<p>ზოგჯერ ადამიანის შესახებ ყველაზე საინტერესო ის კი არ არის, რა მოიგო, არამედ ის, რისი გადალახვა მოუწია, სანამ გამარჯვებას მოიპოვებდა. სპორტის ისტორია საბოლოო ანგარიშებსა და ტიტულებს ინახავს, თუმცა მათ მიღმა ყოველთვის რჩება უხილავი გზა, სადაც ეჭვი, მარცხი, შიში და საკუთარ თავთან ბრძოლა ერთმანეთს ენაცვლება.</p> <p> </p> <p>ლუკა მოდრიჩის კარიერას დღეს ტიტულების ჩამონათვალიც საკმარისად კარგად აღწერს. ჩემპიონთა ლიგის ექვსი თასი, მსოფლიო ჩემპიონატის ფინალი, ოქროს ბურთი და მადრიდის "რეალში" გატარებული წლები უკვე იმ მემკვიდრეობის ნაწილია, რომელიც ფეხბურთის ისტორიაში დარჩება. თუმცა ეს ყველაფერი მხოლოდ მაშინ იძენს ნამდვილ მნიშვნელობას, როდესაც გვახსენდება, საიდან დაიწყო მისი გზა.</p> <p> </p> <p>სწორედ აქ ჩნდება ერთი საინტერესო დეტალი. ფეხბურთის ერთ-ერთი ყველაზე წარმატებული ნახევარმცველის საყვარელი წიგნი ანდრე აგასის "<strong>Open</strong>" არის. ერთი შეხედვით, უცნაური არჩევანია: ჩოგბურთელის ავტობიოგრაფია ფეხბურთელისთვის. თუმცა აგასის წიგნში მოთხრობილი ცხოვრება ბევრად სცდება სპორტის ფარგლებს. ის გვიყვება ადამიანზე, რომელიც დიდებასთან ერთად საკუთარ ეჭვებს, წნეხსა და შინაგან წინააღმდეგობებს ატარებდა. შესაძლოა, სწორედ ამაშია მათი ისტორიების მთავარი გადაკვეთის წერტილი. სანამ მსოფლიო მათ გამარჯვებებს დაინახავდა, ორივეს საკუთარი გზა ჰქონდა გასავლელი. ერთი ჩოგბურთის კორტიდან მოვიდა, მეორე ფეხბურთის მოედნიდან, მაგრამ ორივეს შემთხვევაში ყველაზე საინტერესო ამბავი იმ დროს იწერებოდა, როდესაც ჯერ კიდევ არავინ იცოდა, სადამდე მიიყვანდათ ეს გზა. ამის გასაგებად მის კარიერას თავიდან უნდა შევხედოთ. არა იმ მოდრიჩს, რომელსაც დღეს ვიცნობთ, არამედ იმ პატარა ბიჭს, რომლის ბავშვობაშიც ფეხბურთი ჯერ კიდევ თამაში იყო, ომი კი უკვე რეალობა.</p> <p> </p> <p>ამის გასაგებად მის კარიერას თავიდან უნდა შევხედოთ. არა იმ ფეხბურთელს, რომელსაც დღეს მსოფლიოს უდიდესი სტადიონებიდან ვიცნობთ, არამედ პატარა ბიჭს, რომლის ბავშვობაც იმ დროს მიმდინარეობდა, როდესაც მის ქვეყანაში მშვიდობა უკვე ფაქტობრივად აღარ არსებობდა.</p> <p> </p> <p>ლუკა ზადარში დაიბადა, თუმცა ცხოვრების პირველი წლები ველებიტის მთების კალთებზე, ზატონ ობროვაჩკის შემადგენელ პატარა დასახლებაში, მოდრიჩიში გაატარა. იქ, ბაბუის ქვის სახლში, ოჯახთან ერთად ცხოვრობდა და ხშირად ბაბუასთან ატარებდა დროს. ხუთი წლის ასაკში უკვე თხებს მწყემსავდა. მისი ბავშვობა იმ დროს ჯერ კიდევ ჩვეულებრივი იყო, სოფელი, ოჯახი, ბაბუა და ფეხბურთი. ვერავინ წარმოიდგენდა, რამდენად მალე შეიცვლებოდა ეს ყველაფერი.</p> <p> </p> <p>1991 წელს ომმა ხორვატიას მიაღწია და მოდრიჩების ოჯახიც იძულებული გახდა, სახლს გასცლოდა. ლუკა მაშინ მხოლოდ ექვსი წლის იყო. იმავე წლის 18 დეკემბერს მისი ბაბუა, უფროსი ლუკა მოდრიჩი, რომელიც იმ დროს პირუტყვს მწყემსავდა, მოკლეს. ოჯახისთვის ეს უკვე ნიშნავდა, რომ უკან დაბრუნება აღარ იყო შესაძლებელი. სახლიც მოგვიანებით დაიწვა.</p> <p> </p> <p>ოჯახმა ჯერ მაკარსკის დევნილთა ბანაკს შეაფარა თავი, შემდეგ კი, 1992 წლის აპრილში, ზადარში გადავიდა. სასტუმრო "კოლოვარე", რომელიც ომის დროს დევნილთა დროებით თავშესაფრად იყო ქცეული, მათი ახალი სახლი გახდა. იქ ცხოვრობდნენ ადამიანები, რომლებმაც საკუთარი სახლები იმავე ომმა დაატოვებინა. მათ შორის იყო პატარა ლუკაც, რომელიც ბოლომდე ვერც კი აცნობიერებდა, რა ხდებოდა მის გარშემო. როგორც თავად მოგვიანებით ამბობდა, ბავშვები ცდილობდნენ, ჩვეულებრივი ცხოვრებით ეცხოვრათ, ხოლო მშობლები ომის სიმძიმისგან მათ დაცვას ცდილობდნენ.</p> <p> </p> <p>ზადარიც უსაფრთხო ადგილი არ ყოფილა. ქალაქი იბომბებოდა და საჰაერო განგაში ბავშვებისთვის ნაცნობ ხმაურად იქცა. მაგრამ ამ ყველაფრის პარალელურად არსებობდა ერთი რამ, რომელიც ლუკას უდიდეს ბედნიერებას ჰგვრიდა.</p> <p> </p> <p><img src="/media/uploads/2026/09-01/images-1788251398.jfif" alt="" width="383" height="440" /></p> <p> </p> <p>ლუკა სასტუმროს ავტოსადგომზე ფეხბურთს თამაშობდა. ხშირად სხვა ბავშვებთან ერთად, ზოგჯერ კი მარტო. იქაურობა საფეხბურთო მოედანს ნამდვილად არ ჰგავდა, მაგრამ გასართობად ეს ყველაფერი არც სჭირდებოდა. საკმარისი იყო ბურთი და ცოტა თავისუფალი ადგილი. როცა თამაშობდა, მის გარშემო არსებული სამყარო რამდენიმე საათით მაინც იცვლებოდა. ომი არსად გამქრალა, მაგრამ ბავშვობისთვის პატარა ადგილი ისევ რჩებოდა. თავადაც მოგვიანებით ამბობდა, რომ ფეხბურთი იმ წლებში მისთვის ომის რეალობისგან თავის დაღწევის საშუალება იყო.</p> <p> </p> <p>თუმცა ეს მხოლოდ გაქცევა არ ყოფილა. სწორედ ზადარში დაიწყო მისი ფეხბურთელად ჩამოყალიბება. 1992 წელს, სკოლაში შესვლის პარალელურად, სპორტულ აკადემიაშიც დაიწყო სიარული. ოჯახს ბევრი ფული არ ჰქონდა, მაგრამ მშობლები ცდილობდნენ, მისთვის ვარჯიშის შესაძლებლობა შეენარჩუნებინათ. ფეხბურთი ნელ-ნელა იმ საქმედ იქცა, რომელშიც სხვებიც ხედავდნენ რაღაც განსაკუთრებულს.</p> <p> </p> <p>მაშინ უკვე გამოჩნდა მისი პირველი დიდი წინააღმდეგობაც. მოდრიჩი პატარა და გამხდარი იყო და იმდროინდელი საფეხბურთო გარემო ხშირად დიდ მნიშვნელობას ანიჭებდა ფიზიკურ მონაცემებს. მოგვიანებით, როდესაც "ჰაიდუკ სპლიტში" გამოცდაზე მივიდა, მისი ფიზიკური აღნაგობა ერთ-ერთ მიზეზად დასახელდა, რის გამოც კლუბმა არ აიყვანა. ერთი შეხედვით, ეს კიდევ ერთი კარი იყო, რომელიც მის წინ დაიხურა. მაგრამ მის ისტორიაში ასეთი კარები ხშირად მხოლოდ მიმართულებას ცვლიდა.</p> <p> </p> <p>წლების შემდეგ, როცა მოდრიჩს მადრიდის "რეალის" მაისურით ვუყურებდით, ეს ყველაფერი უკვე შორეულ წარსულად ჩანდა, მაგრამ მის თამაშში იყო რაღაც, რაც იმ წლებიდან თითქოს შემორჩა: სიმშვიდე, მოთმინება და უნარი, ყველაზე რთულ მომენტშიც კი არ დაეკარგა კონტროლი. ფეხბურთი მისთვის ჯერ კიდევ ბავშვობაში იქცა იმ სივრცედ, სადაც გარემო შეიძლება შეცვლილიყო, მაგრამ თავად თამაშის გაგრძელება ყოველთვის შეიძლებოდა.</p>
"თუ ისინი გაიფიცებიან, ნახავთ როგორ გაათავისუფლებენ ინფანტინოს" - როტენმა მესის, რონალდოსა და მბაპეს მიმართა
"ეს კლუბისთვის შეუფერებელია" - ფერდინანდმა "ბაიერნი" გააკრიტიკა და მუსიალა დაიცვა
[VIDEO] ასეთ მესის ხშირად ვერ ნახავთ - არგენტინელი ძალიან გააბრაზეს
პსჟ მზადაა შევალიე ზამთრის სატრანსფერო ფანჯარაზე გაასხვისოს
ფლიკმა "ბარსელონას" ზამთრის სატრანსფერო ფანჯარაზე ორი ფეხბურთელის დამატება სთხოვა
VIDEO | ეროვნული ლიგა | დინამო (ბთ) 2-1 რუსთავი. ვისთვის გრძელდება, ვისთვის დასრულდა...
[VIDEO] პსჟ-ს უიღბლობას დასასრული არ უჩანს - კვარაცხელიას შემდეგ, როგორც ჩანს, დუეც მძიმედ დაშავდა
[VIDEO] პირველი მარცხი UFC-ში - ალექსანდრე თოფურია სანტიაგო ლუნასთან დამარცხდა
წიტაიშვილი სასტარტოში და "რაიო ვალეკანოს" მარცხი "ვალენსიასთან"
ქვილითაია შეცვლაზე შევიდა - "ჰოლშტაინმა" ისევ წააგო
VIDEO | ეროვნული ლიგა | სამგურალი 0-1 იბერია 1999. ლიდერი სათავეში რჩება, თუმცა...
"ასეთი თავდადებული ხალხი არასდროს მინახავს" - მატამ იაპონიაში მომხდარი დაუვიწყარი ისტორია მოჰყვა
[VIDEO] მოურინიომ რონალდოს შესახებ დასმულ კითხვაზე საუბარი არ ისურვა და პრესკონფერენცია დატოვა
ახალი კონტრაქტი ბრაჰიმ დიასს - მაროკოელი "რეალში" კიდევ დიდხანს დარჩება
ყველაზე ცუდი შედეგი 2004/05 წლების სეზონის შემდეგ - "ბაიერნმა" 2 ქულასთან ერთად, 2 ლიდერიც დაკარგა
ჭიკაძე UFC-ში აღარ იჩხუბებს - საქართველოს ამ ორგანიზაციაში 6 სპორტსმენი დარჩა
"საქართველოს ნაკრების დამარცხების შანსი გვაქვს" - რა თქვა ფარერების მწვრთნელმა წილისყრის შემდეგ
საქმეში კაკაც ჩართეს - "მილანი" ენდრიკის დამატებასთან უკვე ძალიან ახლოსაა
[VIDEOS] სანდროს ორმაგ დუბლამდე ცოტა დააკლდა - "ლეიკერსმა" "საკრამენტო", "ორლანდომ" კი "ბრუკლინი" დაამარცხა
გარდაიცვალა ცნობილი, ვეტერანი ფეხბურთელი გოჩა მაჩაიძე
ლოჩოშვილი "ბაიერნთან" წარმატებულად დაბრუნდა - "კიოლნმა" მიუნხენიდან ქულა წაიღო, თუმცა მოგებაც შეეძლო
აბუაშვილი შეცვლაზე შევიდა - "მეცმა" "ბულონს" მოუგო
"თუ ისინი გაიფიცებიან, ნახავთ როგორ გაათავისუფლებენ ინფანტინოს" - როტენმა მესის, რონალდოსა და მბაპეს მიმართა
ლუკას კიდევ 1 წლით ვნახავთ? - მოდრიჩი შესაძლოა, "მილანში" დარჩეს
"ნაკრებიდან უნიკალური ფეხბურთელი წავიდა" - მოდრიჩი მესის არგენტინის ნაკრებში კარიერის დასასრულზე
"ჩემი ხანგრძლივი კარიერის მიზეზი ეს არის" - ლუკა მოდრიჩი
ლუკასთვის ასაკი მხოლოდ ციფრებია - მოდრიჩი "მილანშიც" რჩება და ბილიჩთან ერთად ხორვატიის ნაკრებშიც იქნება
"ჩემი ოცნება "მილანთან" ერთად რაიმეს მოგება იყო" - მოდრიჩმა "როსონერიში" თავის მისიაზე ისაუბრა
მოდრიჩის ბოლო ტურნირი - ლუკა მუნდიალის შემდეგ ბუცებს ლურსმანზე ჩამოკიდებს, მაგრამ ფეხბურთში დარჩება