდა. ივრიონს პირველ წრეში მოპოვებული გამარჯვებების ხარჯზე ცხრილში საკმაოდ სოლიდური ადგილი ეკავა, თუმცა გუნდს ბოლო ხანებში აშკარად უჭირს. ლეგიონერი ცენტრის დაკარგვის შემდეგ ფარქვეშეთი ძალიან დაუსუსტდა. რუსთავს გამარჯვება ჰაერივით სჭირდებოდა, რადგან მდევრები – დელტა და რაში წამოეწივნენ და გორში რომ არ მოეგო, რაში გადაასწრებდა.   გიორგი ცეკვავას გაწვრთნილმა რუსთაველებმა სამაგალითოდ ითამაშეს. მათ სადებიუტო ქაოსის შემდეგ თამაში დაალაგეს და ლიდერობას მალევე დაეპატრონნენ. ბევრად დაბალანსებული შემადგენლობის ხარჯზე რუსთაველები წარმატებით ლაშქრავდნენ მასპინძელთა ფარს, იქნებოდა ეს სამქულიანები, სწრაფი გარღვევები თუ საშუალო, ან სამწამიანი ზონებიდან მითვლილი ბურთები.    შეუჩერებელი იყო მონტეს მატისი, რომელსაც სამმაგ დუბლამდე 1 პასი დააკლდა. მან 23 ქულა, 10 მოხსნა და 9 პასი მოაგროვა. რუსთაველებს კარგად შეეთვისა აფროამერიკელი ცენტრი კაოსი ეზიაგუ, რომელმაც 9-დან 9 ორქულიანი (უმეტესად ფარქვეშიდან) ჩააგდო. საბოლოოდ ქვემო ქართლელებმა შიდა ქართლელები ისე დაამარცხეს, მოედანზე ვითარება არ დაძაბულა – 85:76 სტატისტიკა).    სუპერლიგის მე-15 ტური 8 მარტს ბათუმში დასრულდება, სადაც ადგილობრივი გუნდი თელავს უმასპინძლებს. ეს უკანასკნელი გახლავთ ვსა, რომელმაც ადგილმდებარეობა შეიცვალა და ვიქტორ სანიკიძის აკადემიიდან კახეთის დედაქალაქში გადავიდა, სადაც შემდეგი ტურიდან საშინაო თამაშებს უმასპინძლებს.   GBF

ბათუმმა თსუ ფანტასტიკურ ფინალში დაამარცხა და საქართველოს ჩემპიონი გახდა!

"ბათუმის" გამარჯვება ქომაგების ოვაციების ფონზე და აჭარლები ჩემპიონობას მიუახლოვდნენ

"ბათუმმა" ფინალურ სერიაში ანგარიში გაათანაბრა და მოედნის უპირატესობა მოიპოვა

საქართველოს 16-წლამდე გოგონათა ნაკრები ევრობასკეტის ნახევარფინალშია

შალამბერიძე, ვართანოვი, თვაური, რატიშვილი – ქართველი მსაჯები და კომისარი ასაკობრივ ევროჩემპიონატებზე

საუდის არაბეთი ან MLS-ი? - სალაჰს კარიერის გაგრძელების ორი ვარიანტი აქვს

"ეს მატჩი ჩაწყობილი იყო. მუნდიალს მესის გასამარჯვებლად ატარებენ" - ეგვიპტელთა ფეხბურთელი არგენტინასთან მარცხის შემდეგ

[VIDEO] შვეიცარიამ პენალტების სერიაში კოლუმბიას სძლია და მეოთხედფინალში არგენტინას დაუპირისპირდება

ოფიციალურად | პაულო ვიტორი ბათუმის "დინამოში" ითამაშებს

U20. საქართველოს ნაკრებმა ურუგვაი გაანადგურა

[VIDEO] მესის მაგია - არგენტინამ ეგვიპტეს საოცარი მატჩი შემოუტრიალა და მეოთხედფინალში გავიდა

მიდის თუ არა ნაკრებიდან - რონალდომ კომენტარი გააკეთა

"ანჩელოტი რომ ბრაზილიელი იყოს, პრესა გაანადგურებდა" - ქვეყნის ნაკრების ყოფილი მწვრთნელი კარლოს აკრიტიკებს

"პარიზს", სადაც ახლახან ანდრია კვირიკაძე გადავიდა, სათავეში ლიამ როსენიორი ჩაუდგა

მამარდაშვილი გამოირიცხა - "ბეშიქთაშს" ახალი მეკარე ჰყავს

შეთანხმება მიღწეულია - აკლიუში კარიერას პსჟ-ში გააგრძელებს

[VIDEO] ტრამპს დასცინეს - აშშ-ისთან მატჩის ბოლოს ბელგიელებმა ასეთი რამ გააკეთეს

"საძაგელი ქალი ხართ... იცოდეთ, ამას არასდროს დავუშვებ!" - მბაპემ მის მიმართ პარაგვაელი სენატორის რასისტულ განცხადებას უპასუხა

ორი გარიგება მეკარის პოზიციაზე ერთ დღეში - ხვიჩა კვარაცხელიას პსჟ-ში ცვლილებებია

ყველა დროის რეკორდი - ვინ გაუტანს გოლს ესპანეთს?

მარტინესი გადადგა - პორტუგალიელთა ახალი შესაძლო მთავარი მწვრთნელიც უკვე დასახელდა

"ცუდად ხომ მაინც არ ჩაივლის..." - ბრაზილია, გერმანია და მუნდიალის წყევლა

[VIDEO] ახლა რაღას გახდება ტრამპი? - ბალოგუნიანი აშშ ბელგიასთან განადგურდა