"ლეო, უბრალოდ წადი სახლში..." - დი მარიას ემოციური წერილი მესის

8 აგვისტოს, ლიონელ მესის მამა, ხორხე გარდაიცვალა. ფეხბურთელებმა სხვადასხვა სტილით გამოხატეს თანადგომა, მაგალითად, როდრიგო დე პაულმა გატანილი გოლის შემდეგ საკუთარი მაისური გაიხადა და შედეგიანი გასროლა მესის ოჯახს ლეოს მაისურით მიუძღვნა.      დი მარიამ მეგობარს საჯაროდ მიმართა და გულწრფელად გაამხნევა:     "გულწრფელად, არც მი ვიცი რა ვთქვა. როდესაც ადამიანი მამას კარგავს, არ არსებობს სიტყვები, რომლებიც მის ტკივილს გააქრობს. ხოლო როდესაც საქმე ლეოს ეხება... ეს კიდევ უფრო მტკივნეულია, რადგან ვიცი, რამდენად მნიშვნელოვანია მისთვის მისი ოჯახი. ხალხი მესის ისე უყურებს, როგორც ფეხბურთელს. ისინი ხედავენ თასებსა და გოლებს, მაგრამ მე ლეოს, როგორც ადამიანს, ისე ვიცნობ. მინახავს, როდესაც ყველაფერი რთული იყო, როდესაც მთელი მსოფლიო თითქოს და მის წინააღმდეგ იყო, თუმცა მამა ყოველთვის გვერდით ედგა. მას რეკორდები, გოლები და ოქროს ბურთი არ აინტერესებდა. ხორხე შვილის კეთილდღეობაზე ზრუნავდა.      ლეო, ცოტახნით დაივიწყე ფეხბურთი, დაივიწყე ყველაფერი... დაივიწყე თასები, დაივიწყე ის, რაც ხალხს შენგან სურს. უბრალოდ წადი სახლში, დაჯექი ოჯახთან, ჩაეხუტე შვილებს, დედას და გაიხსენე მამაშენი. იმიტომ, რომ ფეხბურთი ყოველთვის იქნება, მამა კი - აღარ.      როდესაც მესისთვის ფეხბურთის თამაში ძალიან რთული გახდა, სწორედ ხორხემ შეძლო და მისცა ის ძალა, რომელიც თამაშის გაგრძელებაში დაეხმარებოდა. ვიმედოვნებ, ახსოვს, რომ მამის სიყვარული არ ქრება. ის სამუდამოდ მასთან დარჩება. სამუდამოდ...      და ლეო... თუ ამას უყურებ, ნუ ეცდები ძლიერი იყო. ტირილის უფლება გაქვს. უფლება გაქვს გულგატეხილი იყო. მთელი ცხოვრება მილიონობით ადამიანს ბედნიერებას ჩუქნიდი, ახლა კი საკუთარ თავზე ზრუნვის დროა. შენი მეგობრები აქ არიან, შენი ოჯახიც აქ არის და მამაშენის სიყვარული ყოველთვის შენთან იქნება".     მოგეხსენებათ, მესი და დი მარია ორი ათწლეულის განმავლობაში "ალბისელესტეს" ნაკრებისთვის ერთად თამაშობდნენ. ყველაფერი 2007 წელს დაიწყო და 2024-ში დასრულდა, მას შემდეგ, რაც დი მარიამ სანაკრებო კარიერა დაასრულა. ერთად 6 მნიშვნელოვანი ტიტული მოიგეს: მსოფლიოს 20 წლამდელთა ჩემპიონატი, 2008 წლის ოლიმპიური ოქროს მედალი, კოპა ამერიკა (2-ჯერ), ფინალისიმა და რაც მთავარია მსოფლიოს ჩემპიონატი. სწორედ მათ გაიარეს ერთად რთული და ბედნიერი პერიოდები. დღეს ლეო ცხოვრების ერთ-ერთ ყველაზე მძიმე პერიოდს გადის, "ფიდეო" კი ამჯერად არა მოედანზე, არამედ ცხოვრებაში უდგას გვერდით.

ჟორა

ლეო, არც პირველი ხარ და არც უკანასკნელი, ამ გზას ყველა გადის და ახლა გმართებს გამაგრება და გონების მოხმობა, რადგან მამის გონიერი სიტყვა დაგაკლდა.
გოჩა

ლეო გამაგრდი! ვიცით შენ და მამაშენს გქონდათ განსაკუთრებული ურთიერთობა და მაგასთან შეგუება ძალიან ძნელია, როცა ძალიან საყვარელი ადამიანი გეცლება ხელიდან. ლეო გვიყვარხარ და გითანაგრძნობთ! მამაშენი კი ღმერთმა ნათელში ამყოფოს!
დავითი

ორი დიდებული ფეხბურთელი, მაგრამ კიდევ გაცილებით უფრო მეტიც - ორი დიდებული ადამიანი. სხვა კომენტარის გაკეთება ზედმეტად მიმაჩნია!

გულიაშვილის სრული მატჩი და "რასინგის" თასზე გამარჯვება

ქოჩორაშვილის 67 წუთი - "სევილია" თასის მომდევნო ეტაპზე გავიდა

საზონოვი შეცვალეს - "ხეტაფემ" თასზე თამაში შემოატრიალა

გიორგი ცხოვრებაძემ ჩემპიონთა ლიგის გათამაშება გამარჯვებით დახურა

"ბორჯღალოსნები" | რაგბი ევროპამ ჩემპიონატის კალენდარი დაამტკიცა

ორლანდოს მძიმე სტარტი NBA-ში — ბითაძის გუნდი ტორონტოსთან დამარცხდა

მომდევნო მეტოქე ალკარასია - ბასილაშვილი ვენის ტურნირს წარმატებით იწყებს

ირაოლა: მამარდაშვილმა ძალიან მოუმატა - მაღალი დონისაა

ქვილითაიას "ჰოლშტაინმა" თასზე ბუნდესლიგის "ჰოფენჰაიმს" სძლია

გოგლიჩიძე შეცვალეს - "მონცა" "ნაპოლისთან" დამარცხდა

იეგოიანის დუბლი - "ექსელსიორი" თასის შემდეგ ეტაპზე გავიდა

VIDEO | დავით ყიფიანის სახელობის საქართველოს თასი | დინამო (ბთ) 3-1 დილა. მეექვსედ ფინალში - თასს ახალი მფლობელი ეყოლება

ჩაკვეტაძის დადებითი შეფასებები - "უდინეზემ" როგორც იქნა ქულა მოიპოვა

"ჩელსისთან" მატჩში მამარდაშვილი "ლივერპულის" სასტარტოშია

WU17 | საქართველო 2:3 უელსი

[VIDEO] ჩინებული იყო. თორნიკეს და თბილისის "დინამოს" შოუ - ჩვენმა გუნდმა "კოპენჰაგენი" დიდი ანგარიშით დაამარცხა

Geo Team: არაბიძემ "ტორპედო" დატოვა

მერკვილაძის მორიგი ძლიერი მატჩი ჩრდილოეთ ევროპის ლიგაში | "გრონინგენის" დამაჯერებელი გამარჯვება

მარკის რიდის 17 ქულა ევროთასზე - "ბაჰჩეშეჰირმა" პაოკ-ი დაძაბულ ბრძოლაში დაამარცხა

სამმატჩიანი პაუზის შემდეგ შენგელია მოედანს 8 ქულით დაუბრუნდა

დასაევი: საფონოვის მეოთხე ადგილი უბრალოდ თავის დამშვიდებაა

სანჩომ "ხეტაფეში" გადასვლა არ ისურვა

სასჯელი მკაცრი იქნება? - შესაძლოა, ნეიმარი 6-მატჩიანი დისკვალიფიკაციით დასაჯონ