დუდუ დადიანის მემორიალი კსუ-კავკასიამ მეორედ მოიგო

დუდუ დადიანის რიგით 25-ე გათამაშების ჩემპიონი კავკასიის საერთაშორისო უნივერსიტეტის გუნდია. კსუ-კავკასიამ ფინალურ მატჩში ტურნირის წინა ორი გათამაშების გამარჯვებული “თელავი” დაამარცხა და არსებობის ისტორიაში აღნიშნულ ტიტულს მეორედ დაეუფლა. პირველად კავკასიელებმა დადიანის მემორიალური ტურნირი 2022 წელს მოიგეს, როცა ფინალში თსუ 66:54 დაამარცხეს.   ამჯერად ბექა წივწივაძის გაწვრთნილმა გუნდმა თელავს 102:82 მოუგო. გია კაზანჯიანის გაწვრთნილმა თელაველებმა კსუ-ს სათანადო წინააღმდეგობა ვერ გაუწიეს. იყო მომენტები, როცა თელავი ჩამორჩენას ამცირებდა, თუმცა დაბალანსებული შემადგენლობის ხარჯზე კავკასიელები ხელჩასაჭიდ უპირატესობას მალევე იბრუნებდნენ და ფაქტობრივად თამაში ისე დასრულდა, მოედანზე ვითარება არ დაძაბულა.   შეხვედრა კსუ-ს უპირატესობით დაიწყო და პირველი მეოთხედი კავკასიელებმა 27:21 მოიგეს, ხოლო მეორე პერიოდში ლიდერობა კიდევ უფრო განამტკიცეს (23:17) და დიდ შესვენებაზე 12-ქულიანი ჰანდიკაპით გავიდნენ. მესამე ათწუთეულში ბექა წივწივაძის გუნდმა შეტევაში შედეგიანობას უმატა, სეგმენტი 29:23 მოიგო და მატჩის ბედი ფაქტობრივად გადაწყვიტა, ხოლო დასკვნით მეოთხედში (23:21) თამაში მშვიდად მიიყვანა გამარჯვებამდე.   გამარჯვებულ გუნდს 19-19 ქულით ჯასტინ ფორესტი (19 ქულა) და სანდრო სანაძე (19 ქულა, 8 პასი) ლიდერობდნენ, 18 ქულა დააგროვა გიორგი ტურძილაძემ, შამარ რაითმა შეხვედრა 13 ქულითა და 9 მოხსნით დაასრულა, ხოლო გეგი ბაქრაძემ და ლუკა მაზიაშვილმა გუნდს 10-10 ქულა შესძინეს. “თელავის” შემადგენლობაში საუკეთესოები იყვნენ კაილერ ვანდერჯაგტი, რომელმაც 25 ქულა დააგროვა, და გიორგი კობახიძე 22 ქულით.   ტურნირზე დაწესებული იყო საუკეთესო მოთამაშის პრიზი, რომელიც კსუ-ს უკანახაზელ სანდრო სანაძეს გადაეცა. ტურნირის MVP-ი პრიზით კალათბურთის ეროვნული ფედერაციის საშეჯიბრო დეპარტამენტის უფროსის მოადგილემ, გიორგი ჯაფარიძემ დააჯილდოვა.   ჩემპიონთა კაპიტანს, აკაკი დვალიშვილს საჩემპიონო თასი დუდუ დადიანის ძმისშვილებმა — სანდრომ და ნიტამ გადასცეს.   აღნიშნულ გათამაშებაში, ტურნირის ისტორიაში პირველად, მე-3 ადგილის მფლობელიც გამოვლინდა, რომელიც ტურნირის მასპინძელი რუსთავი გახდა. ქვემოქართლელებმა მესამე ადგილისთვის მატჩში “ახალციხე” 97:70 გაანადგურეს.   GBF

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

ახალციხემ სუპერლიგაში პირველი გამარჯვება გორის ივერიონთან მოიპოვა

რუსთავის გამარჯვება ბოლოსწინა წამზე | ჯეიდენ, შენ ხარ კინგი!

"ბორჯღალოსნები" | მსოფლიო რაგბის ერთა თასისთვის მზადება დაიწყო

ფიბა-ს ქართველი მსაჯებისა და კომისრის ევროგრაფიკი ცნობილია

"ბოლო 7-8 წელია რონალდო სათანადო დონეს ვეღარ აჩვენებს" - ტენ ჰაგმა კრიშტიანოზე ისაუბრა

U16 | საქართველო 0:1 რუმინეთი

ლოჩოშვილმა ისევ ვერ ითამაშა - "კიოლნი" "უნიონს" დაუზავდა

[VIDEO] გულიაშვილმა "რეალის" წინააღმდეგ ითამაშა - "რასინგი" დამარცხდა

[VIDEO] 18 წლის ხარებაშვილის ორი საგოლე პასი თურქეთის სუპერლიგაში

0:9 - იეგოიანის "ექსელსიორი" "ტვეტნესთან" განადგურდა

[VIDEO] კვერნაძის საგოლე პასი - "ფროზინონე" წინ მიიწევს

[VIDEO] სათადარიგო საზონოვი და ქოჩორაშვილი შეცვლაზე - "ხეტაფემ" "სევილიას" მოუგო

ქვილითაია შეცვალეს - "ჰოლშტაინი" "გროიტერ ფიურტთან" დამარცხდა

ორგზის მსოფლიო ჩემპიონი "ბორჯღალოსნებში"

არაგონესის მაჩვენებელს გაუთანაბრდა - სიმეონე 1 მოგების შემდეგ, ლა ლიგაში ყველა დროის რეკორდსმენი გახდება

ბოდიშის მოხდა მოუწია - კარაგერმა თქვა, რომ მისი სიტყვები არასწორად გაიგეს

100-იანთა კლუბში - ფლიკზე სწრაფად ეს მხოლოდ ლუის ენრიკემ შეძლო

კერიკს "მანჩესტერ იუნაიტედიდან" ჯერ არ უშვებენ და ბოლო შანსს აძლევენ

უკრაინელმა ჟურნალისტმა "ოქროს ბურთის" ტოპ 10-ში მბაპე არ შეიყვანა და მიზეზი ახსნა - რომელ ადგილზე გაიყვანა მან კვარაცხელია

იყიდიან კვარაცხელიას შემცვლელს? - პსჟ-ში ერთი ვარიანტი უკვე გამოირიცხა

[VIDEO] ვანდამ გავრცელებული თამამი ვიდეოთი გამომწერები აღაფრთოვანა, იკარდის კი დასცინა

[VIDEO] როცა მეუღლე გაკვირდება და გამომწვევად ჩაცმულ მშვენიერ გოგონას ვერ უყურებ - საბინამ ჩეხ მწვრთნელს მძიმე წუთები გამოატარა