რად გვინდა სნეიდერი, როცა კლევერლი გვყავსო

„მანჩესტერ იუნაიტედი“ მთელი ზაფხულის განმავლობაში ცდილობდა „ინტერიდან“ 27 წლის ჰოლანდიელი გამთამაშებლის, ვესლი სნეიდერის ყიდვას „მანჩესტერ იუნაიტედი“ მთელი ზაფხულის განმავლობაში ცდილობდა „ინტერიდან“ 27 წლის ჰოლანდიელი გამთამაშებლის, ვესლი სნეიდერის ყიდვას. ინგლისის ჩემპიონი მზად იყო ჰოლანდიელში 35 მილიონი ფუნტიც კი გადაეხადა, მაგრამ ბოლო ცნობის თანახმად (თუმცა, სატრანსფერო ბაზრის ბოლო დღეს ბოლო ცნობის გაგება ძალიან პირობითია) სნეიდერმა გადაწყვიტა „სან სიროდან“ ფეხი აღარ მოიცვალოს. მოვლენათა ასეთი განვითარებისა „იუნაიტედის“ გულშემატკივარს არ ეშინია. „ოლდ ტრეფორდზე“ ამბობენ, რომ მათ არანაირი ვესლი არ სჭირდებათ, რადგან 22 წლის ტომ კლევერლი ჰყავთ, ბიჭი, რომელიც კაცმა არ იცის საიდან შევარდა დიდ სცენაზე. „არსენალთან“ შეხვედრის დროს ტრიბუნაზე მავანმა ფანებმა პლაკატიც კი გაშალეს სადაც ეწერა: „ვის რად უნდა თქვენი ვესლი? ჩვენ ჩვენი კლევერლი გვყავს“.თავად კლევერლი ამ კითხვას ასე პასუხობს: „ვის სჭირდება და მე! ვესლი სნეიდერი ფანტასტიკური ფეხბურთელია, მაგრამ თუ ფანებს მიაჩნიათ, რომ მე მისი დონის ფეხბურთის თამაში შემიძლია, ესე იგი სწორად ვმუშაობ“.მიმომხილველების აზრით კლევერლი აშკარად სწორ გზაზე დგას. კვირას, „მანჩესტერ იუნაიტედისა“ და „არსენალის“ შეხვედრაში, სწორედ ის იწყებდა მასპინძელთა შეტევებს მოედნის შუიდან. თანაგუნდელები მარცხნიდან და მარჯვნიდან მხარს უმშვენებდნენ და ისე ჰყვებოდნენ, რომ საბოლოოდ შეხვედრა, 8:2 დასრულდა.მასზე ამბობენ, რომ ის ამაღელვებელ ფეხბურთს თამაშობს, ორთაბრძოლებისა არ ეშინია და მისი თამაშის ნახვა მთელი სიამოვნებაა. კლევერლი ამბობს:„ასეთ შეხვედრაში მონაწილეობა, მითუმეტეს, როდესაც გვედრით მსოფლიო კლასის ფეხბურთელები გიდგანან, უდიდესი სიამოვნებაა. მე ვარჯიშზე ბევრ რამეს ვსწავლობ, გასახდელში ვუსმენ რას ამბობენ თანაგუნდელები, მაგრამ როდესაც ყველაფერი ერთად მოედანზე იყრის თავს და ჩანაფიქრი გამოდის, ნამდვილი ბედნიერებაა. დღევანდელი „მანჩესტერ იუნაიტედი“ ახალგაზრდული, ენერგიით აღსავსე გუნდია და თუკი ასეთი შემართებითა და დაჟინებით განვაგრძობთ, იმედი მაქვს, რომ ტიტულებსაც მოვიპოვებთ. „არსენალთან“ შეხვედრაში გამოჩნდა, რომ კარის წინ მუხლი არ გვიკანკალებს“.მანჩესტერელ ახლგაზრდებს მუხლი არც „ქომუნითი შილდის“ დღეს აკანკალებიათ, როდესაც „მანჩესტერ სიტისთან“ შეხვედრაში 2:0 ჩამორჩენა 3:2 მოგებად შემოატრიალეს, არც „ვესტ ბრომვიჩთან“, სადაც 2:1 მოიგეს და არც „ტოტენჰემთან“, რომელიც პრეტენზიული გუნდია, მაგრამ ინგლისის ჩემპიონამდე ბევრი უკლია - „იუნაიტედმა“ ჰარი რედნაპის გუნდი 3:0 დაამარცხა.„ჩვენ სულ შეტევას ვცდილობთ, მეტოქის კარისკენ მივიწევთ. ერთმანეთს ისე მოხერხებულად ვუცვლით ადგილებს, რომ ნებისმიერი ჩვენგანი შეიძლება მოწინააღმდეგის საჯარიმოში საგოლე პოზიციაში აღმოჩნდეს. ერთმანეთის თამაშის სტილს ისე კარგად ვიცნობთ, რომ ალბათ, ამის ტრიბუნიდან ყურება სიამოვნება უნდა იყოს“ - ამბობს ბესინგსტოკელი ახალგაზრდა, რომელიც 12 წლიდან „მანჩესტერ იუნაიტედის“ სკოლაშია. კარიერაში მოკლე პერიოდები ჰქონდა „ლესტერში“, „უოტფორდსა“ და „უიგანში“.„ბავშვობიდან ვოცნებობდი იმ დღეზე, როდესაც „მანჩესტერ იუნაიტედის“ მაისურით მოედანზე გავიდოდი და დიდ შეხვედრაში მივიღებდი მონაწილეობას. დღეს ეს ოცნება უკვე ხორცს ისხამს, მაგრამ ამაზე გაჩერება არ შეიძლება. მე „მანჩესტერ იუნაიტედის“ ლეგენდარული ფიგურების ყურებაში გავიზარდე. ჩემს წინაშე იყვნენ პოლ სქოულზი, გარი ნევილი, ნიკი ბატი და დევიდ ბექჰემი. 23 ნომრიანი მაისურაც იმიტომ ავირჩიე, რომ ის ბექჰემს უყვარდა და დღემდე იცვამს“.ყოველდღიური სპორტული გაზეთი "ლელო"

[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს

"არ ვცდილობთ, რომ მსოფლიოში ყველაზე მდიდარი ადამიანები ვიყოთ" - ბრუნომ ახსნა, რატომ არ წავიდა საუდის არაბეთში

პრემიერ ლიგის მოგებიდან 10 წლის შემდეგ - "ლესტერი" ინგლისის მესამე დივიზიონში გავარდა

VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...

VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე

[VIDEO] ქვილითაიამ საფრანგეთში ზედიზედ მეორე მატჩში გაიტანა

ლოჩოშვილის "ნიურნბერგმა" "მაგდებურგს" მოუგო

ლევანდოვსკის MLS-ში ტრანსფერი ჩაიშალა

თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა

[VIDEO] დოსუნმუს ბრწყინვალე მატჩი, ჩხუბი და გაცოფებული იოკიჩი - "დენვერი" უმნიშვნელოვანეს შეხვედრაში დამარცხდა

ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს

გოჩოლეიშვილი შეცვლაზე შევიდა - "ჰამბურგი" ისევ დამარცხდა

დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს

პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო

გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს

VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა

"ანჟესთან" მატჩში პსჟ-ს შემადგენლობა ცნობილია

[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება

კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა

[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო

[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში

"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა