თანაბარი ტაიმის შემდეგ თსუ-მ ორბი დაამარცხა და სერიაში 1:0 დაწინაურდა

&bdquo;თბილისი არენაზე“ გამართული სუპერლიგის მეორე ნახევარფინალური წყვილის მატჩიც საკმაოდ საინტერესო გამოდგა. რეგულარული სეზონის გამარჯვებულმა, თბილისის სახელმწიფო უნივერსიტეტის გუნდმა, ტყიბულის &bdquo;ორბს“ უმასპინძლა. ლექსო ლაფანაშვილის გაწვრთნილმა გუნდმა მოახერხა სტატუსის გამართლება და დაძაბულ ბრძოლაში 92:88 სძლია მეტოქეს, რითაც სერიაში მნიშვნელოვანი ნაბიჯი გადადგა.   მატჩი ტყიბულელთა უპირატესობით დაიწყო. &bdquo;ორბმა“ პირველი პერიოდი საკმაოდ ეფექტურად ჩაატარა და 24:20 დაწინაურდა. თუმცა, მეორე მეოთხედში თსუ-მ თამაშის რიტმი დაიჭირა. სტუდენტებმა შეტევაში უმატეს, დაცვა გაამკაცრეს და პერიოდი 22:15 მოიგეს, რამაც მათ დიდ შესვენებაზე მცირე, 3-ქულიანი ლიდერობით გასვლის საშუალება მისცა (42:39).   მესამე ათწუთეული მატჩში გადამწყვეტი აღმოჩნდა. თსუ-მ სრულად დაამყარა კონტროლი მოედანზე. კურვოსიე მაკკოლისა და გიორგი ტურძილაძის აქტიურობით, მასპინძლებმა ეს მონაკვეთი 27:17 მოიგეს. სწორედ ამ პერიოდში დააფიქსირა თსუ-მ მატჩის მაქსიმალური ლიდერობა (19 ქულა). გადამწყვეტი პერიოდის წინ ანგარიში 69:56 იყო და ჩანდა, რომ თსუ გამარჯვებას იოლად გაიფორმებდა.   მიუხედავად სოლიდური ჩამორჩენისა, ირაკლი ტომარაძის გუნდმა ხასიათი გამოავლინა. ბოლო პერიოდში ტყიბულელებმა ნამდვილი შტურმი მოაწყვეს და მეოთხედი 32:23 მოიგეს. ილია ლონდარიძისა და ლარი ოსტინის ძალისხმევით, &bdquo;ორბმა“ სხვაობა მინიმუმამდე დაიყვანა, თუმცა თსუ-მ გადამწყვეტ მომენტში ხასიათი გამოამჟღავნა და კარგად დაწყებული საქმე გამარჯვებით დააგვირგვინა.   თსუ-ს გამარჯვების მთავარი შემოქმედი კურვოსიე მაკკოლი გახდა, რომელმაც 23 ქულა, 8 მოხსნა და 3 პასი მოაგროვა. შესანიშნავი მატჩი ჰქონდა გიორგი ტურძილაძეს, რომელმაც 21 ქულა და 5 მოხსნა ჩაიწერა აქტივში. ალექსანდრე ფევაძემ გუნდს 17 ქულა და 7 მოხსნა შესძინა, ხოლო მალკოლმ დრამრაითმა 10 ქულასთან ერთად 8 შედეგიანი გადაცემა შეასრულა.   ტყიბულელთა რიგებში საუკეთესო იყო ილია ლონდარიძე 18 ქულითა და 6 მოხსნით. ლარი ოსტინმა და შონ მურიმ 17-17 ქულა დააგროვეს (მურიმ ასევე 10 მოხსნა მიითვალა). 12 ქულა ჰქონდა ლუკა ხარაბაძეს, ხოლო მარკ ფრომენმა შეხვედრა 11 ქულითა და 8 პასით დაასრულა.   თსუ სერიაში 1:0 დაწინაურდა. მომდევნო შეხვედრა კვლავ &bdquo;თბილისი არენაზე“, 10 მაისს გაიმართება, სადაც გაირკვევა, შეძლებს თუ არა &bdquo;ორბი“ სერიაში წონასწორობის აღდგენას.   GBF

ბათუმმა თსუ ფანტასტიკურ ფინალში დაამარცხა და საქართველოს ჩემპიონი გახდა!

"ბათუმის" გამარჯვება ქომაგების ოვაციების ფონზე და აჭარლები ჩემპიონობას მიუახლოვდნენ

"ბათუმმა" ფინალურ სერიაში ანგარიში გაათანაბრა და მოედნის უპირატესობა მოიპოვა

საქართველოს 16-წლამდე გოგონათა ნაკრები ევრობასკეტის ნახევარფინალშია

შალამბერიძე, ვართანოვი, თვაური, რატიშვილი – ქართველი მსაჯები და კომისარი ასაკობრივ ევროჩემპიონატებზე

საუდის არაბეთი ან MLS-ი? - სალაჰს კარიერის გაგრძელების ორი ვარიანტი აქვს

"ეს მატჩი ჩაწყობილი იყო. მუნდიალს მესის გასამარჯვებლად ატარებენ" - ეგვიპტელთა ფეხბურთელი არგენტინასთან მარცხის შემდეგ

[VIDEO] შვეიცარიამ პენალტების სერიაში კოლუმბიას სძლია და მეოთხედფინალში არგენტინას დაუპირისპირდება

ოფიციალურად | პაულო ვიტორი ბათუმის "დინამოში" ითამაშებს

U20. საქართველოს ნაკრებმა ურუგვაი გაანადგურა

[VIDEO] მესის მაგია - არგენტინამ ეგვიპტეს საოცარი მატჩი შემოუტრიალა და მეოთხედფინალში გავიდა

მიდის თუ არა ნაკრებიდან - რონალდომ კომენტარი გააკეთა

"ანჩელოტი რომ ბრაზილიელი იყოს, პრესა გაანადგურებდა" - ქვეყნის ნაკრების ყოფილი მწვრთნელი კარლოს აკრიტიკებს

"პარიზს", სადაც ახლახან ანდრია კვირიკაძე გადავიდა, სათავეში ლიამ როსენიორი ჩაუდგა

მამარდაშვილი გამოირიცხა - "ბეშიქთაშს" ახალი მეკარე ჰყავს

შეთანხმება მიღწეულია - აკლიუში კარიერას პსჟ-ში გააგრძელებს

[VIDEO] ტრამპს დასცინეს - აშშ-ისთან მატჩის ბოლოს ბელგიელებმა ასეთი რამ გააკეთეს

"საძაგელი ქალი ხართ... იცოდეთ, ამას არასდროს დავუშვებ!" - მბაპემ მის მიმართ პარაგვაელი სენატორის რასისტულ განცხადებას უპასუხა

ორი გარიგება მეკარის პოზიციაზე ერთ დღეში - ხვიჩა კვარაცხელიას პსჟ-ში ცვლილებებია

ყველა დროის რეკორდი - ვინ გაუტანს გოლს ესპანეთს?

მარტინესი გადადგა - პორტუგალიელთა ახალი შესაძლო მთავარი მწვრთნელიც უკვე დასახელდა

"ცუდად ხომ მაინც არ ჩაივლის..." - ბრაზილია, გერმანია და მუნდიალის წყევლა

[VIDEO] ახლა რაღას გახდება ტრამპი? - ბალოგუნიანი აშშ ბელგიასთან განადგურდა