სერენა სრული სვლით

აშშ-ის ღია პირველობაზე სერენა უილიამსმა ბელარუს ვიქტორია აზარენკასთან შეხვედრაში 6:4, 4:0 მოიგო ქალთა ტურნირზე კვლავაც სენსაციები კანონზომიერ შედეგებს ენაცვლება. კიდევ ერთხელ დაამტკიცა მთავარი ფავორიტის სტატუსი ამერიკელმა სერენა უილიამსმა.მისი მატჩი ბელარუს ვიქტორია აზარენკასთან დღის ცენტრალური დაპირისპირება იყო და ბევრმა მას ნაადრევი ფინალიც კი უწოდა, რადგან წინ დღეს ბრძოლას ჩამოშორდა სერენას ერთ-ერთი მთავარი კონკურენტი - მარია შარაპოვა.უმცროსი უილიამსი და აზარენკა აქამდე სამჯერ შეხვდნენ ერთმანეთს "დიდი სლემის" სხვა ტურნირზე - ავსტრალიის ღიაზე და ყოველ ჯერზე ბელარუსი სულ უფრო ახლოს იყო გამარჯვებასთან. ბოლო შეხვედრაში კი 6:4, 4:0-დან წააგო ამერიკელთან.ვიქტორიამ ვერც ამჯერად გატეხა ნავსი. პირველ სეტში უილიამსის უპირატესობა ულაპარაკო იყო - თამაშითაც და ანგარიშითაც. მასპინძელი შესანიშნავად აწოდებდა, ბრწყინვალე დარტყმებს ასრულებდა და მეტოქეს გასაქანს არ აძლევდა: აზარენკამ მხოლოდ სეტის ბოლოსკენ გაქვითა ანგარიში.მეორე პარტიაში ბელარუსმა გაცილებით უკეთესი თამაში აჩვენა. მას ძალიან კარგი კონტრშეტევები გამოსდიოდა და მისი დარტყმების შემდეგ ბურთები პირდაპირ ხაზზე "ჯდებოდა". მაგრამ სერენამაც შეინარჩუნა ის თამაში, რომლითაც პირველ სეტში წარმატებას მიაღწია.მოვლენები დრამატულად განვითარდა. უილიამსმა მეშვიდე გეიმში ბრეიკი გააკეთა და შემდეგ მიღებაზე სამმაგი მატჩბოლი მოიპოვა. ვიქტორიამ სამივე მოიგერია, თანაც მესამე შემთხვევაში ის მხოლოდ Hawk-eye-ის სისტემამ გადაარჩინა. შემდეგ სერენას კიდევ ერთი მატჩბოლი ჰქონდა (აამჯერად საკუთარ მოწოდებაზე), მაგრამ ბელარუსმა აქაც იყოჩაღა და სეტი ტაი-ბრეიკამდე მიიყვანა, მაგრამ იქ მცირე უპირატესობა მაინც ამერიკელს ჰქონდა - 7:5.რაც შეეხება ბოლო ორი დღის მთავარ სენსაციას, ის მარია შარაპოვასა და იტალიელი ფლავია პენეტას მატჩში მოხდა. აპენინელს წელს ცუდი სეზონი აქვს - მან სეზონის სტარტზე ტრავმა მიიღო და დიდი ხანი ვერ ახერხებდა ფორმის დაბრუნებას. თუმცა ამერიკის ღიაზე მოხერხებულმა ბადემ მას საკუთარ ძალებში დამაჯერებლობა დაუბრუნა. თანაც იტალიელისთვის "დიდი სლემის" ეს ტურნირი ყველაზე წარმატებულია, რადგან ფლავია აქ ორჯერ იყო მეოთხედფინალში.ისევე, როგორც პირველი წრის მატჩში, მარიამ ამჯერადაც ჩააგდო შეხვედრის სტარტი. მან მხოლოდ 0:4-ის შემდეგ იპოვნა თავისი თამაში, მეტოქეც დაეხმარა შეცდომებით და შარაპოვამ ორივე ბრეიკი დაიბრუნა. თუმცა შემდეგ რუსმა ცუდად წარმართა გეიმი საკუთარ მოედანზე და პენეტამ სეტზე წარმატებით ჩააწოდა.მეორე სეტში უკვე შარაპოვამ წაიყვანა ანგარიში ბრეიკით. პენეტა არ დანებდა და ამას ორი ბრეიკით უპასუხა, თუმცა იქვე ისევ წააგო საკუთარი მოწოდებები. თუ პირველ სეტში შარაპოვას მხოლოდ ხუთი "ვინერსი" ჰქონდა, ამჯერად 13-ჯერ მოიგო ქულა საკუთარი დარტყმით, რაც მესამე სეტში წარმატების იმედს უტოვებდა.ასევე მარიას სასარგებლოდ ლაპარაკობდა ერთი სტატისტიკური მაჩვენებელი - რუსისთვის ეს იყო მე-13 სამსეტიანი მატჩი სეზონში და მას წინა 12 შეხვედრა მოგებული ჰქონდა. გადამწყვეტ პარტიაში დიდი ბრძოლა გაიმართა. პირველ სამ გეიმს მეტოქეებმა 26 წუთი მოანდომეს და სამივე იტალიელს დარჩა.ისევე, როგორც პირველ პარტიაში, შარაპოვამ ამჯერადაც გაათანაბრა ანგარიში. პენეტა არ გატყდა და აგრძელებდა აქტიურ თამაშს, თუმცა ქულათა დიდ ნაწილს ის მეტოქის შეცდომების ხარჯზე აგროვებდა. ფლავიამ დროულად შეაჩერა რუსი ჩოგბურთელი, როცა საკუთარ მოწოდებაზე გეიმი აიღო. შემდეგ კი მარიამ ორი ორმაგი გააკეთა და თავისი გეიმი "მშრალი" ანგარიშით დათმო - 3:6, 6:3, 4:6.1/16 ფინალიკაროლინ ვოზნიაცკი (დან,1)-ვანია კინგი (აშშ) 6:2, 6:4; სვეტლანა კუზნეცოვა (რუს, 15)-აკგულ ამანმურადოვა (უზბ) 6:4, 6:2; ანდრეა პეტკოვიჩი (გერ, 10)-რობერტა ვინჩი (იტა, 18) 6:4, 6:0; კარლა სუარეს ნავარო (ესპ)-სილვია სოლერ-ესპინოსა (ესპ) 6:0, 6:4; სერენა უილიამსი (აშშ, 28)-ვიქტორია აზარენკა (ბლრ, 4) 6:1, 7:6(5); ანა ივანოვიჩი (სერ, 16)-სლოუნ სტივენსი (აშშ) 6:3, 6:4; ანასტასია პავლიუჩენკოვა (რუს, 17)-ელენა იანკოვიჩი (სერ, 11) 6:4, 6:4; ფრანჩესკა სკიავონე (იტა, 7)-შანელ სხეპერსი (ს.აფრ) 5:7, 7:6(5), 6:3; მონიკა ნიკულესკუ (რუმ)-ლუსი საფაროვა (ჩეხ, 27) 6:0, 6:1; ანჟელიკ კერბერი (გერ)-ალა კუდრიავცევა (რუს) 6:3, 6:1; შუაი პენგი (ჩინ, 13)-ჯულია გორჯესი (გერ, 9) 6:4, 7:6(1); ფლავია პენეტა (იტა, 26)-მარია შარაპოვა (რუს, 3) 6:3, 3:6, 6:4; მარია კირილენკო (რუს, 25)-კრისტინა მაკჰეილი (აშშ) 6:2, 6:3; სამანტა სტოსური (ავსტრა, 9)-ნადია პეტროვა (რუს, 24) 7:6(5), 6:7(5), 7:5; საბინ ლისიცკი (გერ, 22)-ირინა ფალკონი (აშშ) 6:0, 6:1; ვერა ზვონარევა (რუს, 2)-ანაბელ მედინა გარიგესი (ესპ, 30) 6:4, 7:5.1/8 ფინალივოზნიაცკი (1)-კუზნეცოვა (15); პეტკოვიჩი (10)-სუარეს ნავარო; ს. უილიამსი (28)-ივანოვიჩი (16); პავლიუჩენკოვა (17)-სკიავონე (7); ნიკულესკუ-კერბერი; პენგი (13)-პენეტა (26); კირილენკო (25)-სტოსური (9); ლისიცკი (22)-ზვონარევა (2).ყოველდღიური სპორტული გაზეთი "ლელო"

სამწუხარო მარცხი - ბასილაშვილი რომის მასტერსს გამოეთიშა

[VIDEO] როცა ქართველები საზღვარგარეთ სპორტსმენებს გვერდით უდგანან - ბასილაშვილმა ჩვენს თანამემამულეებთან ერთად გამარჯვება ემოციურად აღნიშნა

ნაკაშიმაც დამარცხებულია - ბასილაშვილი რომის მასტერსის მერვედფინალში რუბლევს დაუპირისპირდება

სანტანდერში საგიჟეთია, გულიაშვილი სასტარტოშია - "რასინგი" ლა ლიგას უახლოვდება

გოჩოლეიშვილი სათადარიგო იყო - "ჰამბურგი" "ბაიერს" ფრედ ეთამაშა

20 წ. | საერთაშორისო სერიისთვის 30 მოთამაშე შეირჩა

ოფიციალური შეთავაზება მზადაა - ალისონი "იუვენტუსს" სულ უფრო უახლოვდება

ყველა ტრანსფერზე - "ლიონის" შემდეგ რთულ ფინანსურ მდგომარეობაში "მარსელიც" აღმოჩნდა

"აიაქსს" მომავალი სეზონიდან ახალი მწვრთნელი ეყოლება

ასე ხმაურიანად დაბრუნდება? - მოურინიოს "რეალში" "ბარსელონას" ფეხბურთელის მიყვანა სურს

ზედიზედ მეოთხედ - ვახტანგ ახობაძე ევროპის ჩემპიონია

VIDEO | ეროვნული ლიგა | ტორპედო 2-1 დილა. კორღალიძის მარცხიანი დებიუტი

"ასტონ ვილა" - "ლივერპული". გუნდების შემადგენლობები ცნობილია

თბილისის 7-კაცას "ლოკომოტივის ბაზა" უმასპინძლებს

ითამაშებს თუ არა დღეს მამარდაშვილი? - Liverpool Echo ინფორმაციას ავრცელებს

"ბაიერი" მწვრთნელს გადააყენებს

ქართველი მსაჯები საბერძნეთის სუპერლიგის ბოლო ტურის მატჩს განსჯიან

ზურიკო წინ, დღეს ბუდუს ამბავი და პსჟ-ის ბოლო ტური

"ეს რაგბია და არა ფეხბურთი" - ბერნარდო სილვამ "არსენალი" გააკრიტიკა

მომავალ კვირას ყველაფერი გაოფიციალურდება - ცნობილია რამდენს გადაუხდის "რეალი" "ბენფიკას" მოურინიოს სანაცვლოდ

WhiteBIT და FC Barcelona ხუთწლიან შეთანხმებას აანონსებენ, რომელიც მიზნად ისახავს სპორტში გლობალური ინოვაციების დანერგვას

"ასე ხდება, როცა სულელურად თამაშობ" - სნეიდერმა კამავინგა "გაამხნევა"

"ნიუკასლის" შემტევმა "ბაიერნთან" პირადი კონტრაქტი შეათანხმა