"რუსთავმა" "კავკასია" სირენის თანხლებით დაამარცხა, "ბათუმმა" "ქუთაისს" ბოლოსწინა წამზე სძლია

გუშინ თელავში დაწყებული სუპერლიგის მე-19 ტური დღეს თბილისში გაგრძელდა. ორივე მატჩი, რომელიც თბილისი არენაზე იყო დაგეგმილი, უაღრესად დაძაბული გამოდგა, რომელთა ბედიც ბოლო და ბოლოსწინა წამზე გადაწყდა. კსუ-კავკასია უფრო ახლოს იყო მოგებასთან, რადგან რუსთავთან თანაბარ ანგარიშზე ბოლო შეტევა მისი იყო.    თამაშის დასრულებამდე 20 წამით ადრე რუსთაველთა ამერიკელმა ლეგიონერმა, ელაია ბიუქენენმა სამქულიანით ანგარიში გაათანაბრა და კავკასიას ბოლო შეტევა და წარმატების შემთხვევაში გამარჯვების იმედი ჰქონდა. კავკასიელები გადავიდნენ შეტევაზე, რუსთაველები მჭიდროდ იცავდნენ თავს და დრამატული ეპიზოდიც გათამაშდა. დაცვაში მდგარმა რუსთაველთა კაპიტანმა, მიხეილ ჭოჭუამ კავკასიელთა ლიდერ ლუკა მაზიაშვილს ბურთზე ხელი წაუკრა და შეტევაში მყოფს კოორდინაცია დააკარგვინა. ბურთი კვლავ ლუკას შეეხო და გვერდით ხაზს მიმა გადადიოდა, თუმცა მაზიაშვილი გადახტა, ბურთი მოედანზე შემოაგდო და მას საკუთარი მოედნის სამქულიან ხაზთან ბიუქენენი დაეპატრონა, რომელსაც მეტოქის ფარისკენ სივრცე თავისუფალი ჰქონდა.    დასრულებამდე 3.5 წამი რჩებოდა, რაც თეორიულად საკმარისია ფარამდე დრიბლინგით მანძილის დასაფარად, თუმცა ბიუქენენი ისეთი მარდი არ არის, რომ ბოლომდე წასულიყო: კავკასიელთა ფარისკენ დაძრული რუსთაველთა ლეგიონერი საჯარიმოს ხაზთან შენელდა და ნახტომში ესროლა. საფინალო სირენა მაშინ გაისმა, როცა ბურთი ბიუქენენის ხელს მოსწყდა და… ფარში ჩაეშვა – 69:67. სუპერლიგიდან გასავარდნ ზონასთან ახლოს მყოფმა რუსთავმა უმნიშვნელოვანესი გამარჯვება მოიპოვა. კავკასიასაც არ აწყენდა გამარჯვება, თუმცა უნივერსიტეტელებს 8 გამარჯვება აქვთ და პლეი ოფში ადგილი ფაქტობრივად განაღდებული აქვთ.   რუსთაველთაგან 15 ქულით ბომბარდირი მონტეს მატისი გახლდათ, ხოლო საერთო სარგებლიანობით საუკეთესო შავი სამუშაოს მტვირთავი, კაოსი ეზიაგუ გახლდათ, რომელმაც 9 ქულა და 11 მოხსნა მიითვალა. 11-11 ქულა ჰქონდათ მატჩის გმირ ელაია ბიუქენენსა და ვახტანგ გაფრინდაშვილს. კავკასიაში 11-11 ქულით ლუკა მაზიაშვილი და ლაშა მიქელაძე გამოირჩნენ.   თბილისი არენაზე გამართული მეორე მატჩი კიდევ არანაკლებ დაძაბული და დრამატული გამოდგა. ბათუმმა ქუთაისს დედაქალაქში უმასპინძლა, რადგან ბათუმის არენაზე სხვა, მასშტაბური ღონისძიებაა დაგეგმილი და 1 თვის მანძილზე დაკავებული იქნება. რაც შეეხება მატჩს, ასეთი თანაბარი შეხვედრა იშვიათია. ლიდერი 14-ჯერ შეიცვალა, ხოლო თანაბარი ანგარიში 9-ჯერ დაფიქსირდა.   ბოლო პერიოდი ქულა-ქულაში მიდიოდა, ხან ერთი გუნდი დაწინაურდებოდა, ხან – მეორე. ბოლო წუთზე ქულას ბათუმი იგებდა, როცა მარკუს გილსონზე დაჯარიმდნენ და ამ უკანასკნელმა საჯარიმოებით ქუთაისი 82:81 დააწინაურა. აქ არანაკლები დრამა გათამაშდა. დასრულებამდე 34 წამი იყო და ბათუმელებმა შეტევისთვის განკუთვნილი მთელი 24 წამი გალიეს და ბოლოს უხერხული სიტუაციიდან გიორგი ოჩხიკიძემ სამქულიანი ესროლა. ბურთი ასცდა და ქულით წინ მყოფი ქუთაისი დასრულებამდე 10 წამით ადრე შეტევაზე გადავიდა. ბათუმელებმა ვერ მოასწრეს ტაქტიკური ჯარიმის აღება, თუმცა ქუთაისელთა ლეგიონერ დეტრიკ ბრაუნინგს შორი პასი არ გამოუვიდა – მას ვერ მიუსწრო მარკუს გილსონმა და დასრულებამდე 4 წამით ადრე ბურთი ბათუმს გადაეცა. თუმცა სიტუაციის გარჩევაში ბათუმელებმა ტექნიკური ჯარიმა მიიღეს და ბრაუნინგმა ბონუს-სროლა ვერ გამოიყენა. არადა, რომ ჩაეგდო, ქუთაისი ძირითად დროში დამარცხებას გადაურჩებოდა.   ბათუმელებმა ბურთი შემოიტანეს, რომელიც გამოცდილმა აკაკი დვალიშვილმა მიიღო, ქუთაისელთა ფარისკენ დაიძრა და გამარჯვების ბურთი მოხდენილად ჩატენა – 83:82. დარჩენილ 1.2 წამში ქუთაისმა სამქულიანით კი შეუტია, მაგრამ ბრაუნინგის სროლა უზუსტო აღმოჩნდა. ამ გამარჯვებით ბათუმმა ქუთაისს გადაასწრო და ცხრილში პირველ ადგილზე გადავიდა. თუმცა დაკარგული ქულებით ლიდერი თსუ-ა, რომელსაც ბათუმზე 1-ით ნაკლები თამაში აქვს ჩატარებული.   მე-19 ტურის დარჩენილი 2 მატჩი 29 მარტს თბილისსა და გურჯაანში გაიმართება. თბილისი არენაზე რაში ივერიონს უმასპინძლებს, ხოლო გურჯაანში დელტა თსუ-ს მიიღებს.    GBF.GE

თსუ-მ სუპერთასი დაიცვა - უნივერსიტეტელებმა "ბათუმი" დამაჯერებლად დაამარცხეს

დუდუ დადიანის მემორიალი კსუ-კავკასიამ მეორედ მოიგო

სუპერმენი "ბლექ ფორტრესში" | დუაიტ ჰოვარდი საქართველოს სუპერლიგაში ითამაშებს

"ეს ჩემი პრობლემა არ არის" - მანჩინი "მანჩესტერ სიტის" საქმეზე

Chery Tiggo 7 4x4 - ოჯახური კროსოვერი სენა ავტო ჯგუფისგან, სპეციალური აქციით

crocobet დიდი 10 სენსაციით გაიხსნა, სინი პატარძეულში წავიდა

"თუ სიმეონეს გუნდი თამაშობს, ტელევიზორს სხვა არხზე ვრთავ" - არგენტინის ნაკრების ყოფილი მწვრთნელი

"იამალის ერთი ცუდი მატჩი სხვა ნებისმიერი ფეხბურთელის 400 ცუდ მატჩს" - ესპანელმა მის ირგვლივ არსებულ წნეხზე ისაუბრა

მატა: პრემიერ ლიგა არასდროს მომიგია - თუ მოვიგე?

ისევ დამაჯერებლად - ბასილაშვილი ჩენგდუს ტურნირის ნახევარფინალშია!

ესპანეთმა "უემბლიზე" ინგლისს მოუგო - ხორვატიამ ჩეხეთს სძლია

საქართველო - უკრაინა | 27 სექტემბრის განრიგი

ევროლიგის პირველ ტურში შენგელიას "დუბაიმ" "რეალი" ქულით დაამარცხა

U21. საქართველოს ნაკრები საბერძნეთთან ისევ 0:3 დამარცხდა

უკრაინელი ექსპერტი: მთავარია, ჩვენები თბილისიდან ქულის გარეშე არ დაბრუნდნენ

ტორესი პედრის პსჟ-ში გადასვლაზე დაჟინებით არწმუნებს

U21. საბერძნეთთან მატჩში საქართველოს ნაკრების შემადგენლობა ცნობილია

სანიოლი: მადლობა ამ ექვსი არაჩვეულებრივი წლისთვის - საქართველოს ჩემს გულში მუდამ განსაკუთრებული ადგილი ექნება

მერკვილაძის 6 სამქულიანი და 22 ქულა ჩრდილოეთის ლიგაში

"კარგად არ გამოიყურება" - ზიდანმა მბაპეს ტრავმის სიმძიმეზე ისაუბრა

"მბაპე თუ იამალი? მე თავშეკავებულ ადამიანს ვირჩევ" - რუმენიგემ "ოქროს ბურთის" ფავორიტი დაასახელა

"მისნაირი არავინაა, მიეცით "ოქროს ბურთი" მესის" - რომერომ არგენტინელს მხარდაჭერა გამოუცხადა