Liverpool Echo: "ლივერპული" კატასტროფის წინაშე - მამარდაშვილისთვის შესაძლებლობაა დაამტკიცოს, რომ ალისონის ხანგრძლივვადიანი მემკვიდრეა

Liverpool Echo-მ პსჟ-სა და &bdquo;ლივერპულის“ ჩემპიონთა ლიგის პირველი მეოთხედფინალური მატჩის წინ წერილი გამოაქვეყნა და აღნიშნა, რომ გიორგი მამარდაშვილისა და იბრაიმ კონატესთვის დღეს თავის წარმოჩენა მნიშვნელოვანია.   რა თქმა უნდა, როგორც ყოველთვის, წერილი ალისონის ქება-დიდებით იწყება - უძღვნიან სადიდებელ დითირამბს, ვითარცა ძველ საბერძნეთში ღვთაება დიონისეს.    &bdquo;მერსისაიდული კლუბის დიად მეკარეთა პანთეონში ალისონს კვლავ პირველი ადგილი უკავია. მისი გასულ წლის მარტში &bdquo;პარკ დე პრენსზე“ თამაში იმის ნათელ დადასტურებას წარმოადგენს, თუ რატომ რჩება პლანეტაზე ერთ-ერთ საუკეთესო ფეხბურთელად. თუმცა, საბოლოოდ მისი თავდადება ამაო გამოდგა, რამეთუ ჩემპიონთა ლიგის ტრიუმფისკენ გზად, ერთი კვირის შემდეგ &bdquo;ენფილდზე“ პენალტების სერიაში მეტოქემ გაიმარჯვა.    ახლა, როდესაც საფრანგეთის დედაქალაქში ისევ გავლენ საასპარეზოდ, მათ რიგებში ტრავმის გამო ლეგენდარული ბრაზილიელი არ იქნება. ზოგიერთი ისე ცდილობს სიტუაციის წარმოჩენას, თითქოს ბეკერს მწვრთნელთან, არნე სლოტთან უთანხმოება აქვს. ისინი გასულ კვირაში მეკარის მიერ ტრავმის შესახებ გამოქვეყნებულ პოსტს ეყრდნობიან, სინამდვილეში კი მან ადრე ნიდერლანდელის გავრცელებული ინფორმაცია დაადასტურა.    თუმცა, უდავოა, ტრავმები და დროება &bdquo;თავის საქმეს აკეთებენ“ და საინტერესოა, გაგრძელდება თუ არა ზაფხულიდან &bdquo;წითლებში“ მისი კარიერა. დღევანდელი საღამო გიორგი მამარდაშვილისთვის მორიგი შესაძლებლობაა დაამტკიცოს, რომ ბრაზილიელის გრძელვადიანი მემკვიდრეა. თავის სადებიუტო სეზონში ქართველს, შესაძლოა, მოსალოდნელზე მეტი სათამაშო დრო ჰქონდა, მეტადრე ჩემპიონთა ლიგაზე, სადაც 10-დან 5 შეხვედრაში ითამაშა. გიორგის საკმაო გამოცდილება აქვს მიღებული &bdquo;ვალენსიასა“ და საქართველოს ნაკრებში, რათა უსმან დემბელეს, დეზირე დუეს და მათ თანაგუნდელებს არ უფრთხოდეს. თანამემამულე ხვიჩა კვარაცხელიას შესახებაც ყველაფერი იცის, ვინაიდან მასთან ერთად საქართველოს ნაკრების ღირსებას იცავს და ევროპის 2024 წლის ჩემპიონატზეც ითამაშეს.   ერთ-ერთი მიზეზი იმისა, რომ გასულ სეზონში ალისონს ხშირად უწევდა &bdquo;პარი სენ ჟერმენის“ შემტევების დარტყმების მოგერიება, იბრაიმ კონატეს ცუდი თამაში გახლდათ, რომელსაც ცენტრალური ნახევარმცველი სათანადოდ ვერ ეხმარებოდა. იგივე განმეორდა 12 თვის მერე ინგლისის თასზე &bdquo;მანჩესტერ სიტისთან“ 0:4 განადგურებისას, როცა თვით საიმედო ვირგილ ვან დეიკიც ვერ იყო დამაჯერებელი. კონატეს ჩავარდნა კონტრაქტის ამოწურვის პერიოდს დაემთხვა და პსჟ მისით დაინტერესებული მრავალი კლუბიდან ერთ-ერთია. ამ კვირაში საფრანგეთში გავრცელდა ინფორმაცია, რომ იბრაიმი დარჩენასთან უფრო ახლოსაა, ვიდრე წასვლასთან, ხოლო მსოფლიო ჩემპიონატის დაწყებამდე ფრანგის საკითხის გადაწყვეტა ყველა მხარეს აწყობს.    &bdquo;ლივერპულისთვის“ კიდევ ერთი იმედგაცრუება კატასტროფული იქნება და ზოგიერთი ფეხბურთელის ხანგრძლივი მომავლის პერსპექტივა სერიოზული კითხვის ნიშნის ქვეშ დადგება.    კონატეს და მამარდაშვილს შეუძლიათ გადამწყვეტი როლი ითამაშონ იმაში, რომ გამოასწორონ მდგომარეობა, საპასუხო მატჩის წინ გუნდი უშანსოდ არ დარჩეს და მიანიშნონ უკეთეს მომავალზე“.

Rigiti

მე მაინც მგონია რომ უკეთესი იქნება პსჟ გავიდეს შემდეგ ეტაპზე, უფრო მეტი შანსი აქვს ლიგის მოგების და ამავდროულად კვარამ თუ გაიბრწყინა... ძალიან მიუახლოვდება იმ მწვერვალს თითოეული ჩვენგანი რომ გულში ვნატრობთ!!!
.

სამი დღის წინ,ლივერპულის თამაში ნახე სიტისთან და მაინც ასე იმედიანად თუ ხარ,შენც იმ რაკეტაში უნდა იჯდე,ამერიკელებმა მთვარეზე რომ გაგზავნეს.კოსმონავტის გული გქონია,ძმაო!ჩემი რა მიდის,ორივე მხარეს ჩვენია,წარმატებას გისურვებ,მაგრამ ...მაინც გაუფრთხილდი გულს
ქობულეთიდან

დღეს საღამოს ქართველი გულშემატკივრების გული ორად იყოფა.ჩემპიონთა ლიგის 1/4 ფინალში 2 ქართველი დაუპირისპირდება ერთმანეთს,ეს დიდი პრესტიჟია საქართველოსთვის. კვარაც და მამარდაც პროფესიონალები არიან და დარწმუნებული ვარ მოედანზე ერთმანეთს არაფერს დაუთმობენ, მეგობრობა მოედანს მიღმა, ეს მათ არ ესწავლებათ. პირადად მე ვისურვებდი რომ ორივემ კარგი მატჩი ჩაატაროს დაე ძლიერმა გაიმარჯვოს.
შაქრო პაპა

კაცო, თუ გატანაა, რაღა დემბელემ და დუემ უნდა გაიტანონ, გაიტანოს ხვიჩამ და პირადი სტატისტიკა გაიუმჯობესოს. თუ მაგარია მამარდა, აუღოს, ვინ უშლის? ძმობა ძმობად, მაგრამ ეს ყველაფერი მინდვრის გარეთ. კი ბატონო, ვთქვათ დაინდო ხვიჩამ, დანარჩენები დაინდობენ? გამოდის რომ, 2 თამაში უნდა ისიმულიანტოს ხვიჩამ, თანაც ამის გამო შეიძლება გამოვარდნენ კიდეც, რომ მამარდამ დაიმკვიდროს ადგილი. ეს ეხლა ნორმალური იქნება? ან სადაა იმის გარანტია, რომ აპრილის ბოლოს ისევ ალისონა არ დააყენონ ძირითადში? დაე, ნუ დაზოგავენ თავს, ითამაშონ რაც შეუძლიათ და ძლიერმა გაიმარჯვოს, ასე ჯობია ყველასთვის გულშემატკივრების ჩათვლით.
ეს რა ლხინი გვჭირს ტოო???

მოკლედ, გაგვიჩინეს რაა ამ დაუდგრომელმა ქართველებმა თავსატეხი, დატეულიყვნენ ერთი თბილისის და მეორე მოსკოვის ლოკომოტივში, რას გვერჩოდნენ? აბა წარმოიდგინეთ, არა, ეგრე არა, სავარძელში კარგად მოკალათდით, ცივი ჰაინიკენი ან ყაზბეგი მოყლუპეთ, ტოტტის ( ჯულბასას) პირიდან გამოაცალეთ ის დაბრდღვნილი მუთაქა, მეორე მუთაქა თქვენს გვერდით მოყვინთავე სუბიექტს ( მამა და პაპა ნუ იქნება ) სტყორცნეთ, თავად თვალები კარგად დახუჭეთ და წარმოიდგინეთ - მიიღო ხვიჩამ ბურთი, მოუქნია და აი ისეთი მოუქნია, შარშან ამ დროს რო მოექნია ალისონ ბეკერს და მერე ნახევარმილიმეტრიანი თამაშგარე რო გამოუჩხრიკეს, გადახტა მამარდა, რაც შეეძლო, გაიწელა, გადახტა და ... რას აკეთებ შენ ამ დროს?!... გადართავ ფორმულაზე და ვინცხას ცოლის დაქალების 20 წლის წინანდელ სერიას დაუწყებ ყურებას??? ვერ გამოვა, თვარა კაია... ჩემი რჩევა იქნება, თუ თვალები ისევ დახუჭული გაქვს, ეგრევე თვალდახუჭული, ხელების ცეცებით მიდი საძინებლამდე, შეწექი და დაიძინე, დილას გაიგებ, რამდენი გაიტანა კვარამ და რამდენი სეივი ჰქონდა მამარდას... არა, რას გვერჩოდნენ, ჩვენი გაჭირვება არ გვეყოფოდა???
მამუკა

რა დიდ პატივს ვცემ ტიტანურ აზრებს!!!!!!!!!!!!!!!!
ხონხოროზი

დისცომფორტი და ეგეთი ცონცოროზობა რა მოსატანია, კიდევ როდის ექნება თავის გამოჩენის ასეთი შანსი???
.....

და რატომ არ უნდა ჰქონდეს იმედი. პსჟს თუ მოუგო, ბაიერნს და არსენალს რატო ვერ მოუგებს ? შეგახსენებ წელს ლიგაზე ლივერპულმა რეალს, ინტერს და ატლეტიკოს მოუგო. პრემიერ ლიგაში და თასებზე რა ქნა არ მაინტერესებს
achi

kvara ro urtyavs didi bodishi magram giorgis ver ugulshematkivreb moigeriosmetqi dembele da sxvebma tu daurtya daichiros yvela bazari araa (((
.

კარგი,კვარამ აიტანა და ლივერპული გავიდა,მაგრამ მერე?იმედი გაქვს,რომ ეს ლივერპული ლიგის მოგების რაიმე შანსს ფლობს?
მეკარე

საუკეთესო სცენარი: პირველ წუთებზე მამარდა მოიგერიებს თერთმეტმეტრიანს და ეტყვის სლოტს, რომ დისცომფორტი იგრძნო. შეცვლიან. მერე PSG გოლებით ამოტენის ლივერპულის მესამე მეკარეს.
დდდ

ჩემი სუბიექტური მოსაზრებით, მამარდას უსწრაფეს წინსვლაში გადამწყვეტი ფაქტორი ის გარემოება გახდა, რომ ყოველთვის უსუსტესი დაცვის მქონე გუნდებში უწევდა თამაში და ამბიციური მეკარისთვის ეს ყოველთვის თავის გამოჩენა-წარმოჩენის საუკეთესო საშუალებაა - ასე იყო ვალენსიაში, დღემდე ასეა ( სამწუხაროდ) ნაკრებში და თუ დღევანდელი ლივერპულის დაცვას დავაფასებთ ( ვერაფრით ამოავსეს ტრენტის წასვლით გაჩენილი სიცარიელე), გიორგიმ არათუ ალისონის ჩრდილიდან გამოსვლა უნდა მოახერხოს, შესაძლოა, ნოიერის გუშინდელი უნაკლო ასპარეზობაც კი გადაფაროს... ასე, რომ როგორც თავადვე გვიქადაგებს - მთავარია, გჯეროდეს!!! მიდი გიო!!!
გულშემატკივარი

მე ამ წყვილში ლივერპულისკენ ვარ, ჯობია საფონოვი გაიდორკოს რაღა მამარდა გაიდირკოს, კვარა აიტანს როგორმე 1-2 თამაშს უგოლოდ...

The Arsenal Insider: "არსენალი" კვერნაძის აგენტთან აწარმოებს მოლაპარაკებას

The Athletic: "რეალი" კურტუას შემცვლელს ეძებს

"ასეთ შემთხვევაში, ირაოლას სხვა გზა აღარ ექნება და მამარდაშვილი "ლივერპულის" ძირითადი მეკარე გახდება!" - Football Insider ქართველ კიპერზე წერს

საქართველოს რაგბის კავშირის განცხადება

"დილამ" ნიდერლანდელი გარემარბი დაიმატა

"იუვენტუსი" "ტოტენჰემისგან" მეკარეს გამოისყიდის

დავიდ სილვამ 40 წლის ასაკში საფეხბურთო კარიერა განაახლა

ქალთა ნაკრები მოლდოვაში ორ ამხანაგურ მატჩს გამართავს

"იუვენტუსი" მზადაა თავისი ვარსკვლავი 150 მილიონად გაყიდოს

[VIDEO] ქართული ძიუდოს რეკორდი - ტატო გრიგალაშვილი მსოფლიოს 4-გზის ჩემპიონია!

WU19 | საქართველო 1:0 ბულგარეთი

სეზონის ბოლომდე კვლავ “ლიონში”? - ენდრიკს საფრანგეთში უხმობენ

მამუკელაშვილი "ლეიკერსის" სასტარტო და ბობარდირი "გოლდენ სტეიტთან"

პსჟ "მანჩესტერ სიტის" მარცხენა გარემარბის შეძენას აპირებს

18 ქულა 18 წუთში | შერმადინის შედეგიანობით "ტენერიფემ" ვერ იხეირა

მერინო შეცვლაზე შესვლიდან გოლების გატანის დიდოსტატია

"ნაკრებიდან უნიკალური ფეხბურთელი წავიდა" - მოდრიჩი მესის არგენტინის ნაკრებში კარიერის დასასრულზე

"არა მხოლოდ არგენტინა, არამედ მთელი მსოფლიო მადლობას გიხდის" - ნეიმარი მესის სანაკრებო დასასრულზე

მერკვილაძის გამარჯვების სამქულიანი საკუთარი მოედნიდან | 16 ქულა და 9 მოხსნა

ზედიზედ ოთხი მარცხის შემდეგ - თურქებმა მონტელა დაითხოვეს

"ვინ მართავს უკრაინულ ფეხბურთს?! უსინათლოები და სულელები არიან?!" - ვორონინმა უკრაინის ნაკრების გამოსვლა უმძიმესად შეაფასა

ლუკა გაგნიძემ მოსკოვის "დინამოსთან" კონტრაქტი გაწყვიტა და თავისუფალი აგენტი გახდა

მატჩის დღე! ლოგიკის დროით, საქართველოს გამარჯვების დროა

ლუჩანო სპალეტი: "კვარა" სულ სხვა საფეხბურთო გარემოდან მოვიდა

ლუის ენრიკე პსჟ-ში ერთ ცვლილებას ამზადებს

"ალისონმა ვერაფერი გააკეთა, სამაგიეროდ წინდები ეცვა შესანიშნავი" - მედიამ ბრაზილიელს კრიტიკა შეჰბედა

დუბლიორი თუ კონკურენტი მამარდაშვილისთვის - "ლივერპული" ბელგიელ მეკარეს ყიდულობს

კონატე: პენალტი იყო - პსჟ-სთვის რომ გაგვეტანა, ყველაფერი სრულიად სხვაგვარად წარიმართებოდა

"სავარაუდოდ, ცვლილებები იქნება" - ფაბრიციო რომანომ ალისონ ბეკერის მომავალზე ისაუბრა

ალისონი "ლივერპულთან" კონტრაქტს კიდევ გაახანგრძლივებს? - ინგლისელი ჟურნალისტი მამარდაშვილის მომავალზე წერს

"ნოემბერში ნაკრებში სხვანაირი სიტუაცია იქნება" - რა თქვეს ფეხბურთელებმა ჩრდილოეთ ირლანდიასთან ნამატჩევს

მამარდაშვილი "რეალში" კურტუას შესაძლო შემცვლელად - ესპანური გამოცემა საინტერესო ინფორმაციას ავრცელებს

[VIDEO] ალისონი აღფრთოვანებული დარჩა - რა რეაქცია ჰქონდა ბრაზილიელს მამარდაშვილის ბრწყინვალე მოგერიებაზე

პსჟ "მანჩესტერ სიტის" მარცხენა გარემარბის შეძენას აპირებს

[VIDEO] ლივერპულმა "ატლეტიკოს" სძლია - ბარკოლამ ტრავმა მიიღო

საქართველოს ნაკრები პირველი გამარჯვებისთვის! - გასაიდუმლოებული დეტალები ბუდაპეშტში

მბაპე "ლივერპულში" გადასვლაზე თანახმაა

The Athletic: "რეალი" კურტუას შემცვლელს ეძებს

ხვიჩას სცენარი მეორდება - "ნაპოლიმ" კვარაცხელიას მაგალითზე ვერაფერი ისწავლა?

ფილიპე ლუისი: პსჟ-ს ვერ შევედრებით - ჩვენი გუნდის დონეს ბოლოს ვნახავთ

"დღეს ის ფეხბურთელი ვარ, რომელზეც "ბარსელონაში" ყოფნისას ვოცნებობდი" - უსმან დემბელე

კონატე "რეალის" ფეხბურთელი გახდა

სიომინი: ხვიჩა "ოქროს ბურთის" ნომერი პირველი პრეტენდენტია

საფრანგეთის ნაკრების მცველმა "ლივერპული" დატოვა და შეიძლება პსჟ-ში გადავიდეს

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

[VIDEO] ალისონმა პენალტი აიკიდა და ყველაზე დაბალი შეფასებები მიიღო- "ლივერპულმა" სახლში "ნოტინგემთან" ფრეს მიაღწია