ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა

საქართველოს საკალათბურთო სუპერლიგის 2026-2027 წლების სეზონი ნამდვილი ტრილერით გაიხსნა. ბათუმის სპორტის სასახლეში ერთმანეთს ბოლო ორი სეზონის ჩემპიონები და პრინციპული მეტოქეები შეხვდნენ — მოქმედი ჩემპიონი &bdquo;ბათუმი“ და 2025 წლის საჩემპიონო ტიტულის მფლობელი &bdquo;ქუთაისი“. გასულ სეზონში სწორედ ბათუმელებმა გამოთიშეს ქუთაისელები ნახევარფინალიდან, რის შემდეგაც ოქროს მედლებს დაეუფლნენ. მიმდინარე სეზონის სტარტზე &bdquo;ბათუმმა“ სუპერთასის ფინალი თსუ-სთან დათმო, ხოლო  სუპერლიგის პირველივე ტურში უმძიმესი გამოცდა ელოდა. საბოლოოდ, დააბულ და დრამატულ ბრძოლაში ბათუმელებმა 80:77 იმარჯვეს.   შეხვედრა მასპინძელთა შთამბეჭდავი უპირატესობით დაიწყო. ბათუმელებმა პირველი მეოთხედი 26:14 მოიგეს, თუმცა ქუთაისელებმა მეორე პერიოდში (26:13) თამაშის გარდატეხა შეძლეს და შესვენებაზე ლიდერის სტატუსითაც გავიდნენ. მატჩის ბოლო 4 წუთი ქულა-ქულაზე ბრძოლაში წარიმართა. შეხვედრის დასრულებამდე 1:59 წუთით ადრე ლუკა ალავიძის ორქულიანით &bdquo;ქუთაისი“ 71:68 დაწინაურდა. ამის შემდეგ ინიციატივა ბათუმელებმა აიღეს: კარსონ ბაშამის ეფექტურ წამატებას გიორგი ოჩხიკიძის შედეგიანი შეტევები მოჰყვა, ხოლო საფინალო სირენამდე 39 წამით ადრე ბაშამის მორიგმა ჩაგდებულმა ბურთმა &bdquo;ბათუმი“ წინ გაიყვანა (74:73).   მატჩის ბოლო 20 წამი ტაქტიკური ჯარიმების მარათონად იქცა. ქუთაისელები დროს აჩერებდნენ და მეტოქეს საჯარიმოს ხაზზე გზავნიდნენ, თუმცა ბათუმელთა უკანახაზელებმა — უორენ მოუგანდამ და განსაკუთრებით გიორგი ოჩხიკიძემ (რომელმაც თამაშში 7-იდან 7 საჯარიმო ჩააგდო) — ნერვების წნეხს სრულად გაუძლეს. საფინალო სირენამდე 2 წამით ადრე, 80:77 ანგარიშზე, &bdquo;ქუთაისის“ ფორვარდმა ლევან გოგიჩაიშვილმა პერიმეტრიდან სამქულიანი ისროლა, თუმცა ბურთი მიზანს ასცდა და მოქმედმა ჩემპიონმა სეზონი უმნიშვნელოვანესი გამარჯვებით დაიწყო.   გამარჯვებულთა შემადგენლობაში საუკეთესოები გიორგი ოჩხიკიძე (23 ქულა, 8 პასი), კარსონ ბაშამი (18 ქულა, 14 მოხსნა, 4 დაფარება) და დავით ლომიძე (16 ქულა, 7 მოხსნა) იყვნენ, ხოლო &bdquo;ქუთაისიდან“ ლუკა ალავიძე (15 ქულა), ანზორ ნადირაძე (14 ქულა, 9 მოხსნა) და მაიკლ ფრეზიერი (10 ქულა, 8 მოხსნა) გამოირჩნენ.   სუპერლიგის სადებიუტო ტური უქმეებზე დარჩენილი 4 შეხვედრით გაგრძელდება, სადაც &bdquo;ახალციხის“ დასვენების ფონზე, 3 ოქტომბერს დიღმის არენაზე &bdquo;თსუ“ &bdquo;რუსთავს“ (16:30) უმასპინძლებს, ხოლო გორში &bdquo;ივერიონი“ &bdquo;მარგვეთს“ (19:00) შეხვდება; 4 ოქტომბერს კი დიღმის არენაზე &bdquo;კსუ კავკასია“ &bdquo;ბლექ ფორტრესს“ (14:00) დაუპირისპირდება, ტური კი თელავში, ადგილობრივი &bdquo;თელავისა“ და &bdquo;ორბის“ (16:00) მატჩით დასრულდება.   GBF

კსუ-კავკასიამ ივერიონი დაამარცხა და სუპერლიგას დაუმარცხებლად ლიდერობს

გაფრინდაშვილის გმირობა და რუსთავის ზედიზედ მე-4 გამარჯვება

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

ბითაძის დაცვითი სამუშაო და "ორლანდოს" ზედიზედ მეორე მოგება იუტაში

შერმადინის 13 ქულა და "ტენერიფეს" გამარჯვება შიაულიაიში

მარკის რიდის "ბაჰჩეშეჰირის" უძლიერესი თამაში და იოლი გამარჯვება ევროთასზე

მაურიდეს როკე ჯუნიორს ფინეთში წარმატებული ოპერაცია ჩაუტარდა

"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს

შეკრების მესამე დღე | ნაკრებმა 23 ფეხბურთელით ივარჯიშა

U17 | საქართველო 0:0 ავსტრია

[VIDEO] ვრცელდება კადრები, სადაც ჩანს როგორ დაესხა თავს უმარ ნურმაგომედოვი და მისი გარემოცვა უკნიდან მერაბ დვალიშვილს

[VIDEO] არასპორტული და ლაჩრული საქციელი - უსმან ნურმაგომედოვი მერაბ დვალიშვილს უკნიდან თავს დაესხა

40 წლის ნოიერი კარიერას ჯერ არ დაასრულებს

უკრაინელი ფეხბურთელი შეიძლება "ბრენტფორდიდან" "ტრაპზონსპორში" გადავიდეს

იამალმა პიკეს და შაკირას ყოფილი სახლი 11 მილიონად შეიძინა

ქართველი მსაჯები და კომისარი FIBA-ს მორიგ სანაკრებო მატჩებზე

შეთანხმება მიღწეულია - პოჩეტინო დიდი ალბათობით, "მანჩესტერ იუნაიტედს" ჩაიბარებს

"ასე ჩემპიონთა ლიგის მოგება ძალიან გაუჭირდებათ" - კროოსმა "ბარსელონაზე" ისაუბრა

"19 წლის იამალი თავის ასაკში მესისა და რონალდოზე ძლიერია" - სტივენ ჯერარდი

"ასეთი რაღაცების გაკეთება არ შემიძლია" - ბელინგემმა საკუთარ უნარებზე ისაუბრა

არ გაჩერების კულტურა კალათბურთში - საქართველოს ბანკი კალათბურთის ეროვნული ნაკრების გენერალური სპონსორია

"ამჟამად "რეალი" უფრო ძლიერია, ვიდრე პსჟ" - მარკ კუკურელია

უნგრეთამდე: თანამედროვე ფეხბურთის თამაში და სიყვარულის გაფრთხილება