- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქართული ჩოგბურთი პრობლემების გადასახედიდან
<p>ინტერვიუ ჩოგბურთის ეროვნული ფედერაციის პრეზიდენტთან ლეილა მესხთან <br> ქართული ჩოგბურთის ქომაგებს საინტერესო ბატალიები ელით. 10 სექტემბერს ლეილა მესხის ჩოგბურთის აკადემიის კორტებზე ქალთა საერთაშოისო ტურნირი დაიწყება 10 ათასი ამერიკული დოლარის საპრიზო ფონდით.</p><p>ერთი კვირის შემდეგ მას ბათუმის ნავთობტერმინალის 25-ათასიანი საერთაშორისო ტურნირი ჩაენაცვლება. შემდეგ კი ეროვნული ოლიმპიური კომიტეტის, სპორტის სამინისტროს, ჩოგბურთის ეროვნული ფედერაციისა და კახეთის სამხარეო ადმინისტრაციის ერთობლივი ძალისხმევით თელავში 50-ათასიანი ტურნირი გაიმართება.</p><p>ზემოაღნიშნულ შეჯიბრებებსა და ქართულ ჩოგბურთში არსებულ პრობლემებზე გვესაუბრება ჩოგბურთის ეროვნული ფედერაციის პრეზიდენტი ლეილა მესხი:</p><p>- დიდი ხანია, საქართველოში ქალთა საერთაშორისო ტურნირებს ვატარებთ და ამ ტრადიციას არც წლეულს ვუღალატებთ. ეს შეჯიბრებები სასიცოცხლოდ მნიშვნელოვანია ჩვენი ახალგაზრდა თაობისთვის, განსაკუთრებით მათთვის, ვინც უსახსრობის გამო უცხოეთში გამგზავრებას ვერ ახერხებს. თამამად შემიძლია ვთქვა, რომ სწორედ ამ ტურნირების დამსახურებაა, რომ დღეს ქალთა ეროვნულ ნაკრებში მოსახვედრად ჯანსაღი კონკურენციაა.</p><p>ზედიზედ ორ ტურნირს თბილისი უმასპინძლებს სპორტის სამინისტროს, კომპანია "ბორჯომის", ბათუმის ნავთობტერმინალისა და სხვა სპონსორების დახმარებით. შეჯიბრებებში ნორჩი ჩოგბურთელებიც იასპარეზებენ, რაც მათ ოსტატობის ამაღლებასა და ფინანსურად ხელის გამართვაშიც დაეხმარება. განსაკუთრებით მნიშვნელოვანი ის არის, რომ თელავის ტურნირის საპრიზო ფონდი 50 ათას დოლარამდე გავზარდეთ. გულშემატკივრებს დაძაბული ორთაბრძოლები ელით.</p><p><strong></p><p>- ქალბატონო ლეილა, თქვენ ბრძანეთ, რომ ქალთა ნაკრებში მოსახვედრად კონკურენციააო, გუნდი კი ევრო-აფრიკული ზონის მე-2 ჯგუფს ვერ გასცდა.</strong></p><p>- თუნდაც იმ შემადგენლობით, რომლითაც თურქეთში ვიასპარეზეთ, შეგვეძლო პირველ ჯგუფში გადასვლა, მიზანთანაც ახლოს ვიყავით, მაგრამ ერთმა გეიმმა ყველაფერი წყალში ჩაგვიყარა. არა უშავს, გაისად გაცილებით ძლიერი ნაკრები გვეყოლება და უფრო დიდი მიზანიც გვექნება.</p><p><strong>- ანა ტატიშვილს რომ ეთამაშა?</p><p></strong>- ანასაც ძალიან უნდოდა ფედერაციის თასზე ეთამაშა. იგი პატრიოტი გოგოა, რომელიც სამშობლოსთვის ყველაფერს გაიღებს. მაშინაც მზად იყო საამისოდ, მაგრამ მისი დასვენება გადავწყვიტეთ, რადგან სამი კვირის განმავლობაში ხელი სტკიოდა და არ გვინდოდა, ტრავმა გამიზეზებოდა.</p><p>ჩვენი გადაწყვეტილების სისწორე იქიდანაც ჩანს, რომ ანამ საუკეთესო ასეულში დაიმკვიდრა ადგილი და გვჯერა, წლის ბოლომდე კიდევ რამდენიმე საფეხურით წაიწევს წინ, ლონდონის ოლიმპიადის საგზურსაც მოიპოვებს, რაც ქართველი ჩოგბურთელებისთვის დიდი სტიმული იქნება.</p><p>მადლიერებით მინდა მოვიხსენიო ეროვნული ოლიმპიური კომიტეტი, რომელიც ტატიშვილს 25 ათასი დოლარით დაეხმარება. ქართველმა ჩოგბურთელმა ამ თანხით მწვრთნელის პრობლემის მოგვარება შეძლო. ვიცით, რომ მეტი თანადგომაა საჭირო, მაგრამ, როგორც ფედერაციას, ისე სახელმწიფოს ამ ეტაპზე ფინანსურად მეტი შესაძლებლობა არ აქვს.</p><p>აქვე, მინდა გითხრათ ოქსანა კალაშნიკოვაზეც. ამ შესანიშნავ ჩოგბურთელს კარგა ხანია, ხერხემლის პრობლემა აწუხებს. თავადაც ხედავთ, რამდენიმე თვეა, კორტებზე არ გამოსულა. ნაკრებში მისი არყოფნაც ჩვენთვის დიდი დანაკლისი იყო, ვიმედოვნებთ, რომ ისიც მალე ჩადგება მწყობრში და უწინდებურად ათამაშდება.</p><p><strong>- ვაჟებზე რას იტყვით? აქ ეროვნული გუნდი, ფაქტობრივად, არ გვყავს...</p><p></strong>- უფროსი თაობის წარმომადგენლებმა აქტიურ სპორტს თავი დაანებეს, ახალგაზრდებს კი ჯერჯერობით ძალა და გამოცდილება აკლიათ, ევროპელებს სათანადო წინააღმდეგობა გაუწიონ. გიორგი ჯავახიშვილი, გიორგი ცივაძე, ალექსანდრე მეტრეველი ორ-სამ წელიწადში საერთაშორისო სარბიელზე ნებისმიერი ჩოგბურთელისთვის, ალბათ, ანგარიშგასაწევი მეტოქეები იქნებიან, კარგი გუნდიც გვეყოლება.</p><p>უსახსრობის გამო ვაჟთა საერთაშორისო ტურნირებს ვერ ვატარებთ. გაისად კი მათ აუცილებლად აღვადგენთ. თუმცა ეს სოლიდურ თანხებთანაა დაკავშირებული.</p><p><strong>- არაფერი გითქვამთ ნიკოლოზ ბასილაშვილზე, რომელმაც რუსეთის მოქალაქეობა მიიღო. ნიჭიერი და კარგი მომავლის მქონე ჩოგბურთელი დავკარგეთ. რა იღონეთ, რომ ეს არ მომხდარიყო?</p><p></strong>- ბოლო დროს ბასილაშვილის ინტერვიუ დაიბეჭდა პრესაში, სადაც იგი ამბობს, რომ სახელმწიფომ არაფერი იღონა მის შესანარჩუნებლად, რაც არ არის მართალი. სამი წლის წინათ, როცა მისი რუსეთში წასვლის საკითხი დადგა, მე და სეოკ-ის პრეზიდენტი გია ნაცვლიშვილი მაშინდელ ძეგლთა დაცვის, კულტურისა და სპორტის მინისტრ ნიკა რურუას ვეწვიეთ და ეს საკითხი განვიხილეთ.</p><p>ბასილაშვილის აგენტ მიხაილ გორინს შევთავაზეთ, რომ ნიკას წლიურად 70 ათას დოლარს გადავუხდიდით. აგენტის ურყევი პირობა ასეთი იყო - 150 ათასი დოლარი ყოველწლიურად, თან ოთხწლიანი კონტრაქტით. 16 წლის ყმაწვილისთვის ამხელა თანხის გადახდა რისკი იყო, თანაც სახელმწიფოს და ჩოგბურთის ეროვნულ ფედერაციას სათანადო საშუალება არ ჰქონდა. ამის თაობაზე ბასილაშვილის მამასაც ვესაუბრეთ. მან კი გვითხრა, კონტრაქტით აგენტზე ვართ დამოკიდებული და ერთპიროვნულად ვერაფერს გადავწყვეტთო.</p><p>ნიკა ბასილაშვილი ჩვენს ხელში გაიზარდა, კარგი ბიჭია. წარმატებას ვუსურვებთ. ვიმედოვნებთ, რომ იგი კვლავ დაუბრუნდება საქართველოს ნაკრებს და საერთაშორისო სარბიელზეც სამშობლოს სახელით იასპარეზებს.</p><p><strong>- ბაზებზეც მინდა გკითხოთ: მტკვრის სანაპიროზე "დინამოს" კორტები დაინგრა...</p><p></strong>- სანაცვლოდ ორთაჭალაში საცურაო აუზ "ოლიმპიკის" მიმდებარე ტერიტორიაზე "დინამოს" შესანიშნავი კომპლექსი შენდება 3 დახურული და 6 ღია კორტით, რომელიც ოქტომბერში საზეიმოდ გაიხსნება. სამომავლოდ გათვალისწინებულია, აქაურობას კიდევ რამდენიმე კორტი შეემატოს. ასე რომ, შესანიშნავი ბაზა გვექნება.</p><p><strong>- მაგრამ, ამბობენ, ქარიანი ადგილიაო.</p><p></strong>- ამ თემაზე ჩვენც გვქონდა სერიოზული მსჯელობა. ნებისმიერ ქვეყანაში კორტები დღეს ქალაქგარეთ შენდება და ქარის პრობლემა ყველას აწუხებს, მაგრამ ჩოგბურთელებისთვის ეს არ არის შემაფერხებელი, რადგან ისინი ნებისმიერ ამინდს შეჩვეული არიან. ზღვისპირა კორტებზე, თუნდაც მაიამიში, ქარი ქრის, ცხადია, ზომიერი, მაგრამ დღემდე არავის მოსვლია აზრად, ეს ბაზა აქ რატომ ააშენესო.</p><p>ერთიც მინდა დავძინო: სულ მალე მზიურში დაიწყება კიდევ ერთი საჩოგბურთო კომპლექსის მშენებლობა 4 დახურული და 8 ღია კორტით, რომელიც გაისად დამთავრდება. ზემოაღნიშული ბაზების ამოქმედებით უამრავ ახალგაზრდას მივიზიდავთ და ქართული ჩოგბურთის პოტენციალიც აუცილებლად გაიზრდება.</p><p>ჩოგბურთის ეროვნულმა ფედერაციამ შეიმუშავა სპორტის ამ სახეობის განვითარების ხუთწლიანი პროგრამა, რომელიც ყველა სფეროს მოიცავს - ჩოგბურთისა და ინფრასტრუქტურის განვითარებას რეგიონებში, სკოლებში, უმაღლეს სასწავლებლებში. მჯერა, რომ სახელმწიფოს თანადგომით მის განხორციელებას შევძლებთ.</p><p><strong>ყოველდღიური სპორტული გაზეთი "ლელო"</strong></p>
"უიმბლდონის" ყოფილ ჩემპიონს 4-წლიანი დისკვალიფიკაცია მიუსაჯეს
ბასილაშვილმა სონეგო დაამარცხა და ჰალეს ტურნირის ძირითად ბადეში ითამაშებს
ბასილაშვილმა ბალახის სეზონი მარცხით დაიწყო
"მილანმა" პსჟ-ს თავდამსხმელის ტრანსფერზე მიმართა
20 წ. | გამარჯვებული შემადგენლობით უელსთან
20 წ. | ლუკა ნარსია: ჩვენი მიზანი ისტორიის დაწერაა
აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე
"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე
საქართველოს ნაკრები აფრიკის ჩემპიონთან დამარცხდა
20 წ. | ვინ მოდის საქართველოში - სამხრეთ აფრიკა
VIDEO | ეროვნული ლიგა | გაგრა 0-0 სამგურალი. რომ არა ეს, მატჩის სცენარიც და საბოლოო შედეგიც იქნებ სულ სხვა ყოფილიყო...
აი, რატომ ვერ ივარგა კეინმა - თურმე, შამანს შეულოცია
ტაბიძე გუნდში გადადის, რომელმაც უკეთესი პირობები შესთავაზა
ნეიმარი ბრუნდება და ვნახოთ, რამდენად დაეხმარება ბრაზილიის ნაკრებს
"ეროვნული სიამაყის შთაგონების წყაროს წარმოადგენ" - მესის დაბადების დღეს ულოცავენ
"ბეშიქთაშს" დიდი გეგმები და დავითაშვილთან სერიოზული წინადადება აქვს
მანჩინი გამოირიცხა - იტალიას დიდი ალბათობით, კონტე ჩაიბარებს
მე-2 ტურის ამბები და შესაძლო პლეი-ოფი: იმედგაცრუება და აღმაფრენა
[VIDEO] სკანდალური მომენტი ინგლისისა და განას მატჩიდან, რომელიც ყველას გამორჩა
"მე ვხედავ მოხუც კაცს ყავარჯნებით, რომელსაც..." - რონალდოს დის ირონიული კომენტარი პორტუგალიის გამარჯვების შემდეგ
მარკოიშვილის ისტორიული ტრიუმფი, რომელმაც მონაკო საფრანგეთის ჩემპიონად აქცია!
"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს
ამ კვირაში წარადგენენ - მარესკა "სიტის" მწვრთნელი ოფიციალურად რამდენიმე დღეში გახდება