ბათუმის გმირობა და ფინალის ისტორიული საგზური: მოქმედი ჩემპიონი ტახტს ემშვიდობება

ფინალში დღეს გასულ თსუ-ს მალევე მიჰყვა “სკ ბათუმი 2010”, რომელმაც ნახევარფინალური სერია მომავალი საფინალო მეტოქის იდენტური ანგარიშით — 3:1 მოიგო. თუკი თსუ-მ მთლიანობაში იოლად მოიგო სერია, ბათუმმა ეს უფრო შთამბეჭდავად გააკეთა. ნახევარფინალური სერიის მარცხით დაწყების შემდეგ, აჭარულმა გუნდმა ზედიზედ 3 მატჩი მოიგო, რითაც მოქმედ ჩემპიონს — ქუთაისს — ტიტულის დაცვის შანსი წაართვა და თავად მოიპოვა ფინალის საგზური.   დღევანდელი შეხვედრა ნამდვილი თრილერი გამოდგა. ბათუმმა თამაში მძიმედ დაიწყო და 0:11 ჩამორჩენის შემდეგ სიტუაცია ვერც პირველი ნახევრის ბოლომდე გამოასწორა, რომელიც 34:49 წააგო. მესამე პერიოდის დასაწყისშივე ქუთაისის ლიდერობამ პიკს მიაღწია — გიორგი სულაბერიძის სამქულიანის შემდეგ სხვაობა 19 ქულა გახდა (54:36).   სწორედ აქედან დაიწყო ბათუმელთა აღზევება. გარდატეხას საფუძველი დავით ლომიძის სამქულიანმა დაუდო, რასაც აკაკი დვალიშვილის, მაირინ ტომასის და ისევ ლომიძის ზუსტი სროლები მიჰყვა. ქუთაისს წუთშესვენებამ ვერ უშველა — საქმეში გიორგი ოჩხიკიძის სამქულიანი და მაირინ ტომასის ქულები ჩაერთო. მესამე პერიოდის დასრულებამდე წამებით ადრე კი, ლევან ბაბილოძის სამქულიანმა ბათუმი მატჩში პირველად დააწინაურა — 61:59.   მეოთხე პერიოდში დემორალიზებულ ქუთაისს აღარაფერი გამოუვიდა. ბათუმელთა ლიდერობამ მალევე 10 ქულას გადააჭარბა. მართალია, დეტრეკ ბრაუნინგისა და ტაირი ბოიკინის სამქულიანებით მასპინძლებმა სხვაობა 8 ქულამდე შეამცირეს, თუმცა ბაბილოძის მორიგმა შორეულმა გასროლამ და დვალიშვილის ეფექტურმა გდებამ მატჩის ბედი დასრულებამდე წუთნახევრით ადრე გადაწყვიტა — როცა ზღვისპირელთა ლიდერობა 13 ქულამდე ავიდა. ამის შემდეგ ბურთი არც ჩავარდნილა – ბათუმმა 83:70 იმარჯვა და არსებობის ისტორიაში ფინალში პირველად გავიდა. აღსანიშნავია, რომ დღეს ფინალში გასული გუნდი 22 წლის წინ გაჩემპიონებული “ბასკოს” პირდაპირი სამართალმემკვიდრე არ გახლავთ, თუმცა “ბათუმი 2010” სწორედ “ბასკოს” ფესვებზეა შექმნილი და ისინი დასავლეთ საქართველოს ერთ-ერთ ყველაზე ლამაზ და განვითარებულ ქალაქს წარმოადგენენ.   მატჩის სტატისტიკურ ლიდერებს რაც შეეხება, ბათუმის რიგებში საუკეთესო მაირინ ტომასი იყო 22 ქულითა და 12 მოხსნით, მას კი მხარი აკაკი დვალიშვილმა (14 ქულა, 17 მოხსნა) და ლევან ბაბილოძემ (17 ქულა) აუბეს, ხოლო დავით ლომიძემ და გიორგი ოჩხიკიძემ გუნდს შესაბამისად 7 და 9 ქულა შესძინეს. ქუთაისის მხრიდან გამორჩეული იყო დეტრეკ ბრაუნინგი 21 ქულით, ტაირი ბოიკინმა 15 ქულა დააგროვა, გიორგი სულაბერიძის ანგარიშზე კი 10 ქულა და 7 მოხსნაა.   თსუ-სა და ბათუმს შორის ფინალური სერია 3 მოგებამდე გაგრძელდება. საწყისი სამი მატჩი 21, 23 და 26 მაისს გაიმართება, ხოლო საჭიროების შემთხვევაში გუნდები 28 და 31 მაისსაც შეხვდებიან ერთმანეთს. მოედნის უპირატესობა თსუ-ს აქვს, რომელმაც რეგულარული ჩემპიონატი პირველ ადგილზე დაასრულა, ხოლო ბათუმი – მეორე იყო.   GBF

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

ზესტაფონის მარგვეთმა გორში ივერიონს მოუგო

ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა

ჩრდ. ირლანდიასთან მატჩში საქართველოს ნაკრების შემადგენლობა ცნობილია

18 წ. | ევროპის ჩემპიონატს ჩეხეთი უმასპინძლებს

აბეები ისევ ფინალში არიან და ესპანელი მეტოქეები ეყოლებათ

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

პორტუგალიამ ნორვეგიას, დანიამ კი უელსს მოუგო

"შავი ლომი" | თბილისის თასი "ჩიტასთან" გამარჯვებით დავხურეთ

ლაშა დვალი: მხოლოდ ასე შევძლებთ ამ ვითარების შემოტრიალებას

ჩრდილოეთ ირლანდიის მწვრთნელი: წინ კარგად მივიწევთ და მგონია, ხვალ საღამოსაც წარმატებას მივაღწევთ

VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა

ქართველი მსაჯები უეფას ერთა ლიგის მატჩს მოემსახურებიან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEO] გიორგი სარდალაშვილმა მსოფლიო ჩემპიონატზე ბრინჯაოს მედალი მოიპოვა!

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

მატჩის დღე! ლოგიკის დროით, საქართველოს გამარჯვების დროა

"ხალხი თამაშებზე მის გამო დადის, ამიტომ "ოქროს ბურთი" მან უნდა მოიგოს" - ჩეხეთის ნაკრების მთავარი მწვრთნელი

"მესი თუ რონალდო?" - მიულერმა არჩევანი გააკეთა