- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
როჯერი აგასის გაუთანაბრდა
<p>როჯერ ფედერერმა კოლუმბიელი სანტიაგო ხირალდო სამ სეტში 6:4, 6:3, 6:2 დაამარცხა <br> ამერიკის ღია პირველობის მამაკაცთა ტურნირი ლოგიკურად დაიწყო - არ ყოფილა არც ერთი სენსაცია. პირველი დღის შემდეგ მხოლოდ ერთი განთესილი გამოეთიშა ბრძოლას - ეს გახლავთ მე-15 ნომერი, სერბი ვიქტორ ტროიცკი, ვინც კოლუმბიელ ალეხანდრო ფალასთან დამარცხდა.</p><p>ეს ჩოგბურთელი შარშანდელი უიმბლდონიდან გვახსოვს, როცა პირველ წრეში როჯერ ფედერერს საწყისი ორი სეტი მოუგო და მეოთხეში მატჩზე აწვდიდა. მაშინ შვეიცარიელმა ძალების არნორმალური დაძაბვით შეძლო თამაშის მეხუთე სეტში გადაყვანა და შემდეგ შანსი არ დაუტოვა სამხრეთამერიკელს.</p><p>ამჯერად თავად ფალა იყო მდევრის როლში, სეტებს შორის აგებდა 0:1-ს, 1:2-ს... მეოთხე სეტში ტროიცკი 4:2 დაწინაურდა და მეათე გეიმში სამი მატჩბოლიც ჰქონდა, მაგრამ ბოლო ორი პარტია ფალამ ერთნაირი ანგარიშით - 7:5 მოიგო და სამ საათსა და 40 წუთში გაიმარჯვა. ალეხანდროს წელს პროფესიულ ტურში მხოლოდ ცხრა მატჩი აქვს მოგებული და აქედან ნახევარი "დიდი სლემის" ტურნირებზე მოდის.</p><p>როლან გაროსზე მან მერვედფინალამდე გააღწია და იქ არგენტინელ ხუან იგნასიო ჩელასთან წააგო. მეორე წრეში ფალა მსოფლიოს ყოფილ მეორე ნომერს, გერმანელ ტომი ჰაასს შეხვდება.</p><p>როჯერ ფედერერს მეორე კოლუმბიელთან - სანტიაგო ხირალდოსთან ჰქონდა შეხვედრა. ამერიკის ღია ხუთგზის ჩემპიონს თითქმის არ ჰქონია პრობლემა და სამ სეტში გაუსწორდა მეტოქეს - 6:4, 6:3, 6:2. პირველ სეტში 5:1 დაწინაურების შემდეგ, კოლუმბიელმა ორი ბრეიკი გააკეთა და გაიბრძოლა, მაგრამ იქვე საკუთარი გეიმი და პარტია წააგო. ეს იყო ერთადერთი რთული მომენტი როჯერისთვის. საათსა და 46 წუთში ფედერერმა 35 უნებლიე შეცდომა დაუშვა და 36 "ვინერსი" მიითვალა.</p><p>შვეიცარიელს "დიდი სლემის" ტურნირებზე 224 გამარჯვება დაუგროვდა და ამ მაჩვენებლით ანდრე აგასის გაუთანაბრდა. ეს მეორე შედეგია "ღია ერაში". როჯერზე წინ მხოლოდ ლეგენდარული ჯიმი კონორსია (232), რომლის რეკორდი, სავარაუდოდ, გაისად დაემხობა.</p><p>ფედერერი მეორე წრეში ისრაელელ დუდი სელას შეხვდება, რომელმაც 0:2-დან მოუგო ბრაზილიელ ტომაშ ბელუჩის - 4:6, 2:6, 6:4, 6:3, 6:0.</p><p>საინტერესო უნდა ყოფილიყო მატჩი გაელ მონფილსა და იუნიორთა შორის უიმბლდონის ყოფილ ჩემპიონს გრიგორ დიმიტროვს შორის. მართალია, ფრანგმა სამ სეტში მოიგო, მაგრამ ბულგარელმა 2 საათი და 39 წუთი შეაყოვნა კორტზე მეშვიდე ნომერი - 7:6(4), 6:3, 6:4. 24 წლის მონფილსი კარგად გამოიყურებოდა ამერიკული სერიის ტურნირებზე - გავიდა ვაშინგტონის ფინალში და მეოთხედფინალში ითამაშა მონრეალისა და ცინცინატის მასტერსებზე (ორივეჯერ ნოვაკ ჯოკოვიჩთან დამარცხდა).</p><p>მონფილსი შემდეგ წრეში მსოფლიოს ყოფილ პირველ ჩოგანს, ესპანელ ხუან კარლოს ფერეროს შეხვდება, რომელმაც ხუთსეტიან თრილერში თანამემამულე პაბლო ანდუხარი დაამარცხა.</p><p>ძალიან იოლად გაიმარჯვა ამერიკელთა მთავარმა იმედმა მარდი ფიშმა, ვინც ამერიკული ტურნირების სერიის გამარჯვებული გახდა. გერმანელმა ტობიას კამკემ ამერიკელთა პირველ ნომერს მხოლოდ ხუთი გეიმი აართვა.</p><p>ფიშმა რვიდან შვიდი ბრეიკ-პოინტი აიღო, საკუთარ პირველ მოწოდებაზე კი მხოლოდ ექვსი ქულა წააგო. წესით, მარდის მეორე წრეშიც არ უნდა ჰქონდეს პრობლემა, რადგან მეტოქედ ყველასთვის უცნობი მალეკ ჟაზირი ჰყავს, რომელმაც ჰოლანდიელი ტიემო დე ბაკერი დაამარცხა და პირველი ტუნისელი გახდა, ვინც "დიდი სლემის" ტურნირზე მატჩი მოიგო.</p><p>23 ეისი ჩააწოდა ხორვატმა ივო კარლოვიჩმა ერთ დროს ძლიერი ფერნანდო გონსალესის წინააღმდეგ, გარდა ამისა, პირველ მოწოდებაზე მხოლოდ რვა ქულა დაუთმო ჩილელს და შესაბამისად, სამ სეტში გაიმარჯვა. ახლა, ივოს მეორე წრეში რთული მატჩი ელის ფრანგ რიშარ გასკესთან, რომელმაც ექვსჯერ აიღო უკრაინელი სერგეი სტახოვსკის მოწოდება - 6:4, 6:4, 6:0.</p><p>ასევე სამ სეტში მოიგო მეორე ხორვატმა მარინ ჩილიჩმა. მისმა მეტოქემ, ამერიკელმა რაიან ჰარისონმა 37 უნებლიე და შვიდი ორმაგი შეცდომა დაუშვა, ჩილიჩმა ამას 39 "ვინერსი" და შვიდი ბრეიკი (ცხრიდან) დაუმატა და მეორე წრეში ბერნარდ ტომიჩზე გავიდა. უიმბლდონის სენსაციას, 18 წლის ტომიჩს დებიუტი ჰქონდა ამერიკის ღიაზე, რომელიც იოლი გამარჯვებით აღნიშნა ამერიკელი მაიკლ იანთან მატჩში - 6:3, 6:4, 6:4.</p><p>კარგი ფორმა აჩვენა ტურნირის მეცხრე ნომერმა ტომაშ ბერდიხმა. 34 "ვინერსი" და შვიდი ეისი - ასეთი იყო მისი მონაგარი ფრანგი რომენ ჟუანის წინააღმდეგ. გარდა ამისა, ჩეხმა ბადესთან 18 ქულა (21-დან) მიითვალა და ცხრა ბრეიკ-პოინტიდან ხუთი გამოიყენა - 6:2, 7:6(4), 6:1.</p><p>I წრე</p><p>ალექსანდრ დოლგოპოლოვი (უკრ, 22)-ფედერიკო ჟილი (პორ) 6:4, 6:2, 7:5; ფლავიო ჩიპოლა (იტა)-კეი ნიშიკორი (იაპ) 6:4, 6:2; ივო კარლოვიჩი (ხორ)-ფერნანდო გონსალესი (ჩილ) 6:4, 6:4, 7:6(3); რიშარ გასკე (საფ, 13)-სერგეი სტახოვსკი (უკრ) 6:4, 6:4, 6:0; ტომაშ ბერდიხი (ჩეხ, 9)-რომენ ჟუანი (საფ) 6:2, 7:6(4), 6:1; ფაბიო ფონინი (იტა)-ორასიო სებალიოსი (არგ) 5:7, 6:4, 7:6(5), 6:4; ფილიპ პეტცშნერი (გერ)-ალბერტ რამოსი (ესპ) 7:5, 6:7(2), 6:3, 6:7(5), 6:3; იანკო ტიპსარევიჩი (სერ, 20)-ოგუსტენ ჟენსე (საფ) 6:2, 7:5, 6:0; მარსელ გრანოლერსი (ესპ, 31)-ქსავიე მალისე (ბელ) 6:4, 6:4, 6:4; მიხაილ კუკუშკინი (ყაზ)-ალბერტ მონტანიესი (ესპ) 7:5, 6:2, 3:6, 7:6(5); ხუან კარლოს ფერერო (ესპ)-პაბლო ანდუხარი (ესპ) 1:6, 7:5, 5:7, 6:1, 6:3; გაელ მონფილსი (საფ, 7)-გრიგორ დიმიტროვი (ბულ) 7:6(4), 6:3, 6:4; როჯერ ფედერერი (შვეიც, 3)-სანტიაგო ხირალდო (კოლ) 6:4, 6:3, 6:2; დუდი სელა (ისრ)-ტომაშ ბელუჩი (ბრა) 4:6, 2:6, 6:3, 6:3, 6:0; ბერნარდ ტომიჩი (ავსტრა)-მაიკლ იანი (აშშ) 6:3, 6:4, 6:4; მარინ ჩილიჩი (ხორ, 27)-რაიან ჰარისონი (აშშ) 6:2, 7:5, 7:6(6); რადეკ შტეპანეკი (ჩეხ, 23)-ფილიპ კოლშრაიბერი (გერ) 6:4, 6:1, 6:3; ხუან მონაკო (არგ)-ანდრეას სეპი (იტა) 7:6(1), 6:2, 6:2; ტომი ჰაასი (გერ)-ჯონათან დასნიერ დე ვეიჟი (საფ) 6:3, 6:4, 6:7(5), 6:1; ალეხანდრო ფალა (კოლ)-ვიქტორ ტროიცკი (სერ, 15) 3:6, 6:3, 4:6, 7:5, 7:5; მიხაელ ლოდრა (საფ, 29)-ვიქტორ ჰანესკუ (რუმ) 6:2, 4:6, 4:6, 6:3, 6:2; კევინ ანდერსონი (ს.აფრ)-გო სეოდა (იაპ) 6:1, 6:3, 6:0; მალეკ ჟაზირი (ტუნ)-ტიემო დე ბაკერი (ჰოლ) 4:6, 6:1, 6:4, 6:2; მარდი ფიში (აშშ, 8)-ტობიან კამკე (გერ) 6:2, 6:2, 6:1.</p><p><strong>ყოველდღიური სპორტული გაზეთი "ლელო"</strong></p>
ერთ დროს ჩოგბურთის ამომავალი ვარსკვლავი დოპინგ კონტროლზე კოკაინის გამო ჩავარდა
ნოვაჯ ჯოკოვიჩი ცინცინატის მასტერსზე პირველივე წრეში დამარცხდა
"ყველაფერი ჩემ გარშემო აღარ ტრიალებს " - ნოვაჯ ჯოკოვიჩი
კვლავ პრემიერ ლიგაში - ნიკო გონსალესმა "სიტი" დატოვა
15-წლამდე გოგონათა ნაკრები უეფას განვითარების თასზე იასპარეზებს
"მანჩესტერ იუნაიტედი" ახალგაზრდა ნახევარმცველის შეძენასთან ახლოსაა
აქვსენტი გიორგაძე ქართულ რაგბს დაუბრუნდა
"ამაზე საუბარი გვჭირდება" - რა თქვა ფლიკმა ფორვარდის შესაძლო დამატებაზე?
"თუ გაკპოს ტრანსფერი არ გამოვა - მუდრიკი ნიდერლანდელის ალტერნატივად განიხილება
"ბოლომდე ბედნიერი არ ვარ" - ფერან ტორესი დუბლის შემდეგ
როგორი შეფასებები მიიღეს პსჟ-ს ფეხბურთელებმა "რენთან" მატჩში?
[VIDEO] პსჟ სეზონს მძიმედ იწყებს - ზედიზედ მეორე მარცხისგან დუბლით დებიუტანტმა ტორესმა იხსნა
კვერნაძის "ფროზინონე" "იუვენტუსთან" დაძაბულ მატჩში დამარცხდა
"რენთან" მატჩში პსჟ-ს შემადგენლობა ცნობილია
გენერალური რეპეტიცია შედგა - საქართველოს ნაკრებმა ისრაელი დაამარცხა
[VIDEO] "ლივერპული" "ნიუკასლთან" წაგებას გადაურჩა
[VIDEO] ომი "მეტროპოლიტანოზე". მატჩის MVP მიქაუტაძემ მცველი გააგდებინა და ობლაკს გაუტანა - კაცნაკლულმა "ატლეტიკომ" ფრეს მიაღწია
რა უშლის ხელს ოსიმენის "არსენალში" გადასვლას?
მამუკელაშვილი დონჩიჩის კემპიდან დაბრუნდა - საქართველოს ნაკრები ისრაელთან სრული შემადგენლობით ითამაშებს
[VIDEO] ზივზივაძემ პენალტი ვერ გაიტანა - "ჰაიდენჰაიმი" თასიდან რეგიონული ლიგის გუნდმა გამოაგდო
"მარსელს" სატრანსფერო ფანჯრის დასრულებამდე, მინიმუმ სამი ფეხბურთელი დატოვებს
ნოიერმა არ გამორიცხა - ლეგენდარულმა მეკარემ შესაძლოა, ამ სეზონის მერე კარიერა დაასრულოს
"ეს მისი დანაკარგია" - კურტუა როდრის მიერ "ბარსელონას" არჩევაზე