"მე არ მძულს რუსი ხალხი, მძულს რუსული პოლიტიკა და რუსეთის მთავრობა" - დვალიშვილმა მახაჩევის განცხადებას უპასუხა

UFC-ის ქართველმა მებრძოლმა მერაბ დვალიშვილმა ისლამ მახაჩევის განცხადებას უპასუხა. ყველაფერი იმით დაიწყო, რომ რუსმა UFC330-ზე ირლანდიელი იან გარი დაამარცხა. შეხვედრის დასრულების მერე, მისი გუნდის წევრებმა მებრძოლს რუსეთის დროშა შემოახვიეს, რასაც მერაბ დვალიშვილის უკმაყოფილება მოჰყვა.    "მეგონა, ამ დროშის გამოყენების უფლებას არ მისცემდნენ. ის მთელს მსოფლიოში აკრძალულია, მაგრამ UFC-ში აჩვენებენ. ეს სიგიჟეა და ჩემთვის გაუგებარია. თანაც, დროშაზე სახელები წერია", - თქვა მაშინ დვალიშვილმა.    ჩვენებურის ამ კომენტარს მახაჩევმა უპასუხა და აღნიშნა, რომ ქართველი მეტოქე დიდი ხანია ნეგატიურად არის განწყობილი მისი გამარჯვებების მიმართ თუმცა,იქვე დაამატა, რომ ასეთ თავდასხმებს ყურადღებას არ აქცევს.   სპორტსმენმა გაიხსენა, რომ რუსმა პიოტრ იანმა უკვე დაამარცხა დვალიშვილი და ბრძოლის შემდეგ დროშაც აღმართა და ის ამას კიდევ გაიმეორებს.    "დვალიშვილი ოქტაგონზე ჩემი წარმატებებით თავიდანვე უკმაყოფილო იყო, მაგრამ მსგავს რაღაცებს ყურადღებას არ ვაქცევ. მერაბმა ამ თემაზე ბევრჯერ ისაუბრა, თუმცა პიოტრ იანმა ის დაამარცხა და რუსეთის დროშაც აღმართა. ის დვალიშვილს კვლავ დამაარცხებს და საბოლოოდ გააჩუმებს", - ციტირებს მახაჩევს Youtube არხი Ushataika.   დღეს კი დვალიშვილმა სოციალურ ქსელში პოსტი გამოაქვეყნა, სადაც მახაჩევის ამ კომენტარს უპასუხა და აღნიშნა, რომ არა რუსი ხალხი, არამედ რუსეთის მთავრობა სძულს და თავად მახაჩევს დიდ ჩემპიონად მიიჩნევს.    "ახლახანს ვნახე ვიდეო, სადაც მახაჩევი ჩემი ვიდეოს რეაქციის შესახებ საუბრობდა. ბრძოლის შემდეგ ისლამს გამარჯვება მივულოცე. ასევე მივულოცე ჩემს სოციალურ ქსელებში.    მინდა კიდევ ერთხელ განვმარტო: მომწონს ისლამ მახაჩევი. ვფიქრობ, რომ ის დიდი და თავმდაბალი ჩემპიონია. პატივს ვცემ ამ სპორტსმენის კარიერაში ჩადებულ ყველა შრომას, მახაჩევის მიმართ მხოლოდ პატივისცემა მაქვს.   მაგრამ როდესაც მისმა გუნდმა რუსეთის დროშა ოქტაგონზე შემოიტანა, გავბრაზდი. ასე იმიტომ მოვიქეცი, რომ, პირველ რიგში, UFC-ის ტიტულისთვის ხუთივე ბრძოლის დროს, არასდროს მომეცა უფლება, ოქტაგონზე ჩემი ქართული ან ამერიკული დროშა შემეტანა.   მეორე მიზეზი ჩემთვის, ეს ძალიან პირადულია იმის გამო, რაც რუსულმა პოლიტიკამ და რუსეთის მთავრობამ გაუკეთა ჩემს ქვეყანას. რუსეთს საქართველოს დაახლოებით 20% აქვს ოკუპირებული და ჩემი ქართველი ხალხის წინააღმდეგ ომის, ოკუპაციისა და ტანჯვის ისტორია არსებობს. რუსეთი ასევე პასუხისმგებელია ჩეჩნეთში საშინელ ძალადობაზე და ისინი დღესაც კლავენ ხალხს უკრაინაში. ასევე მინდა ერთი რამ ძალიან ნათლად განვაცხადო: მე არ მძულს რუსი ხალხი. მე მძულს რუსული პოლიტიკა და რუსეთის მთავრობა. ჩემი პრობლემა მთავრობასა და მის ქმედებებშია და არა ჩვეულებრივ რუს ხალხში.   ჩემთვის, კავკასიის ხალხს - დაღესტანს, ჩეჩნეთს, ინგუშეთს და რეგიონის სხვა ნაწილებს - აქვთ საკუთარი იდენტობა, კულტურა და ისტორია. მე პატივს ვცემ კავკასიელ ხალხს. ასე რომ, კიდევ ერთხელ გავიმეორებ, ეს არასდროს ეხებოდა პირადად ისლამს.   და ბოლოს, რაც მინდა ვთქვა, არის ის, რომ რუსული მედია მუდმივად მისვამს პროვოკაციულ კითხვებს და ისინი არასდროს თარგმნიან ამ ვიდეოს გულწრფელად ან აჩვენებენ იმას, რასაც სინამდვილეში ვამბობ, რადგან ის არ შეესაბამება იმ ნარატივს, რომლის შექმნაც მათ სურთ.   რეალობა ისაა, რომ რუსეთის მთავრობა დიქტატორული და კორუმპირებულია. არ არსებობს სიტყვის თავისუფლება და თუ რუსეთში რამეს აპროტესტებ, ციხეში მიდიხარ. ეს არის ფაქტები", - თქვა დვალიშვილმა.

ეეჰ, რევაზ, რევააზზ?

აფხაზეთი და სამაჩაბლო! მაშინ რუსეთი კი არ უნდა ლანძღოთ და უარესად გადაიკიდოთ, არამედ დიპლომატიურად უნდა მიუდგეთ, რადგანაც მის ხელშია ამ ჩვენი ორი ტერიტორიების დაბრუნების "გასაღები"! ევრო კავშირის იმედი კი ნუ გექნებათ, რადგანაც მათ სულ ცალ ფეხზე კიდიათ ჩვენი რეგიონები. ზოგიერთებს "პატრიოტობა" გონიათ რუსეთის ლანძღვა და გინება და იმასაც ვერ ხვდებიან, რო ამით უფრო ცუდ საქმეს ვუკეთებთ საქართველოს!
.

არ ვიცი,ეს განცხადება თვითონ მერაბმა დაწერა თუ დაეხმარნენ,მაგრამ სწორედ ისაა,რაც უნდა ეთქვა და ძალიან გამიხარდება,ეს პირადად მისი სიტყვები თუ არის.
რევაზი

ეჰ, მართლა, კობა, კობა!!! რატომ გწყინთ ხოლმე რუსეთზე აუგი, რა გჭირთ ასეთი? რა არის არამკითხაობა, ქართველ კაცს რუსეთი რომ მტრად მიგაჩნდეს? შენი არ არის აფხაზეთი და ცხინვალი? რამ დაგაცრუპრაგმატულად ასე?
კობა

ეჰ, მერაბ, მერაბ!!!..."არამკითხე მოამბეო მიტყეპე და მიაგდეო"!!!....
რუსი რუსია!

მახიჩევი რუდო არაა ამიტომაა სამარვხვინო ოკუპსნტის დროშას რომ ეთაყვანება.
ბორინკა

გაუმარჯოს მერაბ დვალიშვილს პატრიოტ ჯიგარი კაცს
Gogi

ყოჩაღ მერაბ, კარგი განცხადებაა!

როდის იქნება თოფურია ბრძოლისთვის მზად და დაუბრუნდება ოქტაგონს - ქართველს გეიჯისთან რემატჩი სურს

"ცხვირს გაგიტეხ!" - მესამე ბრძოლის წინ იანი დვალიშვილს დაემუქრა

[VIDEO] ნურმაგომედოვი, რომელსაც დვალიშვილთან რემატჩი სურდა, ნოკაუტით დამარცხდა

"ნეიტრალური, მშვიდი ადგილი გვინდა" - დევისი და სმოლკინი ქორწილის გადახდას საქართველოში გეგმავენ

ალიადერი: კვარაცხელია "არსენალისთვის" ფანტასტიკური შენაძენი იქნებოდა

ლიბერთი, ბაზისბანკ ჯგუფის წევრი GNPF Youth Open ტურნირის მხარდამჭერია

"შავი ლომი" | 28 მორაგბით ინგლისში

"ტოტენჰემთან" მატჩში გიორგი მამარდაშვილი სასტარტოშია

ლევან კობიაშვილმა უეფას აღმასრულებელი კომიტეტის მუშაობაში მიიღო მონაწილეობა

15-ქალა რაგბი ევროპის ალაფაზე აღზევდა

იკარდი შესაძლოა, სერია A-ს დაუბრუნდეს

"მეგონა, კარიერას "სიტიში" დავასრულებდი" - როდრი მანჩესტერული გუნდის დატოვების მიზეზზე

ოფიციალურად: კოუტინიო "სანტოსის" ფეხბურთელია

განშორება უკვე ზამთარში? - პსჟ-ში ზაბარნის თამაშით უკმაყოფილონი არიან

უკრაინელებს საქართველოსთან მატჩში შესაძლოა, მუდრიკთან ერთად დოვბიკიც ვერ დაეხმაროს

ისევ ნაკრებში იქნება - კაშია ვილი სანიოლის ერთ-ერთ ასისტენტად იმუშავებს

[VIDEO] ლაშა გუჯეჯიანი უზბეკეთის ნაკრების მთავარ მწვრთნელად დანიშნეს

კვარაცხელიას ყოფილმა მწვრთნელმა იური სიომინმა "ოქროს ბურთისთვის" ბრძოლაში თავისი ფავორიტები დაასახელა

არველაძე გამოირიცხა? - "ტრაბზონსპორს" მთავარი მწვრთნელის პოსტზე სხვა ფავორიტი ჰყავს

ქართველმა მსაჯებმა უეფას წინასასეზონო შეკრებაში მიიღეს მონაწილეობა

საკალათბურთო სეზონი დუდუ დადიანის მემორიალით, რუსთავში გაიხსნება

აბუაშვილი შეცვალეს - "მეცი" "რედ სტართან" დამარცხდა

მიქაუტაძის "ვილიარეალი" სახლში "ბეტისთან" დამარცხდა და მე-18 ადგილზეა

"ეს რა უბედურება იყო? ასეთი რაღაცები მაგიჟებს" - დენა უაითი

"მახაჩევი რონალდოს ძალიან ჰგავს, ოღონდ არა სექსუალური ორიენტაციით" - ოლეგ ტაქტაროვი

"ცხვირს გაგიტეხ!" - მესამე ბრძოლის წინ იანი დვალიშვილს დაემუქრა

ოფიციალურად: მერაბ დვალიშვილი სუპერმსუბუქი წონის ქამრისთვის პიოტრ იანს დაუპირისპირდება

"საბოლოოდ გაგაჩუმებს" - დვალიშვილმა ოქტაგონზე რუსეთის დროშის გამოჩენაზე უკმაყოფილება გამოხატა და მას პასუხი მახაჩევმა გასცა

[VIDEO] ცუკერბერგის მეუღლე ქმრის დანახვისას გაოცებული დარჩა - მერაბ დვალიშვილი Facebook-ის დამფუძნებელს დაუპირისპირდა

"ეს სიგიჟეა, მახაჩევისთვის ამის უფლება არ უნდა მიეცათ" - მერაბ დვალიშვილი

[VIDEO] მახაჩევმა ქამარი დაიცვა - ისლამმა იან მაჩადო გარი დაამარცხა

"ვინც ხმას აიმაღლებს, დამდაბლდება" - ისლამ მახაჩევი ილია თოფურიას მარცხს გამოეხმაურა

[VIDEO] დვალიშვილი სეხუდოსთან 35 წამში დამარცხდა